Braziilii


Braziilii libo Braziilien federatiivine tazavaldu (port. República Federativa do Brasil) on suurin valdivo Suvi-Amerikas da ainavo portugalinkieline valdivo Amerikan manderehil. Muailman valdivoloin keskes Braziilii on viijendel tilal pindualan da rahvahan lugumiärän mugah. Se sijaiččou manderehen päivännouzu- da keskiozas. Valdivon pinduala on 8 514 877 km², rahvahan lugumiäry on 205 823 665 hengie (2016). Piälinnu on Brazilia. Rajoittuu kaikkien Suvi-Amerikan valdivoloin kel, paiči Čilii da Ekvadorua: pohjas Frantsien Gvianan, Surinaman, Gaijanan, Venesuelan kel, luodehes Kolumbianke, päivänlaskus Perun da Bolivian kel, lounazes Paragvajan da Argentiinan kel da suves Urugvajanke.

Flag of Brazil
Braziilien flagu
Coat of arms of Brazil
Braziilien gerbu
Brazil (orthographic projection)
Braziilii
Bolivii

Bolivii (isp. Bolivia, kečua Buliwya, aimara Wuliwya, guar. Volívia), viralline nimi on Monikanzalline Bolivien Valdivo (esp. Estado Plurinacional de Bolivia) on valdivo Suvi Amerikan keskiozas.

Rajat: pohjas da koillisozas on Braziilii, liidehes on Paragvai, suves - Argentiinu da lounazes on Čili da Peru. Ei ole meren rajua, ga vuvvennu 2010 oli kirjutettu sobimus Perun kel, kudaman mugah Peru andau Boliviele 2109 vuvvessah merirannan alovehtu vuograh portan nostamizeh näh.

Valdivon pinduala on 1 098 581 km², rahvahan lugumiäry on 10 461 053 hengie (2013). Piälinnu on Sukre.

Brazilia

Brazilia on Federatiivizen Braziilien Tazavallan piälinnu sego Federuallizen piirikunnan halličuksen rezidensii. Vuonnu 2010 luajitun rahvahanluguhpanon tiedoloin mugah, linnas eläy 2 562 963 hengie. Brazilia on muan n’elläs suurin linnu.

Vuvves 1987 algajen linnu kuuluu JUNESKO:n muailman perindön luvetteloh.

Gaijana

Gaijana (angl. Guyana) libo Gaijanan Kooperatiivine Tazavaldu on valdivo Suvi-Amerikan koillisrannal. Pohjazes on Atlantan valdumeri, päivänlaskus on Venesuela, suves – Braziilii, päivännouzus on Surinam. Kuluu Rahvaskundien yhtymäh.

Muan pinduala on 214 970 km². Rahvahan lugumiäry on 751 223 hengie (2002). Piälinnu on Džordžtaun. Virralline kieli on anglien.

Olimpiadukižat

Olimpiadukižat ollah suuret rahvahienvälizet monilajizet sportukilbailut, kuduat pietäh kerran nelläs vuvves Rahvahienvälizen olimpiadukomitietan suojelukses.

Toizil kielil

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.