ఐరోపా సమాఖ్య

ఐరోపా సమాఖ్య (ఆంగ్లము: European Union యూరోపియన్ యూనియన్) ఐరోపాలో ఉన్న 28 సభ్యదేశాల రాజకీయ మరియు ఆర్థిక సమాఖ్య. ప్రాంతీయ సమైక్యతకు కట్టుబడిన ఐరోపా సమాఖ్య 1993నాటి మాస్ట్రిచ్ ఒడంబడిక ఆధారంగా, అప్పటికే పనిచేస్తున్న ఐరోపా ఆర్థిక సముదాయము (ఆంగ్లం:యూరోపియన్ ఎకనామిక్ కమ్యూనిటీ) పునాదిగా స్థాపించబడింది. 50 కోట్ల జనాభా పైబడి కలిగిన ఐరోపా సమాఖ్య, స్థూల ప్రపంచ ఉత్పత్తిలో 30% వాటా కలిగి ఉంది. ఐరోపా సమాఖ్యలోని పదహారు సభ్యదేశాలు యూరోను అధికారిక మారక ద్రవ్యంగా కలిగియున్నాయి - వీటిని సంయుక్తంగా యూరోజోన్ అని సంబోధిస్తారు.

Eurozone map-2009
2009లో యూరోజోన్
Flag of the European Union
Flag
Motto: "In Varietate Concordia" (Latin )
"United in Diversity"
Anthem: "Ode to Joy" (orchestral)
Globe projection with the European Union in green
Capitalబస్సెల్స్ (de facto)[1]
Largest cityలండన్
Official languages
Official scripts[3]
  • Latin
  • Greek
  • Cyrillic
Religion
  • 71.6% Christian
    • 45.3% Roman Catholic
    • 11.1% Protestant
    • 9.6% Eastern Orthodox
    • 5.6% other Christian
  • 24% No religion
  • 1.8% Muslim
  • 2.6% other faiths[4]
DemonymEuropean[5]
TypePolitical and economic union
Member states
GovernmentSupranational and intergovernmental
• President of the Council
Donald Tusk
• President of the Parliament
David Sassoli
• President of the Commission
Jean-Claude Juncker
Legislaturesee "Politics" section below
Formation[6]
• Treaty of Rome
1 January 1958
• Single European Act
1 July 1987
• Treaty of Maastricht
1 November 1993
• Treaty of Lisbon
1 December 2009
• Last polity admitted
1 July 2013
Area
• Total
4,475,757 kమీ2 (1,728,099 sq mi) (7th)
• Water (%)
3.08
Population
• 2019 estimate
Increase 513,481,691[7] (3rd)
• Density
117.2/km2 (303.5/sq mi)
GDP (PPP)2018 estimate
• Total
Increase $22.0 trillion[8] (2nd)
• Per capita
Increase $43,150[8]
GDP (nominal)2018 estimate
• Total
Increase $18.8 trillion[8] (2nd)
• Per capita
Increase $36,580[9]
Gini (2017)Positive decrease 30.7[10]
medium
HDI (2017)Increase 0.899[lower-alpha 3]
very high
CurrencyEuro (EUR; €; in eurozone) and
Time zoneWET, CET, EET (UTC to UTC+2)
• Summer (DST)
WEST, CEST, EEST (UTC+1 to UTC+3)
(see also Summer Time in Europe)
Note: with the exception of the Canary Islands and Madeira, the outermost regions observe different time zones not shown.[lower-alpha 4]
Date formatdd/mm/yyyy (AD/CE)
See also: Date and time notation in Europe
ISO 3166 code[[ISO 3166-2:|]]
Internet TLD.eu[lower-alpha 5]
Website
europa.eu
EU27-2008 European Union map
2009లో ఐరోపా సమాఖ్య

సభ్యదేశాలు

28.on 1 July 2013, Croatia is the newest member

  1. Cybriwsky, Roman Adrian (2013). Capital Cities around the World: An Encyclopedia of Geography, History, and Culture: An Encyclopedia of Geography, History, and Culture. ABC-CLIO. ISBN 978-1-61069-248-9. Brussels, the capital of Belgium, is considered to be the de facto capital of the EU
  2. "European Commission – Frequently asked questions on languages in Europe". europa.eu.
  3. Leonard Orban (24 May 2007). "Cyrillic, the third official alphabet of the EU, was created by a truly multilingual European" (PDF). europe.eu. Retrieved 3 August 2014.
  4. "DISCRIMINATION IN THE EU IN 2015", Special Eurobarometer, 437, European Union: European Commission, 2015, retrieved 15 October 2017 – వయా GESIS
  5. ఉదహరింపు పొరపాటు: సరైన <ref> కాదు; OED అనే పేరుగల ref లకు పాఠ్యమేమీ ఇవ్వలేదు
  6. Current Article 1 of the Treaty on European Union reads: "The Union shall be founded on the present Treaty and on the Treaty on the Functioning of the European Union. Those two Treaties shall have the same legal value. The Union shall replace and succeed the European Community".
  7. "Eurostat – Population on 1 January 2019". European Commission. Retrieved 18 July 2019. Cite web requires |website= (help)
  8. 8.0 8.1 8.2 "IMF World Economic Outlook Database, April 2019". International Monetary Fund. Retrieved 22 December 2016. Cite web requires |website= (help)
  9. ఉదహరింపు పొరపాటు: సరైన <ref> కాదు; imf అనే పేరుగల ref లకు పాఠ్యమేమీ ఇవ్వలేదు
  10. "Gini coefficient of equivalised disposable income (source: SILC)". Eurostat Data Explorer. Retrieved 12 February 2017. Cite web requires |website= (help)
  11. "Human Development Report 2018 Summary". The United Nations. Retrieved 19 March 2018. Cite web requires |website= (help)


ఉదహరింపు పొరపాటు: "lower-alpha" అనే గుంపుకు <ref> ట్యాగులున్నాయి, కానీ సంబంధిత <references group="lower-alpha"/> ట్యాగేదీ కనబడలేదు. లేదా మూసే </ref> లేదు

ఆస్ట్రియా

ఆస్ట్రియా (అధికార నామము రిపబ్లిక్ ఆఫ్ ఆస్ట్రియా) మధ్య ఐరోపాలోని ఒక భూపరివేష్టిత దేశం. ఈ దేశము స్లొవేనియా మరియు ఇటలీలకు ఉత్తర దిశలో, స్విట్జర్లాండ్ మరియు లీక్టెన్స్టెయిన్లకు తూర్పులో, స్లొవేకియా మరియు హంగేరీలకు పశ్చిమాన, జర్మనీ మరియు చెక్ రిపబ్లిక్లకు దక్షిణ దిశలో ఉంది. ఈ దేశ రాజధాని నగరమైన వియన్నా డానుబే నదీ తీరాన ఉంది.

తొమ్మిదవ శతాబ్దంలో ఆస్ట్రియా భూభాగాలలో జనసాంద్రత పెరగడంతో ఈ దేశచరిత్ర మూలాలు మొదలయ్యాయని చెప్పవచ్చు. 996లో వెలువడిన ఒక అధికార పత్రములో మొట్టమొదటిసారిగా "ఆస్టర్రీచీ" అన్న పేరు వాడబడింది. కాలక్రమంలో ఈ పేరు ఆస్టర్రీచ్గా రూపాంతరం చెందింది.

ఆస్ట్రియా తొమ్మిది రాష్ట్రాలతో కూడిన పార్లమెంటరీ ప్రజాస్వామ్య వ్యవస్థ. ఐరోపాలోని ఆరు నిరంతర తటస్థ దేశాలలో ఆస్ట్రియా ఒకటి; అనంత తటస్థత విధానాన్ని రాజ్యాంగంలో పొందుపరిచిన బహు కొద్ది దేశాలలో ఆస్ట్రియా ఉంది. 1955 నుండి ఐక్య రాజ్య సమితిలో సభ్యదేశంగా ఉన్న ఆస్ట్రియా 1995లో ఐరోపా సమాఖ్యలో చేరింది.

ఇస్లామోఫోబియా

గమనికఈ వ్యాసం తొలగింపు గురించిన చర్చల కొఱకు చర్చా పేజీ చూడండి.

ఇస్లామోఫోబియా (Islamophobia) అనే పదం ఇస్లాం మతం పట్ల, ముస్లింల పట్ల కొంత మంది చూపుతున్న వివక్షతను, వ్యతిరేకతను సూచించే ఒక నూతన ఆంగ్ల పదం (neologism)గా వాడబడుతున్నది. ఆంగ్లంలో ఈ పదం 1980 దశకం చివరలో మొదలయ్యినాగాని 2001 సెప్టెంబరు 11న జరిగిన ఘటనల తరువాత ఈ పదం వాడకం పెరిగింది. 1997లో ఇంగ్లండుకు చెందిన "రున్నీమేడ్ ట్రస్ట్" ఈ పదాన్ని ఇలా నిర్వచించారు - "ఇస్లాం మరియు ముస్లింల పట్ల తీవ్రమైన వ్యతిరేకత, అభద్రత మరియు భయాందోళనా భావం" (dread or hatred of Islam and therefore, to the fear and dislike of all Muslims). ఇంకా ముస్లిముల పట్ల కనబరచే సామాజిక, ఆర్థిక వివక్షత కూడా ఈ పదంతో సూచింపబడుతున్నాయని వారు పేర్కొన్నారు. పాశ్చాత్య సమాజాలలో ఇస్లాంపట్ల నెలకొని ఉన్న చిన్నచూపు, ఆ మతంతో హింస ముడివడి ఉన్నదన్న భావం కూడా ఈ పదంలో సూచింపబడుతున్నాయి. ఇది మతపరమైన భావం కంటే సామాజిక, రాజకీయ భావం అధికంగా ఉన్న పదం అని వారు వ్యాఖ్యానించారు. Xenophobia, Antisemitism వంటి పదాలలాగానే Islamophobia అనే పదాన్ని కూడా ఒక వివక్షతాసూచకమైన పదంగా పరిగణిస్తారని "Stockholm International Forum on Combating Intolerance",లో ప్రొఫెసర్ యాన్న్ సోఫీ రోల్డ్ (Anne Sophie Roald) వ్రాసింది.2001 సెప్టెంబరు ఘటన తరువాత పాశ్చాత్య ధేశాలలో "ఇస్లామోఫోబియా" అనే పదం వాడకం అధికం అయ్యిందని తెలుస్తున్నది.

2002 మే నెలలో "European Monitoring Centre on Racism and Xenophobia" (EUMC), అనే ఐరోపా సమాఖ్య విభాగం "Summary report on Islamophobia in the EU after 11 September 2001" అనే రిపోర్టును విడుదల చేసింది. ఈ పదం వాడుకం పెరిగినా గాని దీని ఔచిత్యం గురించి అనేక వివాదాలున్నాయి..

అసలు ఇలాంటి పదాన్ని వాడడమే అనుచితమనీ, దీనికి ఏ విధమైన తార్కికత లేదనీ (is fallacious) విమర్శకులు వాదిస్తున్నారు. వార్తలలోని కొన్ని హింసాత్మక సంఘటనల ద్వారా "ఇస్లామోఫోబుయా" అనే పదానికి కలిపించబడిన ప్రచారానికి అర్దం లేదని వారి వాదన.ముస్లింలందరూ ఉగ్రవాదులు కారు. లెబనాన్కు చెందిన హిజ్బుల్లాహ్ తరహాలో ఆత్మ రక్షణ పోరాటం (Defensive Jihad)ను మాత్రమే కొందరు ముస్లిములు సమర్థిస్తారు. ఒసామా బిన్ లాడెన్ లాంటివాళ్ళవల్ల కూడా ఈ ఫోబియా కలిగింది.

1980కి ముందు ఫ్రెంచ్ మార్క్సిస్ట్ చరిత్రకారుడు మాక్సిమ్ రోడిన్సన్ ఇరాన్ లో అయాతొల్లాహ్ ఖొమెయినీ నాయకత్వంలో ఏర్పడిన మత ఛాందసవాద పాలనని విమర్శించడానికి ఇస్లామోఫాసిజం అనే పదజాలాన్ని ఉపయోగించాడు. 1990 తరువాతి కాలంలో "ఇస్లామో ఫోబియా" అనే పదం వాడకం కొన్ని చోట్ల జరుగుతున్నది.

