Kozakad

Kozakad (ven.: казаки, ukr.: козаки, pol'š.: kozacy) oliba eziauguižešti ukrainalaižiden etnografine grupp, möhemba Venäman imperijan ripmatoman azektud ristitišton ühthine nimituz segoitadud etniženke augotižlibundanke da ičeze kul'turan järgendusenke.

Казачье семейство. Цимлянская станица. 1875-1876
Kozakoiden kanz Cimlänskaspäi (1875−1876).

Ühthižed andmused

Nügüd'aigaine oficialine ühthine lugumär om läz 67,5 tuhad ristituid (2010, Venälaine Federacii). Pagištas venäkelel penidenke dialektižidenke eriližusidenke.

Kozakad eliba repressijoiš i emigracijas läbi, nügüd'aigan lugetas alaetnosaks (vai erižeks rahvahaks). Elädas Venämas (suvipäivlaskmaižed regionad da Sibirin suvi tobjimalaz), Ukrainas, Kazahstanas da Pol'šanmas.

Valdkundaline služb

17.-18. voz'sadoil Venäman tobmuz tarbhaiči uskoližust da oiktad radnikoičendad kozakoišpäi, mi vastkaroiči heiden valdan el'gendusenke i vedi vasthalibundoile (Bolotnikov, Razin, Pugačov). Vn 1897 Venäman imperijan rahvahanlugemižen mödhe kozakoiden lugu oli 3 millionad.

Voinkundad Venämas

Kaik om 12 kozakoiden tipad/voinkundad Venämas:

  1. Amuralaižed kozakad‎ (ven.: Амурские казаки)
  2. Astrahanin kozakad‎ (Астраханские казаки)
  3. Baikalantagaižed kozakad‎ (Забайкальские казаки)
  4. Donan kozakad‎ (Донские казаки)
  5. Enisejalaižed kozakad‎ (Енисейские казаки)
  6. Kubanilaižed kozakad‎ (Кубанские казаки)
  7. Orenburgan kozakad‎ (Оренбургские казаки)
  8. Sibirilaižed kozakad (Сибирские казаки)
  9. Tereklaižed kozakad (Терские казаки)
  10. Uraližed kozakad (Уральские казаки)
  11. Ussurilaižed kozakad (Уссурийские казаки)
  12. Volgan kozakad‎ (Волжские казаки)
Abinsk

Abinsk (ven.: Аби́нск) om Venäman lidn da lidnankund Krasnodaran randan päivlaskmas. Se om Abinskan rajonan administrativine keskuz.

Anap

Anap (ven.: Анапа) om Venäman lidn-kurort da meriport Krasnodaran randan päivlaskmas, sodahoštusen lidn. Se om randan kahesanz' lidn eläjiden lugun mödhe, Anapan lidnümbrikon administrativine keskuz, mülüb sihe.

Dahno Vladimir

Vladimir Avksent'jevič Dahno (ukr.: Володимир Авксентійович Дахно, ven.: Владимир Авксентьевич Дахно; sünd. 7. keväz'ku 1932, Zaporož'je, Ukrainan NST, NSTÜ — kol. 28. heinku 2006, Kijev, Ukrain) oli tetab nevondkundaline da ukrainalaine mul'tiplikator, režissör da kinotarinantegii. Sädi mul'tfil'mid (enamb 20), sidä kesken tetaban «Kozakad»-mul'tserialan tegii.

Karasun

Karasun (ven.: Карасун) om järviden čep' Krasnodaran pohjal. Aigemba Karasun oli jogeks. Se kändi Kubanin palaks paloin, järvikš paloin. 1870-nzil vozil kozakad sauvoškanziba dambid joges miše ehtatadas toižele randale. Manaluižed purtked jokstas järvihe.

Kaik om 15 järved. Ühthine Karasunan piduz om 45 kilometrad.

Kubanilaižed kozakad

Kubanilaižed kozakad (ven.: Кубанские казаки) oma venälaižen kozakišton pala Pohjoižel Kavkazal. Elädas Krasnodaran randas, Stavropolin randan, Adigejan da Karačajan-Čerkesijan päivlaskmaižes palas. Armijan štab sijadase Krasnodaras.

Sunž (lidn)

Sunž (ven.: Сунжа, inguš.: Шолжа-Пхье) om Venäman lidn da lidnümbrik Ingušetijan Tazovaldkundan pohjoižpäivnouzmas. Se om tazovaldkundan kahtenz' surtte lidn, mugažo Sunžan rajonan administrativižeks keskuseks (ei mülü sihe vspäi 2017).

Venäma

Venäma (venäkelel: Россия) vai Venälaine Federacii (lühetud nimi: VF, ven.: Российская Федерация), molembad nimitused oma oficialižed, om valdkund Päivnouzmaižes Evropas da Pohjoižes Azijas.

Venäman pälidn da kaikiš suremb lidn om Moskv. Vl 2017 kaik oli 15 lidnad Venälaižes Federacijas, kudambiden eläjiden lugu oli enamb 1 mln eläjid: Moskv, Piter, Novosibirsk, Jekaterinburg, Alanovgorod (Alauz'lidn), Kazan', Čeläbinsk, Samar, Omsk, Rostov Donal, Uf, Krasnojarsk, Perm', Voronež, Volgograd.

Venäma om Man kaikiš suremb valdkund pindan mödhe — 17 098 246 km². Vl 2010 Venälaižen Federacijan eläjiden lugu oli 141 927 297 eläjad (9-nz' sija Mas). Valdkundaline kel' om venäkel', dai mugažo ičeze valdkundaližed keled oma 23 federacijan subjektoiš.

Venäma om Ühtenzoittud Rahvahiden Organizacijan, Ripmatomiden Valdkundoiden Ühtnendan, Evrazijan Ekonomižen Ühtištusen da toižiden organizacijoiden ühtnii.

Toižil kelil

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.