Munarchìa

St'artìculu è sulu un abbozzu (stub). Siddu vuliti, putiti ammigghiuràrilu secunnu li cumminzioni dâ Wikipedia.
Pi l'elencu cumpretu dî stub, viditi la rilativa catigurìa

La munarchìa è na forma di cuvernu ntâ quali lu putiri è 'n manu (numinalmenti o di fattu) a na sula pirsuna, comu suggirisci l'etimoluggìa dû grecu "monos". Ginirarmenti, ma nun nicissariamenti, tali munarca havi lu tìtulu di Reghi (o Riggina).

Secunnu lu principiu aristutèlicu, è una dî tri formi sani di cuvernu, nzèmmula cu uligarchìa e puliteia, mentri la sò forma digginirata è la tirànnidi.

Ntô Rinascimentu, li munarchii putevanu accintrari putiri assai mpurtanti, chi nun eranu sulu di tipu esecutivu, ma puru giudizziariu e liggislativu. Cu la nascita dî nazzioni, li munarchii addivintaru assuluti.

Nta l'ùrtimi sèculi lu tèrmini veni macari mpiatu, spissu ntâ sprissioni munarchìa custituzziunali, pi nnicari stati ntê quali asisti un suvranu, ma lu sò putiri è cchiù o menu limmitatu dâ prisenza di parramenti, secunnu formi ca sarìssiru cchiù propiamenti aristucràtichi o dimucràtichi. Lu riversu di sta sprissioni è mmeci munarchìa assuluta.

Vuci currilati

  • Casa riali
  • dimucrazzìa
  • Reghi d'Italia
  • Alencu dî munarchi di Nàpuli e Sicilia
  • Alencu di munarchi belgi
  • Alencu di munarchi britànnici
  • Alencu di munarchi danisi
  • Alencu di munarchi francisi
  • Lista di grannuchi dû Lussimmurgu
  • alencu di munarchi nurviggisi
  • Alencu di munarchi pulacchi
  • Alencu di munarchi purtuchisi
  • Alencu di munarchi spagnoli
  • Alencu di munarchi svidisi
  • Alencu di reghi e mpiratura tudischi
Arabbia Saudita

L'Arabbia Saudita, è nu paisi di la pinisula arabbica riggiutu sutta la forma di na munarchìa.

Culla di la riliggiuni islamica, li citati cchiù canusciuti sunnu Rihad, la capitali, Gedda, portu mpurtanti ntô mari russu; La Mecca, meta di pilligrinaggi di divoti musulmani di tuttu lu munnu, e Medina autra centru di mpurtanza riliggiusa.

Doppu la morti di Re Fahd, divintau re Abdullah bin Abdulaziz al-Saud menzu-frati dû Re Fahd.

Baruni

Lu baruni (pl: baruna) è, ntâ girarchìa aràldica, lu nòbbuli di gradu supiriuri a chiddu di cavaleri e nfiriuri a chiddu di visconti.

Carlu di Burboni

Carlu di Burboni (Madrid, 20 di jinnaru 1716 – Madrid, 14 di dicèmmiru 1788), Carlu V de Sicilia figghiu di Fulippu V di Spagna e Alisabetta Farnesi duchissa di Parma e Piacenza fu re di Spagna, e re di Nàpuli e di Sicilia.

Fu duca di Parma dô 26 frivaru 1731 ô 1735, cô nomu di Carlu I di Parma; Re di Nàpuli e Sicilia dô 1735 ô 1759, simpricimenti cô nomu di Carlu (lu nomu avìa a èssiri Carlu VII secunnu l'invistitura papali, ma iddu vosi fàrisi chiamari Re "senza nùmmiru" pi signari na lìnia di ruttura cô passatu: cô regnu angiuinu e cu chiddu dû Viciriami spagnolu); fu, pi ùrtimu, Re di Spagna dô 1759 ô 1788 cô nomu di Carlu III di Spagna.

Veni arricurdatu chiossai di tuttu pû piriudu di quannu fu Re di Nàpuli, picchì cu iddu accumìncia la dinastìa dê Burbona Rè di Nàpuli e Sicilia e cu iddu, doppu dui sèculi di dimunazzioni stranera (apprima spagnola e appoi austrìaca), lu regnu addiventa ndipinnenti.

