Cambre

Cambre es un municipi de la província espanhòla de La Coronha e de la Comunautat Autonòma de Galícia.

  • Portau d'Espanha
Brussèlas

Brussèlas (Bruxelles en francés [bʁy.sɛl], Brussel en neerlandés, Brüssel en alemand, Brussels en anglés), es la capitala de Belgica e lo sèti dels govèrns e Parlaments de mantuna de sas entitats federadas (la Region de Brussèlas Capitala, la Comunautat Francesa de Belgica, la Comunautat e la Region Flamenca), e mai d'organizacions internacionalas, coma l'OTAN e de nombrosas institucions de l'Union Europèa.

Son nom se pronóncia localament en francés [bʁy.sɛl] (la « x » se pronóncia « ss »).

Lo gentilici es brusselés -esa.

La comuna de Brussèlas proprament dita esa constituïda de plusors territòris : d'en primièr lo pentagone qui delimita lo centre istoric, puèi las ancianas comunas de Laeken, Haren e Neder-Over-Heembeek, e enfin de las partidas de comunas vesinas anexadas que son lo quartier Nòrd-Èst amb l'extension modernista del quartièr nòrd amb sos imòbles torres, lo quartièr europèu e lo quartièr de l'avenue Louise lo bòsc de la Cambre e una part de la selva de Soignes.

La vila de Brussèlas s'estend sus 32,61 km2 e compta 179 688 abitants al 1èr de setembre de 2017, , siá una densitat de 5 510,21 abitants/km2.

Portau de Belgica

Cambra de las Comunas del Reialme Unit

La Cambra de las Comunas del Reialme Unit de Grand Bretanha e de l'Irlanda del Nòrd es la cambra bassa del Parlament del parlament del Reialme Unit. Coma la cambra nauta, la Cambra des lòrds, ten sesilha al Palais de Westminster.

La cambra de la Comunas es un còrs elegit de 650 members, los Membres del Parlament (MPs). Son elegits èsser represent de las circonscripcions per un vòte uninominal majoritari amb un torn e tenon sesilha fins a la dossolucion.

La Cambra de Comunas d'Anglatèrra se bastiguèt del sègle XIII a XIV. Ven vertadièrament Cambra de las Comunas de Grand Bretanha après las acte d'Union amb Escòcia en 1707, e prenguèt lo títol de "Cambra de la Comunas de Grand Bretenha e d'Irlanda" (House of Commons of Great Britain and Ireland) après acte d'Union amb Irlanda al començament del sègle XIX. "United Kingdom" se referís al Reialme Unit de Grand Bretanha e Irlanda de 1800, e ven Reialme Unit de Grand Bretanha e d'Irelanda del Nòrd après l'independéncia de la Republica d'Irlanda en 1922. Fina ala, la Cambra de la Comunas pòrta títol.

Amb lo Parliament Act 1911, Lo poder dels Lòrds de rebutar la legislacion foguèt reduch a un poder de retardar. Lo Govèrn es sol responsable a la Cambra de la Comunas e lo Primièr Ministre demòra a son pòsta fons a que garda lo supòrt de la majoritat a la Comunas.

Fitoterapia

La fitoterapia designa la medecina fondada suls extrachs de plantas e los principis actius naturals.

Se pòt destriar tres tipes de practicas:

una practica tradicionala amb de tòcas vertadièrament terapeuticas, a vegada plan anciana basada sus l'utilizacion de plantas que las vertuts se decobrigèron empiricament. Segon l'OMS, aquela fitoterapia es considerada coma una medecina tradicionala e massissament emplegada subretot dins los païses en via de desvelopament. Es mai sovent una medecina non convencionala a causa l'abséncia d'estudis clinics sistematics;

una practica que se basa sus la recerca scientifica dels extrachs actius de plantas. Los extrachs actius identificats son estandardizats. Aquela practica dona de medicaments farmaceutics o de fitomedicaments. La recerca sus aqueles produchs se fonda en partida sus las practicas tradicionalas descrichas mai naut, e pausa de greus problèmas etics e politics quand mena a la brevetabilitat del vivent;

una practica de profilaxia sens tòca a l'ora d'ara percebuda coma terapeutica, existissent ja dins l'Antiquitat. Es lo cas d'associacions tradicionalas en cosina, de tecnicas de conservacion, o de consomacion de produchs coma los tés o infusions. Quitament se las interaccions entre produchs usualament combinats son objècte de recercas, sol lo cas de produchs consomats de biais separats son ara gaire considerats coma fitoterapia.

Fougerolles-du-Plessis

Fougerolles-du-Plessis es una comuna francesa, situada dins lo departament de Mayenne e la region dels Païses de Léger.

György Ligeti

György Ligeti es un compositor romanesc-ongrés naturalizat austriac, nascut en Romania a Diciosânmartin ( Dicsöszentmárton en ongrés), ara Târnăveni lo 28 de mai de 1923 e mòrt lo 12 de junh de 2006 a Viena.

