Пиренейты æрдæгсакъадах

Пиренейты æрдæгсакъадах (йе ’ндæр ном — Ибери, Иберийы æрдæгсакъадах; порт., исп., галис., астур. Península Ibérica, баск. Iberiar penintsula, катал. península Ibèrica, фр. péninsule Ibérique, лат. Iberia Paeninsula) у æрдæгсакъадах Европæйы хуссар-ныгуылæны. Йæ былтæ æхсынц Зæххастæу денджыз, Атлантикон фурд æмæ Бискайы бакæлæн.

Пиренейы æрдæгсакъадах у, Европæйы цы æртæ стырдæр æрдæгсакъадахы (Пиренейы, Апеннины æмæ Балканы) ис, уыдонæй тæккæ хуссардæр æмæ ныгуылæндæр.

Ныртæккæйы заман Пиренейы æрдæгсакъадахыл æрбынат кодтой ахæм паддзахæдтæ: Испани (фæзуаты 85%), Португали, Андоррæ, Франц æмæ, Стыр Британийы дæлбар чи у, уыцы Гибралтар.

Iberian peninsula
Пиренейы æрдæгсакъадах
Гибралтары донкъубал

Гибралтары донкъубал (исп. Estrecho de Gibraltar, англ. the Strait of Gibraltar, араб. مضيق جبل طارق‎‎‎‎, лат. Fretum Gaditanum) у, Пиренейты æрдæгсакъадах æмæ Африкæйы цæгат-ныгуылæйнаг донбылты ’хсæн чи кæлы, уыцы донкъубал; бæтты Зæххастæуы денджыз æмæ Атлантикон фурд.

Йæ дæргъ у 65 км, уæрх — 14–44 км, тæккæ арфдæр ран — 1181 метры.

Йæ хæрзвадат географион уавæры руаджы Гибралтары донкъубалæн ис стыр экономикон æмæ стратегион ахадындзинад. Донкъубалы былтыл æрбынат кодтой Испанийы порттæ Сеутæ, Ла-Линеа, Альхесирас, стæй Мароккойы порт Танжер. Ис ам Стыр Британийы эксклав — Гибралтар.

2003-æм азæй фæстæмæ Испани æмæ Марокко иумæ иртасынц донкъубалы бын æфсæнвæндаджы (æмæ/кæнæ автомобилон) тъунел саразыны фарста. Ис егъау хиды проекттæ дæр.

Æндæр æвзæгтыл

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.