Ntô 1759 acchianau a lu tronu di Spagna cû nomu di Carlu III, doppu la morti senza aredi di sò fratastru Firdinandu VI di Spagna, e picciò appi a rinunciari ô tronu di Nàpuli, ca ci jivu ô figghiu terzugenitu Ferdinannu I ca rignau ô princìpiu ccu lu nomu di Firdinandu IV, re di Nàpuli e di Sicilia e doppu, dô 1816 nzinu a sò morti, comu a Firdinandu I, re di li Dui Sicili.

Cuvernu

Lu Cuvernu (palora ca veni di lu grecu anticu κυβερνάω, timoni) eni nu cumitatu di pirsuni ca esercita lu putiri legislativu e esecutivu nta nu tirritoriu di cumpitenza. Stu tirritoriu putissi èssiri na cuntrada, nu paisi, nu statu o na pruvincia, o haviri n'àutru nomu.

Elisabetta II dû Regnu Unitu

Elisabetta II dû Regnu Unitu (Elizabeth Alexandra Mary Windsor) (21 di aprili 1926), riggina dû Regnu Unitu, comu capu dû Commonwealth, è puru riggina di Antigua e Barbuda, Australia, li Bahama, Barbados, Belizi, Canada, Grenada, Jamaica, Nova Zilanna, Papua Nova Guinea, Saint Kitts e Nevis, Saint Lucia, Saint Vincent e li Grenadini, l'Isuli Solomon, Tuvalu e lu Regnu Unitu di Gran Britagna e Irlanna dû Nord. Ammeri 125 miliuna di pirsuni vìvunu nta sti paisi. Idda è la trintuttèsima n linia diritta dû reghi Egbertu di Wessex, e quarantèsimu munarca a partiri di Gugghiermu I lu Cunquistaturi.

La riggina è videmma cuvirnaturi supremu dâ cresia d'Inghilterra, cumannanti n capu dî forzi armati ngrisi e Lord di Mann.

Fahd bin Abdul Aziz

Fahd bin Abdul Aziz Al-Saud ('n Àrabbu: فهد بن عبد العزيز آل سعود) (Riyad, 1921 - 1 di austu 2005), era lu re e primu ministru di l'Arabbia Saudita.

Fidiricu III di Sicilia

St'articulu parra dû Re di Sicilia chi porta stu nomu. Pi lu re di Sicilia chi vinni quarchi ginirazzioni cchiù tardu, puru iddu chiamau III taliati Fidiricu III lu Sìmprici. La vuci Fidiricu II di Sicilia punta ccà puru. Siddu circati lu mpiraturi svevu omònimu taliati Fidiricu II di Hohenstaufen

Fidiricu III d'Aragona (ntâ Sicilia, Fidiricu II di Sicilia chiamatu macari Fidiricu III di Trinacria), (Barcillona, 13 di dicèmmiru 1272 - Paternò 25 di giugnu 1337) fu riggenti aragunisi ntâ Sicilia, dô 1291, appoi elettu dû Parlamentu Sicilianu Re di Trinacria (1295). Figghiu di Petru III d'Aragona, participau ê Vespri siciliani e fu firmitariu dâ Paci di Cataviddotta. Fu prutagunista di arcuni rifurmi custituzziunali nnuvativi pô XIV sèculu, tra d'iddi li Constitutiones regales, li Capitula alia, li Ordinationes generales.

Firdinannu IV di Burboni

Firdinannu IV di Burboni fu re di Nàpuli di lu 1759 a lu 1799, dô 1799 ô 1806 e dû 1815 û 1816 cu lu nomu di Firdinannu IV di Nàpuli; Re di Sicilia di lu 1759 nzinu a lu 1816 cu lu nomu di Firdinannu III di Sicilia.

Doppu lu 1816, quannu junci li dù regni nti n'autru (chiamatu Regnu dî dui Sicilî), addivènta munarca di stu regnu di lu 1816 a lu 1825, cu lu nomu di Firdinannu I dê Dui Sicilî.

Francia

La Francia (oppuru Franza), ufficiarmenti République Française, è na ripùbbrica auropea di circa 64 miliuna d'abbitanti (cifra di jinnaru 2008). La capitali, Pariggi havi 12 miliuna d'abbitanti.

Fulippu V di Spagna

Fulippu V di Burboni (Versailles, 19 dicèmmiru 1683 – Madrid, 9 giugnettu 1746) fu nu rignanti spagnolu, lu primu dâ dinastìa Burbònica.

Era lu niputi dû re Luiggi XIV di Franza e acchianau ô tronu di Spagna picchì sô nanna, la riggina Maria Tiresa muggheri dû "Re Suli", era figghia di primu lettu di Fulippu IV di Spagna e surastra di l'ùrtimu re spagnolu dâ dinastìa di l'Asburgu, Carlu II di Spagna.

