Òrdre de l'Empèri Britanic

L'Excellentissim Òrdre de l'Empèri Britanic (en anglés: Most Excellent Order of the British Empire) es un òrdre de cavalariá del sistèma onorific del Reialme Unit. Foguèt establit en 1917 pel rei Jòrdi V.

La devisa de l'òrdre es For God and the Empire ("Per Dieu e l'Empèri"). Es l'òrdre mens important de totes los òrdres de cavalariá britanics, pr'aquò compta lo nombre mai considerable de guerdonats amb 100.000 membres vius dins lo mond entièr actualament.

The Corrs

The Corrs es un grop irlandés format per quatre fraires e sòrres que fan una combinason entre la musica tradicionala irlandesa e la musica pòp contemporanèa. Pendent sa carrièra an enregistrat de succèsses coma Runaway, Only when I sleep,I never loved you anyway, Radio, Breathless o Summer Sunshine, e se son venduts mai de 35 milions de sos disques.

Jim, Sharon, Caroline e Andrea Corr son originaris d'un villatge sonat Dundalk, a la termièra amb l'Irlanda del Nòrd. Sos parents, Gerry e Jean, musicians totes dos, los inculquèron sa passion per la musica e los encoratgèron a aprendre a jogar de diferents instruments. D'en primièr Sharon e Jim comencèron de jogar dins un pub, e mai tard, los quatre fraires e sòrres formèron lo grop.

Lo primièr pas cap a la capitada foguèt quand participèron a un casting pel filme d'Alan Parker The Commitments. Ailà foguèron escotats per John Hughes, que decidiguèt venir son manager. Foguèt gràcias a el que coneguèron son primièr productor, David Foster.

Lo grop sortiguèt en 1995 son primièr àlbum de títol Forgiven not forgotten (Perdonat mas pas doblidat) que se vendèt a cinc milions de còpias aperaquí. Foguèt seguit del disc mai famós, Talk on Corners en 1997 e puèi una edicion especiala en 1998. Puèi espeliguèt l'àlbum del concèrt acostic per MTV, Unplugged, e l'àlbum d'estúdio In Blue l'an 2000, que permetèt al grop de conquerir lo mercat american gràcias al títol Breathless.

L'annada seguenta se faguèt la recopilacion Best Of que compta amb la collaboracion de l'espanhòl Alejandro Sanz. En 2002 presentèron un concèrt a la television VH1 que i participèron tanben Bono (U2) e Ron Wood amb de tèmas novèls. Lo concèrt seriá editat en CD jol nom de VH1 Presents: The Corrs, Live In Dublin. Aprèp quatre annadas qu'editèron pas cap d'album, publican en 2004 Borrowed Heaven e en 2005 sortisson son darrièr album, Home, que repren de tèmas tradicionals irlandeses e de cançons inspiradas d'aquesta mena de musica, en ensajar aital de tornar cap a las originas del grop. Segons lo site oficial del grop, lèu se publicarà Dreams: The Ultimate Corrs Collection.

En 2005 foguèron decorats de l'Òrdre de l'Empèri Britanic per sas contribucions a d'òbras de caritat e l'industria musicala.

Dins d'autras lengas

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.