Paroéche

Unne paroéche ch’est unne réunnion d’ches conmunnautès à pusiurs églises qui n’juktte mie loin ches unnes d’avuc ches eutes.

Ches paroéches is obéiçtte à un diochèse qu’obéit à un archidiochèse obin à chl’Église catolike à Rome directmint.

Catédrale Nou-Danme ed Rouen

El Catédrale Nou-Danme ed Rouen o Note-Danme (Noute-Dame dé Rouen in neurmind, Notre-Dame de Rouen in franchoés) ch’est unne catédrale ed tchulte catolike dédièe à l’Vierche Marie qui s’truve à Rouen in Neurmindie in Franche.

Ch’est ch’pus grand pi ch’pus connu d’ches monnumints à l’vile ed Rouen pi unne ed ches pus connutes catédrales ed Franche.

Ch'est l'catédrale el pus heute ed Franche edpis qu'al o yu s'flèke in 1879, a foait 151 m. d'heuteur.

Prète

Un prêtre cho put vouloér dire granmint d’coses. Ech pus souvint, ch’est un prète catolike qu’os lonme conme cho, minme si qu’il y o plaingne ed noms étou por ches prètes catolikes : tchurè, doéyin, abè, vitchère, aumonnier.

Un prète – d’ech latin presbyter, li-minme impruntè à ch’viu grec πρεσβύτερος (presbýteros) « anchien » – il est un homme (dins queuques erligions cho put ète étou unne fanme, unne prétrèce) qu’egzerche un ménistère sacrè dins unne erligion, qu’est cartchè d’ech serviche liturgike, pi qui mangne ches chérémonnies rligieuses.

Ech prète i porte souvint un nom partitchulier slon l’erligion in propos :

un prète amon ches catolikes, moais os dit étou :

un tchurè por ech prète d’unne paroéche,

un cannoinne por ech prète d’unne paroéche douqu’ès truve unne catédrale avuc ech siège à un évétchè,

un abè, un terme global por tertous ches prètes pi ches aprintis-prètes,

un doéyin, un prète in carke ed pusiurs paroéches,

un vitchère, un eute prète qu’est avuc un tchurè dins unne paroéche,

un aumonnier, un prète qui donne l’aumonne à ches peuves,

un évèke, un prète qui mangne tertous ches tchurès pi leus paroéches dins unne région,

un prète étou mon ches ortodoxes,

un pope por ech prète qui mangne un patriarcot, ch’est conme un évèke amon ches catolikes,

un pateus por ches mneus d’chérémonnie mon ches protestants,

un rabin mon ches juis,

un imame amon ches maroumétans,

un druide por ches rligions payinnes.

Din d'eutes langaches

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.