Partit Popular

Lo Partit Popular (PP) (Partido Popular, en castelhan) es un partit politic espanhòl. S'autodefinissent coma un partit d'ideologia de centre reformista e democrestiana, pasmens politicament se pòt considerar coma de drecha conservatritz en comparason amb los autres partits politics coma lo PSOE, l'IU, l'UPyD.

Fa partida del Partit Popular Europèu.

Antiguo Logo del Partido Popular
Lògo del Partit Popular
Arres

Arres ei un municipi dera Val d'Aran en eth terçon de Lairissa. S'atròba essenciaument sus era riba dreta de Garona (Era Bordeta ei sus era riba esquèrra).

Canejan (Val d'Aran)

Canejan ei un municipi dera Val d'Aran, en eth terçon de Quate Lòcs.

Castièro

Castièro ei un terçon tradicionau dera Val d'Aran, utilizat coma circonscripcion territoriau entas eleccions ath Conselh Generau.

Resulte dera division der ancian terçon de Vielha.

Eth sòn territòri correspond damb era part sud deth municipi de Vielha e Mijaran: Vielha, Gausac, Casau, Betren, Escunhau e Casarilh.

Ciutadans

Ciutadans (en occitan e en catalan, Ciudadanos es espanhòl; sovent abracat C's) ei un partit politic espanhòu creat en Catalonha en 2005.

Oficiaument presentat com sociau democrata, en las annadas 2010 se vira de mai en mai cap a l'electorat de dreita que seduseish amb son unitarisme e son nacionalisme espanhòu.

Guanha sovent en préner vòts au Partit Popular.

Presenta peu purmèr còp candidats en Aran au municipi de Vielha e Mijaran a las eleccions municipaus de 2015. Guanha un sèti de còsso au Partit Popular.

Enes eleccions catalanes de 2015, arribe dusau en Catalonha e en Aran, a 25 deputats ath totau. Eth candidat aranés Javier Rivas Escamilla, dusau sus era lista dera circonscripcion de Lhèida, ei elejut ath Parlament.

Conselh Generau d'Aran

Eth Conselh Generau d'Aran ei era principau institucion de govèrn dera Val d'Aran. Ac formen eth Sindic, eth Plen e era Comission d’Auditors de Compdes. Constituís era estructura administrativa pròpia d'Aran restablida pera Lei 16/1990, de 13 de junhsèga, sus eth regim especiau dera Val d'Aran.

Es Bòrdes

Es Bordes (en catalan, Les Bordes o Les Bordes de Castell·lleó; en espanhòu, Las Bordas) ei un vilatge e municipi dera Val d'Aran, en eth terçon de Lairissa.

Abantes 1857 eth sòn nom ère Benes, Besgos y Bordas. De 1877 a 1982, eth sòn nom oficiau ère Las Bordas. De 1982 a 1984 ère Les Bordes.

Es Bòrdes

Jean-Claude Juncker

Jean-Claude Juncker (Redange, Luxemborg, 9 de decembre de 1954) es un politician conservador luxemborgués. Membre del Partit Popular Social Crestian, foguèt primièr ministre de Luxemborg durant 18 ans, de 1995 a 2013. Lo 1 de novembre de 2014 ven president de la Comission Europèa.

Lo 27 de junh, malgrat la posicion ostila del govèrn britanic dirigit per David Cameron, foguèt causit per venir lo novèl president de la Comission Europèa. L'ostilitat se faguèt sentir tanben dins la premsa del Reialme Unit qu'aquel meteis jorn lo jornal The Guardian acusava Juncker de beure fòrça e d'èsser un fumador inveterat.

José María Aznar

José María Alfredo Aznar López (Madrid, 25 de febrièr de 1953) es un politician espanhòl, membre del Partit Popular. Aprèp d'èsser estat president de la Junta de Castelha e Leon de 1987 a 1989, foguèt primièr ministre d'Espanha entre 1996 e 2004. Es licenciat en Drech de l'Universitat Complutense de Madrid e presidís actualament la Fundació para el Análisis y los Estudios Sociales (FAES), una entitat de tòca non lucrativa creada lo 11 de novembre de 2002 coma resultat de la fusion de cinc fondacions ligadas al Partit Popular., e qu'es una mena de "laboratòri d'idèas del PP".

Dempuèi 2011 es conselhièr extèrn de la companhiá espanhòla Endesa per l'America Latina.

Es maridat amb Ana Botella, l'actuala cònsol de Madrid e an tres enfants amassa.

Les (Val d'Aran)

Les (en catalan, Lés) ei ua vila e municipi dera Val d'Aran, en eth terçon de Quate Lòcs, ath marge deth riu Garona. Ei era sola localitat dera Val damb eth títou de Baronia.