ఎస్టోనియా

ఎస్టోనియా లేదా ఎస్తోనియా (ఆంగ్లం :Estonia),

అధికారిక నామం రిపబ్లిక్ ఆఫ్ ఎస్టోనియా. ఉత్తర ఐరోపాకు చెందిన బాల్టిక్ ప్రాంతంలోని ఒక దేశం. దీని ఉత్తర సరిహద్దున ఫిన్‌లాండ్, పశ్చిమ సరిహద్దున స్వీడన్, దక్షిణ సరిహద్దున లాట్వియా (343 కి.మీ) తూర్పు సరిహద్దున రష్యా (338 కిలోమీటర్ల దూరం) దేశాలు ఉన్నాయి.. బాల్టిక్ సముద్రం పశ్చిమతీరంలో స్వీడన్, ఉత్తరాన ఫిన్‌లాండ్ ఉంది. బాల్టిక్ సముద్రంలోని ఎస్టోనియా ప్రధాన భూభాగంతో పాటు 2,222 దీవులను కలిగి ఉంది.

దీనిలో భూమి, నీటి వైశాల్యం కలిపి 45,339 చ.కి.మీ. (17,505 చ.కి.మీ.) ఉంది. తేమతో కూడిన ఖండాంతర వాతావరణంతో ప్రభావితమవుతుంది. సంప్రదాయ ఎస్టోనియన్లు ఫిన్నిక్ ప్రజలు, వారి ఉత్తరాన పొరుగున ఉన్నవారితో సాంస్కృతిక సంబంధాలు ఏర్పరుచుకున్నారు.ఎస్టోనియా అనేది ఫిన్యో-ఉగ్రిక్ భాష. ఇది ఫిన్నిష్, సామీ భాషలతో దగ్గరి సంబంధం కలిగి ఉంటుంది. హంగరీ భాషకి సుదూర సంబంధం కలిగి ఉంటుంది.

ఆధునిక ఎస్టోనియన్ల భాషా పూర్వీకులు - సుమారు క్రీ.పూ 1800 తరువాత చేరుకున్నారు. తరువాత జర్మనీ, డానిష్, స్వీడిష్, రష్యన్ పాలనలో శతాబ్దాలుగా ఉన్నారు. ఎస్టోనియన్లు 1918 జనవరి 24 న మొదటి ప్రపంచ యుద్ధం ముగింపులో రష్యన్ సామ్రాజ్యం నుండి స్వాతంత్ర్యం పొందారు. విజయవంతమైన ప్రజాస్వామ్య పాలన తరువాత వచ్చిన నిశ్శబ్ద శకం (సైలెన్స్ ఎరా) ఎస్టోనియాను ఎక్కువగా నిరంకుశంగా చేసింది. రెండో ప్రపంచ యుద్ధం సమయంలో 1940లో ఎస్టోనియాను సోవియట్ యూనియన్ ఆక్రమించింది. తరువాత ఒక సంవత్సరం తర్వాత నాజీ జర్మనీ, తరువాత తిరిగి 1944 లో సోవియట్‌లు స్వాధీనం చేసుకున్నారు. దాని తరువాత అది ఎస్టోనియన్ సోవియట్ సోషలిస్ట్ రిపబ్లిక్‌గా పునర్నిర్మించబడింది. స్వాతంత్ర్యం కోల్పోయిన తరువాత బహిష్కరణలో ఒక ప్రభుత్వం పనిచేసింది. 1988లో సింగింగ్ రివల్యూషన్ సందర్భంగా ఈస్టోనియా సుప్రీం సోవియట్ పాలనను తిరస్కరించడంతో ఈస్టోనియా సార్వభౌమాధికార ప్రకటనను విడుదల చేసింది.1991 ఆగస్టు 20 న స్వాతంత్ర్యం పునరుద్ధరించబడింది. స్వాతంత్ర్యం పునరుద్ధరించడంతో ఎస్టోనియా ఒక ప్రజాస్వామ్య సమైక్య పార్లమెంటరీ గణతంత్రంగా అయింది. దీనిలో పదిహేను కౌంటీలు ఉన్నాయి. దీని రాజధాని, దేశంలో అతిపెద్ద నగరం టాలిన్. 1.3 మిలియన్ల జనాభాతో ఐరోపా సమాఖ్య, యూరోజోన్, నార్త్ అట్లాంటిక్ ట్రీటీ ఆర్గనైజేషన్ (నాటో), ఒ.ఇ.సి.డి, స్కెంజెన్ ప్రాంతంలోని అతి తక్కువ జనాభా కలిగిన సభ్య దేశాల్లో ఇది ఒకటిగా ఉంది.

ఎస్టోనియా ఒక అభివృద్ధి చెందిన దేశం. 2011లో ఐరోపా సమాఖ్యలో అత్యంత వేగంగా అభివృద్ధి చెందుతూ, అధిక-ఆదాయం కలిగిన ఆర్థికవ్యవస్థ కలిగిన దేశంగా నిలిచింది. మానవ అభివృద్ధి సూచికలో దేశం అత్యున్నత స్థానంలో ఉంది. ఆర్థిక స్వేచ్ఛ, పౌర హక్కులు, పత్రికా స్వేచ్ఛ (2012 మరియు 2007 లో ప్రపంచంలో 3 వ స్థానం) మెరుగైన స్థితిలో ఉన్నాయి. 2015 పి.ఐ.ఎస్.ఎ.పరీక్షలో ఈస్టోనియా ఉన్నత పాఠశాల విద్యార్థులు సింగపూర్, జపాన్ తర్వాత ప్రపంచంలోని 3 వ స్థానంలో ఉన్నారు.

ఎస్టోనియన్ పౌరులకు సార్వత్రిక ఆరోగ్య సంరక్షణ ఉచిత విద్య, ఒ.ఇ.సి.డి.లో దీర్ఘకాలంగా జీతంతో కూడిన ప్రసూతి సెలవులను అందిస్తారు. స్వాతంత్ర్యం వచ్చినప్పటి నుండి దేశంలో ఐటి రంగం వేగంగా అభివృద్ధి చెందింది. ఇది ప్రపంచంలోని అత్యధిక డిజిటల్ సమాజాలలో ఒకటిగా మారింది. 2005లో ఎస్టోనియా ఇంటర్నెట్ ద్వారా ఎన్నికలను నిర్వహించిన మొట్టమొదటి దేశంగా నిలిచింది. 2014లో మొదటి దేశం ఇ-రెసిడెన్సీని అందించింది.

క్రొయేషియా

క్రొయేషియా (ఆంగ్లం : Croatia) లేదా క్రోషియా, అధికారిక నామం రిపబ్లిక్ ఆఫ్ క్రొయేషియా. మధ్య ఐరోపా లోని ఒక రిపబ్లికుగా ఉంది. ఇది బాల్కన్ దేశాలలో ఒకటిగా ఉంది. రాజధాని (పెద్దనగరం) జగ్రెబ్.పాలన విభాగాల నిర్వహణ కొరకు దేశం 20 కౌంటీలుగా విభజించబడింది. దేశ ఉత్తర సరిహద్దులో స్లోవేనియా, హంగేరి, ఈశాన్య సరిహద్దులో సెర్బియా, తూర్పుసరిహద్దులో బోస్నియా మరియు హెర్జెగొవీనా, ఆగ్నేయ సరిహద్దులో మాంటెనెగ్రో దేశాలు ఉన్నాయి. దక్షిణ మరియు పశ్చిమ ప్రాంతాలు ఏడ్రియాటిక్ సముద్రం తీరంలో ఉన్నాయి. దేశ వైశాల్యం 56,594 చదరపు కిలో మీటర్లు మరియు జనసంఖ్య 4.28 మిలియన్లు.

క్రోయాట్స్ క్రీ.శ 7 వ శతాబ్దం ప్రారంభంలో ప్రస్తుత క్రొయేషియా ప్రాంతానికి వచ్చారు. వారు 9 వ శతాబ్దం నాటికి రెండు డచీలుగా రాజ్యాలను నిర్వహించారు. 925 నాటికి టోమిస్లావ్ మొట్టమొదటి క్రోయేషియన్ రాజుగా అవతరించి క్రొవేషియాను రాజ్య స్థితిని అభివృద్ధి చేసాడు.తరువాత క్రొయేషియా రాజ్యం దాదాపు రెండు శతాబ్దాలుగా దాని సార్వభౌమత్వాన్ని నిలుపుకుంది. కింగ్స్ నాలుగవ పీటర్ క్రీస్మిర్, డిమితార్ జివోనిమిర్ల పాలనలో శిఖరాన్ని చేరుకుంది. క్రొయేషియా 1102 లో హంగేరితో " పర్సనల్ యూనియన్ "లో ప్రవేశించింది. 1527 లో ఒట్టోమన్ల విజయంతో క్రొయేషియన్ పార్లమెంట్ హబ్స్‌బర్గ్ హౌస్ మొదటి ఫెర్డినాండ్‌ను క్రొయేషియన్ సింహాసనం కొరకు ఎన్నుకుంది. 19 వ శతాబ్దం ప్రారంభంలో దేశంలోని భూభాగాలు ఫ్రెంచ్ ఇలియరియన్ ప్రావింసులుగా విభజించబడ్డాయి.ఆస్ట్రియా-హంగేరి, బోస్నియా మరియు హెర్జెగోవినా వైపు ఆక్రమించుకుంది-ఇది 1878 బెర్లిన్ ఒప్పందం ద్వారా పరిష్కరించబడింది. 1918 లో మొదటి ప్రపంచ యుద్ధం తరువాత క్రొయేషియా ఆస్ట్రియా-హంగరీ నుంచి విడిపోయిన స్లోవేనియా, క్రోయేషియా,సెర్బియా యుగోస్లేవియా రాజ్యంలో విలీనం చేయబడ్డాయి. రెండవ ప్రపంచ యుద్ధం సమయంలో ఫాసిస్ట్ ఇటలీ మరియు నాజి జర్మనీ మద్దతు ఇచ్చిన ఒక ఫాసిస్ట్ క్రొయేషియన్ తోలుబొమ్మ రాజ్యం ఉనికిలో ఉంది. యుద్ధం తరువాత క్రొయేషియా ఒక వ్యవస్థాపక సభ్యదేశంగా రాజ్యాంగ సామ్యవాద యురోస్లావియా సోషలిస్ట్ ఫెడరల్ రిపబ్లిక్ సమాఖ్య రాజ్యాంగంగా మారింది. 1991 జూన్ 25 న క్రొయేషియా స్వతంత్రాన్ని ప్రకటించింది. అదే సంవత్సరంలో అక్టోబరు 8 న రాజ్యాంగ నిర్మాణ స్థాయిలో పూర్తిగా అమలులోకి వచ్చింది.

క్రొయేషియా అనేది ఒక పార్లమెంటరీ వ్యవస్థగా ఉంది. ఒక అత్యంత అభివృద్ధి చెందిన దేశంగా అభివృద్ధి చెందిన దేశాల్లో జాబితాలో ఉంది. ఐరోపా సమాఖ్య, ఐక్యరాజ్యసమితి, కౌన్సిల్ ఆఫ్ ఐరోపా,నాటో, వరల్డ్ ట్రేడ్ ఆర్గనైజేషన్, మధ్యధరా యూనియన్ వ్యవస్థాపక సభ్యదేశంగా ఉంది.ఐక్యరాజ్య సమితి శాంతి పరిరక్షక దళాలలో చురుకైన భాగస్వామిగా, క్రొయేషియా ఆఫ్ఘనిస్తాన్‌లో నాటో- నేతృత్వంలోని మిషన్‌కు సైనిక దళాలు అందించారు. మరియు 2008-2009 వరకు ఐక్యరాజ్య సమితి భద్రతా మండలిలో శాశ్వత స్థానం పొందలేదు. 2000 నుండి క్రొయేషియన్ ప్రభుత్వం నిరంతరంగా పాన్-యూరోపియన్ కారిడార్లతో పాటు రవాణా మార్గాలు మౌలిక సదుపాయాల కొరకు నిరంతరం పెట్టుబడి పెట్టింది.

