Mitunìmia

A mitunìmia (o mitunimia) è na fiura ritòricasignificatu ca scància na palora cu n'autra palora c'apparteni a nu campu cuncettuali vicinu.

A sicunnu di lu campu cuncettuali ca veni pigghiatu in cunsiderazzioni ci sunu addiversi tipi di mitunìmia:

  • A mitunìmia ca scància a càusa ppì l'iffettu.
    N'asèmpiu è a frasi: sientu u mali dâ lama (nveci di diri dâ firita).
  • A mitunìmia ca scància, o cuntrariu, l'iffettu pâ causa.
    N'asèmpiu è a frasi: mi varagnai u pani cô suduri dâ fronti (nveci di diri cu fatica).
  • A mitunìmia ca scància l'astrattu ppì lu cuncretu.
    N'asèmpiu è a frasi: ss' amuri di matri (nveci di diri matri amurevuli).
  • A mintunìmia ca scància lu cuntenituri ppì lu cuntinutu.
    N'asèmpiu e la frasi: mi vippi nu bicchieri (nveci di diri nu bicchieri ri acqua).
  • A mitunìmia ca scància l'auturi ppì l'òpira.
    N'asèmpiu è a frasi: m'accattai nu Picassu (nveci di diri nu quatru di Picassu).
  • A mitunìmia ca scància a marca ppì l'uggettu.
    N'asèmpiu è la frasi: m'arrialarru nu paru di levis (nveci di diri nu paru di gins levis).
  • A mitunìmia ca scància lu matiriali ppì l'uggettu.
    N'asèmpiu è a frasi: mìsiru a citadi a fierru e fuocu (unni fierru innica u matiriali di li spadi).


Sti relazzioni sunu di tipu qualitativu, ma si fussiru di tipu quantitativu, allura si parrassi di n'autra fiura ritòrica canusciuta comu sinèddoche.

Sinèddoche

A sinèddoche è na fiura ritòrica dô significatu ca scància na palora ppì n'autra c'apparteni a nu campu cuncettuali vicinu, accussì comu a mitunìmia, ma, a diffirenza di chista, cria na rilazzione di tipu quantitativu.

Quinni idda allarga o stringi lu significatu di na palora.

A sicunnu di comu stu significatu veni canciatu ci sunu addiversi tipi di sinèddoche:

A sinèddoche ca scància lu singulari pô plurali.N'asèmpiu è a frasi: l'italianu è cchiù gintile dill'ingrisi (nveci di diri: l'italiani sunu cchiù gintili dill'ingrisi)A sinèddoche ca scància lu plurali pô singulari.N'asèmpiu è la frasi: nâ mà occupari dê li figghi (macari si lu figghiu di cu si parra è unu sulu).A sinèddoche ca scància a parti pô tuttu.N'asèmpiu è la frasi: lu mari è chinu di veli (nveci di diri:è chinu di barchi a vela).A sinèddoche ca scància u tuttu ppì la parti.N'asèmpiu è la frasi: m'accattai na borsa di sirpenti (nveci di diri: na borsa di peddi di sirpenti).A sinèddoche ca scància lu geniri ppì la speci.N'asèmpiu è la frasi: li murtali sunu piccaturi (nveci di diri: l'ommini sunu piccaturi).

Àutri lingui

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.