Historie

Historie is de Lehr vun verleden Tieden, Zivilisatschoonen un Sellschoppen. Dat Woort Historie kummt vun’t Ooltgreeksch historia (ἱστορία) för „wat een weten will“.

Bremen

Bremen is een Stadtstaat un dat lüttjeste Bundsland vun Düütschland mit 650.000 Inwahners (Lann) oder 550.000 Inwahners (Stadt). To’t Lann warrd ok Bremerhoben tellt.

De Stadt höör al fröh in siene Historie to de Hanse to. Ok vandaagen is Bremen en Hansestadt. Offiziell heet se Free Hansestadt Bremen. Op Plattdüütsch nennt man se ook „Breem“ oder „Bräm“. In dat Johr 2004 sünd de Roland un dat Raathuus in de UNESCO-List vun dat Weltkulturarv upnahmen wurrn.

Christlich Demokratsche Union vun Düütschland

De Christlich Demokratsche Union vun Düütschland (hoochdüütsch: Christlich Demokratische Union Deutschlands, kort: CDU) is een grote Partei in Düütschland. Süsterpartei in Bayern is de CSU.

Düütschland

Düütschland is en Bundsrepubliek, de in’t Zentrum vun Europa liggt un vun de Waterkant (Noord- un Oostsee) to de Alpen, vun 'n Rhien to de Oder reckt. Navers sünd Belgien, de Nedderlannen, Däänmark, Polen, Tschechien, Öösterriek, de Swiez, Frankriek un Luxemborg. De Hööftstadt is Berlin. De offizielle Naam is Bundsrepubliek Düütschland. De Bundsrepubliek is de needste Oort vun en düütschen Natschonaalstaat. Düütschland besteiht hüüt ut 16 Bundslänner, de na dat Verfatensprinzip vun de kommunale Sülvstverwalten noch mal indeelt sünd.

Engelsche Spraak

Ingelsch is een Süsterspraak to dat Plattdüütsche. Ingelsch is een Weltspraak. Kümmt ut England, wat hüüt to Grootbritannien to heurt.

Frankriek

Frankriek (fr. France [fʁɑ̃ːs]) is en Republiek, de in'n Westen vun Europa liggt. Navers sünd Belgien, Luxemborg, Düütschland, de Swiez, Italien, Monaco, Andorra un Spanien. De Hööftstadt is Paris.

Geograafsche Laag

De Geograafsche Laag (Geograafsche Koordinaten) vun enen Punkt up de Eerd warrt ut de geograafsche Breed (φ) un de geograafsche Läng (λ) beschreven. De Eerdkugel warrt dor för in 360 Längenkrinken un 180 Bredenkrinken updeelt.

Grad (Winkel)

Dat Grad is in de Geometrie en Eenheit för de Grött von en even Winkel. Dat Teken för Grad is de hoochstellte lütte Krink (°), de normalerwies ahn Twüschenruum rechts blang de Tall schreven warrt. 1 Grad is no de Definitschoon de 360. Deel von een Vullwinkel, oder annersrüm: 1 Fullwinkel hett 360°. Dorbi ist mit Vullwinkel en Krink meent, also eenmol ganz rüm.

Dat Angeven von een Winkelgrött in Grad warrt ok dat Gradmaat nöömt, üm dat von dat Bagenmaat aftogrenzen. Dat warrt ok bruukt, üm de Grött von en Winkel to beschrieven. Un denn gifft dat noch dat Gon to'n Winkelmeten. Dat wörrn fröher ok as Nieggrad betekend. To de Tiet hett dat Grad, wat wi hüüt kennt manchmol ok noch Ooltgrad heten.

Internet Movie Database

De Internet Movie Database (IMDb) is en Datenbank in Form vun en Websteed över Filmen, Feernsehserien, Videoprodukschonen un Videospelen, as ok över Personen, de bi de Herstellen disse Saken mitarbeiten doot. Opstunns gifft dat in de Datenbank Indrääg to en knappen Million Filmen und to öber 2,25 Millionen Minschen.. De Bruuk vun de Websteed is grundsätzlich kostenfree. Gegen Betahlen gifft dat mit IMDbPro.cmo aver en Anbott mit tosätzlich Informatschonen (Togreepsstatistiken, Agenten-Kontakten usw.) Vun de IMDb gifft ok en düütsche Version.

Inwahner

Inwahner nöömt man Lüüd, de in en defineert Rebeet wahnt. De künnt dor hintreckt sien, awer ok jümmers all dor wahnt hebben. Dat Rebeet kunn unnerschedlich groot sien, dat doht nich af dat en Dörpen is, en Landschapp, en Stadt oder en Kontinent.

In Verwaltenssaken sünd dormit de Minschen meent, de mellt un in de Inwahnermeldedatei mit jemehr Daten indragen sünd. Dorbi