Lingua catalana

La lingua catalana (català) è ina lingua romana.

Catalan in Europe

Il catalan vegn discurrì da pli che 7 milliuns da persunas en Spagna, Andorra, Frantscha (nua n'è betg uffizial) ed ad Alghero/L'Alguer, ina citad taliana en Sardegna.

Lingua catalana
Llengua catalana
Pajais Spagna
Andorra
Frantscha
Italia
Pledaders 11.530.160
Tipologia SVO
Classificaziun

- Linguas Indo-Europeas
0- Linguas italicas
00- Linguas romanas
000-Catalan

Status uffizial
Uffizial en Spagna
Andorra
Frantscha
Alghero
Codes da lingua
ISO 639-1 ca
ISO 639-3 cat
IETF ca
Exempel

Tots els éssers humans neixen lliures i iguals en dignitat i en drets. Són dotats de raó i de consciència i han de comportar-se fraternalment els uns amb els altres.

Colliaziuns

Antoni Maria Alcover

Antoni Maria Alcover i Sureda (* 2 da fevrer 1862 a Santa Cirga, Manacor; † 8 da schaner 1932 a Palma) è stà in scriptur, folclorist e linguist balear. El ha fatg lavur considerabla per la lingua catalana, tranter auter l'elavuraziun dal Diccionari català-valencià-balear. Sia contribuziun è stada essenziala per la dialectologia catalana. Alcover ha fundà, l'onn 1901, la prima publicaziun filologica catalana, il Bolletí del Diccionari de la Llengua Catalana.

Joan Fuster

Joan Fuster i Ortells (* 23 da november 1922 a Sueca; † 21 da zercladur 1992 a Sueca) è stà in scriptur valencian. L'autur en lingua catalana vegn considerà sco in dals pli gronds essaists da la litteratura catalana. Ses pli enconuschent cudesch è Nosaltres els valencians, publitgà il 1962 a Barcelona. El è famus per avair contribuì a l'expansiun da la conscienza catalana en la Communitad autonoma da Valencia. Fuster è plinavant s'interessà per linguistica, istorgia e filosofia.

Klaus Ebner

Klaus Ebner (8 d'avust 1964 a Vienna) è in scriptur austriac e in poet catalan. Durant ils onns 1980 publitgava cudeschs sur software e primas ovras litteraras en revistas. El ha publitgà la prima collecziun da istorgias curtas en 2007. L'autur scriva en tudestg, però sias poesias en tudestg e en catalan.

Lingua lumbarda

Il lumbard (lumbard, code ISO 639-3 lmo) è ina lingua neolatina che fa part da la famiglia gallo-italica (u pli precis Gallo-Rumantscha-Cisalpina), ina famiglia che furma in sistem linguistic diferent a quel dal talian ed a quel che del Retorumantsch.

La lingua lumbarda è parlada principalmein en l'Italia dal nord (granda part da la Lumbardia ed en la Svizra dal sid (Tessin ed en il Grischun), ulteriur en las zonas da regiuns cunfinantas, surtut egl ost dal Piemont) ed el Trentin. Schegea che il Talian è in general duvrà co linguatg da scatira en las regiuns nua ch'ins discurra lumbard, il lumbard è mutualmain chapaivel cul talian era sche quai sun duas linguas che fan part da dus roms differents da la planta dalla famiglia linguistica rumantscha.

Il lumbard è stà censii da l'UNESCO co lingua en privel d'extincziun e per consequenza co lingua da tutela. Duas variantas principalas èn il lumbard ucidental (u insübrica) ed il lumbard oriental, duas variantas che han in bel mantun da differenzas, ed qualin linguist cunsiderescha che quai sajan duas linguas separadas.

Il Stadi talian ed il svizzer renconuschan ils pledaders da la lingua lumbarda sco linguatg minoritari.

Occitania

L'Occitania e ina naziun sensa stadi situada quasi tutta en il stadi franzos nua ch'elle covra 32 departaments. Elle è discurrida en las suondantas regiuns administrativas:

Aquitania, Limousin, Auvergna, PACA (Provenza, Alps, Costa d'Azur), Lenguadoc (senza il Roussillon da lingua catalana), Midi-Pyrénees ed en insaquants departaments da la regiun Rhône-Alpes (la Droma e l'Ardescha, plus in vart da l'Isera)

I dat anc ina val spagnola, la Val d'Aran / el Valle de Aran nua che la linga è uficiala cun il catalan ed il spagnol. La scola sa fa in occitan.

La lingua è diventada mez-uficiala en tredesch vals talianas situadas en ils Alps. La cunoschida staziun da sport d'enviern "Sanpeyre" è occitana, ed il sieu num è er occitan. En grafia occitana i fiss "Sant Pèire".

Il pajais entier fa enter 190 000 e 200 000 kilometers quadrats.

La populaziun è pitschna en cumparegliasun: be 17 miliuns e mez d'inabitants.

Per exempel, la regiun Midi-Pyrénées è, ella suleta già de 45 800 km/q, pia pli bella che la Belgica, o la Svizra. Ma ella ha be 3 miliuns d'inabitants, ch'èn pauc en fatschia dels Belgas e Svizers.

Pompeu Fabra

Pompeu Fabra i Poch (* 20 da favrer 1868 a Gràcia, Barcelona; † 25 da december 1948 a Prada de Conflent) è stà in linguist catalan. El vegn considerà sco autur da las normas modernas da la lingua catalana.

Linguas romanas

En autras linguas

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.