کلچر

کلچر سوہنے کماں چ ودیا شوق ہونا چنگا کلچر اخواندا اے۔

Musicians and dancers on fresco at Tomb of Nebamun
اچھرو سنگھ

پروفیسر اچھرو سنگھ (جنم: 1 جنوری1949) انگریزی دے لیکچرار(ہن سیوا نورت) ترجمہ کار تے وارتک لکھاری ہن۔ اوہ دو درجن توں ودھ انگریزی پستکاں دا پنجابی وچّ ترجمہ کر چکیا ہے۔

برطانیہ

برطانیہ براعظم یورپ دے اتر لیندے وچ اک جزیرہ دیس اے۔ لندن اس دا راجگڑھ تے وڈا شہر اے۔ ایتھے 6 کروڑ 37 لکھ دے نیڑے لوک وسدے نیں۔ برطانیہ دے چارے پاسے وڈا سمندر اوقیانوس تے اسدے سمندر نیں جنہاں چ اتری سمندر، آئری سمندر، سیلٹی سمندر تے انگریزی آندے نیں۔ برطانیہ چینل سرنگ دے راہیں فرانس نال جڑیا ہوئیا اے جہڑی انگریزی چینل دے تھلیوں لنگدی اے جدوں کہ اتلا آئرلینڈ دا باڈر ای برطانہ دا اوہ باڈر اے جیہڑا کسے دیس نال ملدا اے تے ایہ لوکراج آئرلینڈ نال ملدا اے۔

برطانیہ اک قنونی بادشائی اے جیدے وج اک لوکراجی پربندھ ہے تے لندن ایہدا راجگڑھ اے۔ ملکہ الزبتھ II ایتھے 6 جنوری 1952 توں راج کر رئی اے۔ برطانیہ اک اکٹھ اے جہڑا انگلینڈ ، سکاٹ لینڈ ، ویلز تے اتلےآئرلینڈ نال مل کے بنیا اے۔ انتویں تن دیساں نے اپنے پربندھ بناۓ نیں تے ایہناں دے راجگڑھ ایڈنبرا، کارڈف تے بیلفاسٹ نیں۔آئل آف مین، گرنزی، جرسی تاج دیس نیں تے ایہ برطانیہ دا انگ نہیں۔برطانیہ دیاں 14 سمندر پار تھانواں وی ہے نیں تے ایہ مکی پئی سلطنت برطانیہ دا انگ سن جیہڑی کہ 19ویں صدی دے انت تے 20ویں صدی دے مڈھ تے دنیا دی سب توں وڈی سلطنت سی جیہنے دنیا دے اک چوتھائی تھاں نوں گھیریا ہویا سی۔ برطانیہ دا اسر بولی، رہتل تے قنون وچ ہجے وی اپنیاں پہلیاں مل ماریاں دیساں وج ویھکیا جاسکدا اے۔

برطانیہ جی 8 دا سنگی اے تے اگے ودھواں دیس اے ۔ اسدی ایکانومی دنیا دی 6ویں تے یورپ دی دوجی وڈی ایکانومی اے ۔ جس دا اندازہ 2.2 کھرب امریکی ڈالر اے ۔ برطانیہ لوک گنتی نال یورپی یونین دا تیجا وڈا دیس اے تے اسدی آبادی 6 کروڑ توں ودھ لوک وسدے نیں۔ برطانیہ دنیا دے سب توں وڈے فوجی جٹ {نیٹو} تے یونائیٹڈ نیشنز دا موڈی دیس اے تے بچاؤ پریہا دا پکا سنگی اے ۔ برطانیہ دنیا دیاں وڈیاں ایٹمی طاقتاں چوں اک اے۔ ایہ فوج اتے خرچے دے ناپ نال دنیا دا چوتھا وڈا دیس اے۔ ایہ پہلاں کمتھاں دیس سی۔ 1814 توں لے کے 1914 دی صدی برطانوی صدی اکھواندی اے جدوں ایہ دنیا دا سب توں تکڑا دیس سی تے ہن وی ایہدا اسر ہے۔ ایہدا سائینسی، بپاری، رہتلی، سیاسی تے فوجی اثر ساری دنیا تے رہیا اے تے ہجے وی ہے۔ ایہہ یورپی یونین دا وی سنگی اے۔

