ہسپانوی

ہسپانوی چینی دے مگروں 410 ملین بولن والیاں دی دنیا چ دوجی وڈی ماں بولی اے۔ اے سپین ارجنٹینا چلی پیرو بولیویا ایکویڈار میکسیکو تے ہور کئی دیساں دی سرکاری بولی اے۔ ہسپانوی اک رومن بولی اے جیہڑی دسویں صدی چ اتلے سپین دیاں کئی بولیاں نال رل کے بنی قسطیلیہ دی بادشاہت چ اے سپین تے فیر ہسپانوی سلطنت دی کاروبار تے سرکار دی بولی بن گئی۔ ہسپانوی بولی تے عربی دا وی گوڑا رنگ اے تے اے ایتھے 8 صدیاں تک عرباں دے راج کرن یا رہن توں ہویا اے۔

تریخ

ہسپانوی 22 صدیاں پہلے سپین چ آن والی لاطینی چوں بنی اے۔ ایدے تے فیر عربی نے وی اثر پایا۔ سپین دیاں ہور بولیان جناں ج باسک وی ہیگی اے ایدے اثر پایا۔ دسویں صدی چ قسطیلیہ نال پورے سپین تے فیر دنیا چ خاص کر کے تھلویں تے وشکارلے امریکہ چ اے پھیلی۔ 1492 چ ہسپانوی دی پہلی تے اےکسی وی یورپی بولی دی وی پہلی گریمر سی لخی گغی۔ 16ویں صدی چ اے بولی امریکہ تک اپڑ گئی۔ مائیگل ڈی سروانٹیز دا ایدے اثر اینا گوڑا اے جے ہسپانوی نوں سروانٹیز دی بولی وی آکھیا جاندا اے۔

جغرافیائی پھیلاؤ

Conocimiento de español en la U.E.
دیس
لوک گنتی
ماں بولی
دوجی بولی
٪
ہسپانوی بولن والے
سپین 46,951,532 41,786,863 4,581,088 98.8% 46,388,113
میکسیکو 108,396,211 101,908,787 6,861,481 98.5% 106,770,268
کولمبیا 45,600,000 45,157,680 77,520 99.2% 45,235,200
ارجنٹینا 40,518,951 38,866,177 1,037,285 99.4% 40,275,837

ہسپانوی بولن والے

اے سعاب لایا گیا اس جے سارے ہسپانوی بولن والیاں دی گنتی 47 توں 50 کروڑ دے وشکار اے تے اینج اے چینی تے انگریزی دے مگروں تیجا وڈا بولی بولن والا جٹ اے۔ ماں بولی دے سعاب نال اے دوجا وڈا جٹ اے۔ 2007 دے سعاب کتاب دسدے نیں جے انٹر نیٹ تے انگریزی تے چینی مگروں ہسپانوی تیجی وڈی ورتی جان والی بولی اے۔

یورپ

ہسپانوی بولی یورپ چ سپین دی سرکاری بولی اے جتھوں کے اے ٹری۔ اے جبرالٹر تے اندورہ چ جوکھے سارے لوکاں دی بولی اے۔ ساری دنیا چ اے 20 دیساں دی بولی اے ایدے نال اینوں برطانیہ جرمنی تے فرانس چ نکیاں نکیاں ٹولیاں وی بولدیاں نیں۔ یورپی جٹ دی اے سرکاری بولی اے۔ سویٹزرلینڈ دے 1.7٪ لوکاں دی اے ماں بولی اے۔ اینج اے 4 سرکاری بولیاں نال سویٹزرلینڈ دی وڈی اقلیتی بولی اے۔

امریکی دیس

ہسپانوی بولی نوں سب توں چوکھے بولن والے لوک امریکی دیساں ج وسدے نیں۔ ایناں توں بار صرف سپین تے استوائی گنی چ اے بولی چوکھے لوکاں دی گنتی اے۔ میکسیکو چ سب تون چوکھے ہسپانوی بولن والے نیں۔ ہسپانوی بولی ارجنٹینا بولیویا چلی کولمبیا،کوسٹا ریکا، کیوبا، دومنکن لوک راج، ایکویڈار، ایلسیلویڈار، گویٹیمالا، ہونڈراس، میکسیکو، پانامہ، نکاراگوا، پیراگوے، یوراگوۓ، وینزویلا، پیرو تے پورٹوریکو دی سرکاری بولی اے۔ برازیل دے سکولاں چ اینوں لازمی پڑھایا جاندا اے۔

