Union Eoropea

L'Union Eoropea (scursà UE o Ue) ła xe 'n union economega e poidega soranasional, che ła ciapa rento 28 stadi eoropei.

L'Union Eoropea ła ga creà on so marcà interno ugnoło grasie a łexi eoropee bone par tuti i stadi menbri, 'nte łe materie 'ndo che i menbri i ga vosù tratar. Łe poideghe de l'Ue łe vol segurar ła łibara sircołasion de parsone, beni, servisi, schei rento a 'l marcà ugnoło, emetar łexi in materea de justisia e dafari interni, mantegner poideghe comuni in materea de trafego, agricoltura, pesca e cresita rexonał e ła saldesa e ła cresita economega de i so menbri. L'Union Eoropea ła xe stà fondamentà co on longo iter de tratai tacà 'ntel 1957 co 'l Tratà de Roma, che ga fat nasar l'Ue co 'l nome de Comunità Economega Eoropea (CEE), altri tratai inportanti i xe stai el Tratà de Maastricht del 1992, che ga anca portà al nome de des e chel de Łisbon. Xe stà inventà on scheo eoropeo 'l eoro, che el vien doparà da 17 dei Stati menbri.

L'UE ła ga na superfixe de 4,475,757 km² e na popołasion de 513 mijoni de aneme. 'Ntel 2012 ła ga risevù el premio Nobel par ła paxe[1].

Union Eoropea
Flag of Europe
Global European Union

Stati

European Union borders
I confini esterni de l'Union Europea.

Da sénplese organizazion internazional, l'Union europea, inte'll corso dei anni, la ga gradualmente aquisìo numarose prerogative tìpeghe de na federazion, co'l progressìo trasferimento de poderi e de sovranità dai Stati menbri ai organismi comunitari. Malgrado questo, la se fonda tuta ora su tratai internazionai recepìi a livel interno da tuti i Stati menbri, e no la costituisse na entità polìtega unitaria.

El problema de la definizion de l'atual status zurìdego del'Union el xe sfossà, el 29 de otobre 2004, inte la firma, a Roma, del 'tratà che l'istituisse na Costituzion par l'Europa, comunamente conossùo cofà Costituzion europea. Tal testo el ribadisse la possibiità de na cooperazion inforçada par la promozion de iniziative de integrazion intra grupi de paesi, za prevista inte'l tratà de Amsterdam e inte quelo de Nizza.

Un novo tratà le giera stà domandà dal Consegio europeo traverso la Dicïarazion de Laeken dopoché el funzionament de le istituzion comuni, el xe atualmente ritegnùo inadato a la coesistença de ben 27 Stati membri, ogni un dei quai co dirito de veo in àree fondamentai de la polìtega comun.

El processo de ratìfega de la Costituzion el se ga interoto el 29 de Magio del 2005 co un referéndum popolar col qual el 54,7% de l'eletorà francese el ga cernìo de no sotoscrìvar el Tratà, pochi di drìo, el 1° de Zugno, anca la popolazion dei Paesi Bassi la se ga dicïarà contraria a l'introduzion del Tratà (col 61,1% dei voti). Seben che i 18 Stato menbri i gabia recepìo el documento, prevaletemente par vìa parlamentar, sta costituzion na la xe mai intrada in vigor. Dopo el "perìodo de riflession" durà di ani, la canceliera todesca Angela Merkel la ga deciso de rilançar el processo de riforma co la Dicïarazion de Berlin del 25 de Março del 2007, in ocasion dei 50 ani de l'Europa Unìa, col qual se esprimeva la volontà de desfar el gropo entro pochi mesi al fin de consentir la intrada in vigor de un novo tratà inte'l 2009, ano de le elezion del novo Parlamento Europeo.

Se ga svolto cussì soto la presidença todesca de l'Union el vèrtese de Bruxelles intra el 21 e el 23 de Zenaro del 2007 inte'l qual se xe rivai a un acordo sul novo tratà de riforma. L'acordo el recepisse gran parte de le inovazion contegnùe inte la Costituzion, anca se con calche modìfega par cavar el caràtare costituzional al testo e mecanismi par alguni paesi de "cïamarse fora" da polìteghe comuni.

Dopo la conclusion de la confarença intergoernatìa che la ga finalisà el novo testo, el novo "Tratà de Lisbona" el xe stà aprovà al Consegio Europeo del 18 e 19 de Otobre el firmà el 13 de Dicenbre dai Cavi de Stato e de Goerno. El Tratà el xe stà ratifegà da quasi tuti i Stati firmatari, prevalentemente par vìa parlamentar, inte'l corso del 2008. La mancada tarìfega da banda de l'Irlanda in sèvito a un apòsito referéndum confermatìo no la parmetarà, però, cofà inizialmente auspegà, de farlo intrar in vigor entro le elezion europee del 2009: un secondo referendum el xe infatti previsto in Irlanda entro el Noenbre del 2009.

