Russu

Lu russu è unu dî culura dû spettru ca l'omu arrinesci a vìdiri. Havi la friquenza cchiù àuta e la lunghizza d'unna cchiù longa e rispettu a l'àutri culura visìbbuli, tra 630 e 760 nanòmitri.

Friquenzi ancora cchiù vasci ricàdinu ntô nfrarussu.

È unu dî tri culura primari additivi, lu sò culuri cumprimintari è lu cianu. 'N passatu era cunziddiratu macari nu culuri primariu suttrattivu, mentri lu culuri utilizzatu ntâ stampa a culura muderna è lu maggenta.

Nu filtru russu è utilizzatu ntâ fotugrafìa 'n jancu e nìuru p'aumintari lu cuntrastu e fàciri cchiù drammàtichi arcuni sceni. P'asempiu, cumminatu c'un pularizzaturi, renni lu celu nìuru.


Chistu è nu quatratu culuratu di russu

Usu, simmulismu e sprissioni virbali

  • Russu è lu culuri ch'ìnnica lu caluri, p'asempiu ntê tubbazzioni o ntê mappi meteorològgichi.
  • Lu russu attira l'attinzioni, pirchistu è mpigatu ntê signali di pirìculu o p'assignalari l'emirgenzi.
  • Lu russu è lu culuri dû focu e contraddistinchi macari l'idranti, li stintura e li pumperi.
  • Lu russu ìnnica l'alt ntâ circulazzioni, p'asempiu ntê simàfuri.
  • La cruci russa o la menzaluna russa ìnnicanu, 'n accordiu chî Cumminzioni di Ginevra, pirsunali e menzi adibbuti ô succursu e niutrali.
  • Ntô càuciu, nu cartiddinu russu ìnnica un faddu ca cumporta la spulsioni dû jucaturi dû campu di jocu.
  • Ntê cursi automubbilìstichi, na bannera russa ìnnica lu stop mmidiatu ê màchini.
  • Na lìnia russa ìnnica ntâ strumintazzioni lu lìmmiti màssimu rifirutu â misurazzioni rilivata dû strumentu stissu, p'asempiu la vilucitati màssima o lu nùmmaru di giri.
  • 'N midicina lu russu è usatu pi nnicari l'arteri ca pòrtanu lu sangu, pumpatu dû cori, doppu aviri statu ussigginatu dî purmuna.
  • Lu russu è lu culuri sia di l'amuri rumànticu, sia di chiddu dî senzi, è russu quinni sia nu cori di San Valintinu sia nu quarteri o nu cìnima "a lustri russi".
  • Cû nizziu dâ Rivuluzzioni dû 1848, lu russu dî "sucialisti" vinni utilizzatu 'n Europa dî rivuluzziunari, spissu sutta di forma di bannera russa. Utilizzatu macari dî "cammisi russi" di Giseppi Garibbardi ntô Risurgimentu talianu, 'n sècutu utilizzatu dî gruppi dâ sinistra.
  • L'idintificazzioni dû cumunismu cû russu "sucialista" havi appoi purtatu a l'usu dû russu pâ bannera di l'Unioni Suviètica e â stidda russa comu sìmmulu cumunista.
  • Ntô simmulismu cinisi, lu russu è lu culuri dâ bona sorti e è utilizzatu pi dicurazzioni e addubbi nuzziali.
  • Lu nchiostru russu ìnnica un dibbutu, comu puru la sprissioni "èssiri 'n russu".

Cuurdinati dû culuri russu

Esadicimali = #FFFF00
RGB    (r, g, b)    =  (255, 255, 0)
CMYK   (c, m, y, k) =  (0, 0, 255, 0)
HSV    (h, s, v)    =  (60, 100, 100)
Arabbia Saudita

L'Arabbia Saudita, è nu paisi di la pinisula arabbica riggiutu sutta la forma di na munarchìa.

Culla di la riliggiuni islamica, li citati cchiù canusciuti sunnu Rihad, la capitali, Gedda, portu mpurtanti ntô mari russu; La Mecca, meta di pilligrinaggi di divoti musulmani di tuttu lu munnu, e Medina autra centru di mpurtanza riliggiusa.

Doppu la morti di Re Fahd, divintau re Abdullah bin Abdulaziz al-Saud menzu-frati dû Re Fahd.

Bannera austriaca

La bannera austriaca (chiamata Nationalflagge n tudiscu), cunsisti di tri banni urizzuntali pari di culuri russu, jancu e russu. È la bannera ufficiali di l'Austria di lu 1 di maiu 1945.

Bannera maltisa

La bannera maltisa è nu biculuri jancu (a manca) e russu cu la Cruci di Reghi Giorgiu, burdata di russu, n àutu a manca. È la bannera ufficiali di Malta di lu 21 di sittèmmiru 1964.

