Scienza

Scienza, ( dû latinu "scientia" chi veni a diri "canuscenza") è na disciplina chi tenni a ricògghiri di manera sistimàtica tutti li finòmina tistàbbili e riproducìbbili e a classificàrili secunnu liggi e tiurìi.

La scienza ntâ sò accizzioni cchiù ginirali ragggruppa pirciò disciplini assai diversi comu la bioluggìa, la gioluggìa, l'astronumìa, chi sunnu quarchi vota chiamati scienzi naturali (ntâ littiratura tidesca l'esprissioni Naturwissenschaft, chi veni a diri scienzi naturali è assai cumuni); ma puru scienzi applicati all'attivitati umana comu la ncignirìa, l'ecunumìa, o scienzi puri comu la matimàtica.

Meissner effect p1390048
L'iffèttu Meissner fa lievitàri nu magneti supra a nu supercundutturi
Acùstica

L'acùstica è dda scienza ca parra dî soni e di comu si prupàganu. L'acùstica n particulari studìa l'unni sunori, comu arribbùmmanu e comu arrimbàlzanu contru a n'uggettu. L'acùstica cunzìddira macari ca lu sonu è n'onda, ca quinni dù ondi sunori ca si ncòntranu ponu summàrisi o suttràrisi. L'acùstica veni usata suprattuttu nnû pruggittari tiatri e cìnima.

Architittura

L'architittura è la scienza e l'arti d'urganizzari lu spazziu nta cui campa l'omu. Parrannu cchiù sìmprici si pò diri ca si tratta dâ custruzzioni di fàbbrichi.

Arti

L'Arti, nnû sò significatu cchiù largu, cumprenni ogni attivitati umana chi porta a formi criativi di sprissioni astètica.

Li diversi formi di l'arti:Arti visuali

Fotografìa

Pittura

Raccamu

Vìdeo

Computer GràficaArti plàstichi

SculturaPillìcula

MùsicaOrigamiLittiraturaTiatru

Prosa

Lìrica

N'àutra pussìbbuli suttadivisioni di l'Arti umani:

Arti Visuali

Pittura

Scultura

Custruzzioni Architittònica

RaccamuArti Fònichi

Tràmiti Corpu Umanu

Cantu

Dizzioni

Tràmiti Strummenta Musicali

MùsicaArti Fiurali

Scrittura

Prosa

Puisìa

Fotopoiete

Fotografia

Pillìcula

Disignu Architittònicu

Fumettu

Ricitazzioni

Tiatru

Tràmiti Corpu Umanu

Ballu

Ginnàstica RìtmicaArti Gustativi

Cucina (manciari)

Priparazzioni dî CoctelArti Spirimintali

Applicazzioni dâ Scienza

Astrunumìa

L'astrunumìa (dû grecu aster stidda, nomia liggi) è la scienza chi studia l'Universu e li corpi cilesti, di lu suli, a la luna, li pianeti e li stiddi.

Chìmica

La chìmica è la scienza, o, cchiù pricisamenti, dda vranca dî scienzi naturali, chi s'òccupa dû studiu dâ custituzzioni dâ materia e dî soi trasfurmazzioni. È lu studiu di l'àtumi e dî mulèculi quali elementi basi di custruzzioni dâ natura e di comu chissi si cummìnano pi prudùciri li varî stati dâ materia chi fòrmanu nuiàtri stissi e tutto chiddu chi ni circunna.

Classificazzioni scintìfica

La classificazzioni scintìfica o classificazzioni biològgica è comu li bioluggisti mentinu tutti li speci di l'organismi ntra gruppi e catigurî. Stu mudellu mudernu havi li soi radici ntrô sistema di Carolus Linnaeus, chi usava li carattiristici fisici pi scegghiri li gruppi unni ogni organismi cci appartiniu. Stu mudellu s'havi statu rinuvatu nanticchi pi migghiurari l'accordu chî principî di Charles Darwin dâ discinnenza cumuni di l'armali. Sistimàtica moleculari chi usa l'analisi di DNA, havi forzatu tanti canciamenti di stu mudellu l'urtimi anni, nu ndrizzu c'avissi a cuntinuari.

La classificazzioni scintìfica apparteni â scienza di tassinumìa.

Sta taula â manu dritta ammustra li varî gruppi e catigurî e puru si pò usari comu nu template pi custruiri li classificazzioni di tutti l'armali.

