Rife

Rife es linie o katene de rokes pokim sub li surfase del mare.

Korali-rife es spesial tipe de rife (vida anke koralie).

Lionfish in coral reef 2004-11-17.jpeg
Fishe in korali-rife
Atole

Atole es tipalim sirklari korali-rife kel enklosa lagune.

Multi atoles, kel ofte suporta isles, bli trova in li Pasifiki oseane.

Koralie

Koralie es mikri maral animale, li kalke-skeletes de kel forma korali-rifes e isles in varmi mares.

Li maxim multi koralies kunjunkte in kolonies e sekrete exteri kalke-skeletes. Li oldi membres del kolonie gradualim mori, lasant sen skeletes.

Vegetatione solidifika li forlasat skeletes, formant korali-rifes. Inter li tipes de korali-rifes es bare-rifes e atoles.

Lagune

Lagune es korpore de aque separat fro li mare da rive o rife.

Lagunes bli trova ofte in areas de korali-rifes (vida anke atole).

Lagune pove anke bli forma kand li mare krea bare-plaje ye alti mar-nivele.

Maral biologia

Maral biologia es li siential studio del plantes, animales e altri organismes kel habita in li oseane. Pro ke in biologia multi filumes,

families e genres have kelki spesies kel habita in li mare e altris kel habita sur li lande, maral biologia klasifika spesies segun environmente e non segun taxonomie.

Es multi praktikal resones por studia maral biologia. Maral vivo es vasti fonte, kel provise manjaje,

medisine e materies e anke helpa suporta rekreatione e turisme tra li omni monde. An fundamental nivele, maral vivo helpa determina li esential nature de nusen planete. Maral organismes produkte multu del oxigene kel nus spira e probablim helpa regla li klimate del Tere. Nusen litores es partim format e protektet da maral vivo e kelki maral organismes even helpa krea novi lande. Li oseane es vasti e kontena multi kuriosi e marvelosi kreatures.

Altri lingues

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.