Era lu secunnu figghiu di Luiggi, lu Granni Dilfinu e di Maria Anna di Baviera (Dilfina di Franza).

Vinni pruclamatu re di Spagna lu 2 di uttùviru 1700 e, essennu la Sicilia sutta a la duminazzioni spagnola, fu macari, nzinu ô 1713, re dâ Sicilia; a chistu pirò ci vinni datu lu ricanuscimentu di l'àutri munarchìi eurupei sulu câ Guerra di succissioni spagnola e chê trattati di Utrecht e di Rastatt ca mittèvanu la palora fini a la accussì ditta guerra di succissioni spagnola (1701-1714); cû trattatu firmatu ntâ paci di Utrecht, avvinìa lu passaggiu dâ Sicilia dâ curona spagnola a Vittoriu Amedeu II di Savoia.

Munarchi di Sicilia

La Sicilia comu puru lu sud di l'Italia, fu riggiuta di cunti, principi e re dâ cunquista nurmanna di l'unnicèsimu sèculu nzinu all'unità d'Italia. Sta lista dî munarchi va dî cunti di Autavilla, primi cunquistatura nurmanni di l'Italia miridiunali e capustipiti dâ dinastia chi rignau n Sicilia n'èbbica nurmanna, nzinu ô Regnu dî Dui Sicili e ê munarchi dâ dinastia Savoia. Prima dâ cunquista nurmanna la Sicilia era n'emiratu kalbita, eriditatu dâ cunquista àrabba dû IX sèculu, chi già prima dâ cunquista nurmanna avìanu nstauratu na seri di cuvirnatura àrabbi di Sicilia.

Norveggia

La Norveggia è na munarchìa di l'Europa nordica, ca s'attròva ntâ parti occidintàli dâ Scandinavia.

Cunfina cu la Svezia, la Finlandia, la Russia e lu Mari dû Nord, e l'Oceanu Articu.

Fannu parti dû territoriu nurviggìsi macari li ìsuli Svalbard (ntô polo nord) e l'ìsula di Jan Mayen. La Nurveggia havi macari tirritòri di lu polu sud, cumu l'Îsula Bouvet e la Terra dâ Riggìna Maud.

Dû 1995 fa parti di l'AELE, assuciazzioni eurupea di lìbbiru scanciu.

La capitali è Oslo e la lingua parlàta è lu nurviggisi.

Paisi Vasci

Li Paisi Vasci (o l'Ulanna di sòlitu) è na munarchìa chi fa parti dâ Unioni Europea.

Veni limmitatu dâ Girmania, lu Belgiu e lu Mari dû nord. Mpurtanti ciura sunnu li Tulipani.

Petru III d'Aragona

Petru III d'Aragona, mintuvatu Lu Granni (1239 – 2 di nuvèmmiru 1285), fu nu re dô Regnu di Sicilia cu lu nomu di Petru I di Sicilia pì tri anni, di lu 1282 a lu 1285.

Pulìtica

Secunnu n'antica difinizzioni sculàstica, la pulìtica è l'Arti di cuvirnari li sucitati. Lu tèrmini, di dirivazzioni greca (di polis "Πόλις", citati), s'àpplica tantu a l'attivitati di chiddi chi s'attròvanu a cuvirnari pû menzu pupulari 'n dimucrazzìa, o pi àutri menzi nta àutri sistemi.

Regnu Unitu

"Gran Britagna" punta ccà. Pi àutri significati di Gran Britagna taliati ccà

Lu Regnu Unitu di Gran Britagna e d'Irlanna dû Nord è na nazziuni europea funnatrici di l'Unioni Europea. La forma di cuvernu è la munarchìa parramintari. Lu primu ministru è Boris Johnson e lu capu di statu è la riggina Elisabetta II dû Regnu Unitu

L'Irlanna dû Nord è na pruvincia e havi nu cuvernu propriu.

Galles e Scozzia sunu nazzioni custituenti e hannu, macari iddi, nu cuvernu propriu.

La Nglaterra nun havi, accamora, nu cuvernu propriu.

Sicciara

Sicciara (ca veni chiamata Balistrati dî siciliani di fora di Sicciara; talianu: Balestrate) è nu cumuni situatu nta la costa nord siciliana, a 44 chilòmitri di Palermu. E' na vivaci stazziuni balniari comu videmma nu centru agrìculu, mpurtanti pi la pruduzzioni di urtaggi, alivi, acrumi e frutta e pi la sò serricurtura.