برطانیہ دی ملکہ الزبتھ II کامن ویلتھ دے 16 دیساں دی وی قنونی آگو اے۔

برلن

برلن دنیا دا اک وڈا شہر، جرمنی دا راجگڑھ تے اک جرمن صوبہ اے۔ 35 لکھ دی لوک گنتی نال ایہ جرمنی دا سب توں وڈا تے یورپی یونین دا دوجا وڈا شہر اے۔ اتری چڑھدے جرمنی وچ سپری دے کنڈے تے وسدا برلن، برلن-برانڈنبرگ علاقے داگڑھ اے جتھے 180 دیساں دے 60 لکھ لوک وسدے نیں۔ ۔ پدھرے یورپی ویہڑے وچ ہون باہجوں ایتھوں دا موسم مدرا ریندا اے۔ ایس شہر دا تیجا حصہ جنگلاں، پارکاں، پھلواریاں، جھیلاں تے دریاواں نال بندا اے۔تریخ وچ پہلی واری 13ویں صدی وچ ایدا ناں آندا اے۔ ایہ مارک برانڈنبرگ (1417-1701)، پرشیا(1701–1918)، جرمن سلطنت (1871–1918)، وائمر لوکراج(1919–1933)، نازی جرمنی (1933–1945) تے 1990 توں جرمنی دا راجگڑھ اے۔۔ 1920 دے دھاکے وچ ایہ دنیا دی تیجی وڈی میونسپلٹی سی۔ دوجی وڈی لڑائی مگروں برلن نوں دو انگاں وچ ونڈ دتا گیا: چڑھدا برلن - جیہڑا چڑھدے جرمنی دا راجگڑھ سی- تے لیندا برلن جیہڑا لیندے جرمنی دا اک انگ سی پر اوہدے دوالے برلن کند (1961–1989) ماری ہوئی سی۔ 1990 وچ جرمنی دے اک ہون مگروں ایہ جرمنی دا راجگڑھ بنیا جتھے 158 دیساں سفارت گھر نیں۔ برلن نے جرمن تریخ، سیاست تے سائنس نوں گوڑے رنگ نال رنگیا اے۔

برلن سائینس، میڈیا، کلچر تے سیاست وچ دنیا وچ اک گڑھ اے۔ ایہدی ایکانومی دی نیو ہائی ٹیک کمپنیاں، سروس سیکٹر، نویاں شیویاں بنان تے کھوجن والیاں کمپنیاں، میڈیا کارپوریشناں تے کنوینشن گڑھاں تے اے۔ برلن یورپ وچ ٹرین تے ہوائی پاندھ دا چوک اے تے شہر دے اندر آن جان دا پربندھ ودھیا تے بہت پھیلیا ہویا اے۔ ایہ وڈا شہر یورپ وج سب توں چوکھے ویکھے جانوالے تھانواں وچوں اک اے۔ انفارمیشن ٹیکنالوجی، دوائیاں بنانا، بائیومیڈیکل انجینئیرنگ، بائیوٹیکنالوجی، صاف ٹیکنالوجی، کوٹھے چاڑھنا تے الیکٹرانکس وڈھیاں انڈسٹریاں نیں۔

برلن دیاں یونیورسٹیاں، کھوج دے ادارے، میوزیم، آرکیسٹرا تے کھیڈاں دے سٹیڈیماں دی دنیا وچ مانتا اے۔ 40 اس دا شہری ویس ایس نوں فلماں بنانوالیاں نوں اپنے ول کھچدا اے۔ 40 نوبل انعام جتنوالے دا جوڑ برلن دی کسے یونیورسٹی نال اے۔ ایہ شہر اپنے میلیاں، ونسونے آرکیٹیکچر، آرٹ، رات دے جیون تے اتلی پدھر دے جیون باہجوں مشہور اے۔