Ipotalam

L'ipotalam (del grèc : ὑπό, ipo = dejós e θάλαμος, talamos = cambre, clòt) es una estructura del sistèma nervió central, situada sus la fàcia ventrala de l'encefal. Aquesta partida del cervèl es constituida de diferentas sosestructuras, nomenadas nuclèus. Aquestes nuclèus son d'ensembles anatomicament independents de neurònas qu'asseguran diferentas foncions. Una de las foncions mai importantas de l'ipotalam es de realizar lo liagam entre lo sistèma nerviós e lo sistèma endocrinian pel biais d'una glandula endocrina: l'ipofisi.

Coma son nom l'indica, aqueste organ se situa en dejós del talamus, just al dessús del tronc cerebral e forma la partida ventrala del diencefal. Totes los vertebrats possedisson un upotalam. Per l'uman, es gaireben de la talha d'una amètla.

Mercé a sas connexions amb l'ipofisi, l'ipotalam es responsable de diferents procediment metabolics e d'autres activitats del sistèma nerviós autonòm. Permet la sintèsi e la secrecion de neuroormonas ipotalamics dans la tija ipofisària, que a lor torn estimulan o enebisson la secrecion d'ormonas ipofisàrias. Interven tanben dins la regulacion del sistèma nerviós autonòm e de las foncions endocrinas. Interven tanben dins lo contraròtle d'una larga gama de foncions corporalas comportementalas, inclusissent la reproduccion, la termoregulacion, lo contraròtle del ritme circadian o encara la fam.

Jan van Eyck

Jan van Eyck (nascut vèrs 1390 benlèu a Maaseik e mòrt a Brujas lo 9 de julhet de 1441) es un pintre nascut dins los territòris someses a l'autoritat del prince evesque de Lièja Joan de Bavièra (1390-1417), que ven son protector. Es celèbre per sos retrachs d’un realisme menimós. Sos quadres mai coneguts son Los esposes Arnolfini e la Verge del Cancelièr Rolin. Acabèt lo clèbre retaule de L'Anhèl mistic, començat pel fraire Hubert van Eyck. Es un dels primièrs artistas que signèron lors òbras.

Operacion Anubis

L'operacion Anubis es una operacion contra lo referendum del 1èr d'octobre en Catalonha. L'operacion foguèt executada lo 20 de setembre de 2017 perd la Gàrdia Civila sus òrdre de la cambra d'instruccion numèro 13 de Barcelona, que lo titular es lo jutge Juan Antonio Ramírez Sunyer. S'enregistrèron diferents sèris del govèrn catalan e se realizèt 15 detencions de nauts encargas, trabalhadors publics e responsables d'empresas avent collaborats a la preparacion del referendum.Pauc après l'arribada dels policèrs per far los escorcolhs, comencèron, de forma espontanèa, de concentracions de manifestantas en sosten del Govèrn de la Generalitat.

Pena de mòrt en França

La pena de mòrt en France existiguèt de totjorn fins a que foguèt abolida en 1981 pel president de la Republica François Mitterrand, fasent de França un dels darrièrs païses de la Comunautat Europèa a l'abolir. La darnièra persona a aver èsser executada es Hamida Djandoubi, en 1977 (e non Christian Ranucci coma aquò es sovent contat dins la premsa).

Persèu

Persèu (en grèc ancaen Περσεύς / Perseús), rei d'Argos, es un eròi de la mitologia grèga.

Persèu es lo filh de Danaèa, fillha del rei d'Argos, Acrisios. Aqueste darrièr, avertís per un oracle que son fellen lo tuarà, embarra sa filha dins una tor d'aram, çò qu'empacha pas Zèus de la seduire jos la forma d'una pluèja d'aur. Naís Persèu atal dins lo secrèt. Revelat a son grand per sos crits, es embarrat dins un cofre amb sa maire e geté als flots, que los pòrtan cap a l'illa de Serifos. Ambedos reculheguit per un pescador nomenat Dictis, qu'auça lo mainat coma son filh. Vengut adult, Persèu se vei confiar per Polidècte, lo rei de l'illa, la mission de tuar la Gorgona Medusa, que l'agach petrifica aqueste qu'atenh. Venceire mercé a las armas magicas donadas per Ermès e Atena, passa sul camin del retorn per l'Etiopia ont encontra la princessa Andromèda, que deu èsser liurada a un mostre marin en punicion de las paraulas imprudentas de sa maire Cassiopèa. Persèu la desliura e l'esposa. De retorn a Serifos, se venja de Polidècte, qu'ensagèt de violar sa maire Danaèa. Rejonh enseguida sa patria, Argos, qu'Acrisios fugís per paur de l'oracle per se refugiar a Larissa. Mas lo rei d'aquesta ciutat organiza de jòcs funeraris que Persèu pren partida. Lançant lo disc, tua accidentalament Acrisios, qu'assistís a las esprovas coma espectator. Al respècte per son defunt grand, Persèu escambia sa reialtat d'Argos contra aquesta de Tirint e dona l'illa de Serifos al pescador.