ఆర్ధికవ్యవస్థలో సేవా రంగం క్రొయేషియా ఆధిపత్యం చేస్తుంది. తరువాత స్థానాలలో పారిశ్రామిక రంగమూ వ్యవసాయం ఉన్నాయి. ఆదాయానికి ముఖ్యమైన వనరుగా వేసవి కాలంలో అనుకూలంగా ఉండే అంతర్జాతీయ పర్యాటక రంగం ఉంది. క్రొయేషియా ప్రపంచంలో 18 వ అత్యంత ప్రసిద్ధ పర్యాటక కేంద్రంగా ఉంది. ప్రభుత్వ ఆర్థికవ్యవస్థలో గణనీయమైన పాత్రవహిస్తున్న పర్యాటకరంగాన్ని ప్రభుత్వం నియంత్రిస్తూ ఉంది. ఐరోపా సమాఖ్యలో క్రొయేషియా అతి ముఖ్యమైన వాణిజ్య భాగస్వామిగా ఉంది. క్రొయేషియాలో అంతర్గత వనరులు శక్తి దేశానికి అవసరమైన విద్యుత్తులో అధిక భాగాన్ని ఉత్పత్తి చేస్తాయి; మిగిలినది దిగుమతి చేసుకొన బడుతుంది. క్రొయేషియా సాంఘిక భద్రత, సారస్వతిక ఆరోగ్య సంరక్షణ వ్యవస్థ, ఉచిత ప్రాథమిక మరియు మాధ్యమిక విద్యను అందిస్తుంది.అదే సమయంలో అనేక ప్రజా సంస్థలు మరియు కార్పొరేట్ పెట్టుబడుల ద్వారా మీడియా మరియు ప్రచురణల సంస్కృతికి మద్దతు ఇస్తుంది.

గ్రీస్

గ్రీస్ (అధికార నామము హెల్లెనిక్ రిపబ్లిక్) హెలెస్ అనికూడా అంటారు. ఆగ్నేయ ఐరోపాలోని ఒక దేశం. గ్రీస్ ఐరోపా, ఆసియా, ఆఫ్రికా కూడలి వద్ద ఉంది. బాల్కన్ ద్వీపకల్పం దక్షిణ కొనలో ఉంది. వాయవ్య సరిహద్దులో అల్బేనియా భూభాగ సరిహద్దులను, ఉత్తర సరిహద్దులో " రిపబ్లిక్ ఆఫ్ మాసిడోనియా ", బల్గేరియా, ఈశాన్య సరిహద్దులో టర్కీ ఉన్నాయి. ప్రధాన భూభాగానికి తూర్పు సరిహద్దులో ఎజియన్ సముద్రం, పశ్చిమ సరిహద్దులో అయోనియన్ సముద్రం పశ్చిమాన ఉన్నాయి. దక్షిణసరిహద్దులో క్రెటెన్ సముద్రం మరియు మధ్యధరా సముద్రం. 13,676 km (8,498 మైళ్ళు) పొడవుతో, మధ్యధరా సముద్ర తీరం మరియు గ్రీసు సముద్ర తీరప్రాంతం ప్రపంచంలోని పొడవైన సముద్ర తీరప్రాంతాలలో 11వ స్థానంలో ఉంది. ఇందులో పెద్ద సంఖ్యలో ద్వీపాలు ఉన్నాయి. వాటిలో 227 మానవ నివాసిత ప్రాంతాలుగా ఉన్నాయి. గ్రీస్‌లో 80% శాతం గ్రీస్ పర్వతము, మౌంట్ ఒలింపస్ 2,918 మీటర్లు (9,573 అడుగులు) ఎత్తైన శిఖరం ఉన్నాయి. దేశంలో తొమ్మిది భౌగోళిక ప్రాంతాలు ఉన్నాయి: మేసిడోనియా, సెంట్రల్ గ్రీస్, పెలోపొన్నీస్, తెస్సాలి, ఎపిరస్, ది ఏజియన్ దీవులు (డయోడన్కేస్, సైక్లడెస్తో సహా), థ్రేస్, క్రీట్, ఐయోనియన్ ద్వీపాలు.

గ్రీస్ పాశ్చాత్యనాగరికత విలసిల్లిన ప్రాంతంగా భావించబడుతుంది.పాశ్చాత్య తత్వశాస్త్రం, ఒలింపిక్ గేమ్స్, వెస్ట్రన్ లిటరేచర్, హిస్టరీగ్రఫీ, పొలిటికల్ సైన్స్, మేజర్ సైంటిఫిక్ అండ్ మ్యాథమెటికల్ సూత్రాలు, పాశ్చాత్య నాటకం వంటివి జన్మస్థలంగా పాశ్చాత్య నాగరికత, గ్రంథంగా గ్రీస్ పరిగణించబడుతుంది. క్రీ.పూ.8 వ శతాబ్దం నుండి గ్రీకులోని వివిధ స్వతంత్ర నగర-రాష్ట్రాలు " పోలీస్ " అని పిలవబడ్డాయి. ఇవి మొత్తం మధ్యధరా ప్రాంతం, నల్ల సముద్రం వరకు విస్తరించింది. క్రీ.పూ. నాల్గవ శతాబ్దంలో గ్రీకు ప్రధాన భూభాగానికి చెందిన ఫిలిప్ ఆఫ్ మాసిడోన్, తన కొడుకు అలెగ్జాండర్ ది గ్రేట్‌తో కలిసి వేగంగా పురాతన ప్రపంచం అంతటా జయించి, తూర్పు మధ్యధరా నుండి సింధూ నది వరకు గ్రీకు సంస్కృతి, విజ్ఞాన శాస్త్రాన్ని విస్తరించాడు. గ్రీస్ క్రీ.పూ. రెండవ శతాబ్దంలో రోమ్‌ గ్రీస్‌ను కలుపుకొన్న తరువాత గ్రీస్ రోమన్ సామ్రాజ్యం వారసుడైన బైజాంటైన్ సామ్రాజ్యంలో అంతర్భాగంగా మారింది. ఈ సమయంలో గ్రీకు భాష, సంస్కృతి ఆధిపత్యం చేసింది. గ్రీక్ ఆర్థోడాక్స్ చర్చి కూడా ఆధునిక గ్రీకు గుర్తింపును ఆకృతి చేసింది. గ్రీక్ సంప్రదాయాలను విస్తృతంగా ప్రపంచానికి పరిచయం చేసింది. క్రీ.శ 15 వ శతాబ్దం మధ్యకాలంలో ఒట్టోమన్ రాజ్యపాలన కింద పడిపోయిన ఆధునిక దేశం గ్రీస్ స్వాతంత్ర్య పోరాటంలో 1830 లో ఉద్భవించింది. గ్రీస్ చారిత్రిక వారసత్వం దాని యునెస్కో ప్రపంచ వారసత్వ ప్రదేశాలలో 18వ స్థానంలో ఉంది. ఇవి ఐరోపా చాలా ప్రాంతాలలో ఇది ఉంది. గ్రీస్ ఆధునిక ప్రజా ఆదాయం కలిగిన ఆర్థిక వ్యవస్థ కలిగి ఉంది. ప్రజాస్వామ్య, అత్యధిక జీవన ప్రమాణాలు, అభివృద్ధి చెందిన దేశంగా ఉంది. ఐరోపా సమాజాల వ్యవస్థాపక సభ్యదేశంగా ఐరోపా సమాజాల్లో (యూరోపియన్ సమాఖ్యకు పూర్వం) చేరిన పదో సభ్యదేశం ఉండి 2001 నుండి యూరోజోన్లో భాగంగా ఉంది. ఇది అనేక ఇతర అంతర్జాతీయ సంస్థల సభ్యదేశంగా ఉంది. ఐక్యరాజ్యసమితి ఫండిగ్ సభ్యదేశంగా ఉంది. గ్రీక్ కౌన్సిల్ ఆఫ్ కౌన్సిల్ యూరోప్, నార్త్ అట్లాంటిక్ ట్రీటీ ఆర్గనైజేషన్ (నాటో), ఆర్గనైజేషన్ ఫర్ ఎకనామిక్ కో-ఆపరేషన్ అండ్ డెవలప్మెంట్ (ఒ.ఇ.సి.డి), వరల్డ్ ట్రేడ్ ఆర్గనైజేషన్, సెక్యూరిటీ అండ్ యూరోప్ (ఒ.ఎస్.సి.ఇ.), ఆర్గనైజేషన్ ఇంటర్నేషనల్ డి లా ఫ్రాంకోఫొనీ (ఒ.ఐ.ఎఫ్)లలో సభ్యత్వం కలిగి ఉంది. గ్రీస్ ప్రత్యేకమైన సాంస్కృతిక వారసత్వం, పెద్ద పర్యాటక పరిశ్రమ, ముఖ్యమైన షిప్పింగ్ రంగం, భూగోళ శాస్త్ర ప్రాముఖ్యతతోమద్యఐరోపా మధ్య వర్గీకరించబడింది. ఇది బాల్కన్లో అతిపెద్ద ఆర్థిక వ్యవస్థ, ఇది ఒక ముఖ్యమైన ప్రాంతీయ పెట్టుబడిదారు దేశంగా ఉంది.

జర్మనీ

జర్మనీ అధికారికంగా జర్మనీ గణతంత్ర సమాఖ్యగా (జర్మన్: బుండెస్‌రెపుబ్లిక్ డాయిచ్‌లాండ్) మధ్య ఐరోపాలోని ఒక దేశం. దీని సరిహద్దులలో ఉత్తరాన ఉత్తర సముద్రం, డెన్మార్క్, బాల్టిక్ సముద్రం; తూర్పున పోలాండ్ చెక్ గణతంత్రం; దక్షిణాన ఆస్ట్రియా, స్విట్జర్లాండ్; ఇంకా పశ్చిమాన ఫ్రాన్సు, లక్సెంబర్గ్, బెల్జియం, నెదర్లాండ్స్ ఉన్నాయి. జర్మనీ భూభాగం సమశీతోష్ణ వాతావరణంచే ప్రభావితం చేయబడుతుంది.

82 మిల్లియన్ల నివాసితులతో ఐరోపా సమాఖ్యలోని సభ్యదేశాలలో అధిక జనాభా గల దేశంగా లెక్కింపబడింది. ప్రపంచవ్యాప్తంగా అంతర్జాతీయంగా వచ్చిన వలస ప్రజలకు మూడవ అతిపెద్ద నివాసదేశంగా ఉంది.

జర్మానీ ప్రజలు అనేకమంది నివాసం ఉన్న జర్మానియా అనే పేరున్న ఒక ప్రాంతం క్రీస్తుశకం 100 ముందే ఉన్నట్లు గ్రంథస్థం చేయబడింది. 10వ శతాబ్దం ఆరంభం నుండి 1806 వరకు జర్మనీ దేశ భాగాలు ఉనికిలో ఉండి పవిత్ర రోమన్ సామ్రాజ్యం కేంద్రభాగంగా ఏర్పడ్డాయి. 16వ శతాబ్దం సమయంలో ఉత్తర జర్మనీ ప్రొటస్టెంట్ సంస్కరణవాదం కేంద్రమైంది. ఆధునిక జాతీయ-దేశంగా ఈదేశం 1871లో ఫ్రాంకో-ప్రష్యన్ యుద్ధం మధ్యలో మొదటిసారి సంఘటితమైనది. 1949లో రెండవ ప్రపంచయుద్ధం తర్వాత మిత్రదేశాల సరిహద్దుల వెంట-జర్మనీని తూర్పు జర్మనీ, పశ్చిమ జర్మనీ అని రెండు దేశాలుగా విభజించారు. జర్మనీ 1990లో తిరిగి సంఘటితమైనది. 1957లో పశ్చిమ జర్మనీ ఐరోపా సంఘం (ఇసి) స్థాపక సభ్యత్వం కలిగి ఉంది. అది 1993లో ఐరోపా సమాఖ్యగా అయ్యింది. ఇది షెన్గన్ ప్రాంతంలో భాగం మరియు ఐరోపా ద్రవ్యం, యూరోను, 1999లో అనుసరించింది.

జర్మనీ పదహారు రాష్ట్రాల యొక్క సమాఖ్య పార్లమెంటరీ గణతంత్రం. బెర్లిన్ దీని రాజధాని నగరంగానూ అతిపెద్ద నగరంగానూ ఉంది. జర్మనీ ఐక్యరాజ్య సమితి, ఎన్ ఎ టి ఒ, జి8, జి20, ఒ ఇ సి డి, మరియు డబ్ల్యూ టి ఒలో సభ్యత్వం కలిగి ఉంది. నామమాత్ర జి డి పి ద్వారా ప్రపంచపు నాల్గవ అతిపెద్ద ఆర్థిక వ్యవస్థగానూ కొనుగోలు శక్తి గల దేశంగానూ 5వ పెద్ద దేశంగా శక్తివంతంగా ఉంది. వస్తువుల అతిపెద్ద ఎగుమతిదారుగానూ, రెండవ అతిపెద్ద దిగుమతిదారుగా ఉంది. స్థూలంగా చెప్పాలంటే, జర్మనీ ప్రపంచంలో రెండవ అతిపెద్ద వార్షిక అభివృద్ధి నిధిని కేటాయించుకునే దేశంగా ఉంది,

కాగా, దాని సైనిక ఖర్చు ఆరవస్థానంలో ఉంది. ఈదేశం ఉన్నత జీవన ప్రమాణాలను అభివృద్ధి పరచింది. సాంఘిక భద్రత కలిగిన విస్తృతమైన వ్యవస్థను నెలకొల్పింది. ఈదేశం ఐరోపా దేశాల వ్యవహారాలలో కీలకపాత్ర వహిస్తోంది. ప్రపంచస్థాయిలో సమీపదేశాలతో భాగస్వామ్యాలను నిర్వహిస్తోంది. జర్మనీ అనేక రంగాలలో శాస్త్ర, సాంకేతిక నాయకత్వ కలిగిన దేశంగా గుర్తించబడుతోంది.