Libbru Russu dî lingui n pirìculu

Lu Libbru Russu dî lingui n pirìculu (ch'è dittu Red Book of Endangered Languages ntô ngrisi e Libro Rosso delle lingue in pericolo n talianu) è nu vulumi pubbricatu di l'UNESCO ca ricogghi na lista ca cumprenni li lingui dû munnu ca maiurmenti rìsicanu l'estinzioni.

Mendeleviu

Lu mendeleviu è n'elimentu chìmicu transuranicu. Lu sò nùmmuru atòmicu è 101 e lu sìmmulu è Md. Lu nomu è 'n omaggiu a Dimitri Mendelev, cèlibbri chimicu russu.

Muntirrussu

Muntirrussu (o Muntirussi Jalmu ntâ parrata lucali) è un cumuni di 3.333 abbitanti dâ pruvincia di Rausa.

Russia

La Fidirazioni da Russia (o cchiù cumunimenti la Russia) è na cunfidirazioni di ripùbblichi tra cui la cchiù ranni e a cchiù mpurtanti è la ripùbblica di Russia, e la cui pupulazioni totali è di all'incirca 145'000'000 abbitanti. Pi supirfici la Russia avi 17'075'400 chilòmetri quatrati, e si po diri ca è u statu cchiù ranni dû munnu. A so capitali è Mosca.

Satèlliti

In astronumìa nu satèlliti è nu corpu chi furrìa tornu tornu a n'àutru corpu cilesti principali chiù granni. Pi esempiu la Luna è lu satèlliti naturali dâ Terra, ma la Terra havi puru cintinara di satèlliti artificali misi in òrbita nta l'ùrtimi cinquant'anni. Lu primu satèlliti artificiali fu lu Sputnik nu satèlliti russu (sputnik in russu vò diri satèlliti). L'àutri pianeti dû sistema sulari nni hannu quasi tutti unu o nu sistema di satèlliti o luni. Li chiù mpurtanti sunnu li satèlliti galileiani di Giovi, e certi luni di Saturnu, comu Titanu, chi hannu statu visitati di sondi mannati apposta pi studiari l'evoluzzioni e la storia di sti corpi e dû sistema sulari.

Scn.wiki

Scn.wiki è lu nomu dâ Wikipedia scritta n lingua siciliana (salintinu, calabbrisi centru-miridiunali e sicilianu di Sicilia). Scn.wiki nascìu nnâ secunna mitati dû 2004 [1] (chî nizziatura dû forum di linguasiciliana.org) e ci havi ora 26 061 artìculi.

Ucraina

L' Ucraina (Україна trasilittiratu Ucraijna, n'ucraìnu). È nu statu di l'Europa di l'est affazzatu supra ô Mari Nìuru e a lu Mari d'Azov, cunfina cu Russia, Belorussia, Polonia, Slovacchia, Unghirìa, Rumanìa e Moldavia. Doppu la Russia è lu cchiù granni paisi d'Europa comu estinzioni cu li sò 603.700 km². Havi 46.379.223 abbitanti (stima dû 2007), di chissi lu 64% sù Ucraìni, li Russi (vinuti duranti l'èbbica suvietica sù mmeci lu 32% e li minuranzi sù assai picca: Tartari, Belorussi, Pulacchi, Bulgari (ntâ Bessarabia), Unghirisi, Tudischi (ntî pruvinci di Rivne e Volinia), Greci (ntô Mari d'Azov). Data la granni migrazzioni agghiri l'Europa di l'ovest ntôcpiriudu 2000-2005 lu trend dimugràficu è nigativu (-0,9%). La vita media dî genti è vicina a li 68,5 anni, cu na murtalitati nfantili d'agghiri lu 4,4 pi milli. Si parra ucraìnu e russu (chiss'àutru ufficiali n Crimea).La sò capitali è Kiev. Àutri citati mpurtanti sunnu Liòpuli e Odessa. Nel 2015, la Crimea dopo nu'referendum filo-russo si unisce alla Federazione Russa, successivamente l'Ucraina perde anche le oblast di Donetsk e Lugansk, che ora si fanno chiamare Nuova Russia (2016).

Yemen

Lu Yemen (o Jemen), ùnicu statu repubblicanu dâ pinìsula àrabba, s'attrova nta la strimità meridiunali di sta pinìsula e lu so' nomu ufficiali è Repùbblica Unita di lu Yemen.

Cunfina a nord cu l'Arabbia Saudita e a est cu l'Oman. Li so' costi dùnanu a ovest ntô Mar Russu e a sud ntô Gulfu di Aden (Ocèano Indianu).

La repùbblica di lu Yemen cumprenni puru l'arcipèlacu di Socotra, cumpostu di quattru ìsuli, e l'arcipèlachi di Perim e Kameran, ntô Mar Russu.

La capitali è Sanaa.

Àfrica

L'Àfrica è nu cuntinenti. Si cumponi di territori chi vannu dû Mari Meditirraniu a l'Àfrica dû Sud. È limitatu a ovest di l'Ocèanu Atlànticu e a est dû Mari Russu e di l'Ocèanu Innianu.

Àutri lingui

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.