La legenda de Persèu coneguèt un grand vam après l’Antiquitat, subretot los episòdis de Medusa e d'Andromèda. Benlèu influencièt las legendas crestianas dels sants combatents de dragon, coma aquesta de sant Jòrdi. Nombre dels episòdis de la legende se tapan, mai o mens desformats, dins los contes tradicionnels del folclòre internacional, e sos motius faguèron l'objècte d'una codificacion per Stith Thompson.

Republica de Venècia

La Republica de Venècia dicha la Serenissima (en venecian, Serenìsima repùblica de Venessia) èra un Estat constituit pauc a pauc a l'Edat Mejana a l'entorn de la ciutat de Venècia, e que se desvolopèt amb l'annexion de territòris divèrs e d'establiments comercials lo long de las còstas de la Mar Adriatica, en Mediterranèa orientala e en Itàlia del nòrd, fins a venir una de las principalas poténcias economicas europèas. Venècia tenguèt alara una plaça de las primièras pels escambis economics entre l'Occident e l'Orient mediterranèu, bizantin o musulman.

La Serenissima, amb las seunas institucions oligarquicas remarcablament establas pendent prèp d'un milleni, tenguèt un ròtle politic essencial.

A partir del sègle XVI, coneguèt un periòde de declin politic e de regression territoriala un pauc amagada per una extraordinària florason artistica, abans de desapareisser, en 1797, vencuda per Napoleon Bonaparte, general d'una republica revolucionària al respècte del modèl venecian. La Serenissima, amb lo rèsta del seu domèni territorial, passèt alara amb lo tractat de Campo Formio jos la sobeiranetat autriaca.

Senat

Lo Senat es una institucion politica dins un regime bicameral, presenta dins diferents païses e a diferentas epòcas. Sps membres son nomenats senators e senatoras o senatiças. Lo nom ven de son origina del Senat roman; lo mot senat ven del mot latin senatus que significa « conselh dels ancians » (bastit sul meteis radical que senex, « un vielh », radical ques e trapa dins senil).

Ara, es mai sovent la « Cambra nauta » del poder legislatiu dins los regims d'un Parlament bicameral.

Sistèma de Westminster

Lo sistèma de Westminster es un sistèma parlamentari de govèrn basat sus aquel existissent al Reialme Unit. lo nom ven del palais de Westminster, lo sèti del Parlament del Reialme Unit.

Es utilizat dins gaireben totas la nacions del Commonwealth, per exemple dins las províncias canadianas a partir de la mitat del sègle XIX puèi pel quita Canadà, l'Austràlia, l'Índia, l'Irlanda, la Jamaïca, la Malàisia, la Nòva Zelanda, Malta e tanben dins los Estats o províncias federats d'aqueles païses.

Existís d’autres sistèmas parlementaris, per exemple aqueles d’Alemanha o d’Itàlia, que los procediments diferisson fòrça del sistèma de Westminster.

Teleferic

Un teleferic es un mejan de transpòrt per cable aerian.

Dins lo langatge comun, lo teleferic representa un equipament per pujar equipat de cabinas de granda capacitat anant a un suc mai sovent dificil d'accès.

En França, al sens reglamentari, designa totes los tipes de teleportats, es a dire, totas las categorias de transpòrts per cable dispausant de veïculs aerians, coma los telesètis o encara las telecabinas.

Tecnicament, designa una categoria de transpòrt per cable de construccion dicha « bicable »: las foncions « portar » e « tractar » utilizant de cables diferents. Un teleferic stricto sensu compòrta una infrastructura de rotlament fixe (un o mai cables portaires) ont circulan un o mai veïculs (cabinas o bènas per personas o materials, a l'imatge d'una installacion ferroviària), ligadas a un o mai cables tractors.Lo teleferic es utilizar per escalar un relèu penjat o passar una depression geografica (val, cors d'aiga). Es un mejan de transpòrt agradat per sa facultat a se sostraire de las constrenchas topograficas del terren (ligam dirècte), sos costs d'installacion e de foncionament contenguts e sa consomacion mesurada.

Lo teleferic es utilizat coma transpòrt en comun, per exemple en montanha, dins las estacions d'espòrts d'ivèrn per l'esquí alpin, mas tanben, per accedir a de punts isolats coma los miradors, o encora en mitan urban per aténher un territòri comunal de relèu dificil. Servís tanben coma transpòrt per compte pròpre, dins l'industria subretut.

Escudo de la provincia de A Coruña.svg Comunas de la província de La Coronha
La Coronha

Dins d'autras lengas

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.