Genus

Ing genus (ibat king Griegu: Γένος; Latin genus "lipi, pamilia, uri") metung yang mababang lebel o balitang a taxonomic rank (ranggu king pamitinduk-tinduk) a magagamit kareng organismung mabie ampong fossil.

Kalupa da reng halus eganaganang taxonomic unit o dake ning pamitinduk-tinduk, maliari lang pitnan deng genus kareng subgenus. Ing species ing pekamaragul a taxonomic unit king lalam ning genus.

Alang patugut a dibati nung makananu yang eksaktung masalan o dinan kabaldugan (define) ing genus.

SpeciesGenusFamiliaOrdenPinduanPhylum (biolohia)KaarianSakupBie

Ing pamituki-tuki da reng walung pekamaulagang ranggung pang-taxonomia ning sistemang biolohikal. Ing familia atin yang metung o maigit pang genus. E la makabili deng mangalating ranggung atiu king pilatan da reti.

Lagiung generic

Ing lagiung generic o generic name dake ning lagiung siyentipiku o scientific name para king metung a organismu o mabibie. Iti metung yang lagiung sasalamin king klasipikasiun o pamitinduk-tinduk ning organismu kapamilatan ning pamigrupu-grupu da reng mikanlapit pamikakamaganak a organismu. Pane yang Latin ing lagiung generic (a nung wari king lagiu ning tau ya pin ing pilidu), at yang mumuna kareng aduang lagiu king lagiung siyentipiku (itang species ing kadua). Pane yang makasulat a maragul (capitalized) ing mumunang letra ning lagiung generic, kabang e re bitasang susulat a capital ing mumunang letra ning lagiu ning species. Alimbawa, Canis lupis ya ing lagiu nang siyentipiku ning lobu (wolf). Ing Canis, a mangabaldugang asu, ing generic name ning lobu, uling canine (kapamilia ning asu) ya ing lobu.

Suglung palual

Basil

Ing Basil (Ocimum basilicum) (mayayagkas /ˈbæzəl/ o /ˈbeɪzəl/), ning Familiang Lamiaceae (mints), metung yang mabayang mababang-daragul a herb.

Ing Basil magagamit ya kareng pamaglutu kareng Italian cuisine, ampo kareng Southeast Asian cuisine ning Thailand, Vietnam, Cambodia, ampong Laos. Ing tanaman balamu lalasa yang anise, a atin masikan, mapakla, mayumung bau.

Bay leaf

Ing Bay leaf, Laurel keng Kapampangan makarikil ya keng mabanglung bulung a Bay Laurel (Laurus nobilis, Lauraceae). Sariwa o pepalanging bulung ila reng magagamit keng pamaglutu para keng malasa ampong mabanglung pamangan da reng Mexicanu, ing metung a alimbawa iyapin ing Dalagang Bukid (Red Snapper Veracruzana). Deng bulung keraklan magagamit la keng panyabo, pangmenudu o kaya pangcalderata. Deng sariwang bulung keraklan maina lang bagia at ela masikansikan a lasa nunge mu kaibat ning marakaldakal a duminggu pang milabas kaibat lang meagtal ampong mipalangi.

Bolivian Coriander

Ing Bolivian coriander metung yang tanaman nung nu ding kayang bulung maliari lang gamitan panyangkap a mamie karagdagan a lasa kareng pamangan. Ing kayang lasa mamilatan ka reng arugula, cilantro ampong rue." Ing tanaman keraklan daragul ya king Mexico ampong Mauling America para gamit keng salsa. Daragul ya anggang mga 5' keng katas at 3' a sukad bilug.

Chives

Ing Chives (Allium schoenoprasum) ila reng pekamalating species na ning sibuyas family Ing Alliaceae, katutubu ya Europa, Asia ampong Pangulung America. Iti mayayagkas ya mu keng pangmarakalan, pauli ning daragul lamu bilang punggulpunggul kesa keng tunggal a tanaman. Ing Allium schoenoprasum iay kabud a specie ning Allium katutubu kareng balang Bayu (New) ampong Matuang Yatu (Old World).

Curry Tree

Para keng "Tanaman Curry", lawen ya ing Helichrysum italicum o Sweet Neem bulung

Para keng pamangan o sarsa, lawen ya ing Curry.Ing Pun Dutung a Curry o kaya Karivepaku ,Karivepallai o Kadipatta (Tamil: கறிவேப்பிலை) (Murraya koenigii; syn. Bergera koenigii, Chalcas koenigii) metung yang tropical anggang sub-tropical pun dutung king familia Rutaceae, a katutubu king India. Papalual yang bulung a ausan dang bulung Curry o kaya Sweet Neem leaves.

Cymbopogon

Ing Cymbopogon (lemongrass) metung yang genus kareng mga 55 specie ning dikut, katutubu kareng katamtaman ampong mapaling labuad ning Matuang Yatu (Old World) ampong Oceania. Matas yang perennial a dikut. Ding kayang pangkaraniwan a lagiu ilapin deng lemon grass, lemongrass, barbed wire grass, silky heads, citronella grass, fever grass o Hierba Luisa at dakal pang aliwa.

