Tunisìa

La Tunisìa è nu statu africanu di circa 10 miliuna d'abbitanti. Lu tirritoriu occupa na parti dâ costa miditirrania dû cuntinenti. Cunfina cu la Libbia a sud-est e l'Algirìa a ovest. A nord est è siparatu di la Siciliacanali di Sicilia. Ex culonia francisi, oggi si parra l'àrabbu e lu francisi; l'italianu è puru na lingua assai canusciuta pi via di la mpurtanti emigrazzioni tunisina in Italia e dû signali dâ tilivisioni italiana chi agghica nzinu ddà.

Cità mpurtanti sunnu Tùnisi, chi è la capitali; Sfax, Hammamet, Tozeur e li Gerbi, n'arcipèlagu oggi assai sfruttatu dû turismu.

Flag of Tunisia
La bannera di Tunisìa
Ts-map
La carta dâ Tunisìa

Pulitica

Doppu la nnipinnenza n sequitu ô prucessu di deculunizzazzioni ca ntirissau tuttu lu cuntinenti africanu â mità dû XX sèculu lu Paisi canusciu nu piriudu di rilativa libbirtà sutta lu cuvernu di Habib Burghiba. Appoi Ben Alì lu diriggìu di manera dittaturiali. Ntô 2011 lu riggimi di Ben Alì s'appi a accapari e Ben Alì si n'appi a fujiri n Arabbia Saudita.

Attuarmenti la Tunisia attraversa nu piriudu di assistamentu puliticu. Nu parramentu avissi a ridìggiri na custituzzioni nova e àutri elizzioni avìssiru a siri urganizzati doppu la trasuta n viguri dâ custituzzioni.

La Tunisia e la Sicilia

Li rilazzioni di la Tunisia e dâ Sicilia sunnu di lonca data. Senza cuntari li guerri punichi, fu di la cità di Kairouan, di partìu lâ cunquista arabba dâ Sicilia ntô 827. Quarchi sèculu doppu, tra lu 1135, cunquista dê Gerbi, e lu 1159 li costi tunisini forru cuntrullati dî nurmanni di Sicilia. Oi l'emigrazzioni tunisina in Sicilia, chi si cumponi essenzialmenti di travagghiatura staggiunali e di piscatura (a Mazzara li tunisini sunnu circa lu 10% dâ pupulazzioni) custituisci na prisenza mpurtanti ntô tissutu sociu-ecunòmicu sicilianu.

.tn

.tn è lu duminiu di Internet assignatu â Tunisìa.

Abul-Hasan al-Hasan ibn Ali

Abul-Hasan al-Hasan ibn Ali canusciutu puru comu Al-Hassan ibn Ziri (1109- 1171) fu l'ùrtimu cuvirnaturi zirita 'n Ifriqiya tra lu 1121 e lu 1152. Succidìu ancora picciottu a Ali ibn Yahya. All'inizziu appi nu certu successu militari, ô puntu chi ntô 1123 riniscìu a fari ritirari la marina nurmanna capiata di Christodulus. Tra lu 1146 e lu 1148, n sèquitu a n'àutru attaccu nurmannu, appi a accittari di suttumèttiri ô cuvèrnu nurmannu tutta la costa tunisina, e si ni fuìu di la sò curti di Mahdia a Algeri. L'attaccu vitturiusu di l'Almohadi ntô 1152 a Algeri misi fini â sò dinastìa.

Algirìa

L'Algirìa (àrabbaالجزائر, Berberi ⴷⵣⴰⵢⴻⵔ ) è nu statu situatu a sud di lu Mari Meditirraniu. Veni limitatu dâ Tunisìa, la Libia, lu Mali, la Mauritania, lu Niger, la Sahara Uccidintali, lu Maroccu e lu Mari Meditirraniu. La capitali è Algeri.

Ali ibn Yahya

Ali ibn Yahya (mortu ntô 1121) fu nu emiru zirita chi rignau a partiri dû 1116. La sò curti a Mahdia cumprinnia tra l'autri cosi lu pueta sicilianu Ibn Hamdis chi ci didicau diversi puisii.

