Cummerciu

Lu cummerciu è l'acquistu e la vinnuta di beni. È una di l'attivitati principali supra cui, di sempri, si stabbilisci l'econumìa. L'evoluzzioni dû cummerciu l'ùrtimi sèculi è tali ca ora tutti li paisi dû munnu fannu parti di nu mircatu glubbali senza cunfini.

A pàrtiri dû terzu millenniu si vidi nu muvimentu forti di anti-glubbalizzazzioni fissatu ô ridisignari dî mètudi di stu sitturi mpurtanti di l'econumìa.

Wojciech Gerson - Gdańsk in the XVII century
Gdańsk
Accarias de Sérionne - Intérêts des nations de l'Europe, dévélopés relativement au commerce, 1766 - 5790093
Intérêts des nations de l'Europe, dévélopés relativement au commerce, 1766

Vuci currilati

Crienti

Lu crienti è cu accatta nu beni o nu survizzu pressu n'asircizziu o n’azzienna.

Cummerciu di nivi di l'Etna

Lu cummerciu di nivi di l'Etna fu pi n'èbbica pre-innustriali n'attività chi cunsistìa a cògghiri la nivi dû vurcanu, e traspurtàrila a Catania e vinnìrila. Cummerci sìmili ci foru 'n tèmpura pre innustriali nti ogni parti dû munnu unni lu ghiacciu a causa dû clima è raru e la prisenza di muntagni vicini pirmetti stu tipu di attività, comu p'asèmpiu 'n Iran unni ggià ntô mediuevu li genti si fidàvanu a traspurtari lu ghiacciu nzinu ô disertu, o a Pariggi unni ancora ntô XIX sèculu si vinnìa ghiacciu cugghiutu 'n Svìzzira.

Cummerciu tranzaharianu

Lu cummerciu tranzaharianu, tra li paisi Miditirrànii e l'Àfrica di l'ovest, era nu passaggiu di cummerciu mpurtanti dû sèculu VIII nzinu â secunna mitati dû sèculu XVI. Datu ca lu disertu dû Sahara cumprenni na granni ària scòmmuda e piriculusa, siparannu lu mari Miditirràniu dâ Niger (ntâ zona sutta-sahara), ca stu tipu di cummerciu cci abbinìu si tratta d'un fattu ncridìbbili. Si valissi fari stu viaggiu longu e diffìcili sulu siddu li circustanzi ecunòmichi fùssiru òttimi.

Lu cummerciu vinni cunnuttutu usannu carri chî camiddi àrabbi. Sti camiddi foru abbuffati pi quattru misi supra li chiani dû Maghreb o dû Sahel prima d'accuminzari lu viaggiu longu. Secunnu a Ibn Battuta, lu spluraturi chi accumpagnau sti carri, cc'èranu armenu milli camiddi, e quarchi vota s'arrivaru a 12.000. Èranu guidati di bèrbiri chi canuscìanu lu sdisertu lu megghiu di tutti. Era nu viaggiu priculusu e cci vulìa tèniri bon'accura e n'òttima cuurdinazzioni.

Dinaru (sordi)

La sprissioni siciliana dinaru (o "danaru") è usata pi cummerciu, affari, nnustria. Cu valuri cullittivu, pî sordi, chi è nu sinònimu ô plurali.

Ecunumìa

L'ecunumìa havi statu difinuta d'arcuni comu la scienza chi studia li mudelli di comu li risursi scarsi vennu spartuti tra usi autirnativi, pi massimizzari la propia suddisfazzioni. 'N àutri tèrmini, è la scienza chi studia chi cosa si pruduci, comu si distribbuisci e si cunzuma. Li dui vranchi granni dû studiu d'econumìa cumprènninu microeconumìa e macroeconumìa.

Àutri parti dû studiu d'econumìa:

Macroeconumìa

Marketing

Microeconumìa

Scienza finanziaria

Storia ecunòmica

Giarri

Giarri (o I Giarri ntâ parrata lucali) è un cumuni di 26.402 abbitanti dâ pruvincia di Catania. Lu sò nomu dimustra la prisenza di n'anticu malazzeni di giarri distinati ô cummerciu dû vinu, di l'ogghiu, etc.

Ginevra (cità)

Ginevra è na citati svizzira di circa 185.000 abbitanti, capitali di lu cantuni omonimu. S'attrova a l'estremità uccidintali dâ Svizzira, â frontiera ccu la Francia. E' situata ô stremu dû lacu omonimu chi si ètta ntô ciumi Rodanu chi traversa la parti uccidintali dâ cità.

Canusciuta pi l'organizzazzioni ntirnazziunali ca hannu scigghiutu di nstallarisi ddà (la Cruci russa, l'ONU, l'Urganizzazzioni Munniali dû Cummerciu, l'Ufficiu ntirnazzionali dû travagghiu (BIT), lu CERN, ecc.), chi ni hannu aumintatu la sò mpurtanza pulitica, Ginevra havi puru na mpurtanza sturicu-riliggiusa chi rimonta ô seculu XVI.