امریکہ

2006 دے سعاب کتاب نال 4 کروڑ 43 لکھ لوک ہسپانوی لوکاں دی نسل توں نیں۔ امریکہ ج ہسپانوی بولن والیاں دی دنیا دی دوجی وڈی گنتی اے۔ ہسپانوی انگریزی دے مگروں امریکہ دی دوجی وڈی بولی اے۔

افریقہ

افریقہ چ ہسپانوی استوائی گنی تے افریقی یونین دی سرکاری بولی اے۔

رائل سپینش اکیڈمی

رائل سپینش اکیڈمی ہسپانوی بولی نوں اک ورگا رکھ واو کم کرر‎ی اے جیدے ڈکشنریاں تے ہور رلدیاں کتاباں چھاپناں اے۔

23 اپریل

23 اپریل عیسوی کیلنڈر چ سال دا 113th دن اے (113th لیپ دے سالاں چ)۔

23 اپریل گریگری کلنڈر دے مطابق ایہہ سال دا 113واں (لیپ سال وچّ 114واں) دن ہندا ہے۔ اس دن توں سال دے 252 دن باقی ہن۔

ارجنٹاین

ارجنٹائن دکھنی امریکہ دا اک دیس اے۔ ایہ برازیل مگروں براعظم دا دوجا وڈا دیس اے۔ ایدے 23 صوبے نیں تے دنیا وچ ایہ اٹھوان وڈا تے ہسپانوی بولن والیاں وج سب توں وڈا اے۔ ایدے لیندے پاسے انڈیز دا پربت دھارا تے چرھدے ول وڈا سمندر اوقیانوس آندا اے۔ ایدے اتر وچ بولیویا تے پیراگوۓ، برازیل تے یوراگوۓ اتر چڑھدے ول تے لیندے ول چلی اے۔

شبد ارجنٹائن لاطینی چوں بنیا اے جیدا مطلب اے چاندی۔ ایتھون بارے ایہ دسان سن جے ایتھے چاندی دے پہاڑ نے۔ 1826 وچ دیس تے قوم لئی سرکاری ول نال ایہ ناں ورتیا گیا۔

ارجنٹائن وچ لوک پچھلے 13000 وریاں توں وس رۓ نیں۔ یوان ڈیاس ڈی سولس پہلا یورپی سی جیہڑا 1516 وچ ایتھے آیا۔بیونس آئرس 1536 وچ وسایا گیا۔ دیسی لوکاں اینوں ساڑیا تے 1580 وچ فیر وسایا گیا۔

امریکہ

امریکہ اک ملیا لوکراج اے جیہڑا براعظم اتلے امریکہ چ وسدا اے۔ واشنگٹن ڈی سی ایدا راجگڑھ اے تے ایدی لوک گنتی 30 کروڑ اے۔اس دے 50 صوبے نیں۔ ایہ دیس اتلے امریکہ دے وشکار اے جتھے ایدے 48 صوبے نیں۔ ایدے چڑھدے چ اوقیانوس وڈا سمندر اے تے لیندے چ بحر الکاہل۔ ایدے اتر چ کینیڈا اے تے دکھن چ میکسیکو۔ الاسکا دا صوبہ براعظم دے اتر لیندے پاسے ول اے تے الاسکا دے چڑھدے پاسے کینیڈا اے تے لیندے پاسے بیرنگ سٹریٹ تے اوس توں پرے روس اے۔ صوبہ ہوائی جزیریاں دی مورت چ بحرالکاہل دے وشکار اے۔ ایس دیس کول 5 وسدے تے 9 انوسدے تھاں کریبین تے الکاہل وچ وی نیں۔ 9.83 ملین مربع کلو میٹر تھاں نال امریکہ دنیا دا تیجا وڈا دیس اے۔ 30 کروڑ 60 لکھ لوکاں نال اے دنیا دا تیجا وڈا دیس اے۔

امریکہ چ سب توں بعوتیاں نسلاں دے لوک وس ر‎ۓ نیں جیڑے بن باس کر کے اپنے دیساں نوں چھڈ کے ایتھے آکے وس گۓ نیں۔ امریکہ دی ایکانومی دا ناپ 14۔3 ٹرلین ڈالر اے۔ جیڑا دنیا دی ایکانومی دا 23٪ اے۔

