Кун

Кун — мер улонэн кивалтӥсь политической форма, кудӥз публичной властьлэн кылдэменыз но уженыз сэрен кылдытӥське. Публичной власть ик — нимаз сӧзнэт, кудӥз мер улонлэн валтӥсь удысъёсыныз кивалтэ но кужмысь карон вылэ пыкъяське кулэ дыръя.

Кун лэсьтӥське территориальной принципъя бере, та кыл куддыръя умойтэм кутӥське «шаер» кыллэн синонимез выллем.

Кунъёслэн пӧртэм типъёссы вань — рабовладельческой, феодальной, капиталистической, социалистической; кивалтон амалъя — монархия (абсолютной но конституционной), республика (парламент но президент), совето республика; территориослы люкиськонъя — унитарной кун но федеративной кун. Али (южтолэзе 2015 аре) дуннеын 194 кун. Ватикан сяна ваньзы пыро Огазеяськем Нациослэн Организацизылэн кун-ёзчиосыз пӧлы.

Тодметъёсыз

Кунлэн валтӥсь тодметъёсыз:

  • Кун механизмез ӵош кылдытӥсь нимысьтыз ёзэсъёс (та механизмын нимаз интыез басьтэ эриктэманъя аппарат: армия, полиция но мукет сыӵеос). Мер улонлэн будэмез ысъя кун механизм ялан сложнойгес но ваёгес луэ.
  • Право вань — поведенилэн кунэн юнматэм одно ик правилоосыз. Кун, политической власть выллем, правоез уже кутыса юнматэ мер кусыпъёслэсь сётэм радзэс, тазьы ик кун механизмлэсь структуразэ но ужанрадзэ.
  • Кыӵе ке территория вань, кудӥзлэн гожъёсыныз та кун власть возиськылэ. Олокыӵе музъемез возьыса кун нациосты лэсьтылыны сэзь юрттӥз.

Пуштросэз

Кун — классовой мерлыклэн валтӥсь политической ёзэсэз, нош мукетъёсыз вань на. Бадӟым мерлыкын кунэн ӵош пӧртэм партиос, союзъёс, религиозной огазеяськонъёс ужало. Соос кунэн ӵош мерлыклэсь политической организацизэ кылдыто. Классовой мерлыклэн мукет политической институтъёсызлэсь пӧртэмъяськыса кун мерлыкын вылӥ властез возе. Та аслыкез суверенность яке асэрик шуыса нимаське.

Кун властьлэн мукет пӧртэмлыкъёсыз:

  • универсальность — солэн кузёяськись кужымез вӧлме сётэм шаерлэн быдэс калыкез но вань мер огазеяськонъёсыз вылэ.
  • прерогативаос — кун власть котькыӵе мукет мер властьлэсь ужзэ воштыны быгатэ.
  • кужмысь каронэз монополия — котькыӵе мукет мер властьлэн эриктэманлы сётэм амалъёсыз ӧвӧл, кудъёсыныз кун власть кузёяське.
Америкалэн Огазеяськем Штатъёсыз

38.895, -77.036667

Америкалэн огазеяськем штатъёсыз яке США (ӟуч кылын Соединённые штаты Америки, США, англи кылын United States of America яке USA) — Уйпал Америкаысь кун; солэн бускельёсыз: Канада но Мексика.

Англия

53, -1

Англия (англ. England) — Великобританилэн но Уйпал Ирландилэн Огазеяськем Королевствоязы пырись кун (королевство). Шаерлэн тужгес но бадӟымез административно-политической люкетэз. Англиын Великобританилэн калыкезлэсь 84 % улэ. Шоркарез — Лондон, Огазеяськем Королевствоысь самой бадӟымез кар.

927-тӥ арын Англия луиз куке но тушмонъяськем королевствоослэн огазеяськемзы. Солэн нимыз пӧрмемын англъёслэн нимзылэсь, соиз вашкала герман ӵыжы-выжы V—VI дауръёсын Великобритания шормуӵ вылэ вуэм.

Англия — англи кыллэн но Англикан черклэн вордӥськон интызы, англи законодательство дуннеысь трос кунъёслы сётӥз юридической системаослэсь инъетсэс; со сяна Лондон вал Британ империлэн шорсюлмыз, но шаерез луиз Промышленной революцилэн вордскем интыез.

