Бронзова доба

Бронзова доба є історічнов епохов правіку, про котре є характерістічне домінантне хоснованя бронзу - злятины мідї і ціну про выробы важых потреб (бронз ся роставив і ляв до дводїлных форм). Дале ся вызначує швыдкішов соціалнов мережов як тотё в попереднїх епохах: розвой штатів на Середнїм выходї або взник князївской верствы в середнїй Европі.

Collier de Penne
Доба бронзова
Нововік

Нововѣк в историчной науцѣ означать добу в европской и мимоевропской истории, котрой добы символичным зачатком найчастѣйше ся поважуе рок 1492, коли Кристофор Колумб объявив Америку. Яко иншы межникы уважуе ся тыж рок 1485, коли в Англии укончила ся Война Руж, дале 1453 (добытя Конcтантинопола Турками), вынайджѣня Гуттенбергом книгопечатаня (перед роком 1450), 1517 (выголошѣня 95 тез Мартином Лутером), або 1526 (Битва под Могачом).

Конець нововѣку (и зачаток найновшой истории) мож покласти на конець 18. ст. (Велика французска револуция, рок 1789), або на конець 19. ст., ци на зачаток 20. ст.(конець Первой свѣтовой войны, рок 1918).

В ширшом поятю мож ся вшак стрѣтити з означѣньом 1492 аж по сучасность, што обсягуе найновшу историю яко сучасть нововѣку.

Правік

Правік є традічне означіня історії людства з котрого не суть писомны жрідла, т.є. часу до взнику. Хоснує ся тыж термін передісторія ці преісторія.

Правік загорнює час взнику і вывоя чоловіка, людьской сполочности і културы од 3 міліонів років п.н.е. (розграня третёгір і четвертогір) до 4. тісячроча п.н.е. (платить лем про дакотры евроазійскы і африцькы области, у нас дефакто правік тырвав аж до приходу Келтів в 3 сторочу п.н.е.). Правік є так найстаршов і найдовше тырваючов етапов. Намісто хыблячіх писомных жрідел суть жрідлом познаня правікых култур археолоґічны матеріалы.

Ренесанція

Терміном ренесанція — од (лат.) renascent = зновуродженый — є означованый умелецькый слог і історічна епоха тырваюча од 14. до 17. стороча. Вызначовав ся міджііншым і зосвітщінём, індівідуалізмом і навернутём ку антіцї.

Термін зновузроджіня (rinascenza) быв першыраз ужытый в часї росквіту уменя і наукы, котре започало на кінцї 13. стороча в Італії, таліяньскым історіком Джорджо Васарім в роцї 1550. Термін ренесанція є французькый переклада хоснованый французькым історіком Жіл Мішелетом і дале росшырёваный швайчарьскым кунсісторіком Жакобом Буркгардтом в 19. сторочу.

Бігом послїднёй четвертины 20. стороча ся дакотры історіци зачали выражати у тїм змыслї, же ренесанцій могло быти і веце. Уважує ся о ренесанції 12. стороча і уж заведженым і обще приїманым терміном є кароліньска ренесанція. Дале є выраз хоснованый ужываный у споїню з народныма процесами у тїм часї, напр. анґліцька ренесанція, таліяньска ренесанція ітд.

Реформация

Реформация, (лат.) обнова ци оправа — быв процес в христианской Церкви зо зачатком в 16. ст., з цѣльов направлѣня одношѣнь и навернѣню ку христианству, незатяженому традициями. В ходѣ реформации ся вытворили протестантскы Церквы. Реформация выволала великы перемѣны не лем в церковном, але и в политичном животѣ. Через тоты перемѣны понятя Реформация означать тыж историчну добу, што слѣдовала за Ренесанциев. Обычайно ся поважуе, же зачала ся з публикациев 95 тез Лутера в року 1517 и держала до конця Тридцятьрочной войны в року 1648.

Середновік

Середновѣк — период европской истории од V. стороча (упадок Римской империи і Велике вандрованя народох) до епохы Ренесанции и Реформации (конець XV. стороча — зачаток XVI. стороча). Подля устояной периодизации ранный середновѣк скорше настав в Западной Европѣ, як во Выходной (около IX.-XI. ст.).

Середновѣк як общесвѣтовый период в историчном розвою крайох Азии, Африкы, Америкы — вопрос дискутабилный. В сучасности пануе думка, же середновѣк яко зъяв е чисто регионалным, але тот термин часто ся хоснуе про опис подѣй, што ся стали перед 500-1500 роками, независимо од региону и шпецификы.

Старовік

Термін старовік означує в історіоґрафії історічну епоху взнику і розвоя першых цівілізацій на Середнїм выходї, в области Середоморя і в южній і выходній Азії. Часово ся дасть тота епоха огранічіти кінцём правіку коло половины 4. тісячроча п.н.е. і початком середовіку в 6. аж 7. сторочу.

Іншыма языками

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.