Galizzia (Spagna)

La Galizzia ('n gallegu: Galicia o Galiza, 'n spagnolu: Galicia, 'n purtughisi: Galiza) è na cumunità autònuma ntô nord-ovest dâ Spagna ca havi na pupulazzioni di quasi 2.800.000 abbitanti. La Galizzia cunfina a nord cû Mari Cantàbbricu, a ovest cu l'Ocèanu Atlànticu, a est cu li Asturìi e la Castigghia e León e a sud cû Portugallu.

Flag of Galicia
La bannèra Galizziana

Lu Gallegu

Storicamenti, la Galizzia era la Gallaecia rumana, ca cumprinnìa certiduni parti di chiddi ca oi sunnu la Spagna uccidintali e lu Portugallu sittintriunali. Li lingui ufficiali sunu lu Gallegu, o galego ('n spagnolu gallego) e lu Castigghianu. Lu Spagnolu o Castigghianu veni spissu parratu comu prima lingua ntra li carusi dê cità, mentri lu Gallegu è spissu parratu comu prima lingua ntra la pupulazzioni cchiù anziana dê campagni. Tutti dui li lingui hannu nu status ufficiali e vèninu nzignati ntê scoli. Mentri nun tutti li pirsuni pàrranu lu Gallegu (A Coruña sulu lu 72%), assai lu capìscinu (a Ourense lu 95%). Secunnu nu cinzimentu dû 1991, cchiù picca dû 40% dê Galizziani sannu scrìviri ntâ sò lingua. Lu Purtughisi veni di na lingua antica Galizziana-Purtughisa. La nfruenza dû Castigghianu hà cumunqui lassatu trazzi nti l'attuali Gallegu, spiciarmenti ntô lèssicu.

Giografìa

Ntra li cità principali attruvamu Vigo, A Coruña, Pontevedra, Lugo, Ferrol, Ourense e Santiago de Compostela, la capulocu e la sedi di l'arciviscuvatu, puntu d'arruvata dû cchiù pupulari pircursu di pilligrinaggiu di l'Europa midivali. A pàrtiri dû 1833 la Galizzia vinni spartuta nti quattru pruvinci: A Coruña, Ourense, Pontevedra e Lugo.

Turri di Hércules.

Giograficamenti, la particularità cchiù mpurtanti dâ Galizzia è la prisenza di costi frastagghiati, na speci di fiordi, a nord e a est, furmata di estuari ca vìnniru cummigghiati di l'acqui, doppu l'Etati Glaciali. Sti "fiordi" vèninu chiamati rias e sunnu spartuti 'n Rias Altas e Rias Baixas. Granni parti dâ pupulazzioni stavi ô quantu dê rias, unni ci sunnu granni cità comu Vigo, Pontevedra e A Coruña. Li rias sunnu mpurtanti pâ pisca, spiciarmenti pê frutti di mari, e fannu di la costa Galizziana una dê cchiù mpurtanti zoni di pisca dû munnu. Lu paisaggiu spittaculari dâ costa e li assai plaji attìranu nu nùmmiru sempri àutu di visitatura.

Di dintra la riggiuni è cchiù picca pupulata e suffri pâ migrazzioni versu la costa e li granni cità spagnoli. Li cità sunnu nichi e luntani ntra iddi (Ourense, Lugo, Verìn, Monforte de Lemos, A Rua) e ci sunnu assai nichi villaggi. Lu tirrenu è fattu di assai vasci catini di muntagni, ca sunnu passati di nùmmirusi nichi ciùmura, ca nun sunnu navicàbbili, ma dùnanu enirgìa iddroelèttrica tràmiti na multitùdini di dighi. La Galizzia havi accussì assai ciùmira ca veni numinata la terra dê milli ciùmira. Li cchiù mpurtanti ntra chisti sunnu lu Miño e lu Sil, ca scùrrinu nti spittaculari canyon. Li muntagni dâ Galizzia nun sunnu assai àuti ma hannu sirvutu pi scuraggiri lu sviluppu dû dintra. C'è na stazzioni sciìstica a Manzaneda ntâ pruvincia di Ourense. La muntagna cchiù àuta è lu Trevinca (2.000 metri), ô quantu dû cunfini cu León.

Basílica de Santiago 02
La basìlica di Santiago de Compostela.

Econumìa e migrazzioni

La Galizzia è na terra di cuntrasti ecunòmici. Mentri la costa uccidintali, chê sò granni cità e li nnustri dâ pisca e dâ manifattura, è abbunnanziusa e fa crìsciri la sò pupulazzioni; lu dintraterra campagnolu - li pruvinci di Ourense e Lugo- sùffrinu pê difetti di na pupulazzioni, ca si fa anziana e ca nun è spicializzata, havi lu tirrenu pòviru spartutu nti nichi pezzi di terra ca vèninu chiamati minifundios.

