Kultura

Definí "kultura"

Kultura ta e manera ku hende ta sosial ku otro. E manera ku hende ta sosialisá otro, forma famia, forma grupo i organisá aktividat. Kultura ta tambe e manera ku hende ta atendé ku nan alrededor. E manera di sosialisá ku hende ta keda hasí den kuadro di norma, balor, idea, idioma, regla i kreensia. A base di esaki nan hende por husga otro, pensa, duna opinion i tuma un desishon. E kultura aki (manera di ta sosial ku otro) a krese segun tempu i ta mará na kambionan konstante. E interakshon aki tin pa resultado ku hende a kuminsá krea nan propio kosnan (produkto) pa por biba di dje òf pa hasi nan bida mas fásil. Tin sigur ku tur loke ta hasi bida mas klarifiká ta trese tambe sierto fasilidat den bida diario. Hende a produsí ayera, awe i mañan pa hasi bida mas fásil i klarifiká. Tur esaki nan ta forma un parti di kultura.

Ekspreshonnan kultural

Kultura no ta solamente un arte. Pero kultura ta tur kos ku hende ta produsí den bida diario. Nan ta kosnan material òf no material. Pues bou di ekspreshonnan kultural ta kai;

Pues kultura no ta solamente arte, sino tur kos ku hende ta produsí den nan bida diario pa hasi bida mas fásil i klarifiká.

Antias Hulandes

E artíkulo aki ta skirbí na papiamentu. Lo ta apresiá si por mantené e artíkulo aki na estilo di papiamentu.

Mira: Disolushon di Antiya Hulandes Antias Hulandes òf Antias Neerlandes (hulandes: De Nederlandse Antillen), tabata for di 15 desèmber 1954 te 10 oktober 2010 un país den Reino Hulandes ku tabata konsistí di 6 isla i for di 1986 di 5 isla karibense despues ku Aruba a atkirí su status aparte. E islanan di Antias Neerlandes tabata konsistí na nan lugá di dos grupo di isla den Laman Karibe ku ta forma parti di Antias Menor: e islanan di Sotavento i e islanan di Barlovento (Isla'riba). Na 2010 Kòrsou i Sint Maarten a bira paísnan autónomo den Reino Hulandes i Saba, Sint Eustatius i Boneiru a bira munisipionan spesial Hulandes. E ekonomía di e islanan ta dependé primordialmente di turismo i petroleo.

Arte

Arte ta un palabra unda bo ta describi actividad of creacion di e ser humano cu tin importancia p'e mente humano relaciona c'e atraccion di e sentidonan humano.

P'esey, arte ta traha ora hende ta expresa nan mes. Cierto arte ta uzabel manera, sculptura traha di comchi di klei pa pone cos den dje. Hopi hende no ta di acuerdo con 'arte' ta wordo defini. Hopi sa bisa cu hende ta obliga pa traha algo di nan creatividad paden.

Arte ta inclui pintamento, pintura, sculptura, fotografia, actuamento, baile, musica, poesia, prosa y teatro.

Aruba Dushi Tera

E articulo aki ta skirbi na papiamento. Lo ta aprecia si por mantene e articulo aki na estilo di papiamento.Aruba Dushi Tera ta e himno di Aruba. E ta un wals skirbi pa Juan Chabaya Lampe y componi pa Rufo Wever. A acepta e cantica aki como e himno nacional di Aruba riba dia 18 di maart di 1976. E di tres couplet a ser agrega ariba Betico Croes, e tata di Aruba, su peticion.

Canada

Canada ta un pais den Nort Amérika. E kapital di Canada ta Ottawa. E suidatnan mas grandi di Canada ta Toronto y Montreal. Canada su superficie ta enorme sinembargo e pais su poblashon no ta muchu grandi. E provinsia mas konosi di Canada ta Quebec, kaminda gran parti di e poblashon ta papia franses y e kultura franses te domina.

Carnaval

Carnaval (papiamentu: karnaval) ta bin orginalmente for di celabracion catolico cu tambe tin raishi pagano y ta celebr'e tres dia prome cu Dia di Shinishi. Segun e tradicion, e fiesta ta dura di diadomingo te diamars anochi- "Nochi Diamars". Pa meinochi ta cuminsa cuaresma di 40 dia te cu Siman Santo.

