Etati dâ Petra

L'Età dâ petra custituisci lu pirìudu dâ preistoria unni l'umantià criava e usava strummenta di petra, oltri chi d'ossu e di lignu.

Li limit cronològgici di stu pirìudu nun sunnu difiniti pricisamenti e càncianu a secunnu dâ riggiuni cunsidirata. Macari chi è pussibbili di parrari di n'età dâ petra globbali, certi pupulazzioni nun hannu mai sviluppatu la ticnoluggìa dê mitalli, nzinu ô cuntattu cu pupulazzioni avanzati in èbbica muderna.

In ginirali, l'inizziu si fa currispùnniri a 4 miliuna d'anni fa, quannu li primi uòmini cuminzaru a usari strummenta di petra. Li riggiuni dû mediu orienti e di l'Asia agghicaru â fini di l'età dâ petra ggià ntô VII millenniu a.C.; l'Europa, l'Africa e lu restu di l'Asia ci agghicàru â fini dû V millenniu e â Mèrica â mitati dû III millenniu a.C..

Si pò spàrtiri n tri pirìudi, sicuènnu l'evoluzzioni di la nnùstria ticnologgica dâ pètra, dâ petra schiggiata â petra travagghiata.

  1. Paleoliticu
  2. Mesoliticu
  3. Neoliticu

Duranti lu Mesolìticu si sviluppau l'agricultura e l'addevamentu, pirmittennu la sidintarità dî pupulazzioni e na megghiu organizzazzioni suciali.

Sicilia (pristoria)

La Sicilia, misa ntô menzu dû Meditirràniu, havi na cintralitati ca nun è sulamenti giugràfica: di idda passaru assai migrazzioni, accuminciannu di l' èbbichi ca si pèrdunu ntô tempu, di quannu ntâ l'Àfrica si stava evurvennu l'Homu Sapiens e, a partiri di centumila anni fa, accuminciau a migrari ammeri l'Europa, attravirsannu la Sicilia e lu strittu di Gibbirterra. A ddi tempi, la Sicilia era tutta cummigghiata di voschi e li grutti naturali o scavati eranu l'ùnichi abbitazzioni.

Li primi òmini vìnniru pi mari, (ni diciunu li giòlughi ca la Sicilia nun hà statu mai junciuta di quarchi ponti di terra cu l'Italia o cu l'Africa) e arrivaru ntô pricìpiu dû paliulìticu, forsi prima dô 70.000 a.C.Tracci di abbitazzioni di l’antica etati dâ petra nta grutti sunu cuncintrati nta tri zoni ntâ costa sittintriunali di l'ìsula (agghiri Tèrmini, Palermu e Trapani) e ntô triànculu sud-urientali, ma, forsi, ssa cuncintrazzioni s'havi picchì nun s'hà fattu n'asplurazzioni sistimàtica nta àutri àrii dâ Sicilia.

Àutri lingui

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.