Kulture

Li vorde kulture, fro li latini colō, -ēre, kel signifika "kultiva", generalim refera a shablones de homal aktivitate e li simboli struktures kel dona signifiko a tal aktivitate. Diferanti definitiones de "kulture" reflekte diferant teorial bases por komprenda o kriteries por evalua homal aktivitate. Antropologes ordinarim usa li termine "kulture" por refera al universal homal poveso por klasifika, kodifika e komunika simbolim sen experienties. On ha longitem komprenda dis poveso kom definanti trete del genre Homo. Tamen, primatologes ha identifika tretes de kulture inter nusen maxim proximi parentes in li animale regia.

Afrika

Afrika es li duesmi maxim grandi e duesmi maxim populosi kontinente del monde, after Asia.

Kun area de sirk 30 370 000 km² (11 730 000 mi²) inklusent lun proximi isles, lu kovra 5.9% del total surfas-area del Tere, e 20.3% del total land-area. Kun super 840 000 000 homes (ye 2005) in 57 teritories, lu have super 12% del homal populatione del monde.

Agrikulture

Agrikulture es li prosedo de produkte manjaje, furaje, fibre e altri produktetus per li sistemi kultivo de plantes e animales.

Agri es fro li latini vorde ager, signifikant "agre", e kulture es fro latini cultura, signifikant "kultivatione" ye li strikti sense de plugo del suele. Li historie de agrikulture es proximim konektet al homal historie, e agrikultural developos ha es importanti influos de sosial chango, inklusent li spesialisatione de homal aktos.

Antiquitate

Li antiqui epoke o antiquitate (o antiqueso in Novial 30) es li periode del historie inter li nasko del skripture e li yare 400 KE kand germanes komensa tu okupa partes del romani teritorie, tum kel marka li komenso del Medieve. Le es, dunke, li unesmi proprim historial periode.

Li developamente did varia multisim in funktione del studiat regione, ma a grandi tretes pove karakterisa se kom li epoke del sosial spesialisatione, del nasko del majoritate de sienties e aktual artes e de grandisi demografial expansione kel did porta a krear grandi imperies. Have a non obliver ke in li sami dates un popule pove vivar tamen in li prehistorie (o protohistorie) e altri pove haver evolu tre.

Li max abundant politikal rejime es li monarke. Texe li afere generalim, kun li aparitione del moneye e del grandi vies de interkambio.

Li antiquitate kontena du epokes:

Antiqui Oriente, kun li max alti nivele del unesmi sivilisationes al Extremi Oriente (China, India) e al Proximi Oriente (Mesopotamia, Egiptia).

Klasiki antiquitate, kun li predominanse del antiqui Grekia e Roma.

Artes

Li artes es larji subdivisione de kulture, komposit ek multi expresiv fakes. In moderni uso, le es plu larji termine kam arte, kel ordinarim signifika li vidal artes (komposit ek amb faine arte e handfabriko).

Presis definitione de li artes pove bli argumental, ma li sekuenti areas de aktiveso es ordinarim inkluset:

Arkitekture

Arte & Vidal artes

Handfabriko

Danso

Desino

Konturo

Filme

Lingue

Literature

Musike

Opera

Pikto

Fotographia

Poesie

Skulpto

Teatre & Pleo artesHistorialim, li artes anke inklused li liberal artes instruktet in medieval universitates kom parte del Trivium (gramatike, logike e retorike) e li Quadrivium (gramatike, retorike, logike, aritmetike, geometria, musike, and astronomia.)

In moderni akademie, li artes es ordinarim grupat kun o es inkluset in li homal sienties. Kelki temes in li homal sienties es historie, linguistike, literature e filosofia.

Asia

Asia es li maxim grandi e maxim populosi kontinente del Tere. Traditionalim lu es definit kom parte del land-mase de Afrika-Eurasia kel lia est li Suez Kanale, est li Ural Montes e sudest li Kaukasus Montes e li Kaspian e Nigri Mares. Sirk 60 % del homal populatione del monde habita in Asia, ek kel nur 2 % habita in li norde e interni duime (Siberia, Mongolia, Kazakhstan, Xinjiang, Tibet, Qingha, vesti Uzbekistan e Turkmenistan); li altri 98 % habita in li seteri duime.

