Gaza

Cità palistinisa, Gaza duna lu nomu puru a l'omònima striscia di tirritoriu tra lu cunfini egizzianu, lu disertu israelianu, e lu stremu sud esti dû mari Meditirraniu, chi nzèmmula â Cisgiordania forma lu tirritoriu di l'auturità palistinisa.

Cità d'orìggini assai antichi, Gaza fu a lu nizziu di l'èbbica cristiana nu fuculari dâ diffusioni dû cristianèsimu. Mònici comu S. Ilariuni, foru assai attivi attraversu viaggi pi tuttu lu tirritoriu di lu mperu remanu di l'èbbica.

Gz-map
Mappa dâ Striscia di Gaza

La striscia di Gaza

Oi la striscia di Gaza è n'ària nica-nica misa ppi longu ntâ costa dû Miditirràniu, tra l’Eggittu e l'Israeli, longa 40 chilòmitri e làrica 10, unni càmpanu cchiossai di 1,4 miliuna di palistinisi, cu na dinzitati abbitativa, dunca, di 3.500 pirsuni pi chilòmitru quatratu.

Li cunfini vìnniru stabbiliti ntô 1948, doppu ca si criàu lu statu d’Israeli. Nzinu ô 1967 vinni accupata di l'Eggittu e, appoi, passau sutta a Israeli. Ntô 2005 l’asèrcitu srailianu s'arritirau dâ "Striscia", ma cuntìnua a cuntrullàrini li cunfini, lu spazziu aèriu e lu mari.

Ecunumìa

La pisca, ca era l'attivitati principali, vinni pruibbita ntô 2006 e 35.000 pirsuni, ca campàvanu cu idda, ristaru senza sustegnu ecunòmicu.
Tutta la pupulazzioni campa nta na situazzioni ecunòmica e suciali assai-assai malamenti e dipenni cumpretamenti di l'aiuti assistinziali, e chistu macari picchì li cuntìnui chiusuri dê vàlichi nun pirmetti li spuratazzioni. Macari lu "Prucramma munniali pi l'alimentazzioni" dê Nazzioni Uniti (WFP) fici n'appellu suttaliniannu ca la cumunitati ntirnazziunali avissi a pigghiari comu urgentìssima e priuritària la suluzzioni dâ traggèdia umanitària di Gaza.

Apprufunnimenti dê nutizzi dâ pàggina principali/2009

Ccà s'attròvanu l'apprufinnimenti dè nutizzi misi ntâ pàggina principali e ca hannu la nicissitati di èssiri cuntati cchiù megghiu e cu chiossai dittagghi, oppuru c'hann'a èssiri arripigghiati ntê jorna ca vènunu picchì hannu stràstrichi, o àutri sviluppi.

Ariel Sharon

Ariel Sharon (Kfar Malal, 26 di frivaru 1928 - Ramat Gan, 11 di jinnaru 2014) fi primu ministru israelianu ô marzu 2001 nzinô 2006.

Dicèmmiru 2008

2 di dicèmmiru, martidìa

Catania: Nu futògrafu tudiscu ca s'avìa pirdutu supr'a l'Etna sabbatudìa passatu, vinni attruvatu mortu dê succurrituri ntâ zona Hornitos dû vurcanu, a 2.780 metri. Si chiamava Thomas Reichart e avìa 32 anni.3 di dicèmmiru, mercuridìa

Bangkok: Li manifistanti luvaru lu bloccu all'airoportu, 'n sèquitu â destituzzioni dû cuntruversu primu ministru. Li migghiara di turisti si ni ponnu ora turnari â casa.

4 di dicèmmiru, jovidìa

Harare: Lu cuvernu dû Zimbabbui addicchiara lu statu d'emergenza nazziunali e cerca l'assistenza ntirnazziunali pi cummàttiri cu l'epidemia di culera.

7 di dicèmmiru, dumincadìa

Stròmbuli: Aieri a sira lu vulcanu trunau, facennu trimari li vitra dî paisi. Lu celu si tincìu di russu e tanticchia di petri caderu dâ sciara dû focu. Lu centru lucali di vulcanuluggìa dissi chi fu n'attivitati chi rientra ntâ nurmalitati.8 di dicèmmiru, lunidìa

Irlanda: quantità significativi di diossina foru truvati ntâ carni di maiali irlannisa, pruvucannu lu ritiru di prudutti a basi di carni di maiali irlannisa nti tutta l'Europa.9 di dicèmmiru, martidìa

Grecia: Ancora aoggi, a tri jorna di l'ammazzatina di un carusu di 15 anni fatta dâ polizzìa, li rivorti ntâ Grecia non s'hann'a stimpiratu. Nti sta jurnata, unni ci sunnu li funirali dû carusu, lu scantu è chiddu ca ci ponnu èssiri àutri viulenzi.