Dicïarazion, convenzion, ati, tratai e acordi

In xeneral:

I ani in sèvito riportai i xe quei relativi a le date de firma dei ati: inte alguni casi queste le pol diferir, anca notevolmente, da quele de intrada in vigor dei stesi.

1950 Dichiarazione Schuman
1951 Tratà de Parise
1954 Tratà de Bruxelles
1955 Risoluzion de Messina
1957 Tratai de Roma
1965 Tratà de fusion
1970 Tratà de Lussenburgo
1983 Dicïarazion solene su l'Union europea
1985 Acordi de Schengen
1986 Ato Ùgnolo Europeo

1992 Tratà de Maastricht
1994 Conpromesso de Ioanina
1997 Dicïarazion su l'Union de l'Europa ocidental
1997 Tratà de Amsterdam
2001 Tratà de Nizza
2001 Dicïarazion de Laeken
2004 Costituzion europea
2007 Dicïarazion de Berlin
2007 Tratà de Lisbona

Istituzion

Le istituzione de la Union Eoropea le ze:

  • Comision Europea, che la detien el potere esecutivo;
  • Parlamento Europeo, che el divide el potere legislativo insieme col Consiglio dell'Unione europea;
  • Consiglio de l'Unione europea (o "Consiglio dei ministri"), che el divide el potere legislativo insieme col Parlamento;
  • Consiglio europeo, con funzion de indirizzo generale;
  • Corte di giustizia dell'Unione europea;
  • Corte dei conti europea;
  • Banca centrale europea.

Demografia

Popolasion

L'Union Eoropea conta con 510 milioni de abitanti, manco de 7% del'intera popolasion mondiale e la crese demograficamente de modo molto baso, sirca el 0.23% al'ano.

Léngoe

L'Union Eoropea contempla 24 léngoa ufisiae, léngoe parlate in almeno un dei stati membri (Anca se solo el Ingleze, el Franseze e manca parte el tódesco le ze usae come léngoe de laoro inté la Comision Eoropea).

Le sità pi grande

Pos . Sità Stato Popolasion
1 Londra Regno Unìo 8 615 246
2 Berlin Zermania 3 531 201
3 Madrì Spagna 3 141 991
4 Roma Italia 2 868 104
5 Parigi Fransia 2 273 305
6 Viena Austria 1 840 573
7 Bucarest Romania 1 803 425
8 Amburgo Zermania 1 751 775
9 Budapest Ungherìa 1 744 665
10 Varsavia Polónia 1 726 581

Notasión

  1. (EN)All Nobel Peace Prizes

łigami forèsti

Varda anca

1999

El 1999 (MCMXCIX en numari romani) el xe un an del XX secoło.

1° de genaro

El 1 de zenaro (o genaro) xè el 1° dì de l'ano secondo el całendario gregorian. Ghe manca 364 dì par ła fin de l'an (o 365 'nte i ani bixèsti).

2003

El 2003 (MMIII en numari romani) el xe un an del XXI secoło.

2005

El 2005 (MMV en numari romani) el xe un an del XXI secoło.

2007

El 2007 (MMVII en numari romani) el xe un an del XXI secoło.

2010

El 2010 (MMX en numari romani) el xe un an del XXI secoło.

2011

El 2011 (MMXI en numari romani) el xe un an del XXI secoło.

2012

El 2012 (MMXII en numari romani) el xe un ano bixèsto del XXI secoło.

2016

El 2016 (MMXVI en numari romani) el xe on an bixèsto del XXI secoło.

Croàsia

Ła Croasia ła xè 'no Stato de l'Europa çentral.Ła confina a nord co' ła Slovenia, a nord-est co' l'Ongaria, ad est co' ła Serbia, a sud co' ła Bosnia e Erzegovina e el Montenegro, mentre a ovest ła se sporxe sul Mar Adriatico e quindi confina co' l'Italia.

Ełesion eoropee

Łe ełesion eoropee, łe xé łe elesion pułiteghe che n'te l'Union eoropea łe serve a ełexare i menbri del Parlamento eoropeo. Łe ełesion eoropee le xe a sufrajo universałe e łe se fa ogni sincue ani.

El parlamento eoropeo ła xé l'unica istitusion eoropea a esar ełeta diretamente in maniera democratega: i 751 deputati che se senta, i vien ełeti in maniera direta dal popoło, dal 1979.

Na olta vudo el rixultà de łe elesion eoropee, el consejo eoropeo sielie el candidà par ła presidensa de ła comision eoropea, che el garà da ciaparse ła fidusa de ła majoransa del parlamento, se el candidà el ciapa ła majoransa el podarà far ła comision, se no, el consejo, el garà da seliere on altro candidà e ripetare la prosedura da cao.

Irlanda

Ła Irlanda (Éire en irlandexe, Ireland en inglexe), ufisialmente Republica del Irlanda, ła xe on stado ingaxià 'nte na republega, che ła ciapa rento 26 de łe 32 contee (5/6) del ixoa del Irlanda 'ntel Eoropa nord-osidental.

Ła confina a nordest co ła Irlanda del Nord, ke fa parte del Regno Unido.