Kontinentes es konsepture de homal geografia (tu es, land-formes kom interpretat da homes), non de geologia o fisikal geografia, e definitiones pove varia. Li konsepture del tri kontinentes del Oldi Monde veni fro klasiki antiqueso e li etimologia del vorde anke have radikes in li ansieni Proximi e Medi Este. Asia e Afrika renkontra mutu an li Istme de Suez e li Red Mare. Es ordinarim kredat ke li borde inter Asia e Europa vada via li Dardaneles, li Mare de Marmara, li Bisporus, tra li Nigri Mare, li Kaukasus Montes, li Ural Fluvie til lun fonte, e li Ural Montes a li Kara Mare, proxim Kara, Rusia.

Es kelkitem nonklari tu in kel Asia presisim konsista. Segun kelki definitiones, lu pove exluse Turkia, li Medi Este e Rusia. Asia kelkitem es usat plu striktim por refero a Asia-Pasifike, kel non inkluse li Medi Este o Rusia e non inkluse li isles del Pasifik Oseane, kelkis ek kel on konsidera anke kom parte de Australasia o Oseania. Asia kontene li indi subkontinente, li arabi subkontinente e piese del nord amerikani plate in Siberia.

Dante Alighieri

Durante degli Alighieri, generalim konosat kom Dante, (sirk 1 de june, 1265 – 13/14 de septembre, 1321) esed italiani florentiani poete. Lon maxim grandi verke, li Divina Comedia (Li Divin Komedie), es regardat kom li maxim grandi literatural verke produktet in Europa durant li medieve e kom li fondatione del moderni italiani lingue. Li Sosiete de Dante Alighieri, fondat in Italia ye 1889, kontinua promote italiani kulture e lingue trans li monde ye lon nome.

Europa

Europa konventionalim es konsiderat kom un ek li set kontinentes. Disi distinktione es, ye disi kasu, plu kultural e plu politikal kam fisiogeografial. Fisikalim e geologialim, Europa es subkontinente o grandi peninsule, formant li maxim vesti parte de Eurasia. Europa es sirkumdat an li norde dal Arkti Oseane, an li veste dal Atlanti Oseane e an li sude dal Mediterani e Nigri Mares e li Kaukasus. An li este li marjine de Europa es vagi, ma traditionalim es li Ural Montes e li Kaspiani Mare an li sud-este: li Ural Montes es konsiderat da maxim multes kom geografial e tektoni land-marke kel sepera Asia fro Europa.

Europa have li duesmi maxim mikri area del kontinentes del monde, kun sirk 10,790,000 km² (4,170,000 mi²) o 7.1% del sufase del Tere, e es plu grandi kam nur Australia. Lu have li triesmi maxim grandi populatione del kontinentes del monde (Asia e Afrika es plu grandi) kun populatione de super 700,000,000, o sirk 11% del populatione del monde.

Historie

Historie es sientie, kel studia kronologia de preteriti eventes de li homaro e kulture.

Iran

Iran es lande de sudi Asia. Lun ofisiali lingue have nome Persanum. Iranum es li nome del familie de lingues vor li Persanum es. Quankam es indo-europani lingue on skrive la kun arabi literes.

Iran produkte multe petrolie, tum kel fa ke lu interesad multim li britanianes e li rusianes rivali, pos li amerikanes.

L'unesmi minstro, chefo del governe Mossadegh probad tu nationalisa li petrolie e kun l'ameriki helpo li shah rego did prenda li omni povo.

Depos 1979 e li venite del ayatollah Ruhalah Khomeini Iran es islami republike ma lu have liber elektiones anke si les es limitat a kelki parties. Lu have chefim lati nivele de kulture e de lerne anke por li femas.

Pro ansieni traditione li Iranianes parla ofte fransum.

Lapin Kulta

Lapin Kulta (novialim ore de Laponia) es bire produkteti in li urbe Tornio in finlandani Laponia.

Manjaje

Manjaje es substantie kel es manjat por kalories.

Miguel de Cervantes

Miguel de Cervantes Saavedra, generalim konosat kom Miguel de Cervanes, (sirk 9 de oktobre, 1547 – 16 de aprile, 1616) esed spanum skritpero. Lon maxim grandi verke, li Don Quijote de la Mancha, es regardat kom li maxim grandi literatural verke produktet in Europa. Li Instituto Cervantes, fondat in Spania ye 1990, kontinua promote spanum kulture e lingue trans li monde ye lon nome.

Mistral

Frederic Mistral (1830 - 1914) skripted poemes en dez-du kantos e altri kun dek, irgitem kun tre komplexi e eleganti versifikatione : Mièrio, Calendau, Lou pouèmo dou Rose, Nèrto, uni pese de teatre "La rèino Jano" e multi poemes.

