Cee

Cee es un municipi de la província espanhòla de La Coronha e de la Comunautat Autonòma de Galícia.

  • Portau d'Espanha
1981

Aquesta pagina concernís l'an 1981 del calendièr gregorian.

Arrèst Costa contra ENEL

L'arrèst rendut lo 15 de julhet de 1964 dins l'afar Flaminio Costa contra Ente Nazionale per l'Energia Elettrica (o Costa c/ Enel, afar 6/64) per la Cort de justícia de las Comunautats europèas (CJCE) es una de las basas de la jurisprudéncia del drech comunautari. En substància, aquel arrèst que se pòt considerar coma major, consacra lo principi de la primautat del drech comunautari sus las legislacions nacionalas.

Arrèst van Gend en Loos

L'arrèst rendut lo 5 de febrièr de 1963 dins l'afar NV Algemene Transport- en Expeditie Onderneming van Gend & Loos contre Administration fiscale néerlandaise (o mai simplament Arrèst van Gend en Loos, afar 26/62) per la Cort de Justícia de las Comunautats Europèas (o CJCE) es una de las basas del drech comunautari e fonda los rapòrts entre òrdre juridic comunautari e òrdre juridic nacional. Aquel arrèst, lo primièr d'importança dins la jurisprudéncia europèa, es precedent a la fusion dels executius de 1965. En substància, la Cort reconeis que amb la lor adesion a la CEE, los Estats membres an acceptat la limitacion de la lor sobeiranetat, e que lo lors ciutadans an ara la possibilitat de se basar suls Tractats per far valer lors dreches devant las jurisdiccions nacionalas. Aquò se nomena l'efècte dirècte de l'òrdre juridic comunautari en drech intèrne.

Associacion Europèa de Liure Escambi

L'Associacion Europèa de Liure Escambi (AELE, en anglés European Free Trade Association - EFTA) es una associacion qu'a per tòca d'establir una zona de liure escambi en Euròpa.

Comunautat Economica Europèa

La Comunautat Economica Europèa (CEE) nasquèt, aprèp lo fracàs de la Comunautat Europèa de Defensa (CED) e lo succès de la Conferéncia de Messina, 1èr al 3 de junh de 1955, en seguida de la signatura del Tractat de Roma, lo 25 de març de 1957 al capitòli de Roma.

Comunautat Europèa

La Comunautat Europèa èra une organizacion supranacionala reünissent qualques Estats europèus e caractezada per de transfèrts de competéncias importants consentits dins fòça matèrias pels Etats membres. La dintrada en vigor del tractat de Lisbona lo 1èr de decembre de 2009 acabèt amb la Comunautat europèa coma entitat juridica, sa personat juridica foguèt transferida cap a l'Union Europèa que n'aviá pas fins alara.

Lo nom de « Comunautat Europèa » remplacèt aquel de « Comunautat Economica Europèa » lo 1èr de novembre de 1993. L'adjectiu « economic » foguèt escafat de son nom pel tractat de Maastricht en 1992. Èra, amb la Comunautat Europèa de l'Energia Atomica (Euratom), un element de çò que se nomenava las Comunautats Europèas. Aquelas comunautats europèas formavan, avans la dintrada en vigor del tractat de Lisbona, un dels tres pilars de l'Union Europèa.

Comunautat Europèa de l'Energia Atomica

La Comunitat Europèa de l'Energia Atomica (CEEA), coneguda popularment coma Euratom, es una organizacion europèa que s'ocupa de l'establiment d'un mercat comun dels productes nuclears e dins lo desvolopament d'aquela industria nucleara amb de fins pacificas.

Sa composicion e son organizacion es plenament integrada dins los organs de foncionament de l'Union Europèa pasmens que siá una entitat complatament independenta. Son sèti es dins la vila bèlga de Brussèlas.

Comunautat Europèa del Carbon e de l'Acièr

Lo Tractat instituissent la Comunautat Europèa del Carbon e de l'Acièr (CECA) foguèt signat a París lo 18 d'abril de 1951 per Belgica, França, Itàlia, la Republica Federala d'Alemanha, Luxemborg e los Païses Basses. Iniciat per Jean Monnet, aviá una validitat de 50 ans; entrèt en vigor lo 23 de julhet de 1952.

La proposicion de sa creacion, anonciada per Robert Schuman (a l'ocasion de son discors lo 9 de mai de 1950 : jornada d'Euròpa), alara ministre francés dels Afars Estrangièrs, foguèt fòrça lèu acceptada per totes los païses que ratifiquèron lo Tractat en mens d'un an.

Constituissent la riquesa principala dels païses occidentals, l'acièr aviá jogat un ròtle important dins la Segonda Guèrra Mondiala (fabricacion d'armas).