12 di dicèmmiru, venniridìa

Etna: Pô malu tempu, ottu boy scouts arristaru bluccati supra a l'Èttina. La nivi àuta, lu jelu e la negghia cci cunsighiaru d'ariparàrisi nta nu rifuggiu, saputu sèntiri Timpa Russa, a 2.093 metri ntô ciancu nord dû vurcanu. A sta matina, na vota ca ci avìanu finuti li cosi di manciari, addumannaru aiutu e di Niculosi parteru li succurrituri ca attruvaru tutti li carusi sani e sarvi.14 di dicèmmiru, duminicadìa

Iraq: Ô prisidenti miricanu George W. Bush, ca avìa iutu a Bagdad pri dàricci un salutu ê surdati miricani, ntô mentri di na cunfirenza stampa fatta nzemi ô premier di l'Iraq, Nuri al Maliki, nu jrnalista irachenu ci lassau cùrriri li sò scarpi, ma senza arinèsciri a nzittàrilu picchì chiddu fu lestu a scanziàrili. Lu jurnalista, pri sùbbitu abbluccatu dî forzi di l'òrdini, era assittatu ntâ terza fila e mentri li dui òmini pulìtichi si stringèvanu li manu d'avanti a la telivisioni, si susìu e cci abbanniau: «chistu è lu tò vasuni d'addiu, cani» e ntô mentri, una appressu a l'àutra, cci tirau li scarpi ô prisidenti miricanu.15 di dicèmmiru, lunidìa

Pariggi: Robbertu Alagna, unu cantanti lìrichi cchiù apprizzati a liveddu ntirnazziunali, pubbricau nu CD, Sicilien, di canzuni 'n sicilianu chi agghicau ô secunnu postu dâ classifica dî disca cchiù vinnuti n Francia.

16 di dicèmmiru, martidìa

Palermu: Stamatina li carrabinera stannu purtannu a termini na maxi upirazzioni contra la mafia ntâ pruvincia di Palermu chi purtau a firmari 99 pirsuni. Secunnu l'inquirenti diversi famigghi mafiusi vulèvanu ricustituiri la cùpula mafiusa.Iraq: Nu sciìccu àrabbu saudita, Hassan Mohammed Makafah, riccu pussidenti, pri macari una sula di li scarpi ittati cuntr'a lu prisidenti miricanu Bush duminicadìa passata, è dispunìbbili a pajari nzinu a deci miliuna di dòllari.18 di dicèmmiru, jovidìa

Grecia: Ntô pumiriggiu d'aoggi, ntô centru di Ateni, unni s'avìanu arricugghiutu quarchi 3.000 studenti e prufissuri, ci foru àutri scontri ntra la polizzìa e li manifistanti. Di la parti dê manifistanti si ittaru bummi molotov e petri contr'â polizzia e chista arrispunnìu chê lacrimòggini.

23 di dicèmmiru, martidìa

Italia: Cci fu un tirrimotu a li 16:25 ntô centru-nord di l'Italia: Lummardìa, Emilia-Rumagna, Vènitu, Piemunti, Friuli-Vinezzia Giulia, Tuscana e Liguria. Appi nu magnitùdini di 5,2 gradi dâ scala Richter.30 di dicèmmiru, jovidìa

Gaza: Doppu la ruttura dâ tregua dû Hamas, li cummattimenti tra palistinisi e israiliani ripigghiaru di ntinsità. Li bummi israiliani ficiru chiossai di 300 morti ntâ striscia di Gaza. Si cunta puru quarchi mortu israilianu pî razzi palistinisi.

Eggittu

L' Eggittu (ca si dici Agittu ntô calabbrisi centru-miridiunali) è nu statu nord-africanu.

