Економия

Тота статья е о науцѣ.
О реалном секторѣ, котрый е предметом даной наукы, см. Економика.

Економия — сполоченска наука, котра ся занимать описом и анализов выробы, дистрибуции и спотребы економичных добр (товарох, служб, пѣнязи, ресурсох).[1] Фахманы, котры суть шпециализованы в економии, называють ся економами.

Adam Smith statue 010
Adam Smith

Минулость и сучасность

В старовѣку окремыма проблемами, котры днесь суть предметом економии, занимали ся Гомер, Платон, Ксенофон, Аристотел. Закладательом модерной економии поважують Адама Смита.

В минулости економиев занимали ся лем люде, котры мали вельо вольного часу, а брали то за гоби. Днесь не мож собѣ представити уряд, меджинародну агенцию, або банк, котры бы не мали во своем кадрѣ економох. Сучасны економы ся шпециализують в окремых конарях економии: учтовництвѣ, комерции, маркетингу, бизнесовой администрации и др., а е их все недостаток. В США 400 высшых школ каждорочно приспѣвають ку погашѣню того недостатка приготовлѣньом 900 новых економох з докторскым ступньом.[1]

Ровины економии

Economics circular flow diagram
Економичны потокы:
Од домашностей ку фирмам: працовны рукы, плата за товары и службы
Од фирм ку домашностям: товары и службы, заробкы, платнѣ и добра

Макроекономия бере економику як цѣловь и штудуе, напримѣр, ГДП, динамику розвоя господарства, ровину цѣн тай инфлацию, безроботность, инвестиции, циже макроекономичны указователѣ.[1]

Микроекономия занимать економиков меншых субъектох газдованя (фирм, бизнесменох еднотливцьох, домашностей) а штудуе односны цѣны, выробны факторы, вплыв даньовых регулаций.[1]

Жерела и одказы

Референции

  1. 1,0 1,1 1,2 1,3 Encyclopaedia Britannica.
Александр Лукашенко

Александр Григорович Лукашенко, бѣл. Алякса́ндр Рыго́равіч Лукашэ́нка, (*30. август 1954, Копысь, БССР, СССР) — дѣючый президент Бѣлоруси, главный велитель Збройных сил Бѣлоруси, рядитель Рады Безпекы, Предсѣдник Найвысшой Рады Союза России и Бѣлоруси (1997). Президент Олимпийского комитета Бѣлоруси (1997).

Економіка

Тота статья е о сполоченской выробѣ товарох и служб. О науцѣ, занимаючой ся закономѣрностями выробы, роздѣльованя материалных ресурсох, вымѣны и спотребы товарох и служб, см. Економия.

Економика, од (гр.) οἶκος oikos - дом, газдовство и νόμος nomos - хоснованя, справованя, звычай — сфера газдованя, або сполоченскых одношѣнь выробы, роздѣлѣня, одбыту и спотребы резултатох людской праци тай ефективного хоснованя ресурсох. Економику складують штруктура и условия газдовской чинности во штатѣ, регионѣ, або в певной добѣ, або сполоченской системѣ, циже можеме говорити, напримѣр о економицѣ США, економицѣ Пряшова, економицѣ середновѣку або економицѣ социализма.

Поровнователны резултаты економик розличных краин свѣту дають ся вымѣряти грубым домашным продуктом на едного обывателя.

В сучасности переважать рынкова, або торжна економика — економична система, закладена на приватной властности на выробны средства и слободном рынку (слободна конкуренция, слободне цѣнотворѣня, легкый перелив капиталу и т.д.).

Универзита Индианы (Блумингтон)

Универзита Индианы в Блумингтону, (англ.) Indiana University Bloomington — матична инштитуция групы высшых школ в штатѣ Индиана в США, найвекша универзита штата зоз числом штудентох над 40 000. Универзита в Блумингтону мать 200-рочну историю.Универзита Индианы, (англ.) Indiana University, вцѣлови складать ся зоз 9 кампусох, котры суть вшиткы на територии штата Индиана, а учить ся в них довъедна над 110 000 штудентох. Матичный кампус находить ся в Блумингтону, а е найвекшый (над 49 000, 2016).

Іншыма языками

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.