జర్మన్ భాష

జర్మన్ భాష ప్రపంచ వ్యాప్తంగా 10.5 కోట్ల మందిచే మొదటి భాషగా మాట్లాడబడు ఒక భాష. ఈ భాష డచ్ మరియు ఆంగ్ల భాషలతో సారూప్యం కలిగి ఉంది. జర్మను భాష ఐరోపా సమాఖ్యలోని 23 అధికార భాషలలో ఒకటి. ఐరోపా సమాఖ్యలోని అత్యధికుల మాతృభాష కావడం వలన జర్మన్ లేక జర్మను భాష ప్రపంచ భాషలలో ప్రముఖ స్థానాన్ని కలిగి ఉంది. ఐరోపా సమాఖ్యలో ఎక్కువగా మాట్లాడబడు భాషలలో జర్మను భాష ఆంగ్ల భాష తర్వాత రెండవ స్థానంలో ఉంది (ఆంగ్ల భాష ఎక్కువమంది పరభాషగా వాడటం వలన). జర్మనీలో 95% మంది, ఆస్ట్రియాలో 89% మంది, స్విట్జర్లాండ్లో 65% మంది ఈ భాషను మాతృభాషగా కలిగియున్నారు. పైపెచ్చు రమారమి 8 కోట్ల మంది ఈ భాషను పరభాషగా ప్రయోగిస్తున్నారు. ఐరోపా సమాఖ్య మాత్రమే కాక ఐరోపా ఖండం మొత్తాన్ని పరిశీలించినట్లయితే రష్యన్ భాష తర్వాత ఇది రెండవ అతిపెద్ద మాతృభాష.

టోగో

టోగో అధికారికంగా " టోగోలీసు రిపబ్లికు " పశ్చిమ ఆఫ్రికాలో ఒక దేశం. పశ్చిమసరిహద్దులో ఘానా, తూర్పు సరిహద్దులలో బెనిన్ ఉత్తరసరిహద్దులో బుర్కినా ఫాసో ఉన్నాయి. సార్వభౌమ దేశం అయిన టోగో దక్షిణప్రాంతంలో గినియా గల్ఫు వరకు విస్తరించింది. ఇక్కడే రాజధాని లోమే ఉంది. టోగో 57,000 చ.కి.మీ (22,008 చదరపు మైళ్ళు)ఉంది. ఇది ఆఫ్రికాలోని అతి చిన్న దేశాలలో ఒకటిగా ఉంది. దేశంలో సుమారు 7.6 మిలియన్ల జనాభా ఉంది.

11 వ నుండి 16 వ శతాబ్దం వరకు వివిధ తెగలకు చెందిన ప్రజలు అన్ని దిశల నుండి ఈ ప్రాంతంలో ప్రవేశించారు. 16 వ శతాబ్దం నుంచి 18 వ శతాబ్దం వరకు తీర ప్రాంతం ఐరోపావారు వాణిజ్యం కొరకు బానిసలను వెతకటానికి కేంద్రంగా ఉండేది. టోగో, దాని పరిసరప్రాంతాలు "ది స్లేవు కోస్టు" పేరు సంపాదించాయి. 1884 లో టోగోల్యాండు అనే పేరుతో ప్రస్తుత టోగోప్రాంతం జర్మనీ రక్షకప్రాంతంగా ప్రకటించబడింది. మొదటి ప్రపంచ యుద్ధం తర్వాత టోగో పాలన ఫ్రాంసుకు బదిలీ చేయబడింది. 1960 లో టోగో ఫ్రాన్సు నుండి స్వాతంత్ర్యం పొందింది. 1967 లో గ్నాసింగ్బే ఇయాడెమా నాయకత్వంలో సైనిక తిరుగుబాటు జరిగిన తరువాత ఆయన కమ్యూనిస్టు వ్యతిరేక, ఏకై పార్టీ దేశానికి అధ్యక్షుడు అయ్యాడు. 1993 లో ఇయాడెమా బహుళపార్టీ ఎన్నికలను ఎదుర్కొంది. ఎన్నికలలో ఇది అక్రమాలకు పాల్పడి అధ్యక్ష పదవిని మూడు సార్లు గెలుచుకుంది. ఆయన మరణం సమయంలో ఇయాడెమా ఆధునిక ఆఫ్రికా చరిత్రలో సుదీర్ఘకాలం అద్యక్షుడుగా పనిచేసిన నాయకుడుగా (38 సంవత్సరాలు) గుర్తింపు పొందాడు. 2005 లో ఆయన కొడుకు ఫోరే గ్నాస్సింగ్బె అధ్యక్షుడుగా ఎన్నికయ్యాడు.

టోగో ఒక ఉష్ణమండల, ఉప-సహారా దేశం. దీని ఆర్థిక వ్యవస్థ అధికంగా వ్యవసాయం మీద ఆధారపడి ఉంటుంది. దేశ వాతావరణం వ్యవసాయపంటలు అభివృద్ధి చెందడానికి అనుకూలంగా ఉంటుంది. అధికారిక భాష ఫ్రెంచి అయినప్పటికీ టోగోలో ముఖ్యంగా అనేక ఇతర భాషలు (ముఖ్యంగా గోబీ కుటుంబానికి చెందిన భాషలు) వాడుకలో ఉన్నాయి. టోగోలో అతిపెద్ద మత సమూహం స్థానిక మతవిశ్వానికి చెందిన ప్రజలు సంఖ్యాపరంగా ఆధిఖ్యత కలిగి ఉన్నారు. అలాగే గణనీయమైన క్రైస్తవ, ముస్లిం అల్పసంఖ్యాక ప్రజలు ఉన్నారు. టోగో ఐక్యరాజ్యసమితి, ఆఫ్రికా సమాఖ్య, ఇస్లాం సహకార సంస్థ, సౌత్ అట్లాంటిక్ పీస్ అండ్ కోఆపరేషన్ జోన్, ఫ్రాంకోఫొనీ, ఎకనామికు కమ్యూనిటీ ఆఫ్ వెస్టర్ను ఆఫ్రికా స్టేట్సు వంటి సంస్థలలో సభ్యదేశంగా ఉంది.

డెన్మార్క్

డెన్మార్క్ అధికార నామం కింగ్డం ఆఫ్ డెన్మార్క్ (డానిష్: Kongeriget Danmark, డేన్స్‌ల నేల అని అర్ధం) డెన్మార్క్ మూడు స్కాండినేవియన్ దేశాల్లో ఒకటి. ఇది నార్డిక్ దేశం, సార్వభౌమాధికారం కలిగిన దేశంగా ఉంది. ప్రధాన భూభాగం దక్షిణ సరిహద్దులో జర్మనీ, ఈశాన్య సరిహద్దులో స్వీడన్, ఉత్తర సరిహద్దులో నార్వే ఉన్నాయి. రాజధాని నగరం కోపెన్‌హాగన్.డెన్మార్క్ సామ్రాజ్యంలో ఉత్తర అట్లాంటిక్ మహాసముద్రంలోని గ్రీన్‌లాండ్, ఫారో ద్వీపాలు భాగంగా ఉన్నాయి.డెన్మార్క్‌లో జస్ట్‌లాండ్ ద్వీపకల్పం, 443 నేండ్ ద్వీపాలు ఉన్నాయి. వీటిలో జీలాండ్, ఫ్యూనెన్, నార్త్ జస్ట్‌లాండిక్ ద్వీపాలు ఉన్నాయి. వీటిని పొడి, ఇసుక భూములుగా వర్గీకరించారు. సముద్రమట్టానికి లోతుగా టెంపరేట్ వాతావరణం కలిగి ఉంది.డెన్మార్క్ వైశాల్యం 42924 చ.కి.మీ. గ్రీన్‌లాండ్, ఫారో ద్వీపాల వైశాల్యం చేర్చితే మొత్తం వైశాల్యం 22,10,579 చ.కి.మీ. 2017 గణాంకాల ఆధారంగా జనసంఖ్య 5.75 మిలియన్లు.డెన్మార్క్ ఏకీకృత సామ్రాజ్యం 10 వ శతాబ్దంలో బాల్టిక్ సముద్రం నియంత్రణ కోసం జరిగిన పోరాటంలో నైపుణ్యంగల సముద్రయాన దేశంలాగా ఉద్భవించింది.1397 లో డెన్మార్క్ స్వీడన్, నార్వే స్థాపించిన కెల్మార్ యూనియన్ 1523 లో స్వీడిష్ విభజనతో ముగిసాయి. డెన్మార్క్, నార్వే 1814 లో యూనియన్‌ బాహ్య దళాలను రద్దు చేసుకునే వరకు సామ్రాజ్యంగా కొనసాగాయి. ఫారో దీవులు గ్రీన్లాండ్, ఐస్లాండ్‌లను వారసత్వంగా పొందింది. 17 వ శతాబ్దం ప్రారంభంలో స్వీడన్‌కు అనేక భూభాగాలు ఉన్నాయి. 19 వ శతాబ్దంలో 1864 రెండవ శ్లేస్విగ్ యుద్ధంలో ఓటమి పొందిన తరువాత జాతీయవాద ఉద్యమాలు అధికరించాయి. మొదటి ప్రపంచ యుద్ధం సమయంలో డెన్మార్క్ తటస్థంగా ఉంది. ఏప్రిల్ 1940 లో జర్మన్ దండయాత్ర క్షిపణి సైనిక వాగ్వివాదాలను చూసింది. డానిష్ నిరోధక ఉద్యమం 1943 నుండి జర్మనీ లొంగిపోయే వరకు చురుకుగా కొనసాగింది. 19 వ శతాబ్దం రెండవ భాగంలో వ్యవసాయ ఉత్పత్తుల పారిశ్రామిక ఉత్పత్తిదారు దేశంగా ఉంది. 20 వ శతాబ్దం ప్రారంభంలో డెన్మార్క్ సాంఘిక కార్మిక-మార్కెట్ సంస్కరణలను ప్రవేశపెట్టింది. ఇది ప్రస్తుత సంక్షేమ రాజ్య నమూనాకు అత్యంత అభివృద్ధి చెందిన మిశ్రమ ఆర్థిక వ్యవస్థకు ఆధారాన్ని సృష్టించింది.

డెన్మార్క్ రాజ్యాంగం 1849 జూన్ 5 న సంతకం చేయబడింది. 1660 లో ప్రారంభమైన సంపూర్ణ రాచరికం ముగిసింది. ఇది పార్లమెంటరీ ప్రజాస్వామ్య వ్యవస్థగా ఏర్పడిన ఒక రాజ్యాంగ రాచరికాన్ని స్థాపించింది. దేశ రాజధాని కోపెన్హాగన్ అతిపెద్ద నగరంగానూ ప్రధాన వాణిజ్య కేంద్రంగానూ ఉంది. నగరంలో ప్రభుత్వ, జాతీయ పార్లమెంట్లు నిర్వహించబడుతున్నాయి.ఇవి డెన్మార్క్ రాజ్యంలో అంతర్గత వ్యవహారాలను నిర్వహించడానికి అధికారాలు కలిగి ఉన్నాయి. 1948 లో ఫారో ద్వీపాలలో హోం రూల్ స్థాపించబడింది; 1979 లో గ్రీన్లాండ్‌లో " హోం రూల్ " స్థాపించబడింది. 2009 లో మరింత స్వయంప్రతిపత్తి కలిగి ఉంది. 1973 లో డెన్మార్క్ " యూరోపియన్ ఎకనామిక్ కమ్యూనిటీ "లో సభ్యదేశంగా అయింది. (ఇప్పుడు ఐరోపా సమాక్య) కొన్ని ఎంపికలను నిలిపివేసింది; డెన్మార్క్ తన సొంత కరెన్సీ క్రోన్‌ను నిలుపుకుంటుంది. ఇది నాటో, నార్డిక్ కౌన్సిల్, ఒ.ఇ.సి.డి, ఒ.ఎస్.సి.ఇ. మరియు యునైటెడ్ నేషన్స్ వ్యవస్థాపక సభ్యదేశాలలో ఇది ఒకటిగా ఉంది. ఇది స్కెంజెన్ ప్రాంతంలో భాగంగా ఉంది.