Frivaru 2008

3 di frivaru, duminicadìa

Catania: 'N unuri di Sant'Àgata, patrona dâ cità, d'aoggi è festa granni a Catania. Tutti l’anni, dô 3 ô 5 di frivaru, pi tri jorna, Catania si scorda tutti li cosi e tutti l’affanni e si cuncentra sulu pâ festa a Sant’Àita.13 di frivaru, mercuridìa

Afganistan: N'attaccu ê forzi taliani; unu surdatu veni ammazzatu.14 di frivaru, jovidìa

Cristianèsimu: Jornu di San Valintinu; tradizziunalmenti didicatu â festa dî nnammurati.25 di jinnaru, venniridìa

Melbourne: Roger Federer, nùmmuru 1 dî classifichi ATP di tennis, fu battutu di Djokovic, nu tinnista serbu di 20 anni, ntâ semifinali di l'Australian Open.15 di frivaru, venniridìa

Gaza: quarchi 7 palistinisi (2 picciriddi, 1 fìmmina e 4 òmini) sunnu li morti ammazzati e armenu 50 sunnu li firiti (20 sunnu picciriddi) pi n'attaccu tirrorìsticu fattu di l'aerunàutica di israeli ntâ striscia di Gazza. Ancora, nzinu a stu mumentu, si sta scavannu unni hà statu abbiatu nu mìssili (li casi distruggiuti e danniggiati sunnu non cchiù picca di 10) pi vidiri si s'attròvanu sutta li macerî cristiani vivi.17 di frivaru, duminicadìa

Pristina: Lu parramentu pruclama na nnipinnenza dû Kossovu e la siparazzioni di la Serbia

19 di frivaru, martidìa

Cubba: Fidel Castro lassa jiri ufficiarmenti la guida dâ Cubba 'n favuri di sò frati21 di frivaru, jovidìa

Palermu: Foru sequestrati beni pi circa 150 miliuna di euru, appartinenti o ricunnucìbbili a diversi boss dâ mafia.

24 di frivaru, duminicadìa

Lampidusa: circa 700 immigrati extracumunitari sbarcaru nti st'ùrtimi jorna supra l'ìsula. Na quarantina sbarcaru puru a Pantilliria (funti: La Sicilia)25 di frivaru, lunidìa

Bari - Gravina di Pugghia: Un carusiddu di 11 anni ca cascau ntâ nu puzzu di na casa abbannunata, fici attruvari ê succurrituri, 'n funnu ô puzzu, corpi umani, ca fannu pinzari ca si tratta di li dui fratuzzi, Ciccio e Ture, ca spareru dô paisi lu 5 di giugnu 2006.27 di frivaru, mercuridìa

Gerusalemmi - Nta n'azzioni tirrurìstica di l'aviazzioni israeliana ntâ striscia di Gaza foru ammazzati tri picciriddi palistinisi e n'àutri chìnnici sù li firiti e di chisti sei sunnu carusiddi; l'attu di tirrurìsimu supprinnìu picciriddi e picciutteddi mentri ca jucàvanu ô palluni ntâ spiaggia, ammeri a Jabaliya. (Nutizzia ANSA)

Giugnettu 2005

1 di giugnettu, venniridìa

Israeli: Dimustrazzioni israeli ntrâ striscia di Gaza contra lu sò cuvernu.2 di giugnettu, sabbatudìa

Roma - Tokiu - Berlinu - Johannesburg - Londra - Pariggi: Cuminza li Live 8, concertu granni a favuri dî paisi poviri.3 di giugnettu, duminicadìa

4 di giugnettu, lunidìa

5 di giugnettu, martidìa

6 di giugnettu, mercuridia

Londra: La cità di Londra vinci la numinazzioni pi prisintari li jocura olimpichi ntô 2012 cu na vota di 54 contra li 50 di Parigi. Poi vinniru Madrid, Nova Jorca e Mosca, pi stu ordini.7 di giugnettu, jovidìa

Londra: Na seria di bummi veni sparata duranti la matina nta lu tube, ammazzannu armenu dui vintini di pirsuni. Facirmenti si tratta dûn attu di tirrirismu di l'islamisti stremi. Abbeni doppu ca Londra vinni numinata pi prisintari li jocura olimpichi ntô 2012 e mentri la cunfirenza dû G8 ntâ Scozzia.8 di giugnettu, venniridìa

9 di giugnettu, sabbatudìa

10 di giugnettu, duminicadìa

11 di giugnettu, lunidìa

13 di giugnettu, mercuridìa

16 di giugnettu, sabbatudìa

Londra: Li vittimi dâ bumma sunnu arrivati a 55, cuntannu li prutagunisti chi s'hannu ammazzattu iddi stissi cu st'attaccu.21 di giugnettu, mercuridìa