Lo projècte consistissiá a metre en comun la produccion e lo consum de l'acièr e del carbon entre França e Alemanha per crear puèi una organizacion europèa dobèrta als autres païses d'Euròpa. Aqueste projècte aviá en particular una tòca politica, signant aquesta aliança alara qu'èrem pas qu'a la sortida de la guèrra, los dos païses fasián alara pròva de lor cooperacion e doncas de lor reconciliacion almens economica.

Darrièr l'aspècte purament economic s'amaga una volontat d'acampar los enemics ancians encara macats per las orrors de la Segonda Guèrra Mondiala, en contrarotlant las produccions de carbon e d'acièr que son a la basa de l'industria de guèrra.

Lo Tractat instaura un mercat comun del carbon e de l'acièr, suprimís los dreches de doanas e las restriccions quantitativas entravant la liura circulacion d'aquestas merças; suprimís tanben totas las mesuras discriminatòrias, ajudas o subvencions, que serián acordadas pels estats signataris a lor produccion nacionala.

Lo principi de liura concurréncia, tot en permetent als Estats de gardar un contraròtle sus lor aprovisionament, permetent lo manten dels prèses al nivèl mai bas possible, es adoptat.

La mesa en plaça del Tractat s'es facha en mai d'una etapa. Las doas principalas son:

la creacion de la Nauta Autoritat presidida inicialament per Jean Monnet, que son sèti èra a Luxemborg ;

la mesa en plaça d'un periòde d'adaptacion per las industrias nacionalas.La CECA èra ja anonciatritz de l'Union Europèa e de sas institucions :

La Nauta Autoritat (compausada de 9 membres), organ supranacional cargat d'elaborar las politicas relativas al carbon e a l'acièr, es l'ancèstre de la Comission Europèa. La Nauta autoritat serà fusionada en 1965 amb las comissions de la CEE e de l'EURATOM en 1967 en una comission unica, pel biais del Tractat de fusion dels executius.

Un Conselh dels Ministres que recampava los representants dels sièis païses.

Una Assemblada compausada de membres designats pels Parlaments nacionals. Aquesta serà puèi comuna a la CEE e l'EURATOM per aprèp donar naissença al Parlament Europèu

Una Cort de Justícia encargada de reglar los litigis eventuals.Totes aquestes organs an evoluit e se tornan trobar dins l'estructura de las institucions europèas actualas.

Lo mercat foguèt finalament entièrament dobèrt lo 18 de febrièr de 1953 pel carbon e la minièra de fèrre e lo 1èr de mai de 1953 per l'acièr.

Pel primièr còp dins la longa istòria d'Euròpa, los govèrns deleguèron una part de lor sobeiranetat a una Nauta Autoritat independenta de tot Estat membre. Jean Monnet vesiá dins las institucions supranacionalas la solucion als conflictes en Euròpa, segon el, las nacions ne trobèron pas d'entenda dins lo quadre de lor sobeiranetat nacionala e respectiva.

Aqueste Tractat es uèi escach. Foguèt lo precursor del Tractat de Roma, fondator de la Comunautat Economica Europèa que venguèt l'Union Europèa en 1992.

Comunautats Europèas

Las Comunautats Europèas son d'organizacions internacionalas regionalas qu'an la particularitat d'aver d'institucions comunas :

la Comunautat Europèa del Carbon e de l'Acièr (CECA), que cessèt d'existir en 2002,

la Comunautat Europèa (abreviacion CE), anciana Comunautat Economica Europèa (CEE)

la Comunautat Europèa de l'Energia Atomica (abreviacion Euratom).Las Comunautats Europèas forman actualament un dels tres pilars de l'Union Europèa. Los dos autres pilars son la politica estrangièra e de seguretat comuna (PESC), e mai la cooperacion policièra e judiciària en matèria penala.

Las Comunautats Europèas son membres especialament de l'OCDE e de l'OMC.

Cort de Justícia Europèa

La Cort de Justícia de las Comunautats Europèas (CJCE) es una de las cinc institucions de l'Union Europèa, amb la Comission Europèa, lo Conselh de l'Union Europèa, lo Parlament Europèu e la Cort dels Comptes Europèa.

Jos lo nom de Cort de Justícia de las Comunautats Europèas, aquela institucion recampa tres jurisdiccions :

la Cort de Justícia

lo Tribunal de Primièra Instància de las Comunautats Europèas

lo Tribunal de la Foncion Publica de l'Union Europèa.Lo seu sèti es a Luxemborg.

Lo seu ròtle es de resòlvre totes los contencioses juridics entre las Institucions, los Estats membres e los ciutadans, en vertut de las règlas contengudas dins los Tractats de l'Union Europèa.

