27 августы

Цаутæ

Ацы бон райгуырдысты

Данов, Христо

Христо Данов (болг. Христо Груев Данов; райгуырдис 1828-æм азы 27 августы — амардис 1911-æм азы 11 декабры) уыдис болгайраг рухстауæг, ахуыргæнæг æмæ чиныгуадзæг. Уый нымад у болгайраг чиныгуагъды рацаразæгыл, хонынц ма йæ «болгайраг Гутенберг».

Болгари ссæрибары цауты (1878) архайгæйæ (суанг ма 1876-æм азы æртæ мæйы дæргъы бадтис ахæстоны), йæ фæд ныууагъта политикæйы дæр. Христо Данов политикæмæ бацыдис 1882-æм азы, уæд сси Скæсæн Румелийы регионы æмбырды депутат. 1897–1899 азты уыдис Пловдивы сахары сæргълæууæг (уымæн мызд нæ иста).

Занзибары хæст

Занзибары хæст (англисагау Anglo-Zanzibar War) у дунейы историйы цыбырдæр хæст, йæ дæргъад уыдис 45 минуты бæрц. Хæст райдыдта æмæ фæци 1896 азы 27 августы райсомæй Стыр Британийы уæлахизæй.

Британийы фарсæй уыцы хæсты фæмардысты 100 салдаты, Занзибары фарсæй та 500 адæймаджы бæрц.

Молдави

47.25, 28.516667

Молдави (молд. æмæ рум. Moldova), официалон ном у Молдовæйы Республикæ (молд. æмæ рум. Republica Moldova) у Европæйы паддзахад, кæддæр уыдис ССРЦ-ы республикæ.

Цæгæраты Максим

Цæгæраты Николайы фырт Максим (1916—1990) — у ирон фыссæг.

Йæ уацмысты ’хсæн уацау «Нæ фехъуыстон, ма зæгъ» æмæ æндæртæ.

Цæгæраты Максим у зынгæ фыссæг æмæ æхсæнадон кусæг. Максим райгуырдис 1916-æм азы 27 августы Алагиры. 1941 азы каст фæцис пединститут. Уыди хæсты, сси афицер, бирæ тугкалæн тохты равдыста лæгдзинад, хорзæхджын æрцыдис кады ордентæй.

Хæсты фæстæ куыста бæрнон бынæтты: уыди чиныгуадзæны сæйраг редактор, Ирон театры директор, журнал «Мах дуджы» редактор, республикæйы культурæйы министр, Фысджыты цæдисы сæрдар. Уыцы куыстытæ домдой бирæ рæстæг æмæ хъару, фæлæ уаддар Максим анувыд æмæ æнтысджынæй лæггад кодта ирон литерæтурæйæн — хаста йæм ног æмæ ног уацмыстæ.

Максим фыста æмдзавгæтæ, радзырдтæ, уацаутæ, романтæ. Ирон прозæйы зынгæ бынат ахсынц йæ уацаутæ «Сау хохы фыййау» (1961-æм аз), «Нæ фехъуыстон ма зæгъ» (1963-æм аз), «Балцы зарæг» (1965-æм аз), «Хæххон барæг» (1970-æм аз), роман «Райсомы мигъ» (1983-æм аз). Уыдоны автор хуызджын нывты æвдисы Ирыстоны цард, адæмы тох сæрибар æмæ амондыл, сæ хæстон сгуыхтытæ Фыдыбæстæйы Стыр хæсты, сæ хъазуатон куыст, сæ зонды тых æмæ сæ уды рæсугъддзинад. Максимæн бантыстис цардæгас фæлгонцтæ саразын, йæ геройтæ сты, адæмы амондыл чи тох кæны, хорз хъуыддаг аразын сæ хæсыл чи нымайы, ахæм адæймæгтæ. Йæ уацмыстæ тæлмацгонд æрцыдысты бирæ адæмты æвзæгтæм.

Максим цардæй ахицæн 1990-æм азы 2 декабры.

Æндæр æвзæгтыл

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.