Anticamenti lu nomu ufficiali di la citati era Sicciara, dû sicilianu Siccia, pi l'abbunnanza di sicci nta lu sò mari. Ntô 1307 lu reghi Fidiricu III d'Arauna (Fidiricu II di Sicilia) cidìu a lu cumuni di Partinicu lu tirritoriu di Balistrati, arrisirvannu a la munarchìa li diritti dimaniali di la zona liturania pi na prufunnitati para a nu tiru di balestra; di ccà vinni l'attuali nomu.

Ntô 1762 Rosalia Leto cidìu li terri nculti a li culoni cu l'òbbligu di cultivàrili, accussì lu burgu accuminzò a furmàrisi: addivintò cumuni autònumu doppu di lu 1829. Nta l'anni succissivi si sviluppò sempri chiossai, grazzî puru a lu mpiantu di stabbilimenti enulòggichi di li famigghî Ingham, Woodhouse e Florio.

L'abbitanti sunnu chiamati "sicciaroti" n sicilianu e "balestratesi" n italianu.

Sicilia (èbbica burbònica)

Poi dû Congressu di Vienna dû 1815, ca ristabbilìu li munarchi di l'Europa nta lu tronu c'avianu pirdutu nta l'èbbica napuliònica, lu rè Firdinannu I°, già rè Ferdinannu IV di Nàpuli e di Sicilia, si fa attribuiri lu Regnu di Napuli c'avìa pirdutu ntû 1806 e l'ottu di dicìmmiri dû 1816 unisci li dui regni criannu accussì lu Regnu dî Dui Sicili.

La supprissiuni furmali dû Regnu di Sicilia fici nàsciri ntâ tutta â Sicilia muvimenti di prutesta e lu 15 di giugnettu dû 1820 li nnipinnintisti ansùrgunu e stabbilisciunu nu cuvernu a Palermu (18-23 giugnettu), prisidutu dû prìncipi Paternò. Lu rè ci manna contru l'esèrcitu ca, a l'òrdini di Florestano Pepe e Pietro Colletta, lu 7 di nuvìmmiri 1820 ripigghia l'ìsula e ristabbilisci la munarchìa assuluta. N'àutru motu nnipinnintista scoppia a Palermu ntô 1848, liatu puru â massunerìa libbirali ca cummatti l'assulitìsimu munàrchicu, e a l'intirissi britannichi, ca miravinu a aviri nu prutetturatu sicilianu. Lu rè dugna la custituzzioni, mentri lu nnipinnintìsimu veni ripressu.

Malgradu sti fatti, nta l'anni dû Regnu dî Dui Sicili, la Sicilia canusci nu granni sviluppu ecunòmicu e nnustriali, addivinennu una dî riggiuni cchiù ricchi di l'Italia. Lu Regnu dî Dui Sicili, secunnu l’Exposition Universaille de la science di Parigi era ntû 1855-56 lu terzu statu cchiù nnustrializzatu dû munnu doppu la Ngriterra e la Francia; e avìa la terza flotta cummirciali dû munnu.

Li cummerci dû sùrfaru (lu pitròliu di l'èbbica), dû sali, li seterî, la nnustria e la ncignirìa marìttima, facìanu di l'ìsula una dî cchiù ricchi e gnustializzati riggiuni di l'Italia. Lu Bancu di Sicilia e chiddu di Nàpuli avìanu nzèmmula li dui terzi di l'oru e dâ ricchizza di tutta l'Italia: li stati cchiù pòviri mmèci èranu ô nord d'Italia unni c'era puru na granni migrazziuni versu la Mèrica miridiunali (ntô particulari, l'Argintina). La migrazzioni a ddu tempu nun asistiva ô sud, unni era assai nica.

Tonga

Tonga è un paisi nta l'Oceanu Pacificu.

È l'unicu statu di sta zona (zzoè Oceania) chi è puru na munarchìa.

Nn'havi 169 ìsuli ma sulu 36 nn'hannu d'abbitanti. L'ìsula cchiù mpurtanti è Tongatapu. Taufa'ahau Tupou IV è lu re e lu capu di statu.

Li lingui ufficiali di Tonga sunnu lu tonganu e lu ngrisi. Tonga nn'havi 106.137 abbitanti (dû 2002).

Tonga s'addicchiaràu la sò ndipinnenza dû Regnu Unitu ntô 1970.

Ntô 2016 visturu u gol ca Mascara signau a Paliemmu

Àutri lingui

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.