China

China oficialmente e Republika di Pueblo di China 'Zhōngguó' na chines mandarin ta un pais den e kontinente Asia. E kapital di China ta Bejing. China ta e pais mas pobloso na mundi ku mas ku 1.3 bion habitante. Tambe e ta e pais di tres mas grandi pa area geografiko, kubriendo mas ku 9.6 mion kilometer kuadrado.

E pais tin un systema politiko di 1 partido, kual ta e Partido Komunista di China. Ku tin mando over di tur e provensianan, regionan autonomo i munisipalidatnan di China. Tambe e RPC ta prentende kontol over di e Republika di China (Taiwan) i ta mantene e posishon ku e ta e provensia di 23 di e pais. Aunke no a reslove e Guerra Sivil Chines ahinda.

Cuba

E artíkulo aki ta skirbí na papiamentu. Lo ta apresiá si por mantené e artíkulo aki na estilo di papiamentu.

Republika di Cuba ta un pais y isla den Laman Karibe. E ta konsisti di e isla di Cuba, e isla di Juventud i varios otro islanan chiki. E kapital i suidat mas grandi di Cuba ta Havana. Santiago de Cuba ta e suidat di dos mas grandi na Cuba.

Cuba tin un poblashon di 11 mion hende, e nation mas pobloso den Karibe i tambe e isla mas grandi den laman Karibe. Su kultura i kustumbernan ta wordu forma dor di varios meskla di otro kultura inkliendo e indjannan Taino i Chiboney; e periodo di Kolonialismo Spaño, e intrudukson di Esklavonan Afrikano i su proksimidat na Estadonan Uni.

Estadonan Uni di Merka

Estadonan Uni di Merka ta un país ku ta keda na kontinente Nort Amérika. E nòmber ofisial di e país ta United States of America. E kapitál di Merka ta Washington D.C.. E siudat mas grandi di Merka ta New York City. E pais ta situá kasi kompleto den Nort Amerika, kaminda su kwarenti ocho estadonan kontinuoso anto Washington D.C ta keda, entre e Oceano Atlantiko anto e Oceano Pasífiko, e ta grèns na Canada na parti nòrt i Mexico na parti suit. E estado di Alaska ta den e huki nòrt-wèst di e kontinente, ku Canada na parti oost anto Rusia na parti wèst over di e Straat van Bering. E estado di Hawaii ta un arkipielago mei-mei di Oceano Pasífiko. E pais tambe ta posesá varios teritorio den Caribe anto Oceano Pasífiko.

Na 9.83 mion km2 anto ku 310 mion hende, Estadonan Uni di Merka ta e di tres of di kwater pais mas grandi anto e di tres na area anto poblashon huntu. E ta un di e paisnan mas diversifika i multikultural, ku ta e produkto di immigrashon na gran escala for di hopi otro pais. E ekonomia di E.U. ta e ekonomia nashonal mas grandi na mundu, ku un GDP estima di $14.3 tríon.

Indigeno di origen Aziatiko a habitá lokual ku aworaki ta e vasteland du Estadonan Uni di Merka pa miles di aña. E poblashon nativo merikano aki a wordu redusi dor di malesanan e gueranan despues di kontakto oropeo. Estadonan Uni a wordu formá dor di diestres kolonianan Britaniko ku tabata keda na e kosta atlantik. Riba 4 di Juli, 1776, nan a traha e Deklarashon di Independensia, ku a proklama nan derecho di determinashon anto nan establesementu di un union köpera. E estadonan rebelioso a bati e Emperio Britaniko den e Revoloshon Merikano, e prome guera kolonial di independensia ku tabatatin sukses. E konstitushon di awendia a wordu adopta na 17 di september 1787; su ratifikashon e siguiente aña a traha e Estadonan Uni den un republika ku un gobiernu fuerte sentral. E billeta di derechonan (Bill of Rights), komprimí di dies ammandamentonan konstitushonal garantiendo hopi derechonan fundamental anto libertadnan, a wordu ratifika na 1791.

