Теология

Теология або богословие, з (гр.) θεολογία theologia < θέος theos бог + λόγος logos слово — наука о Богу, або о богах и дотычных темах (чудеса, души, живот по смерти и т.п.). Термин ся вывинув и хосновав зачаточно в одношѣню до христианства, але можеме говорити и о теологии иншых набоженств. Люде, котры розвивають и учать теологию, звуть ся теологами.

Emblem of the Catechism of the Catholic Church
Емблема катехизма в Католицкой Церкви

Зрод и мотивы

Теология взникла з потребы охранити набоженство од поганскых филозофох, розличных сект и еретичных напрямох и сформовати основны систематичны позиции на котрых ся оно закладать.[1] В таком розумѣню можеме говорити о теологии христианства, юдаизма, ислама.[2]

Теология ся може выучовати з розличных мотивох. Вѣрникы учатся теологию, жебы лѣпше розумѣти свое властне набоженство. Основы, главны пункты теологии суть выкладены в катехизму.

Иншы люде можуть штудировати богословие про то, обы могли поровнати розличны набоженства.

Богословие в историчном вывою

Понятя теологии не походить з христианства, але зоз старовѣкой грецкой културы. В тых часах теологами называли поетох, котры писали о богах. Але в научном розумѣню Аристотел тым понятьом означовав найвысшу з теоретичных наук, котра мать за свой предмет главну причину вшиткого (Metafyzika 1064f/b). В старовѣку теологами были епископы.

В середновѣку ся теология ся выучовала яко главный предмет на универзитах, а теологами были главнѣ монахы.

З розвоем природных наук зачала ся теология поважовати за науку шпекулативну и теоретичну, котрой верхотвором е Summa theologiae Томаша Аквинского.

В добѣ реформации наопак, поважовали теологию за практичну науку, котра мать послужити ку спасѣню душ вѣрникох.

В восточной Церкви систематизатором догматичного богословия став ся преподобный Иоанн Дамаскин.[3]

Теология в сучасности

В сучасности теология е розвитов системов богословскых дисциплин, служачых роскрытю, обоснованю и охранѣ вѣры, богослужебной традиции Церкви, а тыж далшому розвою системы. Главны дисциплины суть:[3]

  • основне богословие (апологетика, або богословске, историко-филозофске и природно-научне объяснѣня истинности вѣры);
  • богословие догматичне — мать предметом христианскы догмы;
  • богословие моралне — о моральных принципах христианства и потребѣ их додержаня про особне спасѣня;
  • богословие поровналне — поровнуе набоженство з иншыма вѣрами;
  • богословие пастырске — о практичной чинности священника (литургика – теория богослужѣня, гомилетика – теория и практика казаня, и другы практичны дисциплины ).

Критика

Атеисты не вызнають ествованя природного и надприродного и означають теологию як учѣня о Богу и церковных догмах, про котре характерны догматизм, бездоказовость, схоластичность, котры не дозволяють поважовати теологию за науку.[2]

Жерела и одказы

Референции

  1. Васильев П. П.
  2. 2,0 2,1 УСЭС.
  3. 3,0 3,1 Азбука вѣры.
Гомилетика

Гомилетика (гр.) ὁμιλητική, 'омилетике — умѣня комуниковати, вести бесѣду, говорити перед громадов — роздѣл теологии, предметом котрого е наука веджѣня казаня.

Деизм

Деизм, од (лат.) deus Бог — чисто розумова вѣра в божественне зряджѣня свѣта, в особного Бога творця, котрый вшак до сотвореного в минулости регуларного бѣга свѣта уже веце не засягуе.Деизм екзистовав во формѣ дакус розличных меджи собов филозофо-религийных напрямох в Европѣ и Сѣверной Америцѣ в XVI.–XVIII. сторочах.

Теизм

Теизм, од (гр.) θεός Бог — религийный свѣтонагляд, выходячый зоз идеи абсолутного бытя яко безконечной божественной особности, трансцендентной свѣту, сотворившой го в слободном актѣ воли и одтогды диспонуючой ним. В ортодоксном христианствѣ Бог розумѣе ся яко «триединство» такых особностей (Свята Тройця).

Христианска Церковь

Христианска Церковь — едно значѣня з вецерох!Суть еще иншы → Церковь.

О христианствѣ як вѣрѣ см. ХристианствоХристиа́нска Це́рковь, од (гр.) Κυριακόν Божое — недѣлима сполочность людей, объединеных вѣров з Богом, Исусом Христом и Святым Духом.Во Святом Писмѣ Церковь означена як сполочность христианох, умерлых и живых, складуючых трансцендентне «Тѣло Христово», «Головов» котрого е Христос. Церковь условно раздѣляють на Небесну (Пресвята Богородица, ангелы, святы и спасены христиане) и Земну, котра на Землѣ боюе з диаволом и его слугами.

Іншыма языками

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.