Dill

Ing Dill (Anethum graveolens) metung yang makuyad a bieng perennial herb. Iti ya kabud a specie ning genus Anethum, agiang maka pinduan yang kareng mapilan a botanists a kasapning genus bilang Peucedanum graveolens (L.) C.B.Clarke.

Familia (biolohia)

King klasipikasiun (o pamitinduk-tinduk) a pang-biolohia, ing familia (Castila ampong Latin: familia) metung yang ranggung pang-taxonomia. Magdependi ing eksaktung detalle king Nomenclature Code (sistema ning pamamie lagiu) a gagamitan.

Alimbawa: Nung sabian mung "Deng walnut ampong Hickory kayabe la king familiang Walnut", anti mung sinabing: deng Walnut (genus Juglans) ampo reng Hickory (genus Carya) atiu la king familiang Walnut (family Juglandaceae).

Garden angelica

Ing Garden Angelica (Angelica archangelica; syn. Archangelica officinalis Hoffm., Archangelica officinalis var. himalaica C.B.Clarke) metung yang mataduang-banuang tanaman ibat kareng familing umbelliferous Apiaceae. Ding aliwang pang lagiu keng English ilapin deng Holy Ghost, Wild Celery, and Norwegian angelica

Guyabana

Ing guyabana (Annona muricata), a mayayaus muring guyabano, guyabanu, guayabana, bwenabanu, benabana, bwenabana, gweybana, guaybana, buenabana, gulbana, gweyabano, unaba, geybana ampong geibana king Kapampangan, soursop king Ingles, at guanábana ampong guanábano king Castila, metung yang pun dutung king familia Annonaceae ampong species ning genus Annona a pikabaluan dili kareng kayang bungang kakanan. Ing guyabana mikakabunga yang maslam bagya neng malulut ya. Katutubu la reng tanaman a reti king Caribbean ampong Kalibudtang America, oneng mitatanam na la kareng dakal a lugal - at neng kai, mikakalat ampong tutubung dili ra - kareng klimang malisangan o tropical king mabilug a yatu.

Lavandula angustifolia

Ing Lavandula angustifolia (mayayaus mu rin Lavandula spica o Lavandula vera; kareng amanung English bilang common lavender, true lavender, o kaya English lavender (agiang e ya katutubu king England); dati L. officinalis) metung yang manyampagang tanaman keng familaing Lamiaceae, katutubu keng albugang Mediterranean labuad, lalunglaluna king Pyrenees ampong aliwang bunduk king pangulung Espania.

Mentha

Para keng aliwang gamit, lawen ye ing Mint (disambiguation).Ing Mentha (mint) metung yang genus da reng mga 25 species (at dakal pang mga dinalan a pinduan) a maniampagang tanaman da reng familiang Lamiaceae (Mint Familia).

Oregano

Ing Oregano (IPA: əˈregənoʊ, British English: ɒrɪˈgɑ:nəʊ) o gulgul (Origanum vulgare) metung yang species ning Origanum, da reng famili ning mint, katutubu ya king Europa, king Mediterranean labuad ampong mauli ampong Kalibudtarang Asia. Daragul yang maniabt20-80 cm katas, at ing baligtad ning bulung mga 1-4 cm ya kaba. Deng sampaga kule lang ubi, 3-4 mm kakaba, at dargul la keng makatalakad a tulus.

Pale

Ing Pale rice keng English, adua yang species king Poaceae ("tutung dikut") a familia, Oryza sativa at Oryza glaberrima. Dening tanaman katutubu la keng tropical at subtropical

king mauli at maulingaslagang Asia at king Africa. Ing pale mamye yang maiggit ikalimang dake ning caloring a apapangan ning tau king kayang pamamamgan. (Ing katayang "pale lampung" daleraya ya kareng lampung nang species ning Oryza, dapot daleraya ya kareng species ning mikiugnayan a genus Zizania, karing aduang lampung ampong sese.) Ing pale monocarpic banu-banuang tanaman, dragul mga 1–1.8 m a katas, agpang keng klasi at ning gabun a kataba. Ing dikut at yang makabang, payat a bulung 50–100 cm kaba at 2–2.5 cm lapad. Ing malating wind-pollinated bulaklak magagawa la king malaarkung pendulous inflorescence 30–50 cm a kaba. Ing butul metung yang butil (caryopsis) 5–12 mm kaba at 2–3 mm kapal.

Pinduan (biolohia)

Ing pinduan (class king Ingles) metung yang ranggung pang-taxonomia king klasipikasiun king biolohia da reng organismu, a mas matas king orden at mas mababa king phylum.

Alibawa, ing Mammalia ing pinduan nung nu la makabili deng asu. Chordata (animal a maki notochord) naman ing phylum da reti, at Carnivora (animal a mamangan karni) ne man ing kayang orden.

Rutaceae

Ing Rutaceae, a keraklan ausan dang familiang citrus, metung yang familia da reng tanaman, a keraklan bibili da king orden Sapindales.