پرانے انڈین 15000 ورے پہلے ایشیاء توں ہن دے امریکہ وچ آکے وسے پر اوہناں دی گنتی یورپی لوکاں دے آن تے اوہناں توں لگن والے روگاں تے لڑائیاں باجوں بہت تھوڑی رہ گئی۔ امریکہ دا مڈھ اوہ تیراں امریکی دیس سن جنہاں دی نیو برطانوی لوکاں نے اوقیانوس دے کنڈیاں تے رکھی سی۔ امریکہ ازاد دیس اودوں بنیا جدوں 4 جولائی 1776 نوں ایدے 13 صوبے برطانیہ توں وکھرے ہوۓ تے اوہناں فرانس تے دوجے دیساں نال رل کے سلطنت برطانیہ نال امریکی ازادی دی لڑائی لڑی۔ ایدا قنون 17 ستمبر 1787 نوں منیا تے اگلے ورے ایدے چلن نال 13 صوبے اک لوکراج وچ پلٹ جاندے نیں۔ ایس قنون وچ دس تبدیلیاں 1791 وچ کیتایاں جاندیاں نیں جیدے نال انسانی حقاں دی ہور سانبھ ہوجاندی اے۔

19ویں صدی وچ امریکی تھاں وچ وڈے وادے ہوۓ۔ امریکیاں نے دیسی انڈین لوکاں دے تھانواں تے مل مارے، فرانس کولوں لوئزیانہ تے فلوریڈا سپین کولوں لیا۔ 1845 وچ ٹیکساس لوکراج نوں نال رلایا جس تے میکسیکو نال لڑائی چھڑدی اے تے میکسیکو نوں اپنا ادھا دیس امریکہ نوں دینا پے جاندا اے۔ ایس وادے وچ تھلویں امریکہ جیہڑا وائی بیجی تے غلامی ول سی اوہدا رپھڑ اتلے امریکہ نال جیہڑا بپار تے غلاماں دی ازادی ول سی پیجیاندا اے۔ آپسی لڑائی وچ اتلے امریکہ نوں جت ہوندی اے۔ امریکی قنون وچ 13ویں تبدیلی نال غلامی مکادتی گئی۔ 1867 وچ روس کولوں الاسکا مل لیا گیا۔ امریکی کھلے ویہڑیاں وچ رہن والے انڈین نوں خاص تھاواں وچ پیج دتا گیا۔ 1898 نوں ہوائي لوکراج امریکہ وچ رلایا گیا۔ 1898 دی امریکی ہسپانوی لڑائی مگروں سپین نوں پورٹو ریکو، گوام تے فلپائن (جیہڑا فیر ازاد ہویا) امریکہ نوں دینے پۓ۔ 19ویں صدی دے انت تے امریکہ اک وڈی ایکانومی بن چکیا سی۔

امریکی ہسپانوی لڑائی تے پہلی وڈی لڑائی نے امریکہ نوں جگ دی طاقت بنادتا۔ دوجی وڈی لڑائی چوں امریکہ اک ایٹمی طاقت تے سیکیورٹی کونسل دا پکا سنگی بنکے نکلدا اے۔ ٹھنڈی لڑائی دے انت تے سوویت یونین دے ٹٹن نال امریکہ دنیا دی کلی وڈی طاقت اے۔ $15.1 ٹرلین دے ناپ نال امریکہ دنیا دی سب توں وڈی ایکانومی اے تے اک بندے دی آمدن ناپ نال ایہ دنیا وچ 6ویں نمبر تے اے دنیا دے کل فوجی خرچے دا 41% امریکہ خرچدا اے۔ امریکہ دنیا دا سیاست، بپار تے رہتل وچ آگو اے۔

انگریزی

انگریزی اک لیندی جرمن بولی اے جیہڑی پہلی واری اینگلو سیکسن انگلینڈ وج بولی گئی سی تے ہن ایہ دنیا دے اک وڈے تھاں تے بولی جاندی اے۔ ایہ 375 ملین لوکاں دی ماں بولی اے تے کئی ازاد دیساں امریکہ، کینیڈا، اسٹریلیا، نیوزیلینڈ، برطانیہ تے کریبین دیساں دے لامت لوکاں دی پہلی بولی اے۔ ایہ چینی تے ہسپانوی مگروں تیجی وڈی ماں بولی اے۔ ایہ دوجی بولی لئی چوکھی سکھی جانوالی سب توں وڈی بولی تے یورپی یونین، کئی کامن ویلتھ دیساں، یونائیٹڈ نیشنز تے کئی اداریاں دی سرکاری بولی اے۔