L'abbitanti dâ Galizzia vèninu chiamati galegos ('n Spagnolu gallegos). L'emigrazzioni Galizziana a bbêri l'America Latina fu accussì granni, particularmenti a bbêri Argintina e Brasili, ca tutt'oi ntô Brasili tutti chiddi ca sunnu biunni e câ peddi chiara vèninu chiamati galego. Ntê paisi di l'Amèrica Latina di lingua spagnola, li spagnoli vèninu certi voti chiamati gallegos e sunnu vìttima di nummirusi barzilletti. Ntâ MadridXIX sèculu, gallegos addivinìu nu nomu di difiniri li travagghiatura ca nun sunnu spicializzati, ma forti e unesti; lu nomu vinìa pirò cchiù assai addupiratu pi sfuttìri.

Storia

L'ereditati cèltica dâ Galizzia veni cilibbrata spissu e si susteni ca l'ùrtima pirsuna ca parrava lu Galizzianu-Cèlticu morsi ntô XV sèculu. Lu nomu Galizzia (Galiza) veni dû nomu di n'antica tribbù cèltica ca stava nti sta zona, li Gallaeci.

Comu pi assai àutri riggiuni di l'Europa muntagnusa, ca nun sunnu facirmenti accissìbbili, la Galizzia gudìu di diversi pirìudi di nnipinnenza culturali. La riggiuni vinni mmasuta pâ prima vota dê rumani ntô 137 a.C./136 a.C.; ma la pruvincia vinni rumanizzata sulu supirficiarmenti a l'èbbica di Augustu. Cu li mmasioni dû V sèculu, la Galizzia cascau ntê manu dê Suevi, ntô 411, ca la tìnniru nzinu a quannu vinni ncucchiata chê duminìi visigoti di Leuvigirdu ntô 585. L'àrabbi tìnniru pi picca tempu la Galizzia nzinu a quannu vìnniru jittati fora ntô 739 di Alfonsu I di l'Asturìi. Ntô mentri dû IX e X sèculu li Conti di Galizzia dèsuru na cancianti ubbidenza ê sò suvrani e li Nurmanni razziàvanu spissu li costi. Quannu Firdinannu I di Castigghia e León spartìu lu sò regnu ntra li sò figghi, ntô 1063, la Galizzia fu la purzioni data a Garcia, lu cchiù carusu dê tri. Ntô 1072 vinni pigghiata dû novu câ forza dû frati di Garcia, Alfonsu IV di Castigghia, e di ddu mumentu 'n poi la Galizzia arristau parti dû Regnu di Castigghia e León.

Lu tìtulu unurariu di Conti di Galizzia hà statu spissu purtatu dû figghiu cchiù carusu dê suvrani spagnoli.

Lijami sterni

Cumunità autònumi di Spagna
Andalusia · Araùna · Asturi · Baliari · Canari · Cantabria · Castiglia‑La Mancia · Castigghia e León · Catalugna · Estremadura · Galizzia · La Rioja · Madrid · Murcia · Navarra · Paisi Baschi · Valencia
Galizzia

Lu nomu Galizzia pò èssiri rifirìbbili a diversi cosi:

Na riggiuni e cumunità autònuma dâ Spagna, Galizzia (Spagna).

Na riggiuni stòrica di l'Europa cintrali, Galizzia (Europa cintrali)Lu nomu è assai sìmili a Galazzia, na riggiuni stòrica di l'Asia Minuri ca addivinìu pruvincia rumana.

Pietro Paolo Floriani

Pietro Paolo Floriani (Macirata, 1585 - Redondela, 1638) fu nu ncigneri talianu e nu architettu di custruzzioni militari e tiatrali.

Storicamenti, iddu fu na fiura chiavi macari ntâ sò cità di nasciuta e nti tutti li Marchi pâ sò avvinturusa vita comu omu d'armi, fiura littiraria e architettu militari. Ntô 1634 scrissi nu trattatu supra l'arti dâ guerra e dê furtificazzioni. Oltri li furtificazzioni ca fici 'n Italia e ntô Nord di l'Europa, pô Papa Urbanu VII, lu Re dâ Spagna e lu Mpiraturi Firdinannu, iddu pruggittau macari li mura dâ latata nord di Valletta, la capitali di Malta, e fici sviluppari nu novu nzidiamentu ca vinni chiamatu Floriana 'n unuri sò.

Iddu murìu a Redendola, Galizzia, Spagna, doppu la custruzzioni di nu ponti pô tràinu.

Redondela

Redondela è nu cumuni spagnolu di 29.003 abbitanti situatu ntâ cumunità autònuma dâ Galizzia.

Santa Marina

Santa Marina è lu nomu di diversi santi e macari di dui cumuna taliani.

Santa Marghirita di Antiochia (a li voti canusciuta macari comu Santa Marina), vèrgini e màrtiri di Antiochia di Pisidia, dû sèculu III.Santa Marina, mònaca, di ncerta asistenza, dû sèculu V.Santa Marina di Orense, vèrgini e màrtiri, vissuta 'n Galizzia (Spagna).Santa Marina di Omura, màrtiri , vissuta 'n Giappuni ntô sèculu XVII.Santa Marina, nu cumuni dâ pruvincia di Missina (nomu ufficiali: Santa Marina Salina).Santa Marina, nu cumuni dâ pruvincia di Salernu

Àutri lingui

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.