Komerse

Komerse es li kambio de koses e servisos inter li produktere e klientes. Komerse es li sentral mekanisme de kapitalisme e altri ekonomi sistemes.

Wojciech Gerson - Gdańsk in the XVII century
Gdańsk
Commerce-alimentation-generale-paris
Andreu Nin

Andreu Nin, Andreu Nin i Pérez de lon kompleti nome naskad al Vendrell en Katalunia en 1892, filio de shuero e rurana. Lu aprendad li esperanto en 1907 e, du yares afte participad tu krea li grupe esperantisti Frateco al Vendrell, vor lo fad klases de disi lingue.

Lo did skripte artikles en li lokali jurnales pri li Esperanto.

Kand did resta en Barselona, devenid membro del grupe Barcelona Stelo.

Lo did fa studies a l'Institute de Tarragona e superiori studies a li Normali Skole de Barselona. Lo devenid dunke magistro de skole en 1911.

En 1914, lo did liva li skole por fa jurnalisme en revues e jurnales kom el Poble Català e la Revista Pedagògica de l'Institut d'Estudis Catalans.

Lo aderad a la Unió Federal Nacionalista Republicana (UFNR). (katalani nome)

En1913 lu livad li federali republikanisme e pasad al Federatione del Partido Socialista Obrero Español en Katalunia, kun interuptes.

Del fine de 1914 til li autumne de 1917 lu laborad kom representato de komerse al arabi landes. Lo skripted en li revue La Barricada.

Li yare 1917 did es tre importanti en lun vivo : generali strike del mensu Aguste, Rusi Revolutione, luktes en li barseloni patronaje e li sindikates, primim li CNTConfederacio Nacional del Trebalh / Confederacion nacional del Trabajo (anarkiste) Nationali Konfederation del Laboro. Lu devenid sindikaliste al CNT e un jorne sal es li chefo. Lu adera rifoy al PSOE. (Partido Socialista Obrero Español)

Kom delegato al duesmi konfero del CNT, lu proposid ke li sindikate mey envada en li triesmi internationali. Tum esed konsenta ma li sindikate kontinuad vers li anarkisme, e en julie 1921 li CNT ekvadad del triesmi internationle por afilia-se al internationale de Berlin.

Nin vivad pos 1921 a Moskva, vor lu konosad Lenin e Trotski. Lo laborad en li komunisti internationale. En 1926 lo elekted li plataforme de Trotskîi "komunisti opositione" (a Stalin kel esed chefo del Komunisti Partie afer li morie de Lenin en 1924)

En 1936 lo did muss ekvada fro li URSS por evita li morie.

Lu aderad al Bloc Obrer i Camperol (BOC) laboristi e rurani Bloke (en katalanum). Lo livad li Trotskisme kand Trotski non aprobad li proklamatione del Katalani Republike en oktobre de 1934.

Li Bloc Obrer i Camperol s'unioni kun li Izquierda Comunista Komunisti Lefte por forma li POUM (Partit Obrer d'Unificació Marxista), kel dikted-se komuniste ma non staliniste.

Al komenso del sivili guere de Spania Nin esed conseller (ministro) de Justise e Drekte en li katalani governo.

Ma en li governo li POUM did es marjinalisa da li (PSE-PSUC) Partido Comunista de España - Partit Socialista Unificat de Catalunya del reali povo den li katalani e spani governes serchad li militari helpo del URSS.

Nin serchad alianse kun li anarkistes del CNT kel did refusa-lu.

Kand li anarkistes did fa revolte li komunistes prendad li omna povo en Katalunia e arrestad anarkistes e militantes del POUM. Li komunistes did aresta Andreu Nin li 16 de junie 1937 davan li sedie del POUM al Rambla.

Li komunkistes lo trasportad a Valensia vor rusi "kooperantes" torturad-lo. Li rusi generale Aleksandr Orlov tuad-lo arachand lon pele til Nin morid.

Pos li komunisti partie de Spania fad uni kampanie de kalomnie diktend ke Nin esed "refujiat a Berlin" !

Li tuere Aleksandr Orlov ekvadad del URSS afer li mondiale guere e refujiad-se en li Unioni States del Amerika vor lo trovad protektione til morid.