اے برطانیہ، کینیڈا، امریکہ، آسٹریلیا، نیوزی لینڈ دے لوکاں دی پہلی بولی اے تے اے کافی ساری دنیا تے دولت مشترکہ دے دیساں وچ اے بولی دوسری یا سرکاری بولی لئی ورتی جاندی اے۔

5ویں صدی وج رومی سلطنت دے ماڑے پین دو جرمن قبیلے اینگل تے سیکسن نے برطانیہ دے چڑھدے دکھنی تھاں تے مل ماریا تے اوہ جیہڑی بولی اپنے نال لیاۓ اوہ ویلے نال ودھی۔ برطانیہ دے ودھدے پسار تے 17ویں صدی توں 20ویں صدی دے وشکار تک دی سلطنت برطانیہ ہتھوں تے ایہدے پسار تھلے ایہ پھیلی تے تے اگے ودھویں ملن دی بولی بن گئی۔

اجکل دی انگریزی نوں دنیا دی پہلی عالمی بولی کیا جاندا اے۔ اینوں وڈی نی بلکہ سائنس ٹیکنالوجی ملن جلن، کاروبار، ریڈیو، سیاست تے ہوئی جعازاں دی ضروری بولی بن چکی اے۔ امریکہ دے عالمی طاقت بنن نال وی ایس بولی دے اگے ودن دیاں راہواں کھلیاں نیں۔

دکھنی امریکہ

دکھنی امریکہ دنیا دے لیندے ادھے انگ دے دکھنی یا تھلویں ادھے حصے وچ وسدے اک براعظم دا ناں اے۔ ایہ تھاں نال چوتھا سب توں وڈا براعظم (ایشیاء، افریقہ تے اتلے امریکہ مگروں) اے تے لوک گنتی نال پنجویں نمبر تے (ایشیاء، افریقہ، یورپ تے اتلے امریکہ مگروں) آندا اے۔ ایدے لیندے ول بحرالکاہل، چڑھدے تے اتر چڑھدے ول وڈا سمندر اوقیانوس، اتر وچ بحیرہ کیریبین تے اتلا امریکہ اے۔ ایدے وچ ارجنٹاین، بولیویا، برازیل، چلی، کولمبیا، ایکویڈار، گی آنا، پیراگوۓ، پیرو، سورینام، یوراگوۓ تے وینزویلا آندے نیں۔ فرانسیسی گیانا فرانس دا اک ضلع تے فاکلینڈ جزیرے برطانیہ دے نیں۔ اروبا، بونایر تے کراساؤ دے ڈچ جزیرے وی دکھنی امریکہ وچ گنے جاسکدے نیں۔

دکھنی امریکہ 17,840,000 مربع کلومیٹر (6,890,000 مربع میل) تے پھیلیا ہویا اے۔ 2011 نوں ایہدی لوک گنتی 385,742,554 سی۔ لامت لوک لیندے تے چڑھدے پاسے ول دے کنڈیاں تے ریندے نیں۔ دکھن ول بہت کھٹ لوک وسدے نیں۔ ایتھے پرتگالی، ہسپانوی، فرینچ، ڈچ، انگریزی تے ہور پرانیاں دیسی بولیاں بویان جاندیان نیں۔

شبد امریکہ 1507 وچ نقشے بنان والے والدسیملر تے میٹتھیاس رنگمان نے اطالوی کھوجی امریگو وسپچی دے ناں تے رکھیا۔

سلطنت ہسپانیہ

سلطنت ہسپانیہ یاں ہسپانوی سلطنت جگ دی تریخ دیاں وڈیاں سلطنتاں تے پہلیاں عالمی ریاستاں چوں اک سی ۔ اس سلطنت چ یورپ ، امریکہ ، افریقہ ، ایشیاء تے اوقیانوسیہ دے علاقے تے نوآبادیات شامل سن ، جہڑس 15ویں صدی توں 20ویں صدی تک سپین دے قبضے چ رہے ۔ سپین 1492ء چ سقوط غرناطہ ، یعنی استرداد دے خاتمے دے نال ای اک متحد بادشاہت دے طور تے ابھرئیا ۔ ایسے سال کرسٹوفر کولمبس دی کمان ہیٹھ پہلی ہسپانوی کھوجی مہم نے وڈا سمندر اوقیانوس دے پار " نویں دنیا " لبھی تے اینج نوآبادیاتی دور شروع ہوئیا ، جس نے اگلیاں کئی صدیاں تک کمزور ملکاں نوں طاقتور ملکاں دی غلامی چ دے دتا ۔ ہسپانوی سلطنت دا مرکزی حصہ لہندے ادھا کرہ سی ۔