Den e siglo 19, Estadonan Uni a haña tereno di Fransia, Spaña, Reino Uni, Rusia anto a anexa e republika di Texas i e republika di Hawaii. Disputanan entre e parti sur agrikultural i e parti nort industrial over di estadonan su mes derechonan anto e expanshon di e institushon di Sklabitut a proboka e Guera sivil Merikano di e añanan 1860'. E parti nort a gana anto a preveni un split permanente di e pais anto a kaba ku sklabitut legal na E.U.. Pa di e añanan 1870', e ekonomia nashonal tabata esun mas grandi na mundu. E guera Spaño-Merikano anto e Prome Guera Mundial a konfrimá e pais su status manera un poder militar. E la emergi for di e Di Dos Guera Mundial manera e prome pais ku Arma Nuklear anto un miembro permanente di Nashonan Uni su konsul di seguridat. E final di e Guera Friu anto e disulushon di e Union Sovietiko a laga Estadonan Uni komo e uniko superpoder keda na mundu. E pais ta akunta pa 40% di mundu su gastamentu militar anto ta e lider ekonomikamente, politikamente anto kulturalmente di mundu.

Filosofia

Nota: Por fabor no kambia e idioma Papiamentu di otro eskritornan.

E articulo aki ta skirbi na Papiamentu. Lo ta apresia si por mantene e artikulo aki na estilo di Papiamentu.

Filosofia ta e kuestionamentu di kustumbernan, naturalesa i kosnan evidentemente proba, den rango di konosemento, moralidat, obra, sientifiko, lenga, politika, eksistensia humano, historia, kultura ets.

Filssofonan no ta konforma nan mes ku respuestanan kla pone i konclushonan lihe tuma. Mas fuerte ainda, filosofia ta e aktividad di keda hasi preguntanan seguidamente. Ludwig Wittgenstein a bisa un ten: “kaminda otronan ta sigui kana, einan ami ta keda para”.

Fransia

Fransia, ofisialmente e Republika Franses (Franses: République française), ta un pais na West Oropa anto na superfisie e pais oropeo di dos mas grandi. Fransia ta keda entre e Kanal Britaniko, e Oceano Atlantiko i e Golfo di Biskaje na parti west, Belgika i Luxembourg na parti nort, Alemania Suisa anto Italia na parti ost, anto Spaña i Andorra, anto e Laman Mediteranio na parti siut. Tambe e isla di Corsica den e Laman Mediteranio ta parti di e pais Franses, komo varios luganan altamar.

Si bo inklui e areanan ultramar e pais tin un superfisio di 674.843 km² anto un poblashon di 65,4 mion hende (januari 2010). Fransia, dor di su forma seisangular ta wordu yamá l'Hexagone, e tambe ta e pais mas grandi den e Union Oropeo. E kapital ta Paris, ku tambe ta e siudad mas grandi di e pais.

For di e tratado di Verdun na 843 Fransia ta konosi su historia kontiniua i ku unidat gobernamental di kultural. Fransia ta pesei e poder oropeo mas largu te ahinda funshonando. E indentidat kultural Franses ta wordu pensa ku ta mas ku 2000 aña bieu, pasobra e influensia Romano tabata asina grandi. E grensnan ta keda for di e Pas di Nijmegen di 1678 relativamente stabil anto mayoria di nan ta kai riba grensnan natural.

Awendia Fransia ta un estado Uni i un republika demokratiko semi-presidenshal. E pais ta miembro di organisashonan grandi i importante manera e UO e NU e rat di seguridat, e NAVO, e G8, e OESO anto e WTO.

Fransia tabata un di e initiativonan di e Unidat Monetario di Oropa, ku den 2002 a bini ku e Euro komo moneda di Oropa. Na 1960 Fransia tabata despues di e Estadonan Uni e Union Sovietiko i e Reino Uni e di kuater pais pa tin Arma Nuklear. Fransia tambe ta un di e 10 paisnan mas desaroyá na mundu.

Hulanda

E artíkulo aki ta skirbí na papiamentu. Lo ta apresiá si por mantené e artíkulo aki na estilo di papiamentu.