డెన్మార్క్ ప్రపంచంలోని సంతోషకరమైన దేశాలలో ఒకటిగా పరిగణించబడుతుంది. డాన్స్ అధిక జీవన ప్రమాణం కలిగివుంటారు. విద్య, ఆరోగ్య సంరక్షణ, పౌర స్వేచ్ఛల రక్షణ, ప్రజాస్వామ్య పాలన, శ్రేయస్సు, మానవ అభివృద్ధి వంటి దేశంలోని జాతీయ ప్రమాణాల పరిధిలో చాలా వరకు ఉన్నత ప్రమాణాలు కలిగి ఉంది.

ప్రపంచంలో అత్యధిక సామాజిక సాంఘిక చైతన్యం

ఉన్నత స్థాయి సమానత్వం ప్రపంచంలోనే అతి తక్కువ స్థాయి అవినీతి ఉన్న దేశంగానూ ప్రపంచంలోని అత్యధిక తలసరి ఆదాయం దేశాలలో ఒకటిగానూ, ప్రపంచంలోని అత్యధిక వ్యక్తిగత ఆదాయ పన్ను రేటలు ఉన్న దేశంగానూ ఉంది.

నియంత్రణ రేఖ

నియంత్రణ రేఖ (Line of Control-LoC) భారత పాకిస్తాన్‌ల అధీనంలో ఉన్న కాశ్మీరు భూభాగాలను విడదీసే రేఖ. ఈనాటికీ అంతర్జాతీయ సరిహద్దుగా గుర్తింపు పొందలేదీ రేఖ. అయితే, వాస్తవానికి ఇది సరిహద్దుగానే ఉంది. తొలుత సంధిరేఖగా పిలవబడిన ఈ రేఖను 1972 జూలై 3 నాటి సిమ్లా ఒడంబడిక తరువాత నియంత్రణ రేఖగా పిలుస్తున్నారు. భారత్ అధీనంలో ఉన్న కాశ్మీరు సంస్థాన భాగం జమ్మూ కాశ్మీరు రాష్ట్రం కాగా, పాకిస్తాను అధీనంలో ఉన్న రెండు భాగాలను గిల్గిట్-బల్టిస్తాన్, పాక్ ఆక్రమిత కాశ్మీరు అని పిలుస్తారు. పాకిస్తాన్ దీన్ని ఆజాద్ కాశ్మీరు అని పిలుస్తుంది.

నియంత్రణ రేఖ కాశ్మీరు లోని అనేక గ్రామాలను, కుటుంబాలనూ విడదీసింది.జమ్మూ కాశ్మీరు రాష్ట్రానికి, చైనా అధీనంలో ఉన్న అక్సాయ్ చిన్‌కూ మధ్య ఉన్న సంధి రేఖను వాస్తవాధీన రేఖ (Line of Actual Control) అని అంటారు. ఈ ప్రాంతాన్ని ప్రపంచంలోని అత్యంత ప్రమాదకర ప్రాంతాల్లో ఒకటిగా భావిస్తారు.

పిట్‌కెయిర్న్ దీవులు

పిట్‌కెయిర్న్ దీవులు (పిట్‌కెర్న్ : Pitkern Ailen), అధికారికముగా పిట్‌కెయిర్న్, హెండర్సన్, డూచీ, మరియు ఓయెనో దీవులుగా నామకరణం చేయబడినది. ఇది దక్షిణ పసిఫిక్ మహాసముద్రంలో నాలుగు చిన్నదీవుల సముదాయం. ఈ దీవులు బ్రిటీషు ఓవర్సీస్ టెర్రిటరీకి చెందుతాయి (ఇది పూర్వపు బ్రిటీషు సామ్రాజ్యములో భాగం). ప్రస్తుతం పసిఫిక్ మహా సముద్రములో బ్రిటీషు పాలనలో ఉన్న ఏకైక ప్రాంతం. ఈ సముదాయంలో రెండవ పెద్ద దీవైన పిట్‌కెయిర్న్ దీవిలో మాత్రమే జనవాసం కలదు.

పోర్చుగల్

పోర్చుగల్ (అధికార నామము పోర్చుగీస్ రిపబ్లిక్) ఐరోపాలోని ఐబీరియా ద్వీపకల్పంలోని ఒక దేశం. నైఋతి ఐరోపా లో ఉన్న పోర్చుగల్ అట్లాంటిక్ మహాసముద్రానికి తూర్పు మరియు ఉత్తర దిశలలో స్పెయిన్ఉంది. దీనికి లిస్బన్ రాజధాని.అట్లాంటిక్ ద్వీపసముహాలోని స్వయంప్రతిపత్తి కలిగిన అజోరెస్ మరియు మడియేరా ద్వీపాలు వాటి ప్రాంతీయ ప్రభుత్వ నిర్వహణ చేస్తూ దేశంలో భాగంగా ఉన్నాయి.పోర్చుగల్ ఒక అభివృద్ధి చెందిన దేశము. పోర్చుగల్ ఐక్యరాజ్య సమితి (1955 నుండి), ఐరోపా సమాఖ్య, నాటో మరియు ఓఈసీడీ లలో సభ్యదేశంగా ఉంది.

15వ శతాబ్దంలో భారత దేశం చేరే నావిక మార్గాన్ని కనుక్కోవడంలో పోర్చుగల్ దేశస్థులు ముందున్నారు. ఆ దేశస్థుడైన వాస్కో డ గామా (Vasco da Gama) 1498లో ఐరోపా నుండి భారతదేశానికి నేరుగా సముద్రమార్గాన్ని కనుగొన్నాడు. వాస్కోడిగామా బృందము మొట్టమొదట కాలికట్లో కాలుమోపింది. 16వ శతాబ్దంలో పోర్చుగీసు వర్తకులు గోవాలో స్థావరం ఏర్పరచుకొన్నారు. కొద్దికాలంలోనే, 1510లో అఫోన్సో డి ఆల్బుకరెక్ గోవాను స్వాధీనపరుచుకుని అధికారాన్ని బలవంతంగా హస్తగతం చేసుకొన్నాడు. 1531లో దమన్‌ను, ఆ తర్వాత దియును పోర్చుగీసువారు ఆక్రమించారు. 1539లో గుజరాతు సుల్తాను ద్వారా దమన్ అధికారికంగా పోర్చుగీసువారికి అప్పగింపబడింది. పోర్చుగీసువారు గోవాను స్వాధీనపరుచుకున్న 450 ఏండ్ల తరువాత, 1961లో డిసెంబరు 19న భారత ప్రభుత్వం గోవా, దమన్, దియులను తన అధీనంలోకి తీసుకొన్నది. కానీ పోర్చుగల్ ప్రభుత్వం 1974 వరకు వీటిపై భారతదేశపు అధిపత్యాన్ని అంగీకరించలేదు. అలాగే దాద్రా నగరు హవేలీ కూడా 1779 నుండి 1954లో భారతదేశము స్వాధీనము చేసుకునే వరకు పోర్చుగీస్ కాలనీగా ఉంది.

పోర్చుగల్ ఇబెరియన్ ద్వీపకల్పంలో అత్యంత పురాతన రాష్ట్రంగా ఉంది మరియు పురాతన యూరోపియన్ దేశాలలో ఒకటిగా ఉంది. దాని భూభాగంలో నిరంతరం మాననవనివాసితంగా ఉంది. పూర్వ చారిత్రకు పూర్వం నుండి కాలాల తరువాత ఆక్రమించబడింది. ప్రీ-సెల్ట్స్, సెల్ట్స్, కార్తగినియన్లు మరియు రోమన్లు ​​విసిగోత్స్ మరియు స్యూబి జర్మానిక్ ప్రజల దండయాత్రలు జరిగాయి.క్రీ.శ. 711 లో ఐబీరియన్ ద్వీపకల్పాన్ని ఆక్రమించిన ముస్లిం మూర్సుకు వ్యతిరేకంగా పోర్చుగల్ క్రిస్టియన్ రీకోనక్స్‌టా తరువాతపోర్చుగల్ స్థాపించబడింది. " సావో మమేడే యుద్ధం " తరువాత అపోన్సో హెన్రిక్స్ నేతృత్వంలోని పోర్చుగీస్ దళాలు అతని తల్లి థెరెస్సా పోర్చుగల్ నేతృత్వంలోని దళాలను ఓడించగా పోర్చుగల్ కౌంటీ దాని సార్వభౌమత్వాన్ని ధ్రువీకరించింది. అపోన్సో హెన్రిక్స్ తనకుతానుగా పోర్చుగల్ ప్రిన్స్ ప్రకటించుకున్నాడు. తరువాత అతను 1139 లో అవేక్యు యుద్ధంలో పోర్చుగల్ రాజుగా ప్రకటించబడ్డాడు. 1143 లో పొరుగు రాజ్యాలచే గుర్తించబడ్డాడు.15 వ మరియు 16 వ శతాబ్దాలలో పోర్చుగల్ మొట్టమొదటి ప్రపంచ సామ్రాజ్యాన్ని స్థాపించింది. ఇది ప్రపంచంలో అతిపెద్ద ఆర్థిక, రాజకీయ మరియు సైనిక శక్తులలో ఒకటిగా మారింది. ఈ కాలంలో డిస్కవరీ యుగంగా పిలువబడేది పోర్చుగీసు అన్వేషకులు సముద్రపు అన్వేషణకు ముందున్నారు. ప్రత్యేకించి ప్రిన్స్ హెన్రీ ది నావిగేటర్ మరియు కింగ్ రెండవ జాన్ ఆధీఅంలో బార్టోలోమేయు డయాస్ గుడ్ హొప్ కేప్ (1488 ), వాస్కో డా గామా భారతదేశం (1497-98) మరియు బ్రెజిల్ యూరోపియన్ డిస్కవరీ (1500) సముద్ర మార్గాన్ని కనుగొన్నారు. పోర్చుగల్ ఈ సమయంలో సుగంధ వాణిజ్యాన్ని గుత్తాధిపత్యం కలిగి ఉంది. సామ్రాజ్యం సైనిక పోరాటాలతో ఆసియాలో విస్తరించింది. అయితే 1755 భూకంపంలో లిస్బన్ నాశనం నెపోలియన్ యుద్ధాల సమయంలో దేశం ఆక్రమణ మరియు బ్రెజిల్ స్వాతంత్ర్యం (1822) లో లిస్బన్ విధ్వంసం వంటి సంఘటనలు పోర్చుగల్‌ను యుద్ధం నుండి చేశాయి మరియు దాని ప్రపంచ శక్తి క్షీణించింది.1910 లో జరిగిన విప్లవం రాచరికాన్ని తొలగించిన తరువాత ప్రజాస్వామ్య కాని అస్థిర పోర్చుగీస్ ఫస్ట్ రిపబ్లిక్ స్థాపించబడింది. తరువాత రైట్ - వింగ్‌కు చెందిన ఎస్టాడో నోవో నిరంకుశ పాలనలో అణిచివేతకు గురైంది. 1974 లో కార్నేషన్ విప్లవం తరువాత పోర్చుగీస్ కలోనియల్ యుద్ధం ముగిసిన తరువాత ప్రజాస్వామ్యం పునరుద్ధరించబడింది. కొద్దికాలానికే స్వాతంత్ర్యం దాదాపు అన్ని విదేశీ భూభాగాలకు ఇవ్వబడింది. 1999 లో చైనాకు మాకాను అప్పగించిన కాలం చేసుకున్న కాలం కాలనీల సామ్రాజ్యానికి ముగింపుగా ఉంది. పోర్చుగల్ ప్రపంచం అంతటా విస్తారమైన సాంస్కృతిక మరియు నిర్మాణవైభవాన్ని విడిచి పెట్టింది. 250 మిలియన్లకు పైగా పోర్చుగీస్ మాట్లాడే ప్రజలు ఉన్నారు. పోర్చుగీస్ ఆధారిత క్రియోల్‌ భాషా వారసత్వం కలిగిన ప్రజలు ఉన్నారు. ఐక్యరాజ్యసమితి మరియు ఐరోపా సమాఖ్య సభ్యదేశంగా ఉంది. పోర్చుగల్ నాటో, యూరోజోన్, ఒ.ఇ.సి.డి. మరియు కమ్యూనిటీ ఆఫ్ పోర్చుగీస్ భాష దేశాల వ్యవస్థాపక సభ్యదేశాలలో ఒకటిగా ఉంది.

