Meente

Ne Meente (de. Gemeinde) is juu litste politisk-geographiske Eenhaid. Mongs is dät nit bloot een Täärp af ne Stääd, sunnern moorere Täärpe (as juu Meente Seelterlound), af ne Stääd mäd doo uumlääsende Täärpe.

Ferbiendengen ätter buuten

Meente Seelterlound

Aastrauderfeen

Aastrauderfeen is ne Meente in dän Loundkring Lier in Aast-Fräislound. Deer woonje 10 683 Moanskene (Jan. 2008) un ju Meente häd ne Fläche fon 51 km². Dät is ne Noabermeente fon Seelterlound.

In dät Jier 1765 fräigeden fieuw Koopljuude an dän Köönich fon Prüüsen of jo n näien Feen moakjen doarsten, noudelk fon Uurledingerlound. An n 19. April 1769 kreegen do Koopljuude Toustämmenge fon dän Köönich un so is ju Geskichte fon Aastrauderfeen ounfangd. Die Noome is roat ätter dät Täärp Raude.

Ienwooneräntwikkelenge1975 - 7.321

1985 - 8.162

1995 - 9.520

2005 - 11.069

Ait

Ait (düütsk: Friesoythe) is ne Stääd in ju Meente Ait un Sit fon ju Meente. Ait is ne wichtige Noaberstääd fon Seelterlound. Ait lait in dät Ooldenbuurger Munsterlound.

Nit so smaichelhaft is dät seelter Kweedewoud: "Harne ji wat eerder kaumen, dan harne ji mitte gaiten" kweede do Aitere.

Amelound

Dät wääatfräiske Ailound Amelound (nl. Ameland) is ne Meente in ju Provinz Fryslân, in do Niederlounde. Dät Gebiet fon ju Meente is 268,5 km² un deer woonje 3.452 Moanskene (2007).

Sit fon ju Meente is Nes. Uur Täärpe in ju Meente sunt Ballum, Bueren un Hollum.

Dät Ailound häd jierelk uur 500.000 Besäikere, wierfon fuul Düütske.

Ap Amelound wäd n holloundsken Dialekt boald, dät Ameloundsk.

Arnhem

Arnhem is ne Meente in ju Provinz Gelderland, in do Niederlounde. Dät Gebiet fon ju Meente is 101,53 km² un deer woonje 144.101 Moanskene (30. Juni 2008, Wälle: CBS).

Bäärsel

Bäärsel (Düütsk: Barßel) is n Täärp in ju Meente Bäärsel in dän Loundkring Kloppenbuurich in Läichsaksen, mäd ne Fläche fon uungefeer 84 km² un 12.714 Ienwoonere (2015). Bäärsel is Sit fon ju Meente un ju is ju noudelke Noabermeente fon Seelterlound

Flielound

Flielound is aan fon do wäästfräiske Ailounde un ne Meente in ju Provinz Fryslân, in do Niederlounde. Dät Gebiet fon ju Meente is 315,79 km² un deer woonje 1,135 Moanskene (2007).

Sit fon ju Meente is in Wääst-Flielound, et rakt neen uure Täärpe ap dät Ailound.

Haudstääd

Ne Haudstääd is maastens dät politiske Säntrum fon n Stoat, Provinz, Meente, Departement of Buundeslound. Fuulmoals is ne Haudstääd fon n Stoat uk ju grootste Stääd fon dät Lound.

Biespiele fon Uutnoamen sunt:

In do Fereende Stoate is New York ju grootste Stääd, man Washington is dät politiske Säntrum un Haudstääd.

In do Niederlounde is Amsterdam ju Haudstääd, man Den Haag is dät politiske Säntrum.

Idafeen

Idafeen waas bit tou ju Gebietsreform 1974 ne Buurskup fon Strukelje. Däälich heert Idafeen tou ju Meente Aastrauderfeen.

Molenwaard

Molenwaard is ne Meente in ju Provints Suudhollound in do Niederlounde. Bleskensgraaf is n Sit fon ju Meenteferwaltenge. Et häd ne Fläche fon 126,53 km² un deer woonje 29.070 Moanskene (2012).

Nijkerk

Nijkerk is ne Meente in ju Provinz Gelderland, in do Niederlounde. Dät Gebiet fon ju Meente is 72,05 km² un deer woonje 38.961 Moanskene (30. Juni 2008, Wälle: CBS).

Roomelse

Roomelse (Düütsk Ramsloh af Saterland-Ramsloh) is n Täärp in Seelterlound un mäd soowät 4600 Ienwoonere dät grootste Täärp fon ju Meente. Tou Roomelse heere do Buurskuppe Hollen, Hollenerfoan mäd Hollebierich, Roomelse-Aast, Hollenbround, un Roomelse-Wääst mäd Hoogebierich, Häärst un Raake.