Ecunumìa

L'ecunumìa havi statu difinuta d'arcuni comu la scienza chi studia li mudelli di comu li risursi scarsi vennu spartuti tra usi autirnativi, pi massimizzari la propia suddisfazzioni. 'N àutri tèrmini, è la scienza chi studia chi cosa si pruduci, comu si distribbuisci e si cunzuma. Li dui vranchi granni dû studiu d'econumìa cumprènninu microeconumìa e macroeconumìa.

Àutri parti dû studiu d'econumìa:

Macroeconumìa

Marketing

Microeconumìa

Scienza finanziaria

Storia ecunòmica

Enirgìa

St'articulu arriguarda la grannizza fìsica. Pi àutri significati di "enirgia" taliati enirgìa (disambigua)

L' enirgìa è la grannizza fìsica ca misura, n lìnia di principiu, lu travagghiu ca nu sistema pò fàciri e si spiega n vari formi cummirtìbbuli l’una nta l’âutra e pò èssiri scanciata tra sistemi diversi. Ntâ scienza di l’alimentazzioni, è puru lu putinziali d'energìa tèrmica cuntinuta ntâ n'alimentu.

Giugrafìa

La Giugrafìa (dû latinu geographia, e dû grecu anticu, littirarmenti scrittura dâ terra) è la scienza ca studìa, ntèrprita, e rapprisenta la Terra e l'urganismi ca càmpanu ntâ sò supirfici, suprattuttu a prupòsitu dâ prisenza e l'attivitati umana.

Hertz

Lu'hertz (simmùlu: Hz) eni la unitati di misura dû Sistema 'ntirnazziunali di unitati di misura di la friquenza, e pigghìa u sò nomu da lu fisicu tidiscu Heinrich Rudolf Hertz cà purtò mpurtanti cuntribbuti a la scienza, nto campu di l'elettrumagnetismu.

Hz [=] 1/sOppuri:

Hz [=] s-1Tali unitati di misura pò essìri applicata a qualsiasi eventu pìriodicu. Pì esempiu, si pò diri di nu rulòggiu ca ticchittìa a 1 Hz. Chistu però vali pi lì rulòggi a pennulu, nnè mudelli da pusu mìccanici, u ticchittìu ca si senti eni datu da lu bilanceri, ca si movi a friquenzi maggiuri.

Nte vecchie pubbricazioni si trova l'unitati equivalenti cicli pì secunnu (cps).

Liggi

La Liggi cumprenni nzèmmula li règuli e li normi chi abbersa li rilazzioni d'un gruppu urganizzatu di pirsuni, viventi 'n sucitati. Dunca la liggi è l'urdinamentu pâ règula dî rifirenni umani, nta na civili cummivenza.

N'àutra difinizzioni è ca la liggi è lu cumplessu dî règuli attivi nta na sucitati urganizzata 'n forma di statu, emanati di l'òrgani chi secùnnu â sò custituzzioni hannu lu còmpitu d'appruvari li stissi liggi, e fatti assirvari ubbrigaturiamenti ê cittadini, sutta pena di sanzioni 'n casu di mancatu rispettu.

Comu dicìanu li latini "Ubi societas, ibi ius", o, unni cc'è na sucitati cc'è la liggi.

La liggi custituisci nu principiu di cuisioni pâ sucitati civili chi, nta sò assenza, rischiassi di dissurvìrisi nta na guerra pâ priminenza.

Pi stinzioni si ntenni pi Liggi puru la scienza chi studia sti normi, nta tutti li sò articulazzioni.

Li liggi taliani su arricugghiuti, ortri ca nna Costituzioni dâ Repubblica Taliana, intra du codici, u Codici Civili e u Codici Pinali.

Pi chiddru ca riguarda i liggi relativi au travagghiu esisti nna parti dû dirittu, u Dirittu dû Travagghiu appuntu, ca si occupa di stu campu.

Midicina

Midicina, nnâ lingua siciliana, pò significari:

lu fàrmacu o midicinali, (o midicina);

la pràttica prufissiunali di l'arti mèdica dâ parti di na pirsuna chi havi studiatu e veni ricanusciutu ligarmenti dutturi;

la pràttica di disciprini di cura autirnativi, nun ricanusciuti ufficiarmenti, midicina autirnativa;

lu gruppu di tutti li disciprini scintìfichi chi s'òccupanu dâ saluti e dâ patoluggìa di pirsuni e armali, sia drittamenti chi ndrittamenti; e

la pràttica prufissiunali a l'attilleti nni l'aiutàrili a jùnciri la megghiu pristazzioni pussìbbuli, midicina spurtiva.L'urìggini dâ scienza sunnu assai antichi, e si ritrova nta tutti li civirtati; spissu, nnî formi primitivi. Si nota sempri na vicinanza, tra l'attivitati midicali e chiddi riliggiusi.