کھوج دے زمانے ( عہد دریافت) چ سپین نے جزائر کیریبیئن تے نوآبادیاں قائم کیتیاں تے ہسپانوی فوجاں نے مقامی سلطنتاں ایزٹیک تے انکا دا خاتمہ کردے ہوئے مقامی لال ہندی آبادی دی وڈے پیمانے تے قتل عام کیتا ۔ بعد چ کئی بحری مہماں دے نتیجے چ اتلے امریکہ چ کینیڈا توں لے کے دکھنی امریکہ چ ٹیرا ڈیل فیگو تک اک وڈی ہسپانوی نوآبادی قائم ہوئی ۔ زمین دے دوالے چکر لگان دی ہسپانوی مہم جس دا آغاز 1519ء چ فرڈیننڈ میگلان نے کیتا تے 1522ء چ ہوان سپاستیان الکانو نے اسنوں مکمل کیتا تے ایدان سپین نے مغرب ولوں ایشیاء دا بحری رستہ تلاش کرنے چ کامیابی حاصل کر لئی ، ہن سپین دی نظر مشرق بعید تے سی ، جتھے بعد چ اس نے گوام ، فلپائن تے دوجے جزیرےآں تے نوآبادیاں قائم کیتیاں ۔ ہسپانوی عہد زریں دے دوران ہسپانوی سلطنت نیدرلینڈ ، لکسمبرگ ، بیلجیم ، اٹلی دے وڈے حصے ، جرمنی تے فرانس دے کجھ حصےآں ، افریقی ، ایشیائی تے اوقیانوسی مقبوضات تے پھیلی ہوئی سی تے اتلے تے دکھنی براعظم امریکا دا وڈا حصہ وی اس دے قبضے چ سی ۔ 17ویں صدی چ سپین دے کول اینی وڈی سلطنت سی جہڑی اس توں پہلاں کسے وی ریاست نے قائم نئیں کیتی سی ۔

استعماری دور (انگریزی:کالونیکل ایرا) چ ہسپانیہ تے اسدے مقبوضات وچکار تجارت چ زبردست اصافہ ہوئیا تے بحر اوقیانوس تجارت دا مرکز بن گئیا ۔

1808ء چ نیپولین دی کمان ہیٹھ فرانس دے سپین تے قبضے دی وجہ توں امریکی نوآبادیاں عارضی طور تے سپین توں کٹ گئیاں تے 1810ء توں 1825ء دے وچکار کئی آزادی دیاں تحریکاں دے نتیجے چ دکھنی تے گھبلے امریکا چ کئی نویں لاطینی امریکی ملک وجود چ آئے سپین دے باقی مقبوضات کیوبا ، پورٹو ریکو ، فلپائن تے ہسپانوی شرق الہند 19ویں صدی دے آچر تک سپین دے قبضے چ ای رہے ۔ جدوں ہسپانوی امریکی جنگ دے نتیجے چ اینہاں علاقےآں دا ذیادہ حصہ ریاست ہائے متحدہ امریکہ دے قبضے چ چلا گئیا تے 1899ء چ ہسپانیہ نے بحر الکاہل دے باقی جزیرے وی جرمنی نوں ویچ دتے ۔ 20ویں صدی دے شروع تک ہسپانیہ دے مقبوضات صرف افریقہ چ ای رہ گئے سن ، جتھے ہسپانوی گنی ، ہسپانوی صحارا تے ہسپانوی مراکش حالے تک اس دی غلامی چ سن ۔ 1956ء چ سپین نے مراکش نوں آزاد کر دتا تے 1968ء چ استوائی گنی نوں وی آزادی دے دتی گئی ۔ 1976ء چ سپین نے لہندا صحارا نوں وی آزاد کر دتا تے مراکش تے ماریطانیہ ے اس علاقے تے قبضہ کر لئیا تے بعد چ 1980ءچ ایہہ علاقہ مکمل طور تے مراکش دے قبضے چ چلا گئیا ۔ اقوام متحدہ دے تحت ایہہ علاقہ ہن وی سپین دے انتظام ہیٹھ مننیا جاندا اے ۔