بنگلہ دیش

بنگلہ دیش دکھنی ایشیاء دا اک دیس اے۔ ایہدے دکھن وچ خلیج بنگال اے تے ہندستان ایھدے لیندے، اتر تے چڑھدے ول اے جد کے اک چھوٹا جیا بارڈر برما نال لگدا اے۔ ایہ گنگا برہمپترا دے ویہڑے تے پھیلیا ہویا اے۔ سیلیگوری گلی ایہنوں ہمالی دیساں بھوٹان تے نیپال توں وکھ کردی اے تے چین جغرافیائی حساب نال سامنے اے۔ نسل بولی تے تریخ نال ایہ بنگال نال جڑدا اے۔ سرکاری بنگالی بولی وچ بنگلہ دیش دا مطلب اے بنگال دا دیس۔ ہن آلا بارڈر 1947 آلی ونڈ وچ بنایا گیا سی جدوں اے تھاں چڑھدا پاکستان دا حصہ سی۔ ایہ پر آپنے لیندے پاسے توں 1600 کلومیٹر دے پینڈے تے سی۔ سیاسی ، بولی تے پیسے ٹکے دے فرق نے لیندے پاکستان دے خلاف بغاوت نوں جمیا، اک سیکولر سیاسی تحریک تے 1971 دی لڑائی نے ایہنوں پاکستان توں وکھ کردتا۔

لڑائی تے وکھ ہون مگروں بنگلہ دیش نے اوکھے ویلے ویکھے۔ غریبی، کال، سیاسی اتل پتل تے فوجی مارشل لا ایہنوں سہنے پۓ۔ 1991 مگروں لوکراج دے مڑن مگروں ایہ چین وچ اے تے ہولی ہولی پیسے ٹکے ولوں ٹھیک ہوریا اے۔ ایہ ہن اک سیکولر پارلیمانی لوکراج اے جتھے دنیا دے لوکاں دا 8واں وڈا کٹھ اے۔ ایہ دنیا دے یاراں اگلے کم کاج نال ودھدے ہوۓ دیساں چ گنیا جاندا اے۔ ایہ سارک دا موڈھی تے کامن ویلتھ تے اسلامی کانفرنس دا سنگی اے۔ ایہ غریبی ہیراپھیری ورگے رپھڑاں نال اگے ودھدا ہویا اک دیس اے۔

‎‎

لیبرتس علاقہ

لیبرتس علاقہ ( لاطینی: Liberec Region) چیک جمہوریہ ( چیک لوکراج) دا اک علاقہ جو اتلے بوہیمیا چ واقع اے۔

چیک لوکراج دے اس علاقے دا ناں اسدے راجگڑھ لیبرتس دے ناں اتے اے ۔ اس علاقے دیاں سرحداں قومانتری پدھر اتے جرمنی تے پولینڈ نال لگدیاں نیں ۔ملکی پدھر اتے اسدیاں سرحداں لہندے چ اوستی ناد لابم علاقہ ، دکھن چ وچکارلا بوہیمیائی علاقہ تے چڑھدے چ ہرادتس کارلوفے علاقہ نال لگدیاں نیں ۔

مائکروبیالوجی

مائکروبیالوجی (Microbiology) جیون پڑھت دی اک ونڈ اے جیدے وچ نکے جانداراں بارے پڑھیا جاندا اے۔او جاندار جنھا نوں ننگی اکھ نال نئی ویکھا جا سکدا، تے صرف مائکروسکوپ نال ویکھا جا سکدا اے ۔

مائکروبیالوجی دی اہمیت توں انکار نہیں کیتاجا سکدا۔ ڈبل روٹی، پنیر، شراب، انٹی بایوٹک، ویکسین، وٹامن، انزائم تے ہور اہم مصنوعات دی تیاری وچ اے ضروری کردار ادا کردی اے۔ کاربن، آکسیجن، نائیٹروجن تے سلفر دے آبی تے زمینی چکراں نو اے ممکن بناندی اے۔ جراسیم، ماحولیاتی خوراک دی زنجیر تے جال وچ غذائی اجزاؑ دا اہم ذریعہ نے۔

جرسوماتی روگاں نے ھزاراں سالاں توں نسل انسانی نو بہتا نقصان پہنچایا اے۔1347-1351 دا طاعون اک مثال اے جس نے یورپ وچ تباہی پھیلا دتی۔ جرثوماتی بیماریاں وچ خسرہ،کالی کھانسی، تشنج، ہیضہ، ٹائیفائیڈ، نزلہ، زکام، ایڈز، ڈنگی تاپ، ملیریا، پولیو، نمونیہ، ھیپاٹائٹس وغیرہ شامل نے۔

