Союзна Република Югославия


Сою́зна Репу́блика Югосла́вия (курто СРЮ, неофициално Мала або Третя Югославия) была створена 27. апрѣля 1992 по роспадѣ СФРЮ и загортала в собѣ двѣ републикы: Сербию и Чорну Гору.[2]

Passport of the Federal Republic of Yugoslavia

В року 1999 република дознала бомбардованя од НАТО (военна операция Споенецка сила).

В року 2000 в резултатѣ Булдозеровой револуции президентом републикы став ся Воислав Коштуница, а старый президент Слободан Милошевич, официално выгравшый вольбы, быв принученый одступити.

Союзна Република Югославия заникла 4. фебруара 2003 створѣньом конфедерации (державного сполку) двох ровноправных републик под назвов Сербия и Чорна Гора.

Союзна Република Югославия
Савезна Република Југославија
1992 – 2003
Застава державы
застава
Герб державы
герб
География
Mapa štátu
Найвысша точка
Дьеравица[1] 2656 м н.м.
Обывательство
Число
10 832 545 (2006)
Народностный склад
Державна организация
Форма влады
сербскый динар
евро (в Чорной горѣ)
Предходникы:
Социалистична федеративна република Югославия Социалистична федеративна република Югославия
Наступникы:
Сербия и Чорна Гора Сербия и Чорна Гора

Етничне зложѣня

Вшиткы подданы Союзной Републикы Югославии называли ся до року 2003 Югославами, але фактично подля народностного зложѣня дефинитивно переважали Сербы.

Народ %%
Сербы 62,3
Албанцѣ 16,6
Чорногорцѣ 5,0

Жерела и одказы

Референции

  1. Находить ся в Косовѣ, на граници з Албаниев.
  2. Kovačević Ž., kapitola Politika SAD u prvim godinama jugoslovenske krize, с. 96.

Тоты даны суть часточно або цалком основаны на перекладах статей Svazová republika Jugoslávie на чеській Вікіпедії a Союзная Республика Югославия на російскій Вікіпедії.

Напад НАТО на СРЮ

Напад НАТО на СРЮ, (англ.) Operation Allied Force операция «Споенецка сила» — военна операция НАТО против Союзной Републикы Югославии в часѣ од 24. марца до 10. юна 1999 в добѣ войны в Косовѣ.

Союзна Република Югославия была обвинена з того, же в Косовѣ допущать ся етничных чисток Албанцьох, югославскы безпечностны силы твердили, же они ведуть операции против озброеных албанскых терористох, подтримованых зо загранича. Дипломатичным способом заставити выгнаня Албанцьох и донутити СРЮ одтягнути войско з Косова не удало ся.

Засяг НАТО став ся без сугласу Рады безпечности ОЗН, против того были Россия и Китай.

Бомбардованя зачали ся з атак на военскы цѣлѣ, была парализована система протилетецкой обороны, чим ся НАТО добило необмедженого панованя во воздуху. Дале летецкы атакы продовжили ся цѣлы 78 днѣ и были намѣрены на розбитя инфраштруктуры, економикы, школ, медицинскых капацит, медий, културных памяток, церков и монастырей. Шкоды, причинены СРЮ шацованы од 30 до 100 милиард америцкых доларох.. Сумарне число людскых жертв не е урядно выголошене, а сербскы одгады суть од 1200 до 2500 мертвых и около 6000 раненых. Бѣженцями ся стали даколко сто тысяч Албанцьох Косова.

Великыма шкодами и жертвами была СРЮ принучена подписати догоду и вывести войско з Косова, котре перешло под контролу миротворных сил. Въедно зо сербскым войском одышли около 200 тысяч косовскых Сербох, чим ся Сербия з числом бѣженцьох 500 тысяч достала на перву позицию в Европѣ.НАТО в нападѣ поужило и заказаный меджинародным правом вызброй, напримѣр казетовы и радиоактивны бомбы. Резултатом того были до року 2004 зарегистрованы 30 тысяч новозахворѣлых на раковину, а зоз умертностьов з той причины Сербия стала на перву позицию в Европѣ.

Сербия и Чорна Гора

Се́рбия и Чорна Го́ра,(серб.) Србија и Црна Гора, (англ.) Serbia and Montenegro — куртоживша конфедеративна держава в Европѣ, екзистовавша в роках 2003 аж 2006.

Іншыма языками

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.