Англи королевство, Уэльс княжество ӵошен, нимаз кун луэ вал 1-тӥ куартолэзёзь 1707-тӥ арозь, куке со Шотландиен огазеяськиз Великобритания королевство кылдытыса.

Великобритания

54.6, -2

Великобрита́ния (англ. Great Britain — «Быдӟым Британия») яке Огазеяськем Королевство (англ. United Kingdom, вакчияк англ. UK), быдэс нимыз — Великобританилэн но Уйпал Ирландилэн Огазеяськем Королевствозы (англ. The United Kingdom of Great Britain and Northern Ireland) — Европаысь шормуӵъёс вылын интыяськем бадӟым кун.

Шоркарез — Лондон, Европаысь туж бадӟым кар, дуннеысь бадӟым финансово-экономической центр. Великобританилэн тӧроез луэ монарх, нош кунэн зэм-зэм парламент кивалтэ. Огазеяськем Королевство люкиське ньыль люкетъёслы, кудъёсыз шаеръёс (англ. country) нимасько: Англия, Шотландия, Уэльс но Уйпал Ирландия.

Венгрия

47, 19

Ве́нгрия (венгр сямен Magyarország) — Европалэн шораз ик кыллись кун. Официальной нимыз Венгр Респу́блика (Magyar Köztársaság).

Германия

Герма́ния (нем. Deutschland) — Федераци Герма́ния Элькун (нем. Bundesrepublik Deutschland), ФРГ — Шор Европаысь кун. 2011-тӥ арын ортчытэм лыдъян-чотанъя, отын 80,2-лэсь уно улӥсьёсыз, территориез — 357 021 км². Та лыдпусъёсъя вераны луэ, Германия - Европаысь одӥгез бадӟымез кун шуыса. Дуннеын 16-тӥ инты басьтэ улӥсьёслэн лыдызъя но 61-тӥ - быдӟалаезъя. Шоркарез - Берлин. Кун кыл - немец. 64 пала процент улӥсьёсыз христианстволы оско.

Германия кылдэ 16 федераци музъемъёслэсь.

Кунысь кивалтон амал - парламентской элькун. 2005-тӥ арысен канцлерлэсь интызэ басьтэ Ангела Меркель (ХДС).

Германилэн бускельёсыз луо: уйпалан - Дания, шундыӝужан палан - Польша но Чехия, лымшорын - Австрия но Швейцария, Франция, Люксембург, Бельгия но Нидерланд - шундыпуксёнын.

Германия федераци элькун.

Грузия

Грузия — кун, шундыӝужан паласен шундыпуксён пала интыяське сьӧд зарезьлэн закавказье вудур люкетэз.

Иж

Иж кар (озьы ик Ижкар, Завод, ӟуч Ижевск) — Удмурт шаерлэн шоркарез. Интыяськемын Элькунлэн шораз — Ватка но Кам шуръёс вискын, Оӵ шур дурын.

Немец кыл

Неме́ц кыл (нем. Deutsch (инф.), [ˈdɔʏtʃ]; deutsche Sprache) — немецъёслэн, австриецъёслэн, лихтенштейнецъёслэн но тросэзлэн швейцарецъёслэн вераськон кылзы, Германиысь, Австриысь, Лихтенштейнысь кун кыл, одӥгез кун кылыз Швейцарилэн, Люксембурглэн но Бельгилэн. Дуннеен одӥгез тужгес вӧлмем кыл луэ китай, араб, хинди, англи, испан, бенгальской, португальской, ӟуч но япон кылъёс бере. Немец кыл — Европейской союзлэн одӥгез ужан кылыз.

Немец кыл пыре кылъёслэн индоевропейской семьяязы (герман вай). Гожъяськон пыкиське латин алфавит вылэ, 3 гласной букваос: ä, ö, ü - но эсцет лигатура (ß) йылтыса.

Официальной кыл

Официальной кыл — официальной документъёслэн, судъёслэн, кивалтӥсьёслэн официальной вераськонъёслэн кылзы. Куддыр сое озьы ик кун кыл шуо.

Польша

Поля́к Респу́блика (пол. Rzeczpospolita Polska [ʒɛʧpɔspɔˈlʲita ˈpɔlska]) - Шор Европаысь кун. Бускельёсыз - Россия, Литва, Белоруссия, Украина, Словакия, Чехия, Германия но Балтийской зарезь.