Itałia

Ła Itałia, ufisialmente Republica Itałiana (in itałian Repubblica Italiana) ła xe on paéxe 'ntel Eoropa meridionał.

Ła confina a nordest co ła Slovenia, a nord co l'Austria e ła Svisera, a nordovest co ła Fransa. San Marin e el Stato de ła Sità del Vaticàn łe xe do enclave 'ntel paixe steso.

Provincia itałiana

En Itałia, ła provincia ła xe on ente locałe teritoriałe el cui teritorio el xe par estension inferior a queło deła Rejon (e conprexo in te na soła Rejon) e conprende el teritorio de pì comuni. Ła disiplina dełe Province ła xe contegnù ntel titoło V deła parte II deła Costitusion (artt. 114 ss.) e, oviamente, in fonti primarie e secondarie che atua el disposto costitusionałe. Trane quełe autonome, tute łe province łe fa parte de ł'Union dełe province d'Itałia (Upi).

Teritori e comunità da mar

I teritori e comunità da mar i xe teritori speciałi de serti Stati de l'Union Europea che donca in baxe al Tratato de Roma i ga un raporto speciałe co l' UE e pi precixamente co ła só sóto-parte che se ciama Comunità Europea. No i fa mìa del tuto parte de ła Comunità Europea ma no i è gnanca dei Stati del tuto autònomi: łe leji europee łe vien seguìe soło in parte co diverse ecesion a seconda dei caxi.

Groso modo i xe teritori speciałi de quatro Stati europei: Regno Unìo, Fransa, Danimarca e Regno dei Paéxi Basi.

Tratà de Bruxelles

El tratà de Bruxelles jera on pato de autodifexa coletiva firmà da Regno Unio, Fransa, Belgio, Paexi Basi e Lusenburgo el 17 de marso 1948. Sto tratà el xé vegnesto modifega poco dopo dai Ati Internasionali firmai a Parixe el 23 de otobre 1954, che le ga dato vita a l'Union Eoropea Osidentałe (UEO).

Tratà de Maastricht

El Tratà de Maastricht (conossùo anca cofà Tratà su de l'Union Europea, TUE) el xe stà firmà el 7 de febraro 1992, su de le rive de la Mosa, inte la citadela olandese de Maastricht, dai 12 paesi menbri de l'ora Comunità Europea, uncuò Union Europea e el xe intrà in vigora el 1 de noenbre del 1993.

Àustria

L'Àustria (in tedesco: Österreich), ofisilmente Repùblica de l'Àustria, ea xe na nasion de l'Europa Çentrałe.

Ła confina co: Svisara el Liechtenstein al ovest, Italia e Slovenia al sud, Ungarìa e Slovachia al est e Germania e Republica Ceca al nord.

Łéngue de l'Onion Eoropea

Al giòrno de uncuó le lengue uficiali de l'Union Europea le xe 23, in rapresentanza de 27 stati menbri.

(In parte a la lengua xe indicà el Stato che'l la gà domandà)

Ceco (Republica Ceca);

Danese (Danimarca);

Estone (Estonia);

Finnico (Finlandia);

Francese (Francia, Belgio, Lussenburgo);

Greco (Grecia, Zipro);

Inglese (Regno Unìo, Irlanda);

Italian (Italia);

Letone (Letonia);

Lituan (Lituania);

Maltexe (Malta);

Nederlandese o Neerlandese (Paesi Bassi, Fiandre (Belgio));

Polaco (Polonia);

Portoghese (Portogal);

Slovaco (Slovachia);

Sloven (Slovenia);

Spagnolo (Spagna);

Svedese (Svezia);

Tedesco (Germania, Austria, Lussenburgo, Alto Àdese/Südtirol (Italia), Belgio);

Ungherese (Ungheria);

Gaelico irlandese (Irlanda);

Bulgaro (Bulgaria);

Rumeno (Romania).

bandiera de l'Union Eoropea Union Eoropea
Flag of Austria.svg Àustria · Flag of Belgium (civil).svg Belgio · Flag of Bulgaria.svg Bulgaria · Flag of Cyprus (bordered).svg Sipro · Flag of Croatia.svg Croàsia · bandiera Danimarca · Flag of Estonia.svg Estonia · Flag of Finland.svg Finlandia · Flag of France.svg Fransa · Flag of Greece.svg Grecia · Flag of Ireland.svg Irlanda · bandiera Itałia · Flag of Latvia.svg Łetonia · Flag of Lithuania.svg Łituania · Flag of Luxembourg.svg Lusenburgo · Flag of Malta.svg Malta · Flag of the Netherlands.svg Paéxi Basi · Flag of Hungary.svg Ongarìa · Flag of Poland.svg Połonia · Flag of Portugal.svg Portogało · bandiera Regno Unìo · Flag of the Czech Republic.svg Republica Ceca · bandiera Romania · Flag of Slovakia.svg Slovachia · Flag of Slovenia.svg Slovenia · Flag of Spain.svg Spagna · Flag of Sweden.svg Svèsia · bandiera Xermania

Altre lengue

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.