పోర్చుగల్ అనేది అధిక ఆదాయం కలిగిన ఆధునిక ఆర్థిక వ్యవస్థ, అభివృద్ధి చెందిన మార్కెట్ మరియు ఉన్నత జీవన ప్రమాణాలతో అభివృద్ధి చెందిన దేశంగా గుర్తించబడింది.పర్యావరణ పనితీరు (7 వ స్థానం)ఎల్.జి.బి.టి.ఐ. హక్కులు (ఐరోపాలో 6 వ స్థానం) ప్రెస్ స్వేచ్ఛ (18 వ స్థానం) సామాజిక పురోగతి (20 వ స్థానం) మరియు శ్రేయస్సు (25 వ స్థానం) పరంగా ఇది అత్యధిక స్థానంలో ఉంది మరియు ఉత్తమ రోడ్ నెట్వర్క్ ప్రపంచదేశాలలో ఒకటిగా ఉంది.

దాని రాజకీయ స్థిరత్వం మరియు తక్కువ నేరాల శాతంతో ఇది యురేపియన్ యూనియన్‌లో అత్యంత ప్రశాంతమైన దేశంగా ప్రపంచంలోని 3 వ స్థానంలో ఉంది. అదనంగా ఇది పదిహేను స్థిరమైన దేశాలలో ఒకటిగా గుర్తింపు పొందింది. ఒక ఏకీకృత సెమీ ప్రెసిడెన్షియల్ రిపబ్లిక్‌ను నిర్వహించడం. పి.ఐ.ఎస్.ఎ. అధ్యయనాల్లో భావవ్యక్తీకరణ అత్యంత సానుకూల పరిణామంతో దేశంలో పోర్చుగీసు, గణితం, విజ్ఞానం, మరియు పఠనంలో ఒ.ఇ.సి.డి. సగటు కంటే పోర్చుగల్ ర్యాంకులు అధికంగా ఉన్నాయి. చారిత్రాత్మకంగా కాథలిక్-మెజారిటీ దేశం అయినప్పటికీ గత దశాబ్దాల్లో పోర్చుగల్ ప్రపంచంలోనే అత్యధిక స్థాయిలో నైతిక స్వేచ్ఛను కలిగి ఉన్న ఒక లౌకిక రాజ్యంగా రూపాంతరం చెందింది. జీవిత ఖైదు ని రద్దు చేసిన మొట్టమొదటి దేశం మరియు మరణశిక్షను రద్దు చేయడానికి మొట్టమొదటిది. గర్భస్రావం, స్వలింగ వివాహం మరియు స్వీకరణ వంటి పధ్ధతులు, సింగిల్ స్త్రీల మరియు లెస్బియన్ జంటలు మరియు పవిత్రమైన (అద్దె గర్భం)సర్రోగెంసీ చట్టబద్ధమైన హోదా కల్పించి వైద్యపరంగా సహాయపడింది చట్టబద్ధమైనవి. 2001 లో పోర్చుగల్ అనేది అన్ని చట్టవిరుద్ధ మందుల స్వాధీనం మరియు వినియోగాన్ని నేరంగా పరిగణించబడని దేశాలలో ప్రపంచంలో మొట్టమొదటి దేశం, ఇది చికిత్స మరియు హాని తగ్గింపుపై దృష్టి పెట్టింది. ముఖ్యమైన ప్రజా ఆరోగ్య ప్రయోజనాలను దృష్టి సారించింది.

ఫ్రాన్సు

ఫ్రాన్స్ లేదా అధికారికంగా ఫ్రెంచ్ గణతంత్రం, పశ్చిమప్రాంతంలో ఉన్న యూరోపియన్ యూనియన్ సభ్యదేశంగా ఉంది.ఫ్రాంసుకు ఇతర ఖండాలలో దీవులు ఉన్నాయి. ఫ్రాన్స్ ఒక సమైక్య పాక్షిక- అధ్యక్షతరహా గణతంత్రం. దేశ ప్రధాన నినాదం " డిక్లెరేషన్ అఫ్ ది రైట్స్ అఫ్ మాన్ అండ్ అఫ్ ది సిటిజెన్ "లో వ్యక్తపరచబడింది.

ఫ్రాన్స్ ప్రధాన భూభాగం మధ్యధరా సముద్రం నుండి ఇంగ్లీష్ ఛానల్, ఉత్తర సముద్రం, రైన్ నుండి అట్లాంటిక్ మహాసముద్రం వరకు విస్తరించి ఉంది. దాని భూభాగ ఆకారంవలన ఫ్రాంసు "ది హేక్స్సాగాన్" (షడ్భుజి)) అని తరచూ వర్ణించ బడుతుంది.దేశ సరిహద్దులుగా (ఉత్తరం నుండి గడియారం భ్రమణం వలె) బెల్జియం, లక్సెంబర్గ్, జర్మనీ, స్విట్జర్లాండ్, ఇటలీ, మొనాకో, స్పెయిన్, అండొర్రా ఉన్నాయి. ఫ్రాన్స్ సుదూర భూభాగాల భూసరిహద్దులలో బ్రెజిల్, సురినామ్ (ఫ్రెంచ్ గయానాతో సరిహద్దు కలది), నెదర్లాండ్స్ ఆంటిల్లీస్ (సెయింట్-మార్టిన్‌తో సరిహద్దు కలది)లు ఉన్నాయి. ఫ్రాన్స్ ఇంగ్లీష్ ఛానల్ అడుగు నుండి పోయే ఛానల్ టన్నల్ ద్వారా యునైటెడ్ కింగ్డంతో కలుపబడింది.

ఫ్రాన్స్ వైశాల్యపరంగా ఐరోపా సమాఖ్యలో అతి పెద్దదేశంగానూ అలాగే ఐరోపాలో ( రష్యా, ఉక్రెయిన్ల తరువాత) 3 వ స్థానంలో ఉంది. ఐరోపాయేతర భూభాగాలైన ఫ్రెంచ్ గయానా వంటి వాటిని కలిపితే అది 2 వ స్థానంలో ఉండేది. బలమైన ఆర్థిక, సాంస్కృతిక, సైనిక, రాజకీయప్రభావంతో ఫ్రాన్స్ అనేక శతాబ్దాల పాటు ప్రబల శక్తిగా ఉంది. 17 - 18వ శతాబ్దాలలో ఫ్రాన్స్ ఉత్తర అమెరికాలోని అధికభాగాలను వలసలుగా చేసుకుంది. 19వ - 20వ శతాబ్దాల ప్రారంభంలో, ఉత్తర, పశ్చిమ, మధ్య ఆఫ్రికాలోని అధికభాగాలను, ఆగ్నేయ ఆసియా, అనేక పసిఫిక్ ద్వీపాలను చేర్చుకోవడం ద్వారా ఆ కాలంలో రెండవ పెద్ద సామ్రాజ్యాన్ని నిర్మించింది.

ఫ్రాన్స్ ఒక అభివృద్ధిచెందిన దేశంగా పరిగణించబడుతుంది. నామమాత్ర జి.డి.పి పరంగా 5వ పెద్ద ఆర్థికవ్యవస్థగా ఉంది. కొనుగోలుశక్తి పరంగా 8వ పెద్ద ఆర్థికవ్యవస్థగా ఉంది. సంవత్సరానికి 82 మిల్లియన్ల మంది సందర్శకులను ఆకర్షిస్తూ ప్రపంచంలో అత్యధికంగా సందర్శింపబడే దేశంగా ఉంది. ఫ్రాన్స్ ఐరోపా సమాఖ్య స్థాపకసభ్యులలో ఒకటిగా ఉండి అన్ని సభ్యదేశాల కంటే ఎక్కువ భూభాగాన్ని కలిగి ఉంది. అది ఐక్యరాజ్య సమితి స్థాపక సభ్యదేశాలలో కూడా ఒకటిగా ఉంది. ఫ్రాంకోఫోనీ, జి 8, జి 20, నాటో, ఒ.ఇ.సి.డి, వరల్డ్ ట్రేడ్ యూనియన్, లాటిన్ యూనియన్‌లలో సభ్యదేశంగా ఉంది. ఐక్యరాజ్యసమితి భద్రతామండలి ఐదు శాశ్వత సభ్యదేశాలలో ఇది ఒకటిగా ఉంది. ప్రపంచంలో అధిక అణు ఆయుధాలను కలిగిన 3వ దేశంగానూ ఐరోపా సమాఖ్యలో అత్యధిక అణుఇంధన కేంద్రాలను కలిగి ఉన్నదేశంగా ఉంది.

ఫ్రెంచి భాష

ఫ్రెంచి భాష ప్రపంచ వ్యాప్తంగా 11.5 కోట్ల మందిచే మొదటి భాషగా మాట్లాడబడు ఒక భాష. రోమన్ సామ్రాజ్యం నాటి లాటిన్ భాష నుండి ఉద్భవించిన పలు భాషలలో ఫ్రెంచ్ లేదా ఫ్రెంచి భాష ఒకటి. ఫ్రాన్స్ దేశస్థుల మాతృభాష అయిన ఈ భాష 54 పై బడి దేశాలలో వాడుకలో ఉన్నప్పటికీ, ఫ్రాన్స్ బయట కెనడా, బెల్జియం, స్విట్జర్లాండ్, లక్సెంబర్గ్, మొనాకో మరియు ఆఫ్రికాలోని కొన్ని భాగాలలో బాగా వ్యాప్తి చెందింది.

ఫ్రెంచి భాష 29 దేశాలలో అధికార భాష. అంతే కాక, ఈ భాష ఐక్య రాజ్య సమితిలోని అంగాలకు అధికార భాష. ఐరోపా సమాఖ్య లెక్కల ప్రకారం 27 సభ్యదేశాలలో 12.9 కోట్ల మంది (26%) ఈ భాష మాట్లాడుతుండగా, వీరిలో 5.9 కోట్ల మందికి (12%) ఇది మాతృభాష కాగా మిగిలిన 7 కోట్ల మందికి (14%) ఇది రెండవ భాష - తద్వారా ఫ్రెంచి భాష ఐరోపా సమాఖ్యలో ఎక్కువగా మాట్లాడబడు భాషలలో ఆంగ్ల భాష, జర్మన్ భాషల తర్వాత మూడవ స్థానంలో ఉంది.

మరణశిక్ష

మరణ శిక్ష, లేదా మరణ దండన (Death Penalty) ఒక వ్యక్తిని అతను చేసిన నేరానికి శిక్షగా న్యాయ ప్రక్రియ ద్వారా చంపటం. మరణ దండనను శిక్షగా పొందే నేరాలను మరణార్హ నేరాలు లేదా మరణార్హ దోషాలు అంటాము.

కాపిటల్ అనే పదం లాటిన్ భాషలోని కాపిటలిస్ నుండి వచ్చింది, దీని అర్ధం "తలకు సంబంధించిన" (లాటిన్ కాపుట్ ). కావున, మామూలుగా ఒక మరణార్హ నేరం అనేది తలను ఖండించడం ద్వారా శిక్షను అనుభవించే ఒక నేరం.

ప్రస్తుతం మరణ దండనను ప్రస్తుతం 95 దేశాలు నిషేధించగా కేవలం 58 దేశాలలో మాత్రమే ఆచరణలో ఉన్నప్పటికీ (మిగిలినవి గత 10 సంవత్సరాలుగా దానిని విధించనివి లేదా కేవలం యుద్ధకాలం వంటి కొన్ని ప్రత్యేక సందర్భాలలో మాత్రమే అనుమతించేవి) ఇది గతంలో వాస్తవంగా అన్ని సమాజాల్లోనూ ఆచరణలో ఉన్న ఒక శిక్ష. ఇది వివిధ దేశాలలో మరియు రాష్ట్రాలలో క్రియాశీలంగా ఉన్న వివాదం, మరియు ఒకే రాజకీయ సిద్ధాంతంలో లేదా సాంస్కృతిక ప్రాంతంలోనే దీని అమలుపై విభిన్న వాదనలున్నాయి. ఐరోపా సమాఖ్య సభ్యదేశాలలో, చార్టర్ ఆఫ్ ఫండమెంటల్ రైట్స్ ఆఫ్ ది యూరోపియన్ యూనియన్ యొక్క ఆర్టికిల్ 2 మరణదండనను నిషేధించింది.ప్రస్తుతం, అత్యధిక దేశాలు ఆమ్నెస్టీ ఇంటర్నేషనల్ చే నిషేధవాదులుగా పరిగణింపబడుతున్నాయి, ఇవి UNకు మరణదండనను నిషేధించే ఒక నిర్బంధం కాని తీర్మానంపై ఓటు వేసే అవకాశాన్ని కలిగిఉన్నాయి. ఏమైనప్పటికీ, ప్రపంచ జనాభాలో 60%కి పైగా ప్రజలు, విచారణలలో ఉరిశిక్షను అమలు చేస్తూ సమీప భవిష్యత్తులో దానిని ఎత్తివేసే యోచన లేని ప్రపంచంలో అత్యధిక జనాభా కలిగిన నాలుగు దేశాలలో (పీపుల్స్ రిపబ్లిక్ ఆఫ్ చైనా, ఇండియా, యునైటెడ్ స్టేట్స్ మరియు ఇండోనేషియా) నివసిస్తున్నారు.