مائکروبیالوجی وچ وائرس، بیکٹیریا، پروٹسٹ، الجی، فنجائی تے پروٹوزوا جئے خردبینی جانداراں نو پڑھیا جاندا اے۔ وائرس نو زندہ تے مردہ دے وچکار تسلیم کیتا جاندا اے کیونکہ اے ولگن دا نئی بنا ہویا تے مردہ شیواں دی طرح کرسٹل بنان دی صلاحیت رکھدا اے۔

کسی مخصوص خرد جاندار نوں پڑھن توں پہلاں اونوں آبادی توں الگ کر کے کلچر میڈیم تے اگایا جاندا اے۔ خرد جاندار دی بڑھوتری تے انو الگ کرن لئی مائکرو بیالوجی وچ دو اہم تکنیکاں استعمال کیتیاں جاندیاں نے، سٹیریلائیزیشن تے کلچر میڈیا دا استعمال۔

نیشنل میوزیم آف افریقن امریکن ہسٹری اینڈ کلچر

نیشنل میوزیم آف افریقن امریکن ہسٹری اینڈ کلچر امریکہ دے راجگڑھ واشنگٹن ڈی سی چ واقع اک عجائب گھر اے ۔

پرانا مصر

پرانا مصر اتلے چڑھدے افریقہ دی اک رہتل سی جیہڑی دریاۓ نیل دیاں کنڈیاں تے اجکل دے مصر چ وسدی رئی۔ ایہ جگ دیاں پہلیاں چھ رہتلاں چوں اک سی جیڑياں وکھریاں اتے آئیاں۔ مصری رہتل کوئی 3150 قبل مسیح چ کھٹی ہوئی جیدی وجہ اتلے تے تھلویں مصر دا پہلے فرعون تھلے کھٹے ہونا سی۔ پرانے مصر دی تریخ 3 ویلیاں چ بٹی ہوئی اے: اوہ ویلے امن تے ترقی دے ہوندے سن تے اوناں دے وشکارلے ویلے وچ حالات وگڑے رۓ۔ ایناں ویلیاں دے ناں: پرانا دیس جیڑا پرانے کانسی ویلے وچ سی، اس دے بعد مڈلا دیس مڈلے کانسی ویلے دی تے نواں دیس لیٹ کانسی ویلے دا سی۔

نویں دیس دے ویلے چ مصر اپنی طاقت دے پورے زور اتے سی، اس ویلے ایدی طاقت حتی سلطنت تے اشوریہ سلطنت دے برابر سی۔ اس ویلے دے آخر تے مصر دی آہستہ آہستہ تھلے آندا ریا۔ مصر دے اتے کئی بارلی طاقتاں نے حملہ کیتا تے مل وی ماریا: کانان، لبیا، نوبیا، اشوریہ، بابل، ھخامشی سلطنت تے یونان۔ سکندر دے مرن تے اسدے جرنیل بطلومیس سوٹر نے مصر اتے حکومت کیتی، ایہ بطلومیسی دیس 30 قبل مسیخ تک ریا جدوں کلوپیٹرا(قلوپطرہ) دی حکومت وچ ایہ رومی سلطنت دا اک صوبہ بن گیا۔

پرانے مصر دی ترقی دی وجہ اوناں دے دریاۓ نیل دی حالت نوں ویکھ کہ وائی بیجی سی۔ اوہ نیل دے سیلاباں دی پیشن گوئی کردے سن تے بند باند کہ بوت فصلاں اگاندے سن۔ ایناں نال اوناں کول بوت اناج بچ وی جاندا سی جیدے نال زيادہ آبادی، لوک ترقی تے کلچر اتے جاندا سی۔ مصری حکومت کول ایناں فالتو سرمایا ہوندا سی جس نال اوہ ارد گرد دی تھاں وچ کاناں بناندے سن، لکھائی دا اک سسٹم سیٹ کیتا، وڈے ناپ تے تعمیراتی تے وائی بیجی دے منصوبے ٹورے، ارد گرد دے لوکاں نال تجارت تے اک فوج نوں سمبھالدے سن جس دا کم دشمناں نال لڑنا تے مصری زور نوں اتے رکھنا سی۔ ایہ کم فرعون دے تھلے مزہبی گرو، لکھاری تے سرکاری نوکر کردے سن۔