Россия

62, 100

Росси́я Федера́ция (ӟуч Российская Федерация; РФ) — Европаысь кун.

Турция

Турция яке Турок Республика.

Удмурт кун университет

Удмурт кун университе́т (вылӥ дышетсконни) (УдГУ, азьло Удмурт кун педагогической институт, ӟуч сямен Удмуртский государственный университет) 1931 арын кылдытэмын вал (1972 арозь Удмурт кун педагогия институт шуыса нимаськиз).

10 оштолэзе 1931 арын Удмурт кун педагогической институтлэн кылдэмез (УГПИ). 1958 арын УГПИ-ез куинетӥ категориысь кыкетӥ категорие выжто. Та дырысен аспирантура усьтӥське. 5 южтолэзе 1971 арын Удмурт кун педагогической институт Удмурт кун университет (вылӥ дышетсконни) нимаськыны кутске. Туннэ нуналлы Удмурт кун университет (вылӥ дышетсконни) – Удмуртиын тужгес но бадӟымез университет Вылӥ дышетсконни). Университетын (вылӥ дышетсконниын) 7 институт но 14 факультет, кытын 25 сюрс ятыр студентъёс дышетско но сюрс ятыр дышетӥсьес тыршо. Студентъёсты дышето куинь уровнея: бакалавриат, специалитет но магистратура. Университетлэн (вылӥ дышетсконнилэн) 7 корпусэз но 4 огъяулонниез вань.

Удмуртия

57.283333, 52.75

Удмуртия (Удмурт Республика, офиц. Удмурт Элькун, ӟуч Удмуртия, Удмуртская Республика) — Ӵукпал Европаын интыяськем кун (республика), Россия Федерациысь субъект. Приволжской федеральной округысь улосъёс пӧлы пыре.

Шаерлэн шоркарез луэ Иж кар.

Узбекистан

Узбекистан – Азиысь кун. Солэн бускельёсыз: Казахстан, Киргизия, Таджикистан, Афганистан но Туркмения. Узбекистанын улӥсьёслэн лыдзы – 25 563 441 адями (2002), музъемезлэн быдӟалаез – 447 400 км². Узбекистанлэн шоркарез – Ташкент.

Украина

49, 32

Украина — Европаысь кун. Ӝужан палан солэн Россиен огъя кунгожез, уйпалан Белоруссиен, пуксён палан Польшаен, Словакиен но Венгриен кунгожэз, Румыниен но Молдоваен кунгожез лымшор-пуксён палан. 1923-тӥ арысен 1991-тӥ арозь Украина вал КСРО-лэн совето элькунэз. Киев — Украиналэн тужгес но бадӟым карез но шоркарез.

Кун кыл — украин кыл.

Улӥсьёслэн лыдзы — 46 миллион адями.

Украиналэн историез кутске шунды ӝужан палась славянъёслэн политик историенызы. Украина 9 дауре вал ӵукнапал славянъёслэн шоркарзы но соослэн истори улоссылэн сюлэмыз. Киевын мытӥськиз Киевысь Русь, ӵукнапал славянъёслэн нырысетӥ кунзы.

Франция

Францу́з Респу́блика.

(фр. France, République Française)

Каръёс- Париж (фр. Paris)

- Марсель (фр. Marseille)

- Руан (фр. Rouen))

- Planoise (фр. Planoise)

Шаер

Шаер — кыӵе ке йӧскалык, климатической, культурной, исторической яке политической границаосын висъям музъем. Таизъя пӧртэмъясько климатической шаеръёс, культурной шаеръёс, исторической шаеръёс но политической шаеръёс. Берпум учырын шаер луыны быгатэ аслаз кун суверенитетэз улсын яке мукет кунлэн суверенитетэз улсын (колониос, автономиос).

«Шаер» но «кун» кылъёслэн валатонъёссы матысь ке но, соос таки пӧртэмъясько.

Шоркар

Шоркар – кар, кытын интыяськемын кунлэн (шаерлэн, улослэн) вылӥ кивалтӥсь органъёсыз.

Эстония

59, 26

Эстония (яке Эстон Республика) — Уйпал Европаысь кун. Солэн бускельёсыз: Россия но Латвия.

Эстониын улӥсьёслэн лыдзы — 1 332 893 адями (2005), музъемезлэн быдӟалаез — 45 226 км².

Эстонилэн шоркарез — Таллинн.

Мукет кылъёсын

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.