Hulanda (òf Ulanda) ta un país den Europa ku ta limitá pa e Laman Nort den nort i wèst di e país, Bélgika den zùit, i Alemania den ost. Hulanda, Curaçao, Sint Maarten i Aruba huntu ta forma e Reino di Hulandes (Koninkrijk der Nederlanden na hulandes). Hulanda ta un monarkia konstitushonal. Su fronteranan aktual tabata formá na aña 1839.

Hulanda ta un di e paísnan ku densidat di populashon mas grandi na mundu. E ta konosí pa su mulinanan, sapatu di palu, damnan, tùlpnan i baiskelnan. Su leinan liberal ta haña hopi atenshon internashonal, manera esnan tokante droga, homoseksualidat, prostitushon i eutanasia. E Korte Internashonal di Hustisia i e Korte Penal Internashonal ta situá na Den Haag.

India

India ofisialmente e Republika di India Bhārat Gaṇarājya ta un paisden e parti Oeste Sur di Asia. E ta e pais di siete mas grandi na mundu pa area geografiko, i e di dos mas poblá ku mas ku 1.2 bíon hende. E ta grens ku e Oceano Indiko na parti zuit, e Laman Arabe na parti zuit-west, e Bahia di Bengal na parti zuit-ost, anto e ta parti grensnan di tera ku Pakistan na parti west, China, Nepal i Bhutan na parti nort anto Burma i Bangladesh na parti ost. Den e Oceano Indiko, India ta banda di Sri Lanka i e Islanan Maldiva, tambe e islanan Andaman i Nicobar di India ta parti un grens maritimo ku Thailand i Indonesia.

London

London ta e kapital di Gran Bretania i di e Reino Uni i e area metropilitano di mas grandi den Reino Uni. London tin un gran influensia riba komersio global, finansa, medionan di komunikashon, kultura, arte, moda, edukashon i entretenimento.

Oropa

Oropa ta, tradishonalmente konsidera un di e siete kontinentenan di mundu. Comprimiendo e peninsula parti west di Eurasia , Oropa ta generalmente dividi for di asia na parti ost dor di e divishon di awa na e Serunan di Ural, e Riu di Ural, e Laman Kaspiko, e region di Caucasus anto e Laman Pretu na parti ost. Oropa ta grens ku e Oceano Arktiko anto varios otro lamanan na parti nort, e Oceano Atlantiko na parti west, e Laman Mediteranio na parti suit, anto e Laman Pretu i su kamindanan di awa konekta na parti siut-ost. Toch e grensnan di Oropa-un konsepto datando bèk hopi siglo te ku antiguedat klasiko-ta hopi subjetivo i arbetuario pasobra e por referi na oropa geografiko komo kultural.

Oropa ta e kontinete di dos mas chikitu kua superfisio, kubriendo mas o menos 10,180,000 kilometer kuadrado of 2% di e superfisio total di mundu anto mas o menos 6.8% di su area di tera. Di Oropa su aprokismadamente 50 paisnan Rusia ta esun di mas grandi (aunke e tin teritorio den Asia komo Oropa), anto e Siudad Vatikano ta esun mas chikitu. Oropa ta e kontinete di tres mas pobloso despues di Asia i Afrika, ku un poblashon di 731 mion hende, of mas o menos 11% di e poblashon total di mundu.

Oropa, mas spesifiko Gresia Antiguo, ta e nansementu di e kultura west. E la hunga un rol predominante den mundu global for di e siglo 16 bai ariba, espesialmente despues di e komienso di Kolonialismo. Entre e siglonan 16 i 20, Nashonan Oropeo tabata kontrolá na varios tempu e Kontinente Merikano, mayoria di Afrika, Oceania, anto porshonan grandi di Asia. Tur dos guernanan mudial tabata na gran parti di fokus riba oropa, kontribiuendo na un gran parti di e bahada di dominansia di west-oropa den e sena mundial durante e parti mei-mei di e siglo 20 ora e Estadonan Uni anto e Union Sovietiko a tuma e rol ei. Durante e Guera Friu, Oropa a keda dividi dor di e Kortina di Heru entre e NATO den e west anto e Warsaw Pact na parti ost. Integrashon Oropeo a forma e konsulado di Oropa anto e Union Oropeo den west oropa, ku despues di e kaida di e union sovietiko na 1991 a ekspande na parti ost.

