Енціклопедія

Енціклопедія (ґрецькы έγκύκλιος енкікліос окружный + παιδεία паідеіа выхова) є штруктуроване, справила россягле дїло, котре пробує представити людьске познаня дотуляюче ся єдной, веце ці вшыткых областей.

Акція Вісла

Акція Вісла была воєньска операція у Польску у р. 1947, котра была комуністічным Польском офіціалні заміряна на розбитя штруктур УПА (Україньской повстанецькой армады) і ОУН – (Орґанізації україньскых націоналістів) тзв. бандеровці а переселіня выбраных ґруп жытельства - передовшыткым Лемків і Українцїв, котры УПА і ОУН - подля них - підпоровали. В рамках Акції Вісла было выселеных коло 150.000 Лемків і Українцїв .

На домашнїх землёх зісталі лем невеликы ґрупы Лемків, напр. в Команьчі і Крампні. Лемківске населіня было насилно зо свого обыстя, де жыло ціле стороча, де мало свої земли, де ґаздовало, выселене до тогдышнёго СССР на Україну і тоты, што мали веце щастя скінчіли на западных теріторіах Польска. Лем мала часть з них дістала по роках можливость вернути ся на рідну землю. Люди мали 24 аж 48 годин на тото, жебы собі взяли найпотрібнішы речі, опустили вшытко, што было до теперь

сучастьов їх жывота і без того, жебы знали, што їх чекать і де ідуть, мусили на возах перейти до вызначеных міст, в котрых наступовали на влаковы транспорты, якы їх везли гет.

Александер Полянскый

Александер Полянскый, * 1890, Веряця, жупа Угоча, Мадярске кральовство – † 1952, Прага, Чехословакия — подкарпатскый педагог, политик, писатель, освѣтовый дѣятель.

Освѣтова чинность

Александер Полянскый быв глава мукачовской Просвѣты, закладатель освѣтового сполку Учительска Громада, редактор мѣсячника Учительскый Голос (1929–1939), автор учебникох про народны школы.

Литературна творба

Автор книжкы Оповѣданя ловця (1925) и зборника верши про молодежь. Еден зо закладательох литературного алманаха Трембита (1927). Писав простым языком, хосновав подкарпатску лексику, его штил дидактичный, вершы и проза обсягують поучны моралны сентенции, котры суть своефайтовым росширѣньом его педагогичной практикы.

Политична чинность

Полянскый быв украинской ориентации и належав меджи чоловы члены социал-демократичной партии. Перед анексиев Подкарпатской Руси одышов до Прагы.

Вікіпедія

Вікіпедія (анґліцькы: Wikipedia) — многоязычна, обществено вольна енціклопедія, што была написана на розных світовых языках силов многых добровульных автору, што хосновали технолоґію вікі.

Дінозавры

Дінозавры (по латиньскы Dinosauria — з ґрецького δεινός — «страшный» і σαῦρος — «ящурка») — надряд плазунїв, якы, відля теоріі еволуціі, жыли 235-65 млн. років тому в мезозойскій ерї (тріасовый, юрьскый і крейдовый періоди), аж до масового вымераня 65 млн. років тому. Они были ґрупов быдел, котры доміновали на суші. Описаных понад 1000 видів. Жыли на вшыткых контінентах. Лучать ся на 2 ряды: птахотазові (Ornithischia) і ящуротазові (Saurischia), остатнї, найдостовірнїше, были предками птахів (даякы мали опірїня і, мож, были теплокровныма. Довжина різных видів колысала од 35 см до 35 м, вага — од 110 ґрамів до понад 100 т.

Птахы — найдостовірнїшы нащадкы дінозаврів, і у векшынї сучасных класіфікації їх односять до дінозаврів. Зато традічно дінозаврами зовуть дінозаврів-нептахів. Дінозавры входять до ґрупы архозаврів. Їх найблизшыма предками (окрім птахів) є крокодили тай вымерлы текодонты і птерозавры.

Електронічна музика

Електронічна музика є вольный термін про музику, створёвану електронічныма інштрументами, т.є. жрідлами звуку, котры діспонують електронічныма частями, напр. Тгеремін, сінтетізер, самплер, компютер, ітд. Інштрументы електромеханічны (напр. електрічна ґітара) до той ґрупы на основі дефініції IEEE не належать.

Термін електронічна музика є навеце сінонімом про:

музичный напрям в рамках класічной музикы

музичный штіл в рамках популарной музикы (у шыршім змыслї слова)

жанрово незалежна область музичной продукції, хоснуюча дефінованы жрідла звуку

Лемкы

Лемкы суть выходословяньский етнос, жыючій в юговыходнім Польску, в Закарпатьскій областї Україны, в Галичинї,в Пряшівскім краю на Словеньску (векшына). Тото історічне і натуральне жытлиско Лемків ся называть Лемковина.

Оттів словник научный

Оттів словник научный, тыж Оттова енціклопедія, є найвекша друкована чеська енціклопедія (конверзачный лексікон) ушыткых доб з років 1888-1909. Недавно го в чіслї гесел по чеськы написаных енціклопедії перебігнула чеська Вікіпедія.

Іщі ай днеська є Оттів словник научный добрым жрідлом інформацій, особливо о історічных фактах. Дерек Соєр в своїй книзї повідать: "Оттів словник научный оставать герешнов приручков, непереконанов ничім, што в Чехах од той добы было опубліковане. В своїм часї то была єдна з найлїпшых енціклопедій на світї, може друга за чіслом гесел а ілустраціями за Encyclopædia Britannica." (сторона 96)

Словник є барже детайлный, гесла довшы як сто сторон не суть выїмков а гесла з дакілько десять сторонами суть тыж часты.

Римокатолицька церьков

Римокатолицька церьков (латиньскы Ecclesia Catholica Romana) — інштітут католицькой Церькви латиньского обряду (частково амвросіаньского, ліоньского тай мосарабского) з центром у Ватіканї на чолї з Папом Римскым, якый є їй земнов головов. Од другых церьквей ся Римокатолицька церьков одрїзнять орґанізачнов централізованостёв і найбівшым чіслом прихылників (коло четвертины населїня світу в 2004 р.); неформално і найчастїше ся кличе просто Католицьков церьквов. Одповідно традіції, (так само як і Православна церьков) ся характерізує штирёма роздїлными ознаками (латиньскы notae ecclesiae): єдина, свята, вселеньска (што і означать слово католицька), тай апостольска.

Україньскый язык

Україньскый язык (українська мова [ukrɑ'jınʲsʲkɑ 'mɔβɑ]) є выходославяньскый язык, котрым говорять Українцї Европы. Україньскый язык входить в Індоевропску языкову родину, приналежный до Славяньской языковой ґрупы, має властный ISO 639-1, ISO 639-2, ISO 639-3 код.

Чісло родженых говорцїв Українцїв є приближно 45 міліонів людей на цілім світї, котры ся бісїдують передовшыткым в Українї, Білорусії, Польску, Росії, Словеньску, Молдавії і в іншых країнах.

Іншыма языками

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.