Na nova seri di 4 attintati cuntimpurani a Londra crea sulu scantu, nessun firitu e picca danni.24 di giugnettu, duminicadìa

Pariggi: Lu curriduri Lance Armstrong vinci pi la settima vota consicutiva lu giru di Francia. Ntô 2012 appoi l'Unioni Ciclistica Ntirnazziunali, n sèquitu a accirtamenti supra li sustanzi usati di Lance Armostrong e vietati dû rigulamentu, ci livau tutti li vittori dû Tour.27 di giugnettu, mercuridìa

Cape Canaveral: La navetta spazziali Discovery dâ NASA veni lanciata ntô spazziu. E' lu primu lanciu doppu la traggedia dâ navetta Columbia dô primu di frivaru 2003.28 di giugnettu, jovidìa

Londra: L'IRA (Irish Republican Army) cumunicau a tutti li so membri e vuluntarî ca, a partiri di li quattru di oggi, hannu a lassari la lotta armata e hannu a participari a lu sviluppu democràticu sulu cu menzi pacìfici. L'IRA è un gruppu cattòlicu ca lutta pi l'unificazzioni di l'Irlanda.29 di giugnettu, venniridìa

Roma: Li forzi di polizzia taliani arristaru a Roma unu di li quattru tirroristi di li bummi di Londra di lu 21 di giugnettu scursu, l'africanu Osman Hussain di 27 anni.30 di giugnettu, sabbatudìa

Londra: Tutti quattru suspetti principali dî bummiati a Londra dû 21 di giugnettu vennu arristati.

Nova York: Dui di li setti astrunauti di lu Discovery, ficiru la prima passiata nta lu spazziu ca durau quasi setti ura.

Giugnu 2007

6 di giugnu, martidìa

Roma: Pulèmichi pô casu dû ginirali Spiciali, licinziatu dû cuvèrnu. Lu votu di fiducia ô sinatu, alluntana pirora la crisi.

Valencia: Luna Rossa perdi la finali dâ cuppa Louis Vuitton di vela contra Emirates Team New Zealand. Li neozilannisi s'hannu â ncuntrari tra na para di simani cû Alinghi pâ finali dâ coppa America.

Rostock: Lu vertici dû G8 accuminza ntâ lucalitâ tudisca dû mar Balticu. Li temi pricnipali sunnu lu caviriamentu climaticu, lu Darfur, la situazzioni dâ nnipinnenza dû Kossovu, li missili chi la NATU voli nstallari 'n Pulònia e Ripùbblica Ceca.13 di giugnu, mercuridìa

Tel Aviv: Shimon Peres veni eliggiutu comu novu prisidenti di Israeli.14 di giugnu, jovidìa

Lampidusa: 400 immigrati extracumunitari sbarcanu ntâ nuttata cu na quattrina di barchi.

Gaza: Li surdati di Hamas pigghianu lu cuntrollu dâ cità. Lu prisidenti palistinisi Abu Mazel, sciogghi lu cuvèrnu d'unitati nazziunali e prucrama lu statu d'emergenza.18 di giugnu, lunidìa

Nuòtu: Â prisenza dû primu ministru Rumanu Prodi, na festa granni cèlibbra la Cattiddrali barocca dâ cità, chi ùnnici anni fa si sbracau doppu diversi jorna di acqua.25 di giugnu, lunidìa

Seria A: Catania rinesci a ottèniri la firma dû purteri argintinu, Albano Bizzari.26 di giugnu, martidìa

Sicilia: La calura dâ stati agghicau a punti eccezziunali di 46 gradi in Sicilia, causannu puru diversi ncendi.27 di giugnu, mercuridìa

Londra: passaggiu di putiri tra Tony Blair e Gordon Brown, novu primu ministru Unitu|ngrisi.

29 di giugnu, venniridìa

Valencia: ntâ cità spagnola si curri la finali dâ Cuppa America di vela tra la squatra svìzzira di Alinghi e lu Team New Zealand. Accamadora li svizziri vinciunu 3-2. Vinci cu agghica prima a cincu rigati vinciuti.