Reskoek

Reskoek [papiamentu: rèskuk/rèskoek] (Ingles: pancake, tambe hotcakes, griddlecakes, of flapjacks. Spaño: panqueque. Portugues: panqueca) ta algo di come traha cu hariña di pan, sucu (rasenchi) cu ta hasa den forma plat.

Sivilisashon

Sivilisashon (of Civilisashon) ta un termino ku ta wordu husá prisipalmente pa indika e parti material di kultura humano ku ta kompleho, manera teknologia, siencia, i divishon di labor. Un sivilisashon mayoria biaha ta dividí riba status i ta urbanisá.

Den un kontexto klasiko hende tabata wordu yamá sivilisá pa separá nan mes for di hendenan barbariko, pero den kontexto moderno hendenan sivilisá ta wordu kontrastá dor di hendenan primitivo.

Awendia e termino aki ta menos strikto i por wordu husá pa nifika algu meskos ku kultura i pesei e termino aki por wordu husa pa referi na tur sosiedat defini. Aunke mayoria biaha ora e wordu husá e ta pa referi na sociedatnan ku e yega na un nivel partikular den nan desaroyo, manera e trahamentu di suidat.

Sur Amérika

E artíkulo aki ta skirbí na papiamentu. Lo ta apresiá si por mantené e artíkulo aki na estilo di papiamentu.

Sur Amérika of Suramérika ta e kontinente sur di amérika, situá den e hemisferio wèst anto mayoria parti den hemisferio sur ku un poblashon relativamente chikí den hemisferio north. E ta grens na e Oceano Pasifiko na parti west anto na e Oceano Atlantiko ost i Nort Amérika anto Laman Karibe na parti nort .

E palabra amerika a wordu husa prome dor di kartografo Martin Waldseemüller i Matthias Ringmann, na Amerigo Vespucci, ku tabata e promé oropeo ku a bisa ku e teranan nobo no tabata India pero un mundu nobo ko oropa no tabata konose.

Sur Amérika tin un area di 17,840,000 kilometer kuadrá, of kasi 3.5% di e superfisie du mundu. For di 2005, su poblashon ta wordu estima na mas ku 371,090,000 habitante. Sur Amérika ta rango di kuater na area (despues di Asia, Afrika, anto Nort Amérika) anto di sinku na poblashon (despues di Asia, Africa, Oropa, anto Nort Amerila).

Turismo

Tourismo ta biahe pa rekreashon, tempu liber of pa negoshi. E organishashon "The World Tourism Organization" ta defini turista komo hende hu ta biaha anto keda na un luga pafó di nan ambiente normal pa mas ku bintiquater (24) ora anto no mas ku un aña pa nan tempu liber, rekreashon, of negoshi anto no relashoná nan un aktividat pagá di e luga bishitá.

Tourismo a bira un aktividat global Masha popular. Na 2008 tabata tin mas ku 922 míon biahe turistiko, ku un kresementu di 1.9% kompara ku 2007. Ganashi internashonal di turismo a krese bira 944 bíon USD ( 642 bíon euro) na 2008 korrespondiendo ku un kresementu berdat di 1.8%.

Komo un resultado di e Resseshon di final di añanan 2000, demanda pa biahe internashonal a sufri un periodo poko-poko kuminsando na juni 2008, ku kresementu di biahe internashonal kai ku mas ku 2% den e lunanan di zomer den hemisferio norte.

E trend negativo aki e intensifika durante 2009, i a krese mas hopi ku e yegada di e virus H1N1, resultando den un kaída di 4% na 2009 ku 880 míon biahe turistiko un bahida estima di 6% na ganashi.

UNESCO

E United Nations Educational, Scientific and Cultural Organization (UNESCO) ta un agensia spesialisá di e Nashonan Uni establesé na 16 di november 1945. E tei pa kontribui na pas i seguridat anto promove colaborashon internashonal dor di edukashon, siencia, anto kultura pa aleha respet universal pa justisia, e madato di lei, anto derecho humano huntu ku libertadnan fundamental proklama den e charten di NU. E ta e kria di e Luega di nashonan su International Commission on Intellectual Cooperation.

Na otro idioma

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.