Ichthyosauria

Los ictiosaures constituisson un grop de reptils marins preïstorics qu'abitèron la Tèrra del Permian (fa 250 milions d'annadas) fins al Cretacèu (fa 65 milions d'annadas).

Lor nom vòl dire reptil peis, mas semblavan mai un dalfin que non pas un peis. Avián una mena de bèc plen de dents pichonas per agantar aisidament lor mangiscla, peisses, clauvissas e pofres, e de còps que i a manjavan tanben de pterosaures qu'èran tròp prèp de l'aiga. Se coneis çò que manjavan gràcias a de fossils ont es estat conservat lor darrièr repais.

Aquestes animals pausavan pas d'uòus, pr'amor que lor adaptacion a l'aiga èra tant bona que podián pas sortir sul maratge per pausar los uòus. Encara un còp, se coneis de fossils ont la maire moriguèt amb son pichon dins lo ventre, a mand de sortir.

Los ictiosaures arribèron pas a l'extincion del Cretacèu-Terciari, fa ara 65 milions d'annadas. Se coneis pas plan ben la causa de lor extincion, mas benlèu foguèt pr'amor que fa ara 80 milions d'annadas lo nivèl de la mar baissèt fòrça e desapareguèron las aigas pauc prigondas ont eles demoravan.

Cal pas confondre los ictiosaures amb los dinosaures.

Ichthyosauria
Ichthyosaurios5

Diversitat dels ictiosaures.

Classificacion
Règne Animalia
Embrancament Chordata
Sosembr. Vertebrata
Superclassa Tetrapoda
Classa Reptilia
Sosclassa Diapsida
Infraclassa Ichthyosauromorpha

Òrdre

Ichthyosauria
Blainville, 1835

Dins d'autras lengas

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.