Aqueste ròtle la destria de totes las jurisdiccions internacionalas per çò qu'aquesta jurisdiccion es obligatòria e las seunas decisions s'impausan dins tota l'Union Europèa.

Las competéncias de la CJCE seguisson en general las evolucions dels Tractats e l'aumentacion de las competéncias de l'Union Europèa.

Debats sus la retirada del Reialme Unit de l'Union europèa

La possibilitat d'una retirada del Reialme Unit de l'Union europèa (UE) es sovent mencionada dins los cercles politics britanics e europèus. Conegut coma lo « Brexit » (compausat dels mots Britain — « Grand Bretanha » e exit — « sortida » : sortida del Reialme Unit de l'Union europèa). L'oposicion a l'integracion europèa es presenta al Reialme Unit dempuèi lo començament de l'integracion a la Comunautat economica europèa (CEE) dins los ans 1970; mas pren progressivament d'importança pendent las decennias seguentas, alara qu'a la CEE se substituís una estructura mai organizada, l'Union europèa. Una bona partida del debat se fonda sus de donadas e projeccions economiqcas e financièras: una de las questions centralas es aquela de saber se lo Reialme Unit auriá mai de ganhar fòra de l'Union europèa qu'al dedins,. Aquela question al sen de la societat britanica se realiza en diferents referendums: un primièr en 1975, ont los Britanics decidisson de se mantenir dins la Comunautat economica europèa (CEE), e un segond en 2016, que los Britanics decidisson de quitar l'Union europèa amb 51,9 % dels vòtes exprimits.

Aquel referendum provòca la demission del Primièr ministre David Cameron (que li succedís Theresa May) e la creacion d'un secretari d'Estat a la sortida de l'Union europèa, qu'a aquel pòste es nomenat David Davis. Jean-Claude Juncker, president de la Comission europèa, confia a Michel Barnier la supervision de las negociacions per venir.

Drech d'autor

Lo drech d’autor (var. dreit/dret d'autor) es l’ensemble de las prerogativas exclusivas que dispausa un autor sus sas òbras de l’esperit originalas.

Se dividís en doas brancas :

lo drech moral, que reconeis a l’autor la paternitat de l’òbra e assegura lo respècte de l’integritat de l’òbra ;

los dreches patrimonials, que conferisson un monopòli d'expleitacion economic sus l'òbra, per una durada variabla segon los païses; a la fin d'aquela, l'òbra dintra dins lo domeni public.

Economia de Belgica

L'economia de Belgica benefícia d'una localizacion geografica centrala, d'una ret de transpòrt grandament desvolopada, e d'una basa industriala e comerciala diversificada. L'industria es concentrada principalament dins la region de Flandra, al nòrd. Amb paucs de ressorsas naturalas, lo país impòrta de grandas quantitats de materials bruts, e expòrta principalament de produches manufacturats. Lo resultat n'es una economia fòrtament dependenta dels mercats mondials. Lo 2009 las bancas bèlgas foguèron seriosament afectadas per la crisi financièra internacionala, e tres grandas bancas recebèron d'aportacions de capital del govèrn.

Lo país es un dels fondadors de la Comunautat Economica Europèa (CEE), e sosten fòrtament l'alargament dels poders de l'UE per integrar las economias europèas. Belgica foguèt un dels primièrs païses que signèt l'union monetària, en genièr de 1999.

Amb d'exportacions equivalentas a 2/3 del PNB, Belgica depend fòrtament del comèrci mondial. Lo país expòrta dos còps mai per cápita qu'Alemanha, e cinc còps mai que Japon. Los avantatges comercials del país venon de sa localizacion geografica centrala, e d'una fòrça de trabalh nautament educada, multilingüa e productiva.

Lo deute public representa 90% del Produch interior brut del país.

Euròpa

Euròpa es un continent o una partida d'Eurasia (peninsula occidentala), o quitament d'Eurafrasia, segon lo ponch de vista. Es de còps qualificada de « Continent vièlh », per oposicion al « Monde novèl » (America).

Lo gentilici es europèu -èa.

Hip-hop

Lo hip-hop,, musica rap,, o musica hip-hop, es un genre musical caracterizat per un ritme acompanhat de rap e de cants. Le genre s'es desvolopat coma un movement cultural e artistic aparegut als Estats Units a Nòva York, dins lo South Bronx al començament dels ans 1970. Originari dels guètos negres e latins de Nòva York, s'espandiguèt lèu lèu dins l'ensems del país puèi al monde entièr al punt de venir una cultura urbana importanta. La cultura hip-hop coneis plusors disciplinas : lo rap (o MCing), lo DJing, lo break dancing (o b-boying), lo graffiti, lo beatboxing. Aquelas disciplinas, aparegudas abans lo hip-hop, van èstre integradas tre la naissença del movement. Es pasmens de per son expression musicala qu'es mai conegut e, de fait, sovent reduit a aquela.