Les ei conegut per era sua tradicion deth Haro, un tronc d'avet que, plantat sus era plaça deth vilatge, ei cremat era nueit de Sant Joan. Cinc dies mei tard, per Sant Pèir, se hè era quilhada, que ei era plantada deth haro qui's cremarà l'an d'après.

Eth haro de Les

Mariano Rajoy

Mariano Rajoy Brey (Compostèla, Galícia, 27 de març de 1955) es un politician espanhòl, mai d'un còp primièr ministre pendent las VIena e VIIena legislaturas, membre del partit de drecha, lo Partit Popular. Es President del Govèrn d'Espanha del 21 de decembre de 2011 al 1èr de junh de 2018.

Naut Aran

Naut Aran ei un municipi dera Val d'Aran. Constituït en 1968 damb era fusion des tèrmes d'Arties, Salardú, Gessa, Tredòs e Bagergue ei eth municipi mès vast dera val.

Glèisa de St Andrieu (Salardú)

Partit Popular d'Aran

Eth Partit Popular (esp. Partido Popular) ei un partit politic espanhòu present ena Val d'Aran.

As eleccions de 2011 obten:

1 regidor a Arres

1 regidor a Vielha e Mijaran

Partit Socialista Obrièr Espanhòl

Lo Partit Socialista Obrièr Espanhòl (Partido Socialista Obrero Español) o PSOE es un partit politic espanhòl de esquèrra sociala democrata membre del Partit socialista europèu e de l'Internacionala socialista.

Al poder d'octobre de 1982 fins a març de 1996, es a dire pendent mai de tretze ans, lo PSOE tornèt governar Espanha de març de 2004 a decembre de 2011. Per las eleccions legislativas espanhòlas de 2008, lo partit ganhèt mai grand nombre de vòtes jamai obtengut amb 11 288 698 vòtes alara que patiguèt de sa mai granda desbandada electorala dempuèi la transicion democratica espanhòla pendent las eleccions generalas de 2011.

Lo secretari general actual, José Luis Rodríguez Zapatero, que foguèt President del Govèrn d'Espanha de 2004 a 2011.

Lo PSOE govèrna actuelament las comunautata autonòmas d'Andalosia e de la Comunautat Autonòma Basca e participa al govèrn de las Canàrias e de la Comunautat Forala de Navarra. Dirigís tanben de vilas coma Vigo, Soria e Saragossa.

A prèp de 550 000 membres, atal es lo segond partit politic d'Espanha pel nombre d'aderents aprèp lo Partit popular

Païses Catalans

Los Païses Catalans (var. País Catalans) (en catalan: Països Catalans, abreviacion escricha: PPCC) son una sola entitat (per cèrtas personas, una sola nacion) qu'inclutz totes los territòris ont s'espandís istoricament la lenga catalana. Dins aquel sens dins d'unas sensibilitats independentistas se sòl emplegar tanben Catalonha (Catalunya en catalan) per designar aquesta entitat (cal dire pasmens que lo nom Catalonha comprenguèt pas jamai oficialament las Illas Balearas nimai lo País Valencian).

Lor populacion es de 14 403 849 abitants.Lo 27 de setembre de 2013, lo Parlament de Catalonha reconeguèt oficialament, amb una granda majoritat, aqueste nom en far a l'encòp una declaracion en favor de l'unitat de la lenga catalana aprèp l'aprovacion de la designacion LAPAO dins la nòva lei lingüistica d'Aragon.

Aqueste nom, dificilament tolerat pels corrents espanholistas e sovent criticat, faguèt l'objècte d'una proposicion pas de lei del govèrn balear, governat pel Partit Popular, per declarar que los "Païses Catalans existisson pas".

Presidents de la Comission Europèa

Lo President de la Comission Europèa a la responsabilitat politica entre lei Comissaris e pòt exigir la demission d'un comissari, s'a l'aprovacion de totei. Actualament e dempuei lo 23 de novembre de 2004, es José Manuel Durão Barroso dau Partit Popular Europeu.

Vielha e Mijaran

Vielha, oficiaument Vielha e Mijaran, ei un municipi dera Val d'Aran e eth caplòc dera Vath.

Eth municipi, qu'aucupe era part centrau dera comarca, estèc creat per eth regim franquista en eth 1970 damb era fusion des municipis d'Arròs e Vila, Betlan, Vilac (terçon de Marcatosa), Escunhau, Gausac e Vielha (terçon de Castièro). Eth caplòc deth municipi ei era vila de Vielha.

Eth 2018 auie ua poblacion de 5493 abitants distribuïdi en 13 entitats de poblacion.

Dins d'autras lengas

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.