اج جزائر کناری تے اتلے افریقہ چ کیوتا تے ملیلا دے نکے جہے علاقے سپین دے انتظامی علاقے نیں ۔

سپین

سپین لیندے دکھنی یورپ چ ایبیریا جزیریورگا وچ یورپی یونین دا سنگی اک ازاد دیس اے جتھے قنونی بادشائی راج اے۔ ایدے چڑھدے تے دکھنی پاسے رومی سمندر تے ایدر ایدا تھوڑا جیا بارڈر برطانیہ دے تھاں جبرالٹر نال رلدا اے جیدے تے سیپن دا وی کلیم ہے، اتر تے چڑھدے اتر ول فرانس انڈورہ تے خلیج بسکے اے، لیندے ول پرتگال تے وڈا سمندر اوقیانوس اے جیدے نال ایہدا 1214 کلومیٹر لماں بارڈر ملدا اے۔ 505,992 مربع کلومیٹر (195,365 مربع میل) تھاں نال ایہ یورپ دا پنجواں تے یورپی یونین دا دوجا سب توں وڈا دیس اے۔

سپین وچ انسان پچلھے 35،000 وریاں توں رہ ریا اے۔ 200 م پ وج ایتھے رومی آۓ تے ایہدا ناں ہسپانیہ پیا۔ وشکارلے ویلیاں وچ ایتھے جرمن قبیلے آئے تے اٹھویں صدی وچ بنو امیہ عرب آۓ مسلمان ایس نوں اندلس کیندے سن تے قرطبہ اوہناں دا راجگڑھ سی۔ مسلماناں دے 14ویں 15یں صدی چ جان توں مگروں بوت وڈی طاقت بن گیا تے اینے بوت دور تک سلطنت بنائی جیدے نشان اج وی 40 کروڑ ہسپانوی بولن والیاں دے طور تے ہے گے نیں۔ 18ویں تے 19ویں صدی وچ سپین ماڑا پے گیا۔ ایدی حکومت اک قنونی بادشاہت دے تھلے پارلیمنٹ نال بنی اے۔ سپین دا دنیا چ 9واں سب توں بوتا جی ڈی پی اے تے ایدے لوکاں دا جیون ناپ دنیا چ 16واں اے۔ سپین اقوام متحدہ، یورپی یونین، نیٹو، دا سنگی اے۔

فرانسیسی بولی

فرانسیسی اک رومن بولی اے جینوں 13 کروڑ دے نیڑے لوک پہلی بولی لئی ورتدے نیں۔ 20 کروڑ دے نیڑے لوک اینوں پہلی یا دوجی بولی لئی ورتدے نیں۔ 11 کروڑ دے نیڑے لوک اینوں دوجی یا تیجی بولی لئی ورتدے نیں۔ فرانسیسی بولن والے لوک 57 دیساں تے تھاواں چ پھیلے ہوۓ نیں۔

‎فرانسیسی نوں ماں بولی بولن والیاں دی چوکھی گنتی تے فرانس چ ای اے پر کینیڈا دے صوبیاں کیوبک نیو برونسوک اونٹاریو تے بیلجیم سویٹزرلینڈ لکسمبرگ تے امریکہ دی کج پاسیاں ایدے بولن والے ہیگے نیں۔ دوجی بولی لئی فرانسیسی نوں ورتن والیاں دی وڈی ٹولی افریقہ چ وسدی اے اے وی کیا گیا اے جے فرانس توں چوکھے فرانسیسی بولن والے افریقہ چ نیں۔

فرانسیسی بولی لاطینی چوں بنی اے جدوں اے رومن سلطنت دا اک انگ سی تے اے اینچ دوجیاں رومن بولیاں پرتگیزی ہسپانوی کیٹلونی تے اطالوی نال رلدی اے۔