Lingua ngrisa

Lu ngrisi (o nglisi; nomu ndìgginu: English) è na lingua indoeuropea appartinenti ô vrancu occidintali dî lingui girmànichi, nzèmmula cu l'ulannisi, cu l'àutu e vasciu tudiscu, cû fiammingu e cû frisuni. È la lingua parrata nta l'Amèrica dû Nord, nta l'Australia, nta lu Regnu Unitu, nta l'Africa dû Sud, nta la Nova Zilanna e nta tanti àutri paisi.

Lu ngrisi òccupa na pusizzioni particulari, nun sulu rispettu ê lingui girmànichie, ma puru ô nternu dû gruppu linguìsticu indoeuropeu: havi simprificatu e canciatu la propia struttura d'avvicinàrisi oramai cchiù a na lingua isulanti chiuttostu ca a na lingua flissiva. Dû puntu di vista dû vucabbulariu, tuttavia, cunteni cchiù tèrmini d'urìggini nun girmànica (spiciarmenti latina) ca girmànica, e pi chissu è la lingua cchiù aperta â trasuta di novi tèrmini d'àutri lingui.

Ntô corsu dû sèculu XX lu ngrisi addivintò la lingua franca p'eccillenza, abbattennu la pricidenti suprianata dû francisi chi a sò tempu avìa sustitutu lu talianu e lu latinu a fini di cumunicazzioni diprumàtica e scintìfica. È oi puru strumentu pâ cumunicazzioni ntra etnìi privi di cunnissioni culturali, scintìfichi o pulìtichi.

Si càrcula ca li parranti ngrisi comu lingua matri (English as a native language, ENL) s'agghicanu a circa 350 miliuna; li parranti di English as a second language (ESL), zoè appressu â lingua nazziunali o nativa, circa 300 miliuna, li parranti di English as a foreign language (EFL), zzoè comu una lingua nzignata a scola ma nun 'n usu ntô propiu paisi, circa 100 miliuna. Lu nùmmaru di chiddi chi nun ùsanu lu ngrisi comu lingua matri supira dunca chiddu di chiddi ca lu pàrranu di nasciuta.

Marketing

Lu marketing è nu tèrmini ngrisi chi si tratta dâ scienza ecunòmica di distribuiri nfurmazzioni, usannu media vari, cû scopu di crèsciri lu liveddu di cummerciu di qualunchi cumpagnìa.

Sta parola veni dû ngrisi market ca signìfica «mircatu», picchì nurmalmenti st'attivitati si lìmita a cetti bbeni e sirvizza spicìfici. La nfurmazzioni ca veni disribuitu si tratta cchiù o menu di nu mircatu spicìficu (ntô senzu dâ catigurìa di beni e sirvizza ca lu cumpagnìa nni vulissi vinniri).

Matimàtica

La palora matimàtica, dû grecu μάθημα (mathema): canuscenza nicissaria p'affruntari la vita (â littra: li cosi c'avìatu a sapiri pi jiri avanti ntâ vita) (mathematikos: ca ci piaci mparari), voli diri lu studiu di mudelli di struttura, di trasfurmazzioni e di spazziu. D'un puntu di vista mudernu, è la ricerca di strutturi astratti difinuti di manera assiumàtica utilizzannu

la lòggica furmali comu basi di travagghiu. Li strutturi circati hannu spissu urìggini ntê scienzi naturali, lu cchiù spissu 'n fìsica. Comegghiè, lu cchiossai sunnu purumenti nterni â matimàtica, e jùncinu turrena diversi d'appricazzioni o strummenta c'aiùtanu ô càrculu.

Sturicamenti, la matimàtica sirvìa ntô cummerciu, pâ misura di turrina e pi nzirtari li cclissi e àutri abbinimenta astrunòmici.

Lu studiu dî mudelli accumenza chî nùmmura, prima di tuttu li nùmmura naturali. Li règuli pi l'upirazzioni di tutti li jorna fannu parti di

l'arittimmètica elementàri. L'àlgibbra si funna nta l'astrazzioni di sti règuli.

Lu studiu dî superficî forma la giometrìa elementàri.

La storia dâ matimàtica nasci chî babbilunisi e li greci grazzî a pirsunaggi comu Euclidi, Archimedi e Pitàgura. Doppu lu mediu evu, appi nu sviluppu mpurtanti câ ntroduzzioni dî nùmmura àrabbi, ca fu mèritu di Fibonacci, nnô 1200.

Mazzara

Mazzara (nomu ufficiali Mazara del Vallo) è na citati di 51.164 abbitanti ca s'attrova a 52 chilòmitri di Tràpani, a 8 metri ncapu lu liveddu di lu mari. È nu mpurtanti centru agrìculu e suprattuttu marinaru, canusciutu comu unu di li porti pi varchi di pisca cchiù grossi d'Italia e di lu Mari Miditirràniu. È videmma nu ciurenti centru di cummerciu ìtticu e di bona attivitati viti-vinìcula. L'attività ecunòmica cchiù mpurtanti è la pisca.

È na citati a chianta quatrata ca sarva ancora li signa e li caràttiri cchiù mpurtanti di la duminazzioni slàmica n Sicilia.

Dintra lu tirritoriu di Mazzara è videmma prisenti n'òasi WWF, na la zona di Capu Fetu, china d'aceddi di mari e aquitrini. N'àutra òasi sta pi jiri li Jurghi Tunni, nu nzemi di lachi nicareddi di urìggini vurcànica dunni diversi speci di aceddi ripòsanu duranti li longhi viaggia.

Miliuni

U miliuni (1 000 000 o 106) eni u nùmmuru naturali doppu u 999 999 e prima dû 1 000 001. Nto Sistema 'ntirnazziunali di unitati di misura, e lu sò prifisso eni mega.

A lingua latina nun si dotò mai, 'n epuca antica, di nu nomu dedicata a chista cifra, puru pì mutivu di l'inutilitati pratica di termini pì cifri accussì avuti. Sulu tra lu XIII e il XIV seculu operaturi di cummerciu tuscani agghiunsìru nu suffissu accrescitivu a la parola "mille", 'n modu da significari "granni mille". Cchìu 'n là, nto XVIII seculu, non si sapi se 'n Francia o in Nglaterra, fu cuniatu u termìni "biliuni" ("bi" + "(mi)liune"). Di lì a picca, sempri 'n Francia, u termìni "biliuni" vinni sustituitu da "miliardu", sempri pì suffissazioni.

Missina

Missina (IPA /mɪˈsːina/, ntâ prununza lucali /mɨˈsːinɐ/) è la terza cità cchiù granni dâ Sicilia, cu 242.122 abbitanti ca sunnu chiamati missinisi, e lu capulocu di l'omònima pruvincia. S'attrova vicinu ô Capu Piloru, lu pizzu Nord-Est (àutu-livantinu) dâ Sicilia e pi stu mutivu veni chiamata "La Porta dâ Sicilia". Lu strittu di Missina la sipara dâ Calabbria e dû cuntinenti.

Pulìtica

Secunnu n'antica difinizzioni sculàstica, la pulìtica è l'Arti di cuvirnari li sucitati. Lu tèrmini, di dirivazzioni greca (di polis "Πόλις", citati), s'àpplica tantu a l'attivitati di chiddi chi s'attròvanu a cuvirnari pû menzu pupulari 'n dimucrazzìa, o pi àutri menzi nta àutri sistemi.

Putinu

Lu putinu è lu lucali di vènnita di li bigghietti dû lottu (vancu dû lottu).

Putìa

La putìa (lat. Apotheca) è nu nicòzziu nicu: pò èssiri lu nicòzziu d'alimentari ca s'attrova sutt'â casa, o 'n ginirali nu nicòzziu pri la vìnnita di diversi merci o pri attivitati artiggianali.

 putìa pò èssiri macari nu puntu di vìnnita di vinu sfusu, ca si pò cunzumari 'n locu o si pò accattari pi purtarisillu. La putìa dû vinu era urganizzata cu vutti ca cuntinèvanu vinu jancu e nìuru e di diversi qualitati; avìa na saletta cu tanti tàvuli unni li cristiani s'assittàvanu e, ntra na bivuta e n'àutra, passàvanu lu tempu addiscurrennu oppuru cu li jòcura chî carti.

Svezzia

Lu Regnu di Svezzia lu cacca cacca (Konungariket Sverige ntâ Svidisi) è un paisi Scandinavu, nta l'Europa dû Nord. Cunfina câ Norveggia a l'ovest e câ Finlandia ô nord-est; lu restu dû paisi è vagnatu dû Mari Bàlticu e dû Kattegat. A causa dû numiru rilativamenti nicu di abbitanti, lu panorama Svidisi è canusciutu pâ sò quieti, li furesti e li muntagni sarvaggi.

Unioni Europea

L' Unioni Europèa è n'urganizzazzioni di tipu suvranazziunali e ntircuvirnativu. Nzinu a ora havi 28 stati.

Urganizzazzioni Munniali dû Cummerciu

L' Urganizzazzioni Munniali dû Cummerciu (spissu abbiriviata cu l'acrònimu ngrisi WTO pi World Trade Organization o italianu OMC) è n'organismu ntirnazziunali chi si occupa di disciplinari lu cummerciu pi menzu di regulamenti chi sarvagguardanu e valurizzanu la proprità ntillittuali, lu binessiri dî travagghiatura, lu sviluppu ecunòmicu dî paisi chi ci appertèninu.

La sedi è a Ginevra.

Àutri lingui

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.