Εγκυκλοπαίδεια

Η εγκυκλοπαίδειαν εν λεξικόν κι εκειαπές τοπλαέβνε γνώσην. Η λέξη εν συγκόλησην ασα παλαιά ελλενικά τα λέξεις ἐγκύκλιος (άμον τον κύκλον) και παιδεία (μάθεμαν).

Ιστορία τη λέξης

Η λέξην έρτεν ασο παλαιόν τ' ελλενικόν τη φράσην ἐγκύκλιος παιδεία, σα ελλενιστικά τα χρόναι. Έλεγαν αέτς ούλ'ατα ντ'είςεν απές το γενικόν τ'επιστημονικόν το μάθεμαν. Ο Ρωμαίον ο συγγραφέας ο Ζωναράς έλεεν, η ἐγκύκλιος παιδεία έςς απές τη γραμματικήν, τη ποιητικήν, τη ρητορικήν, τη φιλολογικήν, τη φιλοσοφίαν, τη μαθεματικήν και κάθαν τέχνην τη σοφών. Αβούτον το παλαιόν τ'ελλενιστικόν η φράση ελάγεν κι εγέντον νεολατινικόν λέξην, encyclopaedia. Αέτς επέρασεν κι εσέβεν σο γαλλικόν τη γλώσσαν σα 1532 τη χρονίαν (encyclopédie) κι επεκεί σ'άλλα τ'ευρωπαϊκά τα γλώσσας. Με αβούτον τη μορφήν (εγκυκλοπαίδεια) η λέξεν έρτεν (οπίς) σα ελλενικά σα 1710 τη χρονίαν, όνταν εξέβεν το έργον τ' Ιωάννε Πατούσα, Φιλολογική Ἐγκυκλοπαίδεια.

Βικιπαίδεια

Με τη Βικιπαίδειαν (αγγλ. Wikipedia) εφτάμε την προσπάθειαν να χτίζομε διαδικτυακήν εγκυκλοπαίδειαν, να καλλιεργούμε και να πλουταίνουμ' ατέν σην γλώσσανεμουν και σ' όλια τ' άλλα γλώσσας. Η λέξη «Βικιπαίδεια» εν συγκόλλησην ασό χαβαϊκόν τη λέξην «wiki» (αλήγορον) και τ' ελλενικόν τη λέξην «εγκυκλοπαίδεια». Ατό η εγκυκλοπαίδεια γράφκεται και τρανείν απ' ατείντς π' θέλνε να εργάσκουνταν.

Καρς

Το Καρς (σα τουρκικά: Kars, σ' αζερικά: Qars, σα κούρδικα: Qers, σα γεωργ. ყარსი = Qarsi, σ' αρμενικά: Ղարս = Ghars ή Կարս) εν πολιτείαν τη Τουρκίας, σα νοτιοδυτικά τη Καύκασονος. Εν η πρωτεύουσαν τη επαρχίας τη Καρς κι εχ' πληθυσμόν σα 90.000 τ' ανθρώπς.

Παϊπούρτ

Το Παϊπούρτ (λέγνατο και Μπαϊμπούρτ ή Βαϊβούρτη, σα τουρκικά: Bayburt) εν πολιτείαν σ' ανατολήν τη Τουρκίας, σην Αργυρούπολην και σο Ερζερούμ απεσκέσ' και σον ποταμόν Τσορούχ σουμά. Εν η πρωτεύουσαν τ' επαρχίας τη Παϊπούρτ κι εχ' πληθυσμόν σα 87.745 τ' ανθρώπς (2005).

Σ' άλλα γλώσσας

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.