Guerra dî sei jorna

La guerra dî sei jorna fu nu cunflittu ca si cummattìu tra Israeli di na banna e l'Eggittu, la Siria e la Giordania di l'àutra banna tra lu 5 e lu 10 di giugnu dû 1967. S'accapau cu na cumpleta vittoria israeliana. Israeli â fini dû cunflittu accupau lu Sinai, la striscia di Gaza, Girusalemmi est e lu Golan. Li cunsiequenzi dâ guerra, chê sò profughi, e li cuntinziusi ristati aperti cu la Siria supra lu Golan, nfuenzanu la situazzioni pulitica dû Mediu Orienti ancora ê jorna nostri.

Jinnaru 2005

3 di jinnaru 2005, lunidìa

Italia: Sunnu circa 144 mila - secunnu li dati furniti dî diversi autiritati cuvirnativi dî paisi cuinvolti dû marimotu di l'Ocianu Indianu - li vìttimi accirtati.Scinniu a 436 lu numiru dî taliani ancora cunziddirati comu dispersi. Lu nùmmiru dî vìttimi taliani - tra turisti e pirsuni risidenti - è fermu a diciottu.5 di jinnaru, mercuridìa

Italia: In segnu di rispettu pî vìttimi dû marimotu di l'Ocianu Indianu nta tutti li nazzioni d'Europa vennu assirvati a l'uri 12 di oi 5 di jinnaru tri minuti di silenziu.9 di jinnaru, duminicadìa

Palestina: Urni aperti in Cisgiordania e ntâ Striscia di Gaza p'alèggiri lu succissuri di Yasser Arafat â prisidenza di l'Autoritati nazziunali palistinisi. Ma l'alizzioni nun stannu prucidennu beni a Girusalemmi Est. Fonti: [1], Adnkronos.11 di jinnaru, martidìa

Mauritania: Lu pilota di motociclismu Fabrizio Meoni murìu doppu di nu ncidenti abbinutu duranti lu svolgimentu di na tappa dâ Barcellona-Dakar.13 di jinnaru, jovidìa

Storia - Novi mpurtanti scuperti archeulòggichi nta l'area dî Terme di Traiano, suprô Colli Oppio, a Roma. (Fonti: Internet / Media televisivi)Pristoria - Dui fòssili ricentimenti ritruvati in Cina putìssiru èssiri la testimunianza diretta chi arcuni dî primi mammìferi fùssiru carnìvori. Dâ mpurtanti scuperta havi datu cuntu la rivista scientìfica "Nature". Li fòssili in parola appartèninu a dui specî: chidda già canusciuta comu Repenomamus robustus e chidda appositamenti difinita Repenomamus giganticus. Risàlghinu a 130 miliuna di anni e si riteni si nutrìssiru di jovani asimplari di dinusauru. (Fonti: ilgiorno.quotidiano.net)14 di jinnaru, venniridìa

Murìu a Roma a l'età di sissantaquattru anni lu cantanti di rhythm and blues Rocky Roberts. Cû gruppu dî Airdales appi un periodu di granni cilibbritati â fini di l'anni '60, in particulari cû cantu Stasera mi butto.20 di jinnaru, jovidìa

Havi stata prisintata a Milanu la ciamma olimpica chi llumina li jochi dâ XX Olimpiadi Mmirnali di Turinu 2006.21 di jinnaru, venniridìa

Un surdatu d'asèrcitu talianu in Iraq havi ristatu uccisu duranti un'azzioni di cupirtura mentri si truvava suprôn alicòttiru. (lanazione.it)24 di jinnaru, lunidìa

Li Nazzioni Uniti hannu ricurdatu cu na sissioni straordinaria lu Jornu dâ Mimuria chi veni cilibbratu lu 27 di jinnaru. È la prima vota chi la ricurrenza veni cummimurata in via ufficiali di l'ONU.(Fonti: Internet - approfondimento ucei.it/giornodellamemoria))

28 di jinnaru, venniridìa

Si aprinu a Bormio (Pruvincia di Sondrio) li Munniali di sci alpinu 2005.Dicemmiru 2004 - Frivaru 2005

Jinnaru 2008

6 di jinnaru, duminicadìa

Palermu: Lu tribbunali di Palermu dicisi nu maxi risarcimentu di 3 miliuna e menzu di euru â famigghia di Paulu Borsellinu ammazzatu dâ mafia ntô 1992. Li sordi nèsciunu dû funnu di rutazziuni pî familiari dî vìttimi dâ mafia, alimintatu dî beni sequestrati.10 di jinnaru, jovidìa

Venezzuela: Lû muvumentu dî FARC, grazzî â mediazzioni dâ Cruci Russa nternazzionali e dû prisidenti venezzuelanu Hugo Chavez, lìbbira dui ostaggi colombiani ditinuti pi sei anni.