فرانسیسی 29 دیساں دی سرکاری بولی اے ایناں نوں فرانکوفون وی کیا جاندا اے۔ فرانسیسی یونائیثڈ نیشنز دی سرکاری بولی اے۔ یورپی جٹ چ 129 ملین لوک جیہڑے یونین دے 27 دیساں چ وسدے نیں (یا جٹ دے 26٪ لوک) ایہ بولی بولدے نیں۔ ایناں چوں 65 ملین دی اے ماں بولی تے 69 ملین دی اے دوجی یا بدیسی بولی اے۔ اینج اے انگریزی تے جرمن دے مگروں جٹ دی تیجی وڈی بولی اے۔ جٹ دے 20٪ لوک جیہڑے فرانکوفون نیں پر اوہ فرانسیسی بولنا جاندے نیں تے ایناں دی گنتی 145 ملین دے نیڑے اے۔

17ویں تے 20ویں صدی دے وشکار فرانسیسی سیاست ڈپلومیسی دیسی دے آپسی جوڑ دی بولی رئی اے۔ ایدی ایس حیثیت نوں ہن آ کے انکریزی نیں پچھے کیتا اے۔ فرانسیسی انگریزی نال ایسی بولی اے جیہڑی پنجے براعظماں چ بولی جاندی اے۔

لاطینی امریکہ

لاطینی امریکہ براعظم امریکہ دا اوہ انگ اے جتھے لاطینی دیاں بولیاں ہسپانوی تے پرتگیزی بولیاں جاندیاں نیں۔ ایس لحاظ نال لاطینی امریکہ براعظم امریکہ دے اوہناں علاقےآں نالوں وکھرا اے جتھے انگریزی بولی جاندی اے ۔

میکسیکو

میکسیکو براعظم اتلے امریکہ دا اک دیس اے۔ ایدے اتر وچ امریکہ تے دکھن تے لیندے ول ماٹھا وڈا سمندر،چڑھدے دکھن ول گوئیٹے مالا، بیلیز تے کریبین سمندر نیں۔ ایہ دیس 1,972,550 مربع کلومیٹر (761,606 مربع میل) تے پھیلیا ہویا اے۔ ایہ اتری دکھنی امریکہ وچ تھاں نال 5ویں نمبر تے تے دنیا وچ 13 تے آندا اے۔ 11 کروڑ 30 لکھ دی لوک گنتی نال ایہ دنیا دا 11واں ہسپانوی بولن والا سب توں وڈا تے لاطینی امریکہ دا دوجا وڈا دیس اے۔ میکسیکو سٹی ایدا راجگڑھ اے۔ ہسپانوی ایتھوں دی بولی اے۔

کولمبس دے ویلے توں پہلے کئی میزوامریکی بستیاں وڈیاں رہتلاں وچ پلٹیاں۔ اولمک، ٹولٹک، ٹیوٹیہواکان، زاپوٹک، مایا تے ازٹیک رہتلاں یورپی لوکاں دے آن توں پہلے ہے سن۔ 1521 وچ ہسپانوی سلطنت نے میکسیکو تے مل مار لیا۔ 1821 وچ میکسیکو سپین توں ازاد ہوگیا۔ میکسیکو ازاد تے ہوگیا پر اوہنوں کئی رپھڑ جنہاں وچ سیاسی تے بپاری افراتفری، امریکی - میکسیکی لڑائی، چوکھا سارا تھاں امریکہ نوں دینا، پیسٹری لڑائی، فرانکو میکسیکی لڑائی، گھر دی لڑائی، 2 شہنشاہیاں تے اک گولی راج۔ آخری گل نے 1910 وچ میکسیکی انقلاب دا مڈھ رکھیا تے جیدا انت فیر 1917 دے قنون تے ہویا تے دیس دا ہن دا سیاسی پربندھ بنیا۔

میکسیکو دنیا وڈے بپاری دیساں وچوں اے۔ ایہ تیل کڈن والا دسواں وڈا دیس، چاندی کڈنوالا پہلا وڈا دیس، اپنے علاقے دی طاقت تے وشکارلے ناپ دی طاقت گنیا جاندا اے۔

چلی

چلی دکھنی امریکہ دا اک دیس اے جیدا راجگڑھ سانتیاگو اے۔ ایدی تھاں 756950 مربع کلومیٹر اے تے ایدی لوک گنتی 17،224،200 اے۔ ایس دے اتر ول پیرو اے، چڑھدے اتر ول بولیویا تے چڑھدے ول ارجنٹاین اے۔ لیندے ول وڈا سمندر کاہل اے۔ ایتھے ہسپانوی بولی بولی جاندی اے۔

دوجیاں بولیاں وچ

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.