Ιβηρικόν Χερσόνησος

Τ' Ιβηρικόν η χερσόνησος εν ση δύσαν τ' Ευρώπης κι ανήκει σα ασ' όλεα τα τρανά τα χερσονησία νατς. Λέγνατεν και Ιβηρία. Αούτο τ' όνεμαν εξέβεν ασον λαόν τ' Ιβηρίων π' έτον ακαικά σ' αρχαία τα χρόνε. Σα λατινικά επαίρεν τόνεμαν Hispania. Επεκεί εξέβαν τοσημερνά τονέματα España και Ισπανία.
Τ' Ιβηρικόν τη χερσόνησο και τη Γαλλίαν χωρίζνε τα ρασία τη Πυρηναίων. Σα νοτιοδυτικά, δυτικά και βόρεια βρέχκεται ασόν Ατλαντικόν τον ωκεανόν και ανατολικά και νοτιοανατολικά ασήν Μεσόγειον τη θάλασσαν. Το τζιπ νότιον σημείον ατ'ς εν το Γιβραλτάρ, σην Αφρικήν καικά. Έχ' τρανόν ποταμόν τον Τάγον.

Έχ' έκτασην άμον ντ' έχνε η Γαλλίαν και το Βέλγιον εντάμαν, σα 580.000 τ. χλμ. εξόν τ' ισπανικών νησίων Βαλεαρίδας και Κανάραι και τα πορτογαλικά τ' Αζόρε και τη Μαδέραν. Σ' Ιβηρικόν τη χερσόνησον ευρίσκουνταν τ' ευρωπαϊκά τα κράτη τ' Ισπανίας, τη Πορτογαλίας, τ' Ανδόρρας και ο βράχος τη Γιβραλτάρ.

Την μορφήν ατ'ς δίνε διάφορα ρασιοσειράς, τα «σιέρας» (Sierra). Τ' ασ' όλεν ψηλά εν η «Σιέρα ντε λα Ντεμάντα» (2308 μ.), η «Σιέρα Ναβάντα», η «Σιέρα ντε Μουκάθιο» (2317 μ.) και η «Σιέρα ντε Σεμπολλιέρα» (2178 μ.).

Iberian peninsula
Ασό σατελίτ: τ' Ιβηρικόν η χερσόνησος

Κράτε κι εδάφε

Ευρώπην

Η Ευρώπην εν ήπειρος. Λέγν' ατέν και γηρεόφορον ήπειρον. Γεωγραφικά εν κομμάτ' τ' ευρασιατικού τη μάζας, άμαν έχ' τ' ατεινές το ξεχωριστόν την ιστορίαν και την κουλτούραν και για τ' ατό λέγουν ατέν ήπειρον. Βρέχεται ασον Ατλαντικόν τον Ωκεανόν, το Μαύρον τη Θάλασσαν και το Μεσόγειον τη Θάλασσαν. Με την Ασίαν και την Αφρικήν εντάμαν σχηματίζνε τον «Παλαιόν Κόσμον».

Σ' άλλα γλώσσας

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.