14 di jinnaru, lunidìa

Cape Canaveral: La sunna Messenger dâ NASA passa di Mircùriu. Pi lu pianeta cchiù vicinu dû sistema sulari, è la prima visita doppu chidda dû Mariner 10 dû 1975.15 di jinnaru, martidìa

Nàpuli: La prucura di Santa Maria Capua Vetere, nnâ n'inchiesta supra la prisunta gistioni llecita dû puteri 'n Campania, ndagau lu ministru talianu dâ Giustizzia Climenti Mastella, mentri ca sò muggheri, Sandra Lonardo, prisidenti dû Cunsigghiu riggiunali dâ Campania, è a l'arresti dumiciliari. Àutri amministraturi di l'Udeur, cu àutri urdinanzi di custodia cautilari, sunnu cuinvuggiuti ntâ vicenna.Catania: Lu Catania si qualìfica pî quarti di finali dâ Coppa Italia di palluni.16 di jinnaru, mercuridìa

Palermu: Na ndàggini supra lu pizzu porta a arristari 39 pirsuni dû clan Lo Piccolo, tra cui lu figghiu dû boss mafiusu arristatu quarchi simana fa.18 di jinnaru, venniridìa

Palermu: Sarvaturi Cuffaro, prisidenti dâ Riggiuni Siciliana, hà statu cunnannatu a cinc'anni di càrciri pri favuriggiamentu sèmprici e rivilazzioni di sicretu d'uffìciu, mentri ca l'aggravanti dû favuriggiamentu a Cosa Nostra cascau. Li jùdici, cumunqui, hannu ntirdettu Cuffaro dê pùbbrichi uffici pri tutta la durata dâ pena.24 di jinnaru, jovidìa

Roma: Lu cuvernu Prodi cascàu ô sinatu cu 156 sì, 161 no e n'astinutu. Si grapi accussì la crisi pulìtica.

Girusalemmi: L'autoritati militari sraeliani ci pruibberu ê càmii càrichi di merci pâ populazzioni di Gaza di tràsiri ntâ "Striscia" attraversu lu postu di fruntera di Kerem Shalom, ô cunfini tra Israeli, l'Eggittu e la Striscia. Già di venniridìa passatu, Israeli avìa fattu nu bloccu tutali nnê vàlichi di fruntera e senza cchiù manciari e mancu carburanti (mancannu chistu Gaza è ô scuru, macari ntê spitali), la populazzioni è aridduciuta malamenti. Gazza è sutta assediu e lu munnu talìa, mutu.25 di jinnaru, venniridìa

Melbourne: Roger Federer, nùmmuru 1 dî classifichi ATP di tennis, fu battutu di Djokovic, nu tinnista serbu di 20 anni, ntâ semifinali di l'Australian Open.26 di jinnaru, sabbutudìa

Palermu: 'N sèquitu ê ricenti fatti giudizziari, lu prisidenti dâ Riggiuni Siciliana Totò Cuffaru si dimisi dâ sò càrrica.

Jinnaru 2009

Primu di jinnaru, jovidìa

Roma: Lu Prisidenti dâ Ripùbbrica taliana, Giorgiu Napulitanu, parra ô pòpulu talianu cû sò missaggiu nurmali di fini annu, dâ sò risidenza dû Quirinali.

Bratislava: La Slovacchia trasi ntâ zona euru.5 di jinnaru, lunidìa

Gaza: L'esercitu israilianu trasìu ntô tirritoriu palistinisi. Li bummiati cuntinuanu, e puru na para di scoli gistiti di l'ONU foru bummiati. Lu nùmmuru di morti acchianau a chiossai di 500.12 di jinnaru, lunidìa

Ginevra: (Ansa) Lu Cunsigghiu dî diritti umani di l'Onu appruva na risuluzzioni ca cunnanna cu forza l'uffinsiva militaru di Israeli a Gaza, ma ntantu la mattanza cuntinua.(Apprufunnimentu)