La midicina assumi valuri di scienza autònuma, armenu nnâ civilizzazzioni d'àmmitu meditirràniu, nzèmmula â rilivanza culturali accanzata dâ figura di Ippocrati.

Mituluggìa

Mituluggìa (dû grecu mythos e logein; littirarmenti: discùrriri nnâ manera razziunali dû cuntu puèticu) è lu tèrmini cu cui si nnica lu studiu dî miti.

Disciprina cunziddirata finòminu culturali assai cumplessu, la mituluggìa pò èssiri analizzata sutta diversi pruspittivi; è data di nna seria di cùnti littiràriji e di rapprisentazioni figuratìvi di pirsunaggi di vicendi 'sterni a lu tempu nni senzu storicu.

Nfurmazzioni

La nfurmazzioni eni lu risurtatu dî labburazzioni, dâ manipulazzioni e di l'organizzazioni dî dati nta na manera ca la pirsuna ca l’arricivi â fini ci havi cchiù canuscenza.

Ntâ lu so significatu cchiu tècchinicu la nfurmazzioni jè na siquenza urdinata ri simbula.

La nfurmazzioni comu cuncettu ci havi nu saccu di significati, di chiddu ca s’usa tutti li jorna e li significati tècchinici. Parrannu 'n ginirali, lu cuncettu di nfurmazzioni eni sìmili a chiddu di cumunicazzioni, cuntrollu, dati, forma, istruzzioni, canuscenza, significatu, stimulazzioni mintali, pircizzioni e rapprisintazzioni.

Ci sù nu saccu di pirsuni ca pàrranu di età dâ nfurmazzioni comu s'avissi arrivatu l'età dâ canuscenza o di sucità dâ canuscenza, di sucità dâ nfurmazzioni e di ticnoluggìa dâ nfurmazzioni, e macari di nfurmàtica, di scienza dâ nfurmazzioni e scienza dî compiuter ca sunnu spissu e vulinteri argumentu di cunvirsazzioni.

Lu tèrmini "nfurmazzioni" a li voti si tilizza a munzeddu senza pinzari tropp'assai a tutti li significati ca putissi aviri.

Nfurmàtica

La nfurmàtica eni la scenza chi tratta dî computer, ntê sò aspetti di supportu fìsicu o hardware e di prugrammazzioni e appricazzioni o software.

È chiamata macari tiurìa dâ nfurmazzioni.

 basa dâ scenza nfurmàtica eni lu trattamentu dâ nfurmazzioni ntisa comu cuntinutu di tramissioni di prucessi lòggici matimàtici basati supra l' aritmètica binaria e appricati supra li circùiti alittrònici dî computer tràmiti micruscòpici ntirruttura chi gistìscinu lu cuntattu (1) o lu distaccu (0), aggricati a miliuna ntê microprucissura.

Nisciuta ntâ secùnna parti dû Sèculu XX, la nfurmàtica si sviluppau assai a partiri di l'anni 1980, chi vìttiru la pruduzzioni nnustriali di computer e appricazzioni, grazzî a nnustrî comu Microsoft, Apple, IBM e àutri.

Oi la nfurmàtica si sviluppa assai cu internet e li sò appricazzioni, chi s'hannu diffunnutu pi tuttu lu munnu di na manera assai capillari.

Psicoluggìa

La palora psicoluggìa diriva dû grecu psyche (ψυχή) = spirtu, arma (ma puru farfalla) e logos (λόγος) = discursu, studiu: dunca studiu dû spìritu o di l'arma. La psicoluggìa muterna è na scienza, sia dû puntu di vista dî fini chi dî mètudi; si pò difiniri comu lu studiu dî rapporti chi ntircùrrinu tra n'èssiri viventi (èssiri umanu, ma puru armalu) e l'ammia nta cui chistu campa. Rifirenni chi s'esprìminu, appuntu, ntôn certu cumpurtamentu.La difinizzioni chi si sapi oggi dâ psicoluggìa è chidda di scienza chi studia lu cumpurtamentu umanu, cumprinnennu li funzioni psìchichi e li prucessi mintali di ntilliggenza, mimoria, pircizzioni e li spirienzi nterni e suggittivi, quali li sintimenti, l'aspittativi, li mutivazzioni sia cuscenti ca ncuscenti.