Deng species king familiang iti maki sampaga lang mapipitna kareng apat o limang dake, a keraklan masikan a bau. Miayaliwa la dagul, manibat kareng dikut paras kareng palungpung ampong mangalating pun dutung.

Ing pekamaulagang genus ning familia ya pin ing Citrus, nung nu la kayabe deng dalandan (C. sinensis), limon (C. × limon), sua (C. paradisi), ampong dalayap (miayaliwa, keraklan C. aurantifolia, ing key lime). Ing Boronia metung yang genus a Australiano, nung nu deng aliwa misna lang banglu sampaga a magagamit a kareng pisasali dang essential oil. Kayanib la murin keti deng genus a Zanthoxylum ampong Agathosma.

Sarsaparilla

Template:Articleissues

Ing Sarsaparilla (mayayagkas SAS-per-il-luh) (Smilax regelii ampong deng aliwang makasapning species na ning Smilax) metung yang banwaan a kukulate a katutubu king tropical America ampong West Indies. Ing lagiu manibatan ya keng Kastilang amanung sarza para keng malating pun "(shrub)" at parilla para keng "malating kukulate".

Species

King biolohia, ing species metung ya kareng pekamaugalang unit ning

pamitinduk-tinduk da reng mabibie (biological classification), at metung yang ranggung pang-taxonomy. Ing species metung yang grupu da reng organismu a maki kagiwan a magpalipi o magparakal (breed) at mika ának a maliari muring mika anak. Keraklan, makagiu ne ining pamagmasala (definition), dapot neng kai, gagamit la pang mas eksaktu o aliwang sukad para kaniti, anti ing pamilupa ra king DNA o king itsura o pamibalangkas. Nung ating kaurian (traits o characteristics) a mas partikular o makabage king metung a lugal, maliari ya pang pitnan ing species kareng subspecies.

Neng kai, pareu la kareng species deng karaniwan a lagiu da reng tanaman o animal: alimbawa, deng leun, walrus o "tanaman a camphor" - magagamit ya king metung species ing balang metung kareng lagiung deti. Oneng dakal la mu naman deng karaniwang lagiu (common name) a e eksaktung makaparikil king metung a species. Alimbawa, ing "usa" magagamit ya king e magkulang king atlung pulu't apat (34) a species, kayabe no reng Eld's Deer, Red Deer ampong Wapiti (Elk). Aniang purmeru, tuturing dong metung mung species deng aduang tauling mebanggit; papakit na niti nung makananung maliaring maliwa ing angganan da reng species neng miraragdagan ing beluan a sientipiku.

Makalalam ya (ampong bibilug) king metung a genus ing balang species. Ini ibat ya king paniwalang mas mikanlapit la pamikamaganak deng species a kayabe king metung a genus kesa karetang makabili kareng aliwang genus. Atin la ngang lagiung maki aduang dake o binomial name ing eganaganang species. Iti bibilugan ne ning generic name ampo ning specific name (o specific epithet). Itang mumuna, yang peka-pilidu, at ing kadua, ya ing lagiu na mismu, nung wari king tau. Mupin, mumuna ya keti ing pilidu, at kadua ya itang sariling lagiu. Alimbawa, ing Felis domesticus ing lagiu nang sientipiku o scientific name karaniwan a pusa.

Maulaga ya king pamituldu ampong pamaniubuk kareng teoria king biolohia, ampo king pamaniukad king pamiyaliwa-liwa (diversity) ning bie ing metung a magamitan a kabaldugan ning katayang "species", ampo reng ayasahan a paralan para king pamangilala kareng species. Sadia, kailangan lang panigaralan deng dakal a alimbwa ning metung a species a makamunikala (proposed) ba lang makilala deng kaurian a pareu o lupa-lupa (unifying characters) bayu ya mituring a species iti. Keraklan, masákit mamie ranggung pang-taxonomia o taxonomic ranking deng species a mewala na, at balu ra namu kareng fossil. Nung alarawan da ne deng sientipiku at adinan lagiu ing metung a species, maliari neng ausan king kayang binomial name o lagiung maki aduang dake.

Nanupata, anti ing sinabi nang Charles Darwin,

I look at the term species as one arbitrarily given for the sake of convenience to a set of individuals closely resembling each other .... it does not essentially differ from the term variety, which is given to less distinct and more fluxtuating forms. The term variety, again in comparison with mere individual difference, is also applied arbitrarily, and for mere convenience sake (...lon me ing katayang species antimong metung a terminung kabud na mu megamit king metung a grupu da reng mabibieng maragul pamilupa king metung at metung .... e malaut king katayang ‘’variety’’, a magagamit kareng uring e masiadung makabukud at mas maragul pamialiwa. Pasibayu, itang katayang ‘’variety’’, nung pakiyanti ya king pamilupa ning balang metung a indibidual, kabud da ne mu gagamitan, uli mung masaguli o kumbinienti).Uli ning pamagkasákit da king pamagmasala o depinisiun king kabaldugan ampong pamamilang king bilang da reng miyayaliwang species, tatantian dang maki atiu king pilatan ning adua (2) ampong dinalan (100) a miliung ing bilang da reng species.

Kareng aliwang amanu

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.