Ntô 1118, na prima spidizzioni nurmanna contra li ziriti di Ali, cu 24 navi fallisci a Qâbis, (Gabes). Li navi nurmanni, s'appiru a ritirari contra li azzioni di difisa dâ flotta zirita.

Canali di Sicilia

Lu Canali di Sicilia (o Strittu di Sicilia) è lu vrazzu di mari meditirraniu chi sipara la Sicilia dâ Tunisìa. Zona assai piscusa, lu canali di Sicilia havi puru diversi ìsuli: Pantelleria, Linosa, Lampidusa chi appartènunu all'Italia, e l'arcipèlugu dî Gerbi, nfacci a Sfax, in Tunisìa. Ntô 1831 n'ìsula nova, chiamata Isula Ferdinandea cumparìu vicinu Menfi, comu eruzziuni di nu vurcanu suttumarinu. L'ìsula scumparìu quarchi misi doppu, e oggi lu puntu cchiù àutu di lu vulcanu è a 6 metri sutta lu liveddu dû mari.

Lu Canali di Sicilia ha statu ô centru di vicènni stòrici mpurtanti, dî guerri pùnichi, all'occupazzioni àrabba, â Secunna Guerra Munniali.

Prizziusa è lu trisoru chi lu mari ammuccia. Ogni tantu li piscatura tròvunu riperti archiològgici di mpurtanza granni, comu fu ricentimenti pi lu casu dû sàtiru danzanti di Mazzara.

Gabes

Gabès (in arabbu قابس) (Gabisi o Cabisi 'n sicilianu), circa 136000 abbitanti, è na città dâ Tunisia, capulòcu dû guvirnaturatu omònimo. È unu dî centri nnustriali dâ Tunisia.

Ggherbi

Li Ggherbi sunnu n'arcipèlacu ca s'attrova nun arrassu dâ costa dâ Tunisìa miridiunali. Lucalitati turìstica rinumata, ntô mediuevu appartinni puru ô regnu di Sicilia.

Ifriqiya

Ifrīqiya (إفريقية) fu lu nomu chi l'àrabbi sèsiru â pruvincia Africa stituita di Roma e mantinuta dî bizzantini. Currispunni all'attuali Tunisìa cu parti dâ costa di l'Algirìa, dâ costa lìbbica nzinu â Cirenaica. La capitali era Kairouan. Autri cità mpurtanti frou Mahdia, Susa, Sfax e Tripoli.

Kairouan

Kairouan (na lingua araba : القيروان Al-Qayrawn) è na città dâ Tunisia centru-sittintriunali (2003 : 150.000 abbitanti).

Mahdia

Mahdia è na cità di circa 40000 abbitanti dâ costa tunisina. Appi na mpurtanza culturali e stratèggica assai mpurtanti già a l'ébbica àrabba. Capitali dû regnu zirita, ci vìssiru lu pueta àrabbu sicilianu Ibn Hamdis (pi na vintina d'anni e armenu nzinu ô 1123) e lu filòsufu àrabbu-sicilianu ibn Zafr al Siqilli versu lu 1145 prima di emigrari n Siria. La cità fici puru parti dû regnu nurmannu di Sicilia a l'èbbica di Ruggeru II di Sicilia, câ cunquista dû 1148, e ristau nurmanna nzinu ô 1160 quannu fu cunquistata di l'almohadi. Oi è nu portu di pisca e si grapi ogni annu cchiossai ô turismu europeu.

Mari Meditirràniu

Lu Mari Miditirràniu è lu mari ca spartisci l'Africa di l'Europa. Lu mari è chiusu p'occidenti di lu strittu di Gibbilterra, e p'urienti di lu strittu dî Dardanelli ca lu sparti di lu Mari Nìuru.

SIL International

SIL International (Summer Institute of Linguistics, Stitutu estivu di linguìstica) è n'urganizzazzioni nun cuvirnativa, di cunfissioni cristiana evancèlica ca havi l'ubbittivu principali di studiari, sviluppari, ducumintari li lingui minuritari e di tradùciri la Bibbia nta sti lingui pi putiri diffùnniri lu cchiù laricamenti pussìbbili lu missaggiu evancèlicu.