Nin skripted multi en katalanum e spanium.

Les dictadures dels nostres dies (1930).

El proletariado español ante la revolución (1931).

“Els moviments d'emancipació nacional” (1935): promou el dret a l'autodeterminació dels pobles.

Traduktiones del rusum al katalanum e spanium :

1929 : Crim i càstig de Fiódor Dostoievski

1929 : Historia de la cultura rusa de Mikhaïl Pokrovski

1929 : Mis peripecias en España de Lev Trotski

1931 : Stepàntxikovo i els seus habitants de Fiódor Dostoievski

1931 : Cartas íntimas de Lenin

1931 : El Volga desemboca al mar Caspi de Borís Pilniak

1931 : La revolución rusa de Mikhaïl Pokrovski

1931 : Historia de la revolución rusa (La revolución de febrero). de Lev Trotski

1932 : La literatura rusa de la época revolucionaria de Viatxeslav Polonski

1932 : Historia de la revolución rusa (La revolución de octubre) de Lev Trotski

1935 : La primera noia: història romàntica de Nikolai Bogdànov

1935 : Què ha passat? de Lev Trotski

1935 : Bakunin de Viatxeslav Polonski

1935 : Anna Karènina de Lev Tolstoi

1936 : Una cacera dramàtica. d'Anton Txékhov

1936 : Prou compassió! de Mikhaïl Zósxenko

1974 : Infància, adolescència i joventut de Lev Tolstoi

1976 : La revolución permanente de Lev Trotski

1982 : L'Estepa i altres narracions d'Anton Txékhov

Tradutione fro li fransum en katalanum

1935 : L'insurgent de Jules Vallès.

Lude-teorie

Lude-teorie es aplikatione de matematike e logike a desisiones in ludes, e per extensione, in komerse, politike e milite.

In singulari ludes (ex. Solitaire) li strategie de li ludere bli determina nur dal regles.

In dual ludes (ex. shake, futbale) li strategie de un ludere mus egarda li strategie del altri ludere.

Du chefi strategies es usabli in dual ludes:

minimax, in kel un ludere evalua sen probabli maximi perdo e proba tu minimisa lum;

maximin, in kel un ludere evalua sen probabli minimi gano e proba tu maximisa lum.John von Neumann demonstrad in 1928 ke strategiale, dis du strategies internega, dunke li resulte del maxim multi ludes bli determina nur dal regles.

Paul Bastid

Paul Bastid naskad li 17 de maye 1892 a Paris vor lo morid li 29 de oktobre 1974.

Paul Bastid esed deputate del Cantal e politi viro. Kom esed ofte kun li deputates lo naskad ferni del Auvernia en auverniati familie.

Lo esed anke mininstre del Komerse en li governe de Fronte Populari. Justi ante lo esed presidente del Asemblee Nationali, de 1934 til 1936.

Lo esed tre amati da li homes del departamente kel vokad-lo afectuosi Bastidou.

Lo esed agregati de Filosofie, un konkurse tre disfasili de profesore.

Lon du avos Raymond Bastid e Paul Devès esed ja deputatos, e li duesmi did es anke senatore e ministre.

Lo did publika "Sieyès e sa pensée" / Sieyès e lon pense.

Lo esed del Patise Radikali e blid elekti li unesmi foye en 1924. Lo esed anke presidente del Departamenti Konsilie depos 1934.

En 1940 lo esed inter li deputates kel embarkad sur li nave Massilia til Algeria por kontinua li resiste e li libri fransiani state.

Kand Pierre Laval did anula li ordine lo esed kun li atri ferni de Vichy e lo non did pova vota konter li pleni poves al mareshalo Pétain.

En 1941 li kolaborationisti governe de Pétain demised-lo de lon fonctione de deputate e lo envada en li Resistense en Lyon. Lo devenid li representante del Partise Radikali en li Konsilie Nationiali del Resistense.

En aprile de 1945 lo blid venkati a li elektiones por li Asemblee Konstituanti. Lo presenta-se kandidate deputate a Paris en 1946. Lo bli elekte.

En 1951 lo did bli venka e abandona li politi kariere.

Altri lingues

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.