14 di jinnaru, mercuridìa

Nàpuli: lu capu dâ cosca dî casalisi fu arristatu. L'autru jornu avìa rinisciutu a scapparasilla, pigghiannu na gallirìa dî fugnaturi. Setola, accussì si chiama lu camurrista arristatu, era unu dî 30 òmini cchiù ricircati.16 di jinnaru, venniridìa

New York: Nu aèriu partutu dâ metropuli miricana, appi a attirrari ntô ciumi Hudson a causa pari di nu mpattu cu ucedda survaggi. Tutti li 155 pirsuni a bordu si pôttiru sarvari grazzî â maistrìa dû pilota.19 di jinnaru, lunidìa

Vittoria (RG): Pi l'"Inauguration and Martin Luther King jr. Day" ca si tinni aoggi a Washington D.C., a la viggìlia dâ trasuta di Barack Obama â Casa Janca, nu picciottu jazzista sicilianu, Franciscu Cafiso, sunàu pô novu prisidenti miricanu nzemi a la Jazz at Lincoln Center Orchestra di Wynton Marsalis.

Gaza: Li surdati d'Israeli làssanu la Striscia di Gaza (intra dumani si nn'avìssiru a gh'iri cumpritamenti); ê spaddi si làssanu chiossai di 1.300 morti (400 di ss'ammazzati su' picciriddi) e 5.000 firiti. Li dui parti ca si fìciru la guerra dìciunu, ognidunu d'iddi, ca vinceru: cui ni chianci li cunsiquenzi è pirò la pupulazzioni, na massa di puvireddi ca vulìssiru campari macari iddi, comu è disidèriu di ogni cristianu, cu tranquillitati e dignitati.27 di jinnaru, martidìa

Mèrica: Barack Obama scigghìu la tilivisioni àrabba Al-Arabiya pri mannàricci a diri ê mussurmani ca "li miricani non sunnu li nimichi d'iddi"; dissi macari ca iddu stissu criscìu nti l'Indunesia, nu paisi fattu cchiossai di mussurmani; appoi cci aripitìu di mpignàrisi pri ggh'iri quantu prima nta na capitali di nu granni paisi mussurmanu. Nta tutta la ntirvista tilivisiva, Obama desi a capiri ca voli ripigghiari a parrari, ca voli abbissari quantu vinni spasciatu nta ott'anni d'amministrazzioni Bush.Lampidusa: Lu Cunsigghiu cumunali di Lampidusa appruvau cû votu di tutti, senza nudda ccizzioni, la muzzioni unni addumanna ô prisidenti dû Cunsigghiu Silviu Berlusconi lu licenziamentu dû ministru di lu nternu Robertu Maroni. Na muzzioni appruvata cu l'appràusu ginirali nta na cunvucazzioni straurdinària dû Cunsigghiu cumunali fatta fora a l'apertu, ntâ chiazza dû Municìpiu.(Apprufunnimentu)

Milanu: Murìu a sta sira, ntâ sò casa di Milanu, Minu Reitanu, c'avìa ancora 64 anni. Lu cantanti, d'urìggini calabbrisi di Sciumara 'i Muru, era malatu di quarchi tempu.29 di jinnaru, jovidìa

Melbourne: Roger Federer, battennu Andy Roddick pi 6-2, 7-5, 7-5 si qualificau pâ finali di l'Australian Open di tennisCalàbbria: Pô malu tempu e pi tutta l'acqua di celu c'hà cascatu ntâ Calàbbria, ammeri è quattru di sta notti, nu pezzu dâ muntagna ca c'è supra a Trupea sciddicau nzinu ô mari. Pi furtuna non ci foru morti, ma quarchi 60 chilòmitri di l'autustrata foru chiuruti ê màchini. N'àutra frana, succiduta duminicadìa passata, sempri ntâ Calàbbria, agghiri ô svìnculu di l'autustrata Roglianu-Grimàudu, fici dui morti e tri firiti.

Marzu 2008

1 di marzu, sabbutudìa

Sanremu - Lu 58èsimu festival dâ canzuni italiana, cunnuttu di Pippu Baudu si chiudìu.2 di marzu, duminicadìa

Mosca: Pi l'elizzioni dû novu prisidenti dâ Russia, lu candidatu dû cuvèrnu, Dimitri Medvedev vincìu ô primu turnu cu circa lu 68% di voti.