Schiermönkooge

Schiermönkooge (Wäästfräisk: Skiermûntseach of Skiermuontseach, nl. Schiermonnikoog), in dän Ailounder Dialekt Schiermonnikeich of Lytje Pole, is een fon do fieuw wäästfräiske Ailounde. Deer woonje soowät 1.000 Moanskene (2003). Ap dät Ailound baale ungefäär 50 bit tou 100 Ljuude dät Schiermönkoogiske, n gjucht besunneren fräisken Dialekt.

Seedelsbierich

Seedelsbierich is n Täärp in dät Suude fon Seelterlound. Dät waas fröier ne litje Buurskup fon Skäddel. Däälich woonje 2.950 Moanskene in Seedelsbierich. Suudelk fon Seedelsbierich bildet dät Kustenkanoal däälich dät suudelke Skeed fon Seelterlound. Dät Täärp un do naiste Buurskuppe bildje touhoope Seedelsbierich: Seedelsbierich-Kolonie, Hällene I un Hällene II, Fäärmesound un Heeselbierich. Suudelk fon Seedelsbierich lait noch ju Siedlenge Muddebierich.

Seelterlound

Seelterlound (Düütsk: Saterland) is ne Meente in dän Loundkring Kloppenbuurich in Läichsaksen, mäd ne Fläche fon 123,62 km2 un ap n 31. Dezember 2015 13.283 Ienwoonere. Dät Seelterlound häd fjauer Täärpe: Roomelse, Strukelje, Seedelsbierich un Skäddel.

An n 1. Meerte 1974 äntstuud mäd ju kommunoale Gebietsreform ju Meente Seelterlound so as ju däälich is. Do bit tou ju Gebietsreform fon 1974 tjo oainständige Meenten wieren Strukelje, Roomelse un Skäddel. Ju fräiske Sproake fon dät Seelterlound, dät Seelterske, is ju litste anärkoande Minnerhaidesproake fon Europa.

Seeltersk

Dät Seelterske of, wietenskuppelk, Seelterfräiske is ne fräiske Sproake, ju fon sowät 1500 bit 2500 Moanskene boald wäd in Seelterlound. 1991 wuude ju seelterfräiske Sproake in dät Guinness-Bouk fon Rekorde fon 1991 indreegen as litste Sproakailound fon Europa. Dät Seelterfräiske is dät lääste Uurblieuwsel fon ju aastlauwersfräiske Uurtoal fon dät Seelterlound, do Groninger Uumelounde, Aastfräislound, dät Jeverlound un Butjoarlound.

Skylge

Skylge (holl. Terschelling) is aan fon do wäästfräiske Ailounde un ne Meente in ju Provinz Fryslân, in do Niederlounde. Dät Gebiet fon ju Meente is 674 km² un deer woonje 4,702 Moanskene (2007).

Sit fon ju Meente is in Wääst-Skylge. Uur Täärpe in ju Meente sunt Aasterein, Baaidunen, Formearum, Hee, Hoarne, Kaart, Kinum, Landerum, Lies, Midslân, un Stryp.

Dät Wäädailound It Gryn, bekoant as Fuugelailound, heerd uk tou ju Meente Skylge.

In Hoarne stound ju St. Janssäärke uut dät 13. Jierhunnert.

In dän aastelken Deel fon dät Ailound wäd n fräisken Dialekt, dät Aastersk boald, in dän wäästelken Deel fon Skylge wäd dän fräisken Dialekt Skylgersk un in dät Midden fon dät Eilound wäd dän holloundsken Dialekt Midsloundsk boald.

Ap Skylge stound de Brandaris, die ooldste Fjuurtouden fon do Niederlounde.

Skäddel

Skäddel (oolde Skrieuwwiese: Schäddel) is n Täärp in dät Seelterlound mäd 2442 Ienwoonere (2006). Skäddel waas fröier dät maast suudelke Täärp fon Seelterlound, eer in'n Begin fon't 19. Jierhunnert ju Buurskup Seeidelsbierich äntstuude, ju sik gau tou een groot Täärp äntwikkelde. Tou Skäddel heere do Buurskuppe Bäätholt, Heeselbierich, Näiwal, Loanghoarst, Knülke un Skäddelerdom.

Strukelje

Strukelje af Struukelje (Düütsk Strücklingen af Saterland-Strücklingen) is n Säspeltäärp un fröiere Meente in dät Noude fon Seelterlound. Dät Täärp lait wäästelk ju Seelter Äi un suudelk fon dän Uutändjer Kanoal. In dät Middeloaler stuud ju Säärke in ju Buurskup Uutände, ju also fielicht aller is. Fääre heere deertou do Buurskuppe Baalenje, Bieuwelte, Strukelje-Wääst, Wietsound, Ubbehusen un Klaaster.

Suudhollound

Suudhollound is ne Provints fon do Niederlounde. Haudstääd is Den Haag.

Tjootern

Tjootern (de. Detern) is ne Meente in ju Samtmeente Jümme. Ju wuud fröier as ju noudelke Noabermeente fon Seelterlound reekend. As Roagebierich un Aasterhusen noch tou ju Johanniterkommende Boukeläsk un därmee tou Selterlound heerden, waas Stickhusen n diräkt Noabertäärp fon Seelterlound.

Uur Sproaken

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.