Nortri pùbbrica li sò risursi e ricerchi attraversu Ethnologue.com.

Lu SIL è n'urganizzazzioni giamillata cu Wycliffe Bible Translators, n'aggenzia mpignata ntâ traduzzioni dâ Bibbia ntê lingui minuritari.

La sedi dû SIL International è lucata a Dallas, Texas.

Prisenti macari n Mèrica latina, è attiva pressu migghiara di cumunitati linguìstichi dû Terzu munnu, li cui lingui nun sunnu ancora scritti.

Sfax

Sfax chê sô 265000 abbitanti è la secunna cità dâ Tunisìa. S'attrova a 270 km a sud di Tunisi.

Susa (Tunisìa)

Susa è na cità dâ Tunisìa di circa 220000 abbitanti, capuluòcu di l'omonimu guvirnaturatu.

Tùnisi

Tùnisi (arabbu تونس, Tunisi) è la città capitali dâ Tunisìa e la città amministrativa cchiù mportanti. Situata ô nord dû paisi, vicinu a l'anticu situ di Cartàggini, la cità è oi na distinazzioni turìstica mpurtanti e lu centru ecunòmicu dû paisi. Li dintorni dâ città su chjìni di vigni e arbiri di ulivi.

Yahya ibn Tamim

Yahya ibn Tamim (mortu ntô 1116) fu nu emiru zirita chi rignau a partiri dû 1108. La sò curti a Mahdia cumprinnìa tra l'autri cosi lu pueta sicilianu Ibn Hamdis chi ci didicau diversi puisii.

Zine El-Abidine Ben Ali

Ben Alì (1936-2019) fu prisidenti dâ Tunisia dû 1987 nzinu ô 2011. Di quannu acchianau ô putiri doppu la distituzzioni dû prisidenti Habib Burghiba, anzianu e malatu, Ben Alì cuverna lu Paisi di manera forti, ristrincennu spissu la libbirtà pulitica, ma garantennu ô stissu tempu na rilativa crescita ecunòmica grazzi ô sviluppu dû turismu e na rilativa calma suciali grazzi n particulari â riprissioni dî fanatismi riliggiusi di ispirazzioni islamica.

Ntô 2011 n sèquitu a làrichi prutesti ca s'appiru n Tunisia e n'àutri paisi àrabbi, Ben Alì, si n'appi a gghiri n esiliu n Arabbia Saudita.

Ziriti

Li ziriti (àrabbu: زيريون‎) foru na dinastia Berbera urigginaria dâ Kabilia, chi cuvirnau l'Ifriqiya (la Tunisia e l'Algiria di oggi) all'inizziu pî contu dî fatimiti, e a partiri dô 1045 comu emiratu abbassidi ndipinnenti dî fatimiti, nzinu ô 1148, quannu foru battuti di l'almoraviti chi vìnninu dâ Spagna e dô Maroccu.

La cità di Kairouan fu capitali di l'emiratu zirita nzinu â ruttura dî riliazzioni chê fatimiti chi abbinni prugrissivamenti tra lu 1045, arricanuscennu lu califfatu abbassidi di Bagdad, e lu 1048 quannu li ziriti dicideru di distruggiri nto propriu tirritoriu ogni rifirenza ê fatimiti. La tinsioni chê fatimiti causau na guerra chi s'accapau câ perdita dâ tripolitania prima e di Kairouan. La capitali fu allura spustata a Mahdia ntô 1057.

Ìsuli Kerkenna

Li ìsuli Kerkenna (قرقنة), sunnu n'arcipèlacu dâ Tunisia. Situati ntô mari Miditirràniu e na vintina di kilòmitri di Sfax, custituìsciunu na diligazzioni chi dipenni dû cuvirnaturatu di Sfax. Amministrativameni sunnu nu cumuni. Accùpanu na supirfici di 160 km quatati pi na pupulazzioni di circa 14'400 abbitanti.

Àutri lingui

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.