پرانے مصر دیاں کامیابیاں وچ وڈے وڈے ہرم، مندر تے ستون بنانے لئی وڈے وڈے وٹیاں دی کٹائی، تھاں دا حساب کتاب تے تعمیراتی سسٹم، حساب دا اک سسٹم، کم کردا خاص دوائیاں دا سسٹم، نہری سسٹم، وائی بیجی دا سسٹم تے جگ دے پہلے سمندری جعاز نیں۔ مصری مورتاں، شیشے دے کم، ادب تے جگ دی پہلی صلاح وچ وی اس ویلے خاصیت رکھدا سی۔ مصر دے آرٹ تے آرکیٹیکچر دا جگ اتے اوناں بعد وی وڈا نشان رہ گیا تے اوناں دے آرٹ تے آرکیٹیکچر دی پورے جگ چ بوت نقل کیتی گئی تے پرانے مصر دیاں شیواں جگ دے نکڑ نکڑ تک پہنچ گئیاں۔ پرانے مصر دے کھنڈرات نوں ویکھ کے سینکڑوں لکھاریاں نوں اپنے کم لئی جزبہ ملیا۔ اج کل دے دور وچ یورپ تے مصر نے رل کے کھنڈرات نوں لبیا اے تے پرانے مصری رہتل تے کلچر وارے وچ جگ نوں کافی جانکاری لبی اے۔

پرانا یونان

پرانا یونان یونان دی کلاسیکی تریخ دے ویلے نوں کیندے نیں۔ جیڑا 8 صدی قبل مسیح توں لے کے سن 600 تک ریا۔ اس توں فورا بعد وشکارلہ ویلا تے بازنطینی سلطنت دا دور ٹر پیا۔ پرانے یونان دا اک ویلا جیڑا 5ویں صدی قبل مسیح تے 4تھی صدی قبل مسیح وچ ٹریا اونوں کلاسیکی یونان کیندے نیں۔ کلاسیکی یونان فارس دے یونان اتے حملے نوں روکن دے بعد تیزی نال ودیا۔ سکندر دے ایشیاء اتے حملے دے بعد یونانی کلچر یورپ دے پرلے کونے توں دکھنی اشیاء تک پھیل گیا۔

کلاسیکی یونانی کلچر دا رومی سلطنت اتے بوت وڈا اثر ریا، خاص طور تے یونانی فلاسفی دا۔ رومی سلطنت یورپ تے رومی سمندر دے گرد دے تھاواں تک اس فلاسفی دا کافی حصہ لے گئی۔ اس لئی یونانی فلاسفی نوں مغربی کلچر دی ماں سمجیا جاندا اے۔

کلچر میڈیم

کلچر میڈیم ایسی پانی سار یا جیلی جئی شہ وے جیہڑی نکے جانداراں تے ولگناں نوں اگان لئی سہارا دیندی اے۔ کلچر میڈیم دیاں وکھریاں ونڈاں ہوندیاں نے۔

کلچر میڈیم دو طراں دا ہوندا اے، اک جیہڑا بوٹیاں تے جانوراں دے ولگناں نو اگان لئی ورتیا جاندا اے، دوجا جیہڑا بیکٹیریا جئے نکے جانداراں نو اگان لئی ورتیا جاندا اے۔

نکے جانداراں لئی ورتے جانوالے عام کلچر میڈیا دی مثالاں نیوٹریئنٹ براتھ تے ایگر پلیٹ نے۔ ایس توں علاوہ ولگناں تے نکے جانداراں لئی خاص غذائیت آلے کلچر میڈیم وی تیار کیتے جاندے نے۔

وائرس نوں اگان لئی جیوندے ولگناں دا کلچر میڈیم چائیدا ہوندا اے۔

کلکتا

کولکتا (بنگالی: কলকাতা) (پرانا نام کلکتہ) مغربی بنگال دا راجگڑھ اے۔ ایہ بنگال دی کھاڑی دے ساحل توں 180 کلومیٹر دور ہگلی دریا دے کھبے کنڈھے اتے واقع اے ۔

یونیسکو

یونیسکو یونائیٹڈ نیشنز دی اک ایجنسی اے جینوں 16 نومبر 1945 ج بنایا گیا سی۔ ایدا کم سائینس پڑھائی تے کلچر تے راہون امن تے بچا‎ؤ چ وادا کرنا اے

دوجیاں بولیاں وچ

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.