Lun unesmi sukseso esad Mirèio, nome de la heroia, en 1859, pri kelen Alphonse de Lamartine skriptad en Le Figaro, grandi jurnale literari del tempe. Lamartine did fa tre romantiki presentatione de Mistral "yuni poeta de nature sin li influense del Kulture" kand en fakte Mistral fa referensie à Homeros e did fa klassiki studies kun oldi latinum e grekum.

Poke konosat es ke, du yares ante, did bli fakta che li editore Aubanel en Aix-en-Provence un unesmi editione kel non haved sukseso. Li parisiani sukseso did fa li provensali sukseso.

Mistral resevad rapidim li legione de honore del emperere Napoleon III e tre tardim del Republike kand lu esed tre oldi.

Tamen lu skriptad multi poemes por li Republike, l'unesmi durant li Revolutione de 1848 kel esed fransim e terminad chaki parte kun li verse "Guerre éternelle entre nous et les rois !" (eterni guere inter nus e li regos)

Lo skripted plu tardim en li rekolto "lis oulivado" / li landes del olives li poeme "lou tambour d'Arcolo" a la glorie del Republike.

Lo kread li movimente, poetiki e kultural "lou Felibrige" kel exista anke nun.

Lo blid granta li Premie Nobel de literature en 1904

Lo morid en martie 1914.

Platone

Platone (Grekim: Πλάτων, Plátōn, "kun larji broves") (428/427 A.K.E. – 348/347 A.K.E.), esed ansieni greki filosofe. Kun lon instrukte, Sokrate, e lon studente, Aristotéles, Platone fad li filosofial fondationes de Westi Kulture. Platone anke esed matematikere, skriptere de filosofial dialoges e li fondere del Akademie in Atene, li unesmi institutione de plu alti lerno in li westi monde. On kreda ke Platone esed studente de Sokrate, e tam influat da lon penso kam da te kel lo kredad kom li desjusti morio de sen instukte.

Plesire

Plesire es li stando de konsientie oposit a dolore. Ciceron faktim ha skripte ke: Omne id, quo gaudemus, voluptas est, ut omne quo offendimur dolor. ("Omnum, per li kel nus jua, es plesire, kom omnum per li kel nus sufra, es dolore.") Genres de plesire es inter altris: amo, extateso, euforie, feliseso, juo, glorie, delektatione. Psikologia e biologia rekonosa mekanismes de plesire e de dolore kom fundamentes de omni komportamentes de biologial spesies.

Li fonte de tre de plesirant koses es biologial impulso al saturar se: per manja, per defeka, per dormi, per kalme, per lude, per exersar, per purifika, per konversatione, per amar, per sexu. Ma anke agradable experienties veni fro komprensiones sosial: servo, amikeso, rekonosantie, glorie, gratie. Anke frequentim plesire veni fro gusta in kulture e in sosial aktivesos, kom beli artes, musees, e literature.

Sokrate

Sokrate (Grekim: Σωκράτης, Sōkrátēs) (470/469 A.K.E. – 399 A.K.E.), esed ansieni greki filosofe. Kun lon studente, Platone, e Aristotéles, Sokrate fad li filosofial fondationes de Westi Kulture. On kreda ke Platone esed studente de Sokrate, e tam influat da lon penso kam da te kel lo kredad kom li desjusti morio de sen instukte.

Sosiologia

Sosiologia (fro latinum: socius, "kompane"; e li sufixe -ologia, "li studio de", fro Greek λόγος, lógos, "savo") es li sistemati e siential studio de sosie, inklusent shablones de sosial relatos, sosial aktos e kulture.

Areas studiat in sosiologia vada fro li analiso de kurti sosial kontaktos inter anonimi individus sur strade al studio de global sosial prosedos.

Diversi subfakes de sosiologia konsentra ye qualim e pro quu homes es organisat in sosie, od kom individus o kom membres de asosiationes, grupes e sosial institiones. Kom akademial fake, sosiologia maxim ofte bli konsiderat kom parte del sosial sienties.

Tampone-klube

Tampone-klube es klube de plesire.

Membres de tampone-klubes sempre porta tampone.

Si du membres renkontra, chaki de les darfa demanda altri montra tampone.

Membre kel non pove montra tampone de le, poves pro ke le did oblive tampone che len hene, le mus pager mikri amende.

Disi moneye bli usa kompra biere por sekuenti sesione de tampone-klube.

Tampone-klubes did exista aminim depos medium de duantiesmi sekle in Bavaria.

Super sent tampone-klubes exista in Bavaria.

Altri lingues

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.