యునైటెడ్ కింగ్‌డమ్

గ్రేట్ బ్రిటన్ మరియు ఉత్తర ఐర్లాండ్ యొక్క సంయుక్త రాజ్యం (ఆంగ్లము: United Kingdom of Great Britain and Northern Ireland యునైటెడ్ కింగ్‌డమ్ ఆఫ్ గ్రేట్ బ్రిటన్ మరియు నార్తర్న్ ఐర్లాండ్), అందరికీ తెలిసినట్లుగా సంయుక్త రాజ్యం, యునైటెడ్ కింగ్‌డమ్ (United Kingdom) , లేదా బ్రిటన్ (Britain),పశ్చిమ ఐరోపాలోని స్వార్వభౌమాధికారం కలిగిన దేశం. ఐరోపా ఖండములోని స్వతంత్ర దేశము. ఇదొక ద్వీప దేశము, గ్రేట్ బ్రిటన్, ఉత్తర ఐర్లాండ్, మరియు చాలా ద్వీపాలు కలిసి ఏర్పడింది. ఉత్తర ఐర్లాండ్ యునైటెడ్ కింగ్‌డమ్ లోనూ మరియు రిపబ్లిక్ ఆఫ్ ఐర్లాండ్ లోనూ భాగము. ఈ భూభాగాలు కాకుండా అట్లాంటిక్ మహాసముద్రం, ఉత్తర సముద్రం, ఇంగ్లీష్ కాలువ మరియుఐరిష్ సముద్రంతో ఆవరించబడి ఉన్నాయి. ఈ దీవులన్నింటిలోకి గ్రేట్ బ్రిటన్ పెద్దదైన భూభాగము.

యునైటెడ్ కింగ్‌డమ్ క్రింద నాలుగు దేశాలు ఉన్నాయి. దేశానికి రాణి రెండవ ఎలిజబెత్. ప్రస్తుత ప్రధానమంత్రి డేవిడ్ కామెరాన్.ఇంగ్లాండు,వేల్స్, స్కాట్లాండ్,ఉత్తర ఐర్లాండ్

ఉత్తర ఐర్లాండ్ యు.కె ఏకైక భాగం మరొక సార్వభౌమ్య రాజ్యంగా భూ సరిహద్దును పంచుకున్నప్పటికీ దాని విదేశీ భూభాగాలలో రెండు కూడా ఇతర సార్వభౌమ దేశాలతో భూ సరిహద్దులను పంచుకున్నాయి. యు.కె సరిహద్దులో గిబ్రల్టార్ స్పెయిన్‌తో సరిహద్దును కలిగి ఉంది. సైప్రస్ రిపబ్లిక్, ఉత్తర సైప్రస్ మరియు ఐరోపా బఫర్ జోన్లతో రెండు సైప్రియట్ విధానాలను వేరుచేసే అగ్రోతిరి మరియు ధెకిలియా వాటా సరిహద్దుల సావరిన్ బేస్ ప్రాంతాలు ఉన్నాయి. ఈ భూ సరిహద్దులతో యునైటెడ్ కింగ్డమ్ అట్లాంటిక్ మహాసముద్రంతో, తూర్పు సరిహద్దులో నార్త్ సీ, తూర్పు సరిహద్దులో ఇంగ్లీష్ కెనాల్, వాయవ్య సరిహద్దులో సెల్టిక్ సముద్రం సెల్టిక్ సముద్రం ఉన్నాయి. యు.కె ప్రపంచంలోని 12 వ అతిపెద్ద పొడవైన తీరప్రాంతాన్ని కలిగి ఉంది. ఐరిష్ సముద్రం గ్రేట్ బ్రిటన్ మరియు ఐర్లాండ్ల మధ్య 2,42,500 చదరపు కిలోమీటర్ల (93,600 చదరపు మైళ్ల) విస్తీర్ణంలోంవిస్తరించి ఉంది. యునైటెడ్ కింగ్డమ్ ప్రపంచంలోని 78 వ అతిపెద్ద సార్వభౌమ రాజ్యంగా మరియు ఐరోపాలో 11 వ అతిపెద్దదిగా ఉంది. ఇది సుమారుగా 21 వ అత్యంత జనసాంద్రత గల దేశంగా ఉంది. అంచనా ప్రకారం 65.5 మిలియన్ల మంది పౌరులు నివసిస్తున్నారు. ఇది ఐరోపా సమాఖ్య (ఇ.యు.) లో నాల్గవ అత్యంత జనసాంద్రత గల దేశాన్ని చేస్తుంది.

పార్లమెంటరీ ప్రజాస్వామ్యం కలిగిన యునైటెడ్ కింగ్డమ్ ఒక రాచరికప్రజాస్వామ్యదేశ రాజ్యాంగంగా ఉంది. ఈ రాజవంశం 1952 ఫిబ్రవరి 6 నుండి క్వీన్ రెండవ ఎలిజబెత్ పాలిస్తూ ఉంది. యునైటెడ్ కింగ్డమ్ రాజధాని మరియు దాని అతిపెద్ద నగరం లండన్ ప్రపంచ పట్టణం మరియు ఆర్థిక కేంద్రంగా 10.3 మిలియన్ జనసంఖ్య కలిగిన పట్టణ ప్రాంతంగా ఉంది. ఐరోపాలో నాల్గవ-అతిపెద్ద మరియు యూరోపియన్ యూనియన్లో రెండవ అతిపెద్దది.

యునైటెడ్ కింగ్డంలోని ఇతర ప్రధాన పట్టణ ప్రాంతాలు బర్మింగ్హామ్, లీడ్స్, గ్లాస్గో, లివర్పూల్ మరియు మాంచెస్టర్ లలో కేంద్రీకృతమై ఉన్నాయి. యునైటెడ్ కింగ్డంలో నాలుగు దేశాలు ఉన్నాయి - ఇంగ్లాండ్, స్కాట్లాండ్, వేల్స్ మరియు ఉత్తర ఐర్లాండ్. చివరి మూడు సంస్థలు పరిపాలనలను

ప్రతి ఒక్కరికి విభిన్న శక్తులు

వారి రాజధానులు ఎడిన్బర్గ్, కార్డిఫ్ మరియు బెల్ఫాస్ట్ లలో ఉన్నాయి. సమీపంలోని ఐల్ ఆఫ్ మాన్, బెయిల్విక్ ఆఫ్ గ్వెర్నిసీ మరియు బెయిల్విక్ జెర్సీలు యునైటెడ్ కింగ్డంలో భాగం కావడం లేదు. రక్షణ మరియు అంతర్జాతీయ ప్రాతినిధ్య బాధ్యత కలిగిన బ్రిటీష్ ప్రభుత్వం వహిస్తుంది.యునైటెడ్ కింగ్డమ్ సృష్టికి ముందు వేల్స్ ఇప్పటికే ఇంగ్లాండ్ రాజ్యం చేత జయించి స్వాధీనం చేసుకుంది. ఇంగ్లాండ్ మరియు స్కాట్లాండ్ల మధ్య యూనియన్ ఒప్పందం ద్వారా 1707 లో సృష్టించబడిన యునైటెడ్ కింగ్డం గ్రేట్ బ్రిటన్ అన్ని అంశాలను కలిగి ఉంది. 1801 లో ఐర్లాండ్ రాజ్యం ఈ రాష్ట్రంతో విలీనం అయ్యింది. యునైటెడ్ కింగ్డం ఆఫ్ గ్రేట్ బ్రిటన్ మరియు ఐర్లాండ్ ఏర్పడింది. ఐర్లాండ్ అయిదు ఆరవ శతాబ్దం బ్రిటన్ నుండి 1922 లో విడిపోయింది. ఇది గ్రేట్ బ్రిటన్ మరియు ఉత్తర ఐర్లాండ్ యునైటెడ్ కింగ్డం ప్రస్తుత సూత్రీకరణను వదిలివేసింది.

పద్నాలుగు బ్రిటీష్ విదేశీ భూభాగాలు ఉన్నాయి. ఇవి బ్రిటీష్ సామ్రాజ్యం అవశేషాలు 1920 వ దశకంలో దాని శిఖరాగ్రంలో ఉన్నప్పుడు ప్రపంచ భూభాగంలో దాదాపు నాలుగింటిని చుట్టుముట్టాయి. చరిత్రలో అతిపెద్ద సామ్రాజ్యంగా ఉంది. బ్రిటీష్ పాలిత ప్రాంతాలలో ప్రభావం దాని పూర్వ కాలనీల భాష సంస్కృతి మరియు చట్టపరమైన వ్యవస్థల్లో బ్రిటిష్ ప్రభావం గమనించవచ్చు.

యునైటెడ్ కింగ్డమ్ ఒక అభివృద్ధి చెందిన దేశంగా ఉంది మరియు నామమాత్ర జి.డి.పి. మరియు కొనుగోలు శక్తి సమానతతో తొమ్మిదవ అతిపెద్ద ఆర్థికవ్యవస్థగా, ప్రపంచంలో ఆరవ అతిపెద్ద ఆర్థిక వ్యవస్థను కలిగి ఉంది. యు.కె. అధిక ఆదాయం కలిగిన ఆర్థిక వ్యవస్థను కలిగి ఉన్నట్లు భావిస్తారు మరియు మానవ అభివృద్ధి సూచికలో అత్యధికంగా వర్గీకరించబడుతుంది. ప్రపంచంలోని 16 వ స్థానంలో ఉంది. ఇది 19 వ మరియు 20 వ శతాబ్ది ప్రారంభంలో ప్రపంచం మొట్టమొదటి పారిశ్రామికీకరణ దేశంగా మరియు ప్రపంచంలోని మొట్టమొదటి శక్తిగా ఉందని చెప్పవచ్చు. యు.కె. అంతర్జాతీయంగా గణనీయమైన ఆర్థిక, సాంస్కృతిక, సైనిక, శాస్త్రీయ మరియు రాజకీయ ప్రభావాలతో గొప్ప శక్తిగా మిగిలిపోయింది. ఇది గుర్తించబడిన అణ్వాయుధ రాజ్యం మరియు ప్రపంచంలోని సైనిక వ్యయంలో ఏడవ దేశంగా ఉంది.

ఐక్యరాజ్యసమితి భద్రతా మండలిలో 1946 లో మొదటి సమావేశం నుండి యు.కె. ఒక శాశ్వత సభ్యదేశంగా ఉంది. ఇది 1973 నుండి ఇ.యు. మరియు దాని పూర్వీకుడైన యూరోపియన్ ఎకనామిక్ కమ్యూనిటీ (ఇ.ఇ.సి.) ప్రముఖ సభ్య దేశంగా ఉంది. అయితే, 2016 జూన్ 23 ఇ.యు. యు.కె.సభ్యత్వం వదలడానికి ఒక ప్రజాభిప్రాయ ఫలితంగా, యు.కె. ఓటర్లలో 51.9% అనుకూలంగా ఉన్నారు. ఇప్పుడు ఇ.యు. నుండి దేశం భవిష్యత్ నిష్క్రమణ చర్చలు జరుగుతున్నాయి. యు.కె కూడా కామన్వెల్త్ ఆఫ్ నేషన్స్, కౌన్సిల్ ఆఫ్ ఐరోపా, జి7 ఫైనాన్స్ మంత్రులు, జి7 ఫోరమ్, జి20, నాటో, ఆర్గనైజేషన్ ఫర్ ఎకనామిక్ కో-ఆపరేషన్ అండ్ డెవలప్మెంట్ (ఇ.ఇ.సి.డి.) వరల్డ్ ట్రేడ్ ఆర్గనైజేషన్ (ప్రపంచ వాణిజ్య సంస్థ) సభ్యత్వం కలిగి ఉంది.