Putemu usari li siquenti distinzioni:

cuntinuti psìchici o di cuscenza: l'elemèntu chi è uggettu ntôn ditirminatu istanti di na funzioni;

funzioni psìchichi: mudalitati spicìfichi di l'attivitati cuscenti nnipinnintimenti dû sò cuntinutu;

miccanismi psìchici: mudalitati spicìfichi di l'attivitati dâ ncuscenza;

tipu psicològgicu: li carattirìstichi nnividuali ntillittivi e affittivu-vulitivi chi pò schimatizzàrisi nta nu mudellu astrattu (pirsunalitati).

Tempu di Planck

'N fisica u tempu di Planck eni l'unitati naturali dû tempu. Eni cunsidiratu, ad ùora, u cchìu brevi ntirvallu di tempu misurabbili, e pigghìa u sò nomu da lu fisicu tidiscu Max Planck.

5,391 × 10−44 s

Dunni:

è la custanti di Planck arrìdutta (ò la custanti di Dirac)
G eni a custanti gravitazzionali
c eni a velocitati dâ luci nto vacanti

U tempu di Planck eni lu tempu ca impiega nu fotoni ca viaggia a la velocitati da luci pi pircurriri na distanza uguali a la lunchizza di Planck.

Eni lu "quantu dû tempu", a cchìu nica misurazzioni du tempu ca abbia qualchi significatu secunnu a scienza attuali. L'etati stimata di l'universu (4,36 × 1017 s) eni di circa 8,09 × 1060  tP.

UNESCO

L'UNESCO (ntô ngrisi: United Nations Educational, Scientific and Cultural Organization) sta pi Organizzazzioni dî Nazzioni Uniti pi l'Aducazioni, la Scienza e la Curtura fu funnata dî Nazzioni Uniti lu 16 di nuvèmmiru 1946 pi ncuraggiari la cullaburazzioni ntra li Nazzioni ntê àrî di l'Aducazzioni, la Scienza, la Curtura e la Cumunicazzioni.

Attuarmenti 195 Nazzioni sunnu membri di l'UNESCO. L'urtima ammittuta fu la Palistina ntô 2011. Lu sô quarteri ginirali s'attrova a Pariggi, n Francia, e òpira prugrammi di scanciu aducativu, scientìficu e curturali di 60 offici riggiunali ntô munnu. Li pruggetti spunsurizzati di l'UNESCO cumprènnunu prugrammi scientìfici nternazziunali; prugrammi di alfabbetizzazzioni, tècnici e di furmazzioni dî nzignanti; pruggetti riggiunali e di stùria curturali; e coopirazzioni nternazziunali pi assicurari lu Patrimoniu Curturali e Naturali dû pianeta e pâ cunsirvazzioni dî Diritti Umani.

L'UNESCO ha statu a voti ô centru di cuntraversî. Duranti li 1970ini e li 1980ini, li nazzioni occidintali, spiciarmenti li Stati Uniti e lu Regnu Unitu, ritinìsseru ca vinissi usatu dî paisi cumunisti e dû Terzu Munnu, comu forum pi attaccari l'Occidenti. Accussì, L'UNESCO criàu un pianu chiamatu "Novu Òrdini Nternazziunali dâ Nfurmazzioni", pi arristari li prisunti minzogni e la disinfurmazzioni ca fu diffusa circa li nazzioni nta via di sviluppu. L'Occidenti lu rifiutàu e li Stati Uniti si ritiràru di l'organizzazzioni comu segno di prutesta ntô 1984 e lu Regnu Unitu ntô 1985. (Lu Regnu Unitu c'arriturnàu ntô 1997 e li USA ntô 2003). L'UNESCO ha statu criticatu di arcuni macari pâ sô burocrazzìa enormi.

Fu rispunsabbili dâ funnazzioni di l'OANA. L'UNESCO dugna macari funni ô Cunsigghiu Nternazziunali dâ Scienza.

Una dî missioni di l'UNESCO è chidda di mantiniri la lista dû Patrimoniu di l'Umanitati. Chiddi sunnu siti mpurtanti assai ô liveddu curturali o naturali, la cui cunsirvazzioni e sicurezza è ritinuta mportanti pâ cumunitati munniali.

L'UNESCO è rapprisintatu dî "Mmasciaturi di l'UNESCO".

Àutri lingui

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.