Nokieksel

Een Nokieksel (ook: Nakieksel) is een (druckt ellers ook elektronschet) Book, wo een wat nokieken kann. In mennig Spraaken heet dat Lexikon, Lexicon ellers ook dictionary un dictionarium. Wenn een Nokieksel good wat binn hett, denn ward dat ook encyclopedy, encyclopaedia ellers Enzyklopädie naamt. To'n Bispill de Encyclopedia Britannica un de Brockhaus. Un de ingelsche Wikipedia is meist dat dickste Nokieksel in dat Internet.

Der Neue Pauly

Etymologie

De Etymologie vun de Woort is en bewusst schaapte Woortbedüden. Se kümmt vun dat Verb nokieken. Dat meent, dat een dor rinkieken kann un denn wat plietscher warrt. Even wieldat sik ut dat Woort nokieken ok Nokixel maken laat, hett sik dat dörsett. Denn dat Woort Nokixel bedüdet, annersrüm lesen, Lexikon. Nadem dat Woort nich mehr so dull as en spraaklichet Speel wahrnahmen warrt, sünd de mehrsten to de ursprüngliche Schrievwies trüggkehrt un schrievt dat nu Nokieksel.

Un dat hett noch wat mit op sick. So as du Nokixel ook annersrüm lesen kanns, kanns ook in een Nokieksel vun achtern (ellers ook in de Mitt) anfangn. Dat gifft jümmers noch een Sinn; sotoseggen en Achtersinn.

Book

Dat Book (n., pl. Böker, Beuker, Beukers) - dat is Papeer, wat bunnen is un wo wat binnen steiht.

Böker gifft dat 'n ganzen Slag. Dat beropenste is de Bibel, wat de Hillige Schrift is. Dat is in meist jede Spraak översett, de dat gifft, ok in't Plattdüütsche.

Böker sünd to'n Lesen dor. Kannst ok Schmökern seggen, wiel di de Smook ut de Lepel rutkümmt, wenn du dor richtig binnen büst un nix mehr markst vun de Welt.

Et gifft ganz ünnerscheedliche Böker, wat dat angeiht, wat binnen steiht, t.B.

dat Kontobook, wo dat Geld opschrieven ward

dat Lederbook, wo Leder to'n Singen binnen sünd, t.B. för de Kark

dat Gedichtbook, wo allens in Reime schreven ward

dat Nokieksel, wat en Lexikon odder en Enzyklopädie sien kann.

dat Billerbook, wo blots Biller binnen sünd. Is meist för de Kinners.

de Romaan, wat en grötteret Vertellen is:

de Krimsche, wat de Kriminolromaan is un vun Verbrekers hannelt

de Leevesromaan, wat besünners wat för Fruunslüüd is

de Tokumstromaan, wat ok op ingelsch Science Fiction heet.Alle Böker, egal wat dor insteiht, hebbt mindest enen Schriever hatt.

Wenn een Book veele Sieden hett, wart dat bunnen. Dat mokt de Bookbinner. Wenn dat bannig veele Sieden sünd, dat mookt de Bookbinner mehr Bände.

Um de Sieden to moken, bruukt een'n Papeer. Üm dat wat op to schrieven, ohn dat een dat veel mol kopeern mutt, ward dat Book druckt. De Technik dafür heet Bookdruckeree. Ok de Billers wart so in dat Book druckt.

Im reypen Koren

Im reypen Koren is en hoochdüütsch schreven Nakieksel un Bibliografie för dat Suurlänner Platt. Schreven hett dat Book Peter Bürger.

Dat Book hett op 768 Sieden över 900 Indrääg to Themen rund üm den Suurlänner Dialekt von dat Plattdüütsche in den Hoochsuerlandkreis, de Kreise Olpe un Soest un dat märksche Suerland, deelwies ok de Rebeden, de dor an grenzt. Vör allen de Schrievers warrt mit jemehr Warken vörstellt. Dorbi sünd ok Lüüd opnahmen worrn, de blot lüttjere Saken schreven hebbt un to ’n Bispeel in de PBuB nich opnahmen sünd. 15 Johr hett Bürger tobröcht, de Infos tohooptobringen, de in dat Book sammelt sünd. Rutgeven hett dat Book 2010 dat Esselsche Museum.

Lexikon vun’n internatschonalen Film

Dat Lexikon vun’n internatschonalen Film is en mehrbännig Nakieksel mit Filmkritik un annere Indrääg to all Kino- un Feernsehnfilmen, de siet 1945 in Düütschland to sehn weern. Dat Nakieksel warrt jümmer wieter schreven, un Deelen dorvun sünd ok över verschedene Filmdatenbanken aftoropen.

Naokieksel

Dat Naokieksel vun Klaus-Werner Kahl is dat eerste druckte Nakieksel, dat op Plattdüütsch rutkummt. In 1200 Indrääg mit 1500 Biller vun Aalfat bet Wöpsenflaige beschrifft Kahl Themen, de mit dat Plattdüütsche un dat Mönsterland to doon hebbt.

Dat Naokieksel schall vun Dezember 2008 af an to köpen wesen. Dat gifft ok en Online-Utgaav vun dat Naokieksel op Kahl sien Websteed. De Online-Utgaav warrt al siet Juli 2001 pleegt.

Wikipedia

Wikipedia is en free Nakieksel, wo elkeen an mitwarken kann. Elkeen kann glieks en Artikel schrieven oder ok en Artikel, den dat al gifft, verbetern. Wikipedia kümmt vun dat hawaiische Woord wiki, wat op plattdüütsch gau heet. Un pedia kümmt vun encyclopedia, wat Nakieksel op Ingelsch is. De Inholt steiht ünner de Lizenz GNU-FDL.

Wöörbook

En Wöörbook is en Nakieksel, dat de Woortbedüden vun en Spraak oder anner spraakliche Eenheiten gifft, meest in en alphabetisch sorteerte List. För jeden Indrag warrt faken verkloren Informatschonen oder spraakliche Äquivalent geven.

En Wöörbook in'n engern Sinn deent to't Nakieken vun spraakliche Informatschonen, wieldes de Utdruck in de wiedere Bedüden ok anner na Steekwöör ünnerdeelte Nakieksels mit primäär relevante Informatschoon as Mengformen vun twee Typen rinfaat.

Annere Spraken

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.