Institucions europèas

Las Institucions de l'Union Europèa (UE) son los organismes politics e institucions en que los Estats membres delegan una partit dels seus poders e sobeiranetat. La tòca es que de decisions e d'actes institucionals vengan d'organs de caràcter supranacional, que se vòl atal que s'aplica dins l'ensems dels estats membres, los organs de cada país abandonant atal lo seu poder pròpri.

Coma tot autre Estat l'UE dispausa d'un parlament, un poder executiu e independent, que son aparats e complementats per d'autras institucions.

Los tractats de l'Union Europèa son eles que crean las institucions e en elas se basan totas las activitats de l'UE. Actualament los tractats que definisson l'estructura institucionala son lo Tractat de Roma, que creèt la Comunautat Economica Europèa (CEE) en 1958, e lo Tractat de Maastricht de 1992.

Lo Tractat de reforma institucionala de la Union Europèa, segon la proposicion de la Presidéncia alemanda al Conselh de l'Union Europèa, se substituís a l'escas de la Constitucion Europèa.

Tractat de fusion de las Comunautats Europèas

Lo Tractat de fusion de las Comunautats Europèas, tanben conegut jol nom de Tractat de Brussèlas, foguèt signat lo 8 d'abril de 1965 e dintrèt en vigor lo 1èr de julhet de 1967. Gràcias a aquel tractat s'uniguèron las estructuras de las tres Comunautats Europèas: la Comunautat Europèa del Carbon e de l'Acièr (CECA), la Comunautat Economica Europèa (CEE) e la Comunautat Europèa de l'Energia Atomica (CEEA, Euratom).

Atal, se fusionèron las tres estructuras executivas de las diferentas comunautats, e se creèt una unica Comission Europèa e un unic Conselh, que seràn los organs de govèrn conjunt de las tres comunautats del moment. E mai, las tres comunautats partegèron l'usatge partir d'aquel tractat lo Parlament Europèu e la Cort de Justicia

Aquel tractat es considerat, d'un biais, coma lo començament de çò que serà (a l'avenidor) la modèrna Union Europèa, e foguèt abrogat amb la signatura del Tractat d'Amsterdam lo 2 d'octobre de 1997.

Tractats de Roma

Dos tractats foguèron signats a Roma lo 25 de març de 1957. S'apèlan lo Tractat de Roma (abusivament) o los Tractats de Roma.

S'agís :

del Tractat instituent la Comunautat Economica Europèa. Es l’acte fondator de la Comunautat Economica Europèa (CEE). Foguèt signat per Alemanha, França, Itàlia e los tres païses de Benelux : Belgica, Luxemborg e Païses Basses. Aqueste tractat instituiguèt lo Mercat Comun e definiguèt las basas de la Politica Agricòla Comuna (PAC) mesa en òbra en 1962.Constituís lo sol tractat de patz signat entre poténcias belligerantas europèas a l’eissida de la Segonda Guèrra Mondiala.

del Tractat instituent la CEEA, apelat Comunautat Europèa de l'Energia Atomica o Euratom.

De mai, lo Tractat CECA es estat junt a aquestes dos tèxtes.

Union Europèa

L’Union Europèa es una organizacion internacionala que recampa la majoritat dels estats del continent europèu. Aquela organizacion al còp supranacionala e intergovernamentala es estada establida amb aquela denominacion per 12 estats amb lo Tractat de Maastricht en 1993. L’Union Europèa completa compren la Comunautat Europèa, precedentament nomenada Comunautat Economica Europèa, dicha tanben Mercat Comun, tant coma doas formas de cooperacions institucionalizadas, la Politica Estrangièra e de Seguretat Comuna (PESC) e la cooperacion en matèria de justícia e d'afars interiors.

L’Union recampa vint e uèch estats europèus dempuèi lo 1èr de julhet de 2013 : Alemanha, Àustria, Belgica, Bulgaria, Chequia, Chipre, Croàcia, Danemarc, Eslovaquia, Eslovènia, Espanha, Estònia, Finlàndia, França, Grècia, Irlanda, Itàlia, Letònia, Lituània, Luxemborg, Malta, Ongria, los Païses Basses, Polonha, Portugal, lo Reialme Unit, Romania e Suècia.

Escudo de la provincia de A Coruña.svg Comunas de la província de La Coronha
La Coronha

Dins d'autras lengas

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.