Gaza: Cummattimenti massivi fannu dicini di morti tra li cummattenti di Hamas ma puru tra li civili dî campi di rifuggiati palistinisi3 di marzu, lunidìa

Lu cantanti d'òpira sicilianu Giuseppi Di Stefanu murìu. Avìa 86 anni. S'arricodanu di iddu l'òpiri cantati 'n coppia cu Maria Callas5 di marzu, mercuridìa

Gerusalemmi: N'attintatu kamikazi fa 8 morti nti na scola talmudica israeliana.6 di marzu, jovidìa

Madrid: N'attintatu di l'ETA â viggìlia di l'elizzioni liggislativi spagnoli fa nu mortu.9 di marzu, duminicadìa

Guyana francisi: L'ESA arriniscìu lu lanciu dû Jules Vernes nu cargu pi lu rifurnimentu 'n vìviri e acqua pâ stazzioni spazziali ntirnazziunali.15 di marzu, sabbutudìa

Tirana: N'arsinali â pirifirìa dâ cità albanisi scoppiau criannu pànicu tra la pupulazzioni. Si cuntanu armenu 6 morti e 250 firiti.16 di marzu, duminicadìa

Melbourne: Lewis Hamilton vincìu lu GP d'Australia di Formula 1. Li Ferrari di Kimi Raikkonen e di Felipe Massa s'àppiru a ritirari.17 di marzu, lunidìa

Lampidusa: Tra ieri e òi li sbarchi di clannistini ripigghiaru, cu l'arrivu di circa 450 extracumunitari.21 di marzu, venniridìa

Mazzara: Nu pischirècciu attruvau ntô Canali di Sicilia a 450 metri sutta lu mari na dicina di ànfuri antichi e àutri riperti lìgnei. Na dicina d'anni fa n'autru peschirecciu di Mazzara avìa piscatu lu cèlibbri Sàtiru danzanti.31 di marzu, lunidìa

Milanu: La cità dâ Lummardìa fu scigghiuta pi uspitari l'esposizzioni univirsali dû 2015

Palistina

La Palistina (Latinu Syria Palestina, Ebbràicu Palestina [פלשתינה] o Eretz Yisrael [ארץ־ישראל], Arabbu Filasteen [فلسطين]), è na riggiuni stòrica dû Mediu Orienti chi s'affaccia a ovist nta lu Miditirràniu, a sud è dilimitata dô golfu di Aqaba, a sud-ovist dô disertu dû Sinai, a nord dê cuntrafforti miridiunali dû Libbanu e a est dû Disertu sirìcacu e dû ciumi Giurdanu. Hà statu na riggiuni unni si svilupparu tanti civiltati e riliggioni e di chissi li cchiù mpurtanti sù l’ ebbraìsimu, lu cristianèsimu e l’ islamìsimu.

Lu sò status pulìticu è, attuarmenti, assai contraversu. Autupruclamata nnipinnenti ntô 1988, lu statu di Palistina è arricanusciutu di 129 nazzioni ntô munnu. "Palistina" è puru lu nomu ca si desi na culònia britànnica c'occupava, cchiù o menu, lu tirritoriu di l'odierni stati di Israeli e Giurdania.

Sant'Ilariuni

Sant'Ilariuni (Gaza, 291 - Pafu, 371) nascìu a Gaza, ntâ Palestina, agghiri lu 291. Doppu li studi a Alessandria, s'addidicò a na vita munàstica e viaggiò pi tuttu lu mpiru Rumanu di l'èbbica. Agghiri lu 330 si mbarcò pi la Sicilia, unni prubabbirmenti vissi comu erimita ntâ na rutta â Cava d'Ispica ca porta ancora lu sò nomu. Agghiri la fini dâ sò vita, ntô 365 viaggiò pi l'Italia, la Croazzia e Cipru. Murìu a Pafu ntô 371.

È cunsidiratu lu primu riliggiusu a aviri ntruduciutu n Sicilia na forma di munachèsimu primitiva, distinata appoi a svilupparisi ntî sèculi succissivi cu San Calò e supratuttu cu li Basiliani.

Sinai

Lu Sìnai è na pinìsula chi s'attrova n tirritoriu egizzianu tra lu canali di Suez e la fruntera Israeliana. A Nord è dilimitatu dû Mari Meditirraniu e a nord-est dâ fruntera câ striscia di Gaza. Tirritoriu pi lu cchiossài deserticu e muntagnusu, è abbitatu essenziarmenti di tribbù semi-stabbili o nòmadi.

Àutri lingui

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.