Mari Eggeu

Lu Mari Eggeu è la parti dû Meditirràniu dilimitata a sud di l'Isula di Creta, a ovest dû Peloponnesu e a nord di la Grecia cuntinintali e a est di la costa turca di l'anatòlia uccidintali. Lu mari è carattirizzatu di na densa riti di ìsuli, chi appartèninu quasi tutti â Grecia. Tra li cchiù mpurtanti nutamu Lesbos, Mikonos, Chios, e l'arcipèlacu dû Dodecannesu.

Aegean
Lu Mari Eggèu
Anatolia

L' Anatolia, dinuminata dî rumani e dî greci Asia minuri, è na riggiuni giugrafica di l'Asia sud-uccidintali chi currispunni all'attuali Turchia asiatica. Si tratta di na pinìsula, circunnata a sud dû mari miditirràniu urientali, a ovest di lu mari Eggeu e a nord dû mari Nìuru. A est l'anatolia è dilimitata dî muntagni dâ Caucasu.

Chios

Chios è n'ìsula dû Dodecannesu, ntô Mari Eggeu urientali. Apparteni â Grecia. Havi nu pupulazzioni di circa 52000 abbitanti.

Cicladi

L'ìsuli grechi dî Cìcladi sunnu n'arcipèlacu dû mari Eggeu. Li circa 220 isuli sunnu abbitati di circa 120000 abbitanti. Tra l'ìsuli cchiù mpurtanti ci sunnu chiddi di Mikonos, di Milos, Santorini, Nassu e di Kea, l'isula abbitata cchiù vicina ô cuntinenti.

Corintu

Corintu è na cità greca, assai mpurtanti all'èbbica di la Grecia antica. S'attrova nti nu puntu stratèggicu ô passagghiu tra lu Peloponnesu e l'Attica. Ntô vintèsimu sèculu fu custruitu nu canali chi passa di lu mari Joniu ô mari Eggeu senza bisognu di fari lu giru dâ pinisula dû Peloponnesu. Òi Corintu è na cità di circa 36 mila abbitanti, cu nu mpurtanti parcu archeològgicu.

Crita

Creta (Περιφέρεια Κρήτης ; Κρήτη, Kriti 'n grecu mudernu, "Krētē" 'n grecu anticu), o Crita è na riggiuna dâ Grecia di li 13 piriferìi.

Dodecannesu

Lu Dodecannesu è n'arcipèlacu grecu dû Mari Eggeu, e chi formu puru n'unità amministrativa. Tra l'ìsuli cchiù mpurtanti chi ci appartèninu c'ê Rodi, la cchiù granni, Castellorizo, all'estrimità urientali.

Eubbea

L' Eubbea è n'ìsula dâ Grecia chi s'attrova a nord di l'Attica, ntô mari Eggeu. Lu capuluòcu è Calcidi.

Grecia

La Grecia (n grecu Ελλάς o Ελλάδα) è na nazziuni di l'Europa, cu na supirfici di 131.940 km² e cu na populazzioni di 10.665.989 abbitanti. La capitali è Ateni.

Iraklion

Iraklion (puru chiamata Candia o Irakliu) è la cità cchiù mpurtanti di Creta, la principali ìsula dâ Grecia, ô sud dû Mari Eggeu. Havi na pupulazzioni di circa 140'000 abbitanti.

Lesbu

Lesbu ('n grecu: Λέσβος e si prununzia Lesbos) è n'ìsula greca situata ntô mari Eggeu nord-orientali, 'n facci ê costi di la pinìsula anatòlica. Lu capulòcu è Mitileni.

È cèlibbri pi essiri la terra dâ puitissa greca Saffu, chi ntê sò versi esaltau la biddizza e l'eros dî fìmmini, e chi pirciò fici dirivari l'etimoluggìa dâ parola lesbismu ê di sò dirivati.

Cu na supirfici di 1630, Lesbu è la terza ìsula greca cchiù granni doppu Creta e Rodi e la nona dû miditirràniu.

Mari di Marmara

Lu mari di Marmara è sipara lu mari Nìuru dû mari Eggeu. E' dilimitatu a nord dû Bosfuru, cu la cità di Istanbul e a sud dû strittu dî Dardanelli.

Mikonos

Mikonos è n'ìsula dê Cicladi, ntô Mari Eggeu. Apparteni â Grecia.

Distinazzioni turistica di na certa mpurtanza grazzi puru â prisenza di n'airoportu, l'ìsula havi nu pupulazzioni di circa 9'000 abbitanti.

Milu (Grecia)

Milu (Milos n grecu), è n'isula dâ Grecia chi s'attrova ntô mari Eggeu, nti l'arcipèlacu dî Cicladi. Di na supirfici di 160 km quatrati, l'isula havi diversi paiseddi. L'isula havi circa 4500 abbitanti.

Ntô 1820 nu massaru truvau na statua di la Grecia Antica chi era distinata a divintari una dî cchiù cansuciuti: la cusidditta Vèniri di Milu.

Nassu (Grecia)

Nassu (Naxos), è n'isula (428 km²) da a Grecia, ntô Mari Eggeu. Eni a maggiuri isula dî Cicladi, situata tra Mykonos, Amorgos e Paro. Dista do u puortu do u Pireu 103 miglia marini. Lu simbolu di l'isula è a "Portara", ca fussiru li ruvini di n'anticu tempiu didicatu ad Apollu, di cui purtroppu arristau sulu l'entrata. A Portara si trova nta a "chora" (ca fussi a città di Naxos) supra n'isuletta a du passi do u puortu.

Naxos (Sicilia)

Naxos funnata ntô 734 a.C, cu lu sò nomu mudernu Giardini-Naxos era la prima culonia Greca ntâ Sicilia.

Rodi

Rodi è una di l'ìsuli cchiù granni dû mari Miditirràniu. S'attrova ntô mari Eggeu urientali, vicinu â costa dâ Turchia. Antica terra di la civilizzazzioni greca, Rodi fa oi parti dâ Grecia.

Samu

Samu (o Samos) è n'ìsula dâ Grecia. S'attrova ntô mari Eggeu, vicinu â costa dâ Turchìa. Havi na supirfici di 468 km quatrati e na pupulazzioni di circa 33800 abbitanti. La capitali è la cità di Samu.

Strittu dî Dardanelli

Lu strittu dî Dardanelli sipara lu mari di Marmara e lu mari Eggeu. Laricu tra 1,2 e 8 chilomitri, lu strittu è longu circa 62 kilòmitri.

Tiseu

Tiseu è nu pirsunaggiu dâ mituluggìa greca. Secunnu la liggenna, fu unu dî primi re di Ateni. Sibbeni la storicità è tutt'àutru chi stabbiluta, Eusebiu di Cesarea stima chi vissi tra lu 1234 a.C. e lu 1204 a.C.,

Àutri lingui

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.