యూరో

యూరో 13 ఐరోపా దేశాల అధికారిక మారక ద్రవ్యం (కరెన్సీ). ఆస్ట్రియా, బెల్జియం, ఫిన్లాండ్, ఫ్రాన్సు, జర్మనీ, గ్రీసు, ఐర్లాండ్, ఇటలీ, లక్సెంబర్గ్, హాలండు, పోర్చుగల్, స్లొవేనియా, స్పెయిన్లు యూరోను ప్రవేశపెట్టాయి. అయితే ఐరోపా సమాఖ్యలో సభ్యులైన ఇంగ్లాండ్, డెన్మార్క్ దేశాలు యూరోను తమ దేశాల్లో ప్రవేశపెట్టలేదు. కాబట్టి దీన్ని ఐరోపా సమాఖ్య ద్రవ్యంగా భావించరాదు. సమాఖ్యలో ఇటీవల చేరిన దేశాలు యూరోను ద్రవ్యంగా అంగీకరించాలనే నియమం ఉన్నప్పటికీ పాత సభ్యులైన ఇంగ్లండు, డెన్మార్కు లకు ఆ నియమం వర్తించదు. సమాఖ్యలో సభ్యులు కానప్పటికీ వాటికన్ సిటీ, మొనాకో, సాన్ మారినో, యాండొర్రా వంటి చిన్న దేశాలు కూడా యూరోను ప్రవేశపెట్టాయి. యూరోను అధికారిక మారక ద్రవ్యంగా కలిగిన దేశాలను సంయుక్తంగా యూరోజోన్ అని సంబోధిస్తారు.

ముందుగా 1999 జనవరి 3 న ఐరోపా లోని 11 దేశాల్లో కార్పొరేట్లు, పెట్టుబడుల మార్కెట్లలో యూరోను ప్రవేశపెట్టారు. 2002 జనవరి 1 న నాణేలు, నోట్లను విడుదల చేసి సాధారణ చెలామణీ లోకి తెచ్చారు. దానితో ఆస్ట్రియా షిల్లింగు, బెల్జియం ఫ్రాంకు, ఫిన్లండు మర్కా, ఫ్రెంచి ఫ్రాంకు, జర్మను మార్కు, ఇటలీ లీరా, ఐర్లండు పంటు, లక్సెంబర్గు ఫ్రాంకు, హాలండు గిల్డరు, పోర్చుగీసు ఎస్కుడో, స్పానిషు పెసేటాలను చెలామణీ లోంచి తొలగించారు.

షెంగెన్ వీసా

షెంగెన్ ప్రాంతం 1985లో లక్జెంబర్గ్‌లోని షెంగెన్ పట్టణంలో సంతకం చేయబడిన షెంగెన్ ఒప్పందమును అమలు చేసిన ఇరవై-ఐదు ఐరోపా దేశాల ప్రాంతాలను కలిగిఉంది. షెంగెన్ ప్రాంతం ఆ ప్రాంతంలోకి మరియు వెలుపలికి అంతర్జాతీయ ప్రయాణాలకు సరిహద్దు నియంత్రణలతో ఒకే రాజ్యం వలె పనిచేస్తుంది, కానీ అంతర్గత సరహద్దు నియంత్రణలు లేవు.

1999లో అమ‌స్ట‌ర్‌డాం ఒప్పందం ద్వారా షెంగెన్ నియమాలు ఐరోపా సమాఖ్య (EU) చట్టంలో పొందుపరచబడ్డాయి, అయితే ఈ ప్రాంతం అధికారికంగా EU సభ్యదేశాలు కాని ఐస్‌లాండ్, నార్వే, స్విట్జర్లాండ్‌లను, మరియు వాస్తవంగా మూడు ఐరోపా సూక్ష్మదేశాలైన, మొనాకో, శాన్ మారినో, మరియు వాటికన్ సిటీలను కలిగి ఉంది. రెండు EU సభ్యదేశాలైన–ఐర్లాండ్ మరియు యునైటెడ్ కింగ్డం–తప్ప మిగిలిన అన్ని దేశాలు షెంగెన్ అమలు చేయవలసిఉంది, ఇప్పటికే అమలు చేసిన బల్గేరియా, సైప్రస్, మరియు రొమేనియా దీనికి మినహాయింపు. ప్రస్తుతం ఈ ప్రాంతం 400 మిలియన్ల జనాభాకు మరియు 4,312,099 చద�kilo��పు మీటరుs (1,664,911 sq mi) ప్రాంతానికి వ్యాపించి ఉంది.

షెంగెన్ నియమాల అమలులో, ఇతర షెంగెన్ సభ్యదేశాలతో సరిహద్దు నియంత్రణలు ఎత్తివేయడం, దానితోపాటే సభ్య-దేశాలు కాని దేశాల పట్ల సరిహద్దు నియంత్రణలను బలోపేతం చేయడం ఇమిడిఉంటాయి. ఉమ్మడిగా ఉండే వ్యక్తుల తాత్కాలిక ప్రవేశంపై విధానం (షెంగెన్ వీసాతో కలిపి), బాహ్య సరిహద్దు నియంత్రణల క్రమబద్ధీకరణ, సరిహద్దు-వెలుపలి పోలీసు మరియు న్యాయ సహకారంపై నిబంధనలు ఈ నియమాలలో ఉంటాయి.

విమానాశ్రయాలు, హోటళ్ళు, లేదా పోలీసులు జరిపే గుర్తింపు పరీక్షలకు, ఒక పాస్‌పోర్ట్ లేదా EU అనుమతి పొందిన జాతీయ గుర్తింపు కార్డులలో ఏది సరిపోతుందనేది, జాతీయ నియమాలపై ఆధారపడి ఉంటుంది మరియు దేశాల మధ్య మారుతూ ఉంటుంది. అప్పుడప్పుడు, షెంగెన్ దేశాల మధ్య క్రమ సరిహద్దు నియంత్రణలు ఉపయోగించబడతాయి.

స్వాజీల్యాండ్

ఎస్వాతిని అధికారికంగా ఈస్వాటిని సామ్రాజ్యం స్వాజిల్యాండ్ అని కూడా పిలువబడుతుంది. ఇది దక్షిణ ఆఫ్రికాలో ఒక భూబంధిత దేశం. ఈశాన్యసరిహద్దులో మొజాంబిక్, ఉత్తర, తూర్పు దక్షిణ సరిహద్దులలో సౌత్ ఆఫ్రికా ఉంది. ఉత్తర సరిహద్దు, దక్షిణ సరిహద్దు మద్య దూరంజ్ 200 కిలోమీటర్లు (120 మైళ్ళు), తూర్పుసరిహద్దు, పశ్చిమసరిహద్దు మద్య దూరం 130 కిలోమీటర్ల (81 మైళ్ళు) ఉంది. ఆఫ్రికాలోని అతి చిన్న దేశాలలో ఈస్వాటిని ఒకటి. అయినప్పటికీ దాని శీతోష్ణస్థితి, భౌగోళిక ఆకృతి వైవిధ్యంగా ఉంటాయి. చల్లని, పర్వత ప్రాంత హిగ్వెల్డు ప్రాంతంలో వేడి, పొడి వాతావరణం ఉంటుంది.

దేశ ప్రజలలో స్వాజీలు అధికంగా ఉన్నారు. వీరికి సిస్వాటి భాష (స్వాజీభాష) వాడుక భాషగా ఉంది. వారు మూడవ న్వెనె నాయకత్వంలో 18 వ శతాబ్దం మధ్యలో వారీ రాజ్యాన్ని స్థాపించారు. స్వాజీ 19 వ శతాబ్దానికి చెందిన రెండవ మస్మాటి నుండి స్వాజి ప్రజలు, స్వాజీ దేశం తమ పేర్లను స్వీకరించాయి. ప్రస్తుత సరిహద్దులు 1881 లో ఆఫ్రికా కొరకు వలసరాజ్యాల పెనుగులాట మధ్యలో రూపొందించబడ్డాయి. రెండవ బోయెరు యుద్ధం తర్వాత 1903 నుండి ఈ రాజ్యం స్వాజీల్యాండు పేరుతో బ్రిటీషు సంరక్షకరాజ్యం అయింది. 1968 సెప్టెంబరు 6 న తిరిగి స్వాతంత్రాన్ని తిరిగి పొందడం వరకు ఇది కొనసాగింది. ఏప్రిల్ 2018 ఏప్రెలులో దేశం పేరు అధికారికంగా " కింగ్డం ఆఫ్ స్వాజీల్యాండు " నుండి " కింగ్డం ఆఫ్ ఈస్వాటిని " గా మార్చబడింది.ప్రభుత్వం ఒక సంపూర్ణ డయామార్జిగా ఉంది. 1986 నుంచి గ్వెన్యాయమా ("రాజు") మూడవ స్వాటి, డ్లొవుకాటి ("రాణి మాత") త్ఫోంబి ఫ్వాలాగా సంయుక్తంగా పాలించారు. మాజీ ప్రభుత్వాధికారి, దేశ ప్రధానమంత్రులు, దేశం పార్లమెంటులో రెండు సభల (సెనేట్ మరియు హౌస్ ఆఫ్ అసెంబ్లీ) ప్రతినిధులను నియమిస్తారు. జాతీయ అగ్రగామి దేశం రిచ్యుయలు ఫెష్యూసు వార్షిక ఉహ్లాంగా ఆచారం సమయంలో అధ్యక్షత వహిస్తాడు. హౌసు ఆఫ్ అసెంబ్లీ, సెనేటూ మెజారిటీని నిర్ణయించడానికి ఐదు సంవత్సరాలకు ఎన్నికలు జరుగుతాయి. 2005 లో ప్రస్తుత రాజ్యాంగం స్వీకరించబడింది. ఆగస్టు, సెప్టెంబరు ఇంక్వాలా డిసెంబరు, జనవరిలో జరిగిన రాజ్యాధికార నృత్యాలు దేశం అత్యంత ముఖ్యమైన సంఘటనలుగా ఉన్నాయి.ఈశాటిని ఒక చిన్న ఆర్థిక వ్యవస్థతో అభివృద్ధి చెందుతున్న దేశం. $ 9,714 అమెరికా డాలర్ల తలసరి జి.డి.పితో, ఇది దిగువ- మధ్యతరహా ఆదాయం కలిగిన దేశంలాగా వర్గీకరించబడింది. దక్షిణాఫ్రికా కస్టమ్సు యూనియను, " కామన్ మార్కెట్టు ఫర్ ఈస్టర్ను & సదరను ఆఫ్రికా సభ్యదేశంగా ఉంది. ప్రధాన స్థానిక వ్యాపార భాగస్వామి దక్షిణాఫ్రికా ఉంది. ఆర్థిక స్థిరత్వాన్ని నిర్ధారించడానికి ఈస్వాటిని కరెన్సీ " లిలన్గేని " ఎక్చేజి వెల దక్షిణాఫ్రికా ర్యాండుకు అనుగుణంగా ఉంది. ఈవాటిని ప్రధాన విదేశీ వ్యాపార భాగస్వాములుగా యునైటెడు స్టేట్సు, ఐరోపా సమాఖ్య ఉన్నాయి. దేశంలో

వ్యవసాయం, ఉత్పాదక రంగాలు ప్రజలలో అధిక భాగానికి ఉపాధి కల్పిస్తున్నాయి. ఈవాటిని దక్షిణాఫ్రికా డెవలప్మెంటు కమ్యూనిటీ, ఆఫ్రికా యూనియను, కామన్వెల్తు ఆఫ్ నేషన్సు, యునైటెడు నేషంసులో సభ్యదేశంగా ఉంది.

స్వాజీ జనాభా ప్రధాన ఆరోగ్య సమస్యలను ఎదుర్కొంటుంది: ఎయిడ్సు కొంతవరకు, క్షయవ్యాధి విస్తారంగా వ్యాపించింది. ఇది వయోజన జనాభాలో 26% హెచ్.ఐ.వి- పాజిటివు అని అంచనా వేయబడింది. 2018 నాటికి ఈవాటిని ఆయుఃప్రమాణం 58 సంవత్సరాలలో ఉంది. ఇది ప్రపంచంలోని 12 వ స్థానం. ఈవాటిని ప్రజలలో యువత అధికంగా ఉంది. మెయిడను వయసు 20.5 సంవత్సరాలు. 14 సంవత్సరాల వయస్కులు దేశ మొత్తం జనాభాలో 37.5% ఉన్నారు. ప్రస్తుత జనాభా పెరుగుదల రేటు 1.2%.

ఇతర భాషలు

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.