Baroccu

Lu Baroccu è nu stili chi attrivirsau l'architittura la pittura la scultura e la mùsica ntô XVII sèculu. Espunenti di primu chianu foru Lorenzu Bernini pâ mùsica, Michilangilu Caravaggiu ntâ pittura; Johann Sebastian Bach e Antoniu Vivaldi ntâ mùsica.

Noto-Villadorata 2
Nu barcuni in stili baroccu a Notu.

Lu Baroccu n Sicilia

Ntâ Sicilia lu Baroccu lassau tracci assai mpurtanti ntâ sò architittura, chi pigghiau carattirìstichi spicìfici e si sviluppau pi tutta la prima mità dû XVIII sèculu, cu architetti comu Rosariu Gagliardi, Vincenzu Sinatra e àutri.

Vidi macari

Andrea Giganti

Andrea Giganti (Trapani, 18 di sittèmmiru 1731 – Palermu, 4 di nuvèmmiru 1787) fu n'architettu sicilianu ca cuntribbuiu ô muvumentu dû baroccu sicilianu.

Baroccu sicilianu

Cu l'esprissioni Baroccu sicilianu si ntenni la forma spiciali ca pigghiau l'architittura Barocca 'n Sicilia ntê sèculi XVII e XVIII, ricanuscìbbili nun sulu dî sò tìpichi linìi curvi e mutivi dicurativi Barocchi ma puru dî màschiri e putti, e di l'apparenza particularmenti sgargianti raramenti visìbbili a àutri banni. Nzinu a picca tempu fa stu stili avìa statu studiatu, ricanusciutu e apprizzatu picca, nunustanti lu studiu piunieristicu di Anthony Blunt.

Lu stili dû Baroccu Sicilianu emergìu in sèguitu ô ciurìri di ntirventi di ricustruzzioni succiduti ô divastanti tirrimutu ca nvistìu la Val di Notu ntô 1693. Prima di sta data lu stili Baroccu avìa statu usatu nta l'ìsula 'n manèra ngenua, pruvinciali e comu forma dialittali, evoluta di l'architittura autoctona chiuttostu chi dirivatu dî granni architetti barocchi di Roma. 'N sèguitu ô tirrimotu, architetti lucali, assai studiaru a Roma, asciaru n'abbunnanzia di oppurtunitati di ricriari lu chiù sufisticatu Baroccu pupulari di l'èbbica. Lu travagghiu, e lu novu gèniri ntrodòttu ispirò ultiriuri architetti lucali a siquirinni l'esempiu. Avversu lu 1730 architetti nativi cumpitenti e patruna dû stili Baroccu arrivaru ê vèrtici di l'architittura di l'ìsula. La ntirpritazzioni dû stili puratò a na forma d'arti pirsunalizzata e radicata ntô tirritoriu. Ntô pinùrtimu dicenniu dû sèculu XVIII lu stili finìu pòi cu l'essiri rimpiazzatu dî novi modi ca prupunìanu lu neoclassicismu. L'era Barocca dâ Sicilia, adorna e riccamenti dicurata, riflittìa pirfittamenti la storia suciali dû paisi a ddu tempu, e vinni a simbuliggiari lu cantu dû cignu dâ nubbilitati siciliana. Lu finòminu, nnicatu cumu Àutu Baroccu Sicilianu, durau sulu cinquanta anni, ma lassau supra l'ìsula nu marchiu di identitati architittònica distinata a durari finu ô sèculu XXI.

L'UNESCO classificau ntô 2002 diversi citati dû sud est dâ Sicilia (Notu, Rausa, Catania, Sarausa, Caltaggiruni, Palazzolu Acreidi, Muorica, e Scicli) comu patrimoniu munniali di l'umanitati pi l'unicità di st'architittura tardu barocca. Asempî di baroccu sicilianu si ponnu asciari praticamenti nta tutti li citati dâ Sicilia sud-orientali e videmma ntra àutri paisi dâ Sicilia ca 'nn ddu piriudu eranu veru sviluppati, comu Naru (AG).

Catania

Catania è na cità di 314.571 abbitanti, capulocu di la pruvincia ca havi lu sò nomu, e secunna cità dâ Sicilia pi dinzitati abbitativa; l'abbitanti si chiàmanu catanisi. Catania è situata ntâ costa urientali dâ Sicilia, bagnata dô mari Joniu, ntô centru di na fertilìssima chianura curtivata cu agrumi, a mitati strata tra Missina e Sarausa, ê pedi di l'Etna.

S’attrova ntâ fascia dê crimi timpirati e havi nu crima ùnicu ntô munnu cu li nverni miti e li timpiraturi dâ stati ca arrìvanu ntê misi di Lugliu e Austu tra 28 °C. e 36° C., ma, siguennu la tindenza ginirali di àutri àrii giugràfichi, nta l’ùrtimi anni s’hà arrivatu chiù spissu a tuccari macari î 40 °C.

Tuttu lu liturali catanisi è furmatu versu sud, ô latu di Sarausa, di na nfinita spiaggia di rina chiamata “praja”, ca si stenni pi chilòmitri; è fattu, nveci, di roccia làvica ntâ parti chiù a nord, dâ stazzioni cintrali versu Jaciriali. Lu funnu dû mari è pulitìssimu e piscusu; pô picca ventu e lu crima miti di tuttu l’annu è, pi l’appassiunati di pisca, pî subbàcquii e pi tutti l'amanti dû mari, nu paradisu.

Ntô nvernu si ponnu fari li tradizziunali sports nvirnali ntâ l’Etna, unni ci sunnu dui stazzioni sciìstici a Niculosi/Chianu Pruvinzali e a Linguarossa.

L’Etna, chê sò 3.269 m. di autizza, è lu chiù àutu vurcanu di l’Europa e, chî sò 250 coni eruttivi e li sò dui crateri, attrai appassiunati dâ muntagna e studiusi e scinziati ca vèninu pi studiari l’attività vurcànica sempri cuntìnua.

Georg Friedrich Händel

Georg Friedrich Händel (Halle sul Saale, 23 di frivaru 1685 – Londra, 14 d'aprili 1759) fu nu cumpusituri nglìsi, canusciutu cumu unu di li cchiù granni musicìsti dû Baroccu.

Nfluinzàtu da li cchiù granni cumpusituri di l'età barocca, li so travàgghi s'èppiru ha aviri n'inflùssu dicisìvu ntî tutti li maestri cuntimpurànii e di li ginirazziòni succissìvi: Mozart, Beethoven e Haydn.

Jaciriali

Jaciriali (o Aciriali spissu accurzatu n Jaci o Aci) è un cumuni di 51.601 abbitanti dâ pruvincia di Catania.

Jaciriali assetta 215 Km. di Girgenti (Agrigento), 143 Km. di Nissa (Caltanissetta), 16 Km. di Catania, di quali pruvincia apparteni, 108 Km. di Castrugiuvanni (Enna), 80 Km. di Missina, 265 Km. di Palermu, 120 Km. di Raùsa, 74 Km. di Saraùsa (Siracusa), e 372 Km. di Tràpani.

Lu cumuni havi n'aria di 3.996 èttari e la denzitati d'abbitazzioni fa 1.290 abbitanti pi chilòmitru quadratu. Si nni acchiana inta na zona di coddi costali e posta a 302 metri supra lu liveddu di lu mari.

Jaciriali pruduci n’abbunnanza robbusta di citrati, ciriali, virdura, e frutta. Assai sviluppata è la criscenza di vacchi e pècura. Si pòtinu gòdiri li prudotti lucali nna l’annuali “Fiera del Bestiame” di giugnettu. Na specialitati di l’artiggiani è chidda fatta n ferru di bàttiri e n petra làvica, a causa di lu locu supra nu territoriu làvicu. Li raccami fatti a manu sunnu puru di mpurtanza notàbbili.

Lu nomu Aci veni di la palora greca Akus. Signìfica "penitranti" e fa riferimentu a la friggidizza di lu ciumi di lu stissu nomu, chiddu ca fu cuvertu di na ciumara làvica. Duranti l’èbbica rumana fu chiamatu Aquilia. Fu distruttu di nu terrimotu nna lu 1169 e tannu rifabbricatu cu lu nomu Aquilia Nuova.

Nna lu 1326 lu paìsi fu trasutu e bruciatu di lu rei Robertu di Nàpuli. Li citatini scapparu nta na cullina vicina unni fu funnatu lu prisenti centru. Nna lu 1642 fu battizzatu di lu rei Filippo IV "Città Regia" d’unni vinni lu propiu nomu Jaciriali. Fu distruttu arreri di nu terrimotu nna lu 1693. Doppu, si sviluppau assai e criscìu cchiù granni cu la fabbricazzioni di tanti monumenti e centri culturali.

Cci sunnu tanti esempii di particulari intiressi architettònici. Lu rumànicu-gòticu Duomo di lu sèculu XIV cunzerva la cappella di Santa Venera e la so statua d’argentu. La Chiesa di San Sebastiano teni na facciata di tìpicu stilu baroccu di lu sèculu XVII. Cc’è puru La Basilica dei Santi Pietro e Paolo di lu 1600.

Li cchiù nottàbbili struttura nta lu centru urbanu sunnu lu Palazzo comunali di lu 1659, quali cunzerva nu riccu portali, e lu Palazzo Modò cu maravigghiusi mènzuli illustrati. Lu stabbilimentu di li Termi di Santa Venera offri na facciata niuclàssica di lu 1873.

L'abbitanti sunnu chiamati "acitani" o "jacitani" 'n sicilianu e "acesi" (o "acitani") 'n talianu.

Aci Plàtani (o Jaci Plàtani) è na frazzioni di Jaciriali.

Jaciriali si dici "Jaci" n dialettu catanisi.

N'do 2008 Miriam Leone, na picciotta ca a "Jaci" sta n'do centru storicu, vinni eletta Miss Italia. Prima ancora idda ava statu a regina du Cannaluvari di Acireale, lu cchiu famusu di Sicilia

Jaci veni muntuata pi dû mutivi:

Lu cannaluvaru, pû quali fannu na festa ca è bedda assai; e

Li Termi, unni li genti si nni vannu pi fàrisi lu bagnu di fangu.

Muòrica

Cità di quasi 54.000 abbitanti dâ provincia di Rausa, Muòrica è una dî cità chi ha statu silizziunata comu patrimoniu munniali di l'Unesco pi lu baroccu di l'architittura, di cui asempi rapprisintativi sunnu, tra l'àutri cosi, la Chiesia di S. Giorgiu, a Muòrica àuta, òpira di l'architettu Franciscu Pàulu Làbisi , e la Chiesia di S. Pietru a Muòrica vascia. Tutti sti chiesi forru ricostruiti ntô stili baroccu doppu lu tirrìbbili tirrimotu dû 11 di jinnaru 1693.

Lu tirritoriu mudicanu si stenni nzinu a mari, unni si trova la frazzioni di Marina di Muòrica, tranquilla lucalità di villiggiatura, a vinti chilòmitri dâ cità.

Palazzolu Acrèidi

Palazzolu Acrèidi (o Palazzuolu ntâ parrata lucali) è un cumuni di 9.109 abbitanti dâ pruvincia di Sarausa. Pi lu baroccu sicilianu chi carattirizza la sò architittura è iscrittu ô patrimoniu munniali di l'UNESCO.

La cità fu funnata dî Greci, e di la cità greca resta òi un tiatru grecu.

Rausa

Rausa è na cità dâ Sicilia e capuluocu di l'omonima pruvincia. Lu paisi havi 71.765 abbitanti e si trova a 500 metri supra lu liveddu dû mari ô cori dî munti Ibblèi. Ricustruita cumpritamenti doppu lu tirrimotu dû 11 di jinnaru 1693 , oggi è na cità muderna cûn quartieri baroccu, Ibla, ricanusciutu di l'UNESCO patrimoniu mundiali di l'umanità.

Rausanu celibbri fu Gian Battista Odierna, scienziatu e architettu.

Attuarmenti lu sindacu eni Fidiricu Piccittu.

Salentu (tirritoriu)

Lu Salentu (giogràficu), ginirarmenti canusciutu puru comu pinìsula salintina, è la parti miridiunali dâ Pugghia, situata tra lu mari Joniu e lu mari Adriàticu e dilimitatu di l'accussidditta sogghia messàpica, na diprissioni ca curri longu la lìnia Tàrantu-Ostuni e ca lu sipara di li Murgi.

Sarausa

Sarausa è na cità di 123.595 abbitanti ca si trova nta l'est dâ Sicilia, e capulocu da stissa pruvincia.

Scicli

Scicli (o Scìchili) è un cumuni di 25.560 abbitanti n pruvincia di Rausa, situatu ntâ parti sud urientali dâ Sicilia, a 28 chilòmitri di Rausa, copulocu dâ pruvincia. Li sò cuurdinati giugràfichi sunnu: 36° 44'N e 14° 42'E. La supirfici dû cumprinsòriu cumunali è di 137.54 kmq.

Lu tirritòriu cunfina cu li cumuna di Rausa e Muorica e si stenni pri quarchi 20 km ntâ fascia custera, di la fuci di l' Irmìniu uzinu a la cuntrada di Pisciottu.

Lu cumplessu architetturali baroccu è ricanusciutu di l'UNESCO comu patrimoniu munniali.

Sicilia (èbbica spagnola)

La Sicilia vinni sutta la duminazzioni dû re di Spagna ntô 1479, quannu lu regnu di Castigghia si juncìu câ curona d'Aragona. La duminazzioni spagnola si cunchiudìu lu 10 di giugnu 1713, câ firmata dâ paci di Utrecht, chi cunfirmau lu passaggiu di l'ìsula di Filippu V di Spagna a Vittoriu Amedeu II di Savoia.

L'abbrei foru cacciati ntô 1492 (comu succidìu pi tutti li tirritorî sutta la curuna spagnola).

Sèculu XVIII

Lu diciuttèsimu sèculu, chi va di l'anni 1701 ô 1800 è cunsidiratu lu sèculu di l'illuminismu. Idei novi trasunu ntâ cultura dî genti.

Àvula

Àvula (o Àula nta àutri parrati siciliani) è un cumuni di 31.650 abbitanti dâ pruvincia di Sarausa.

Lu centru, a un chilòmitru dû mari Joniu, fu ricostruitu doppu lu tirrimotu di l'11 di jinnaru 1693 secunnu na pianta esagunali assai ardita idiata di l'urbanista licatisi fra' Ancilu Italia:

ogni angulu ri l'esagunu iavi na cresia, ndo mezzu ri l'esagunu c'è a "ciazza" fatta ri quattru quarttini,tra cui chiddu ro raloggio e ro museo e chiddu ra chiesa Mattri, ro Santu protitturi San Mastianu (San Sebastiano)ndo periudu ri aprili-maggiu si virunu assai cristiani fari a "strata a San Mastianu" pattennu ro Misteri ri San Mastianu, nda strata i sirausa a circa tri kilometri ri Àvula finu a Chiesa Mattri, a secunna ruminica ri maggiu c'è a festa ri San Mastianu e a ruminica o prestu c'è a prucissioni re "nuri" cristini vistuti ri jiancu cu na fascia russa ndo pettu, sti cristiani ca fanu a strata prjiannu San Mastianu, l'autru patrunu ri Àvula è Santa Vennira (Santa Venera) ca iavi a so festa ndo l'uttima simana ri luglio, ca famosa notturna (cursa ri bicicletti ndi na mità ri l'esagunu ri sira tardu) e l'ex cursa re cavaddi, a festa si ciuri o lunedi co "cantanti".Oltri a Chiesa Mattri a Àvula si ponu riurdari macari a Chiesa ri San Giuanni, chidda ri Sant'Antoniu, chidda ri Santa Vennira e chidda ra Badia famosa pò stili baroccu. Ndo centru ri Àvula ci su macari i Villi fatti ndo stili liberty, inoltri c'è ri virriri a rotonda ri picca restaurata e u Dolmen. Nda muntagnu supra Àvula unni navota surgia Àvula Antica, si ponu ammirari a riserva ro Cassibbili che famosi laghetti. Àvula oi è canusciuta a livellu ntirnazziunali pi li mennuli, ca pizzuta ri Àvula si fanu i confetti, e pi lu vinu chi pruduci, dinuminatu Nero d'Avola, pi lu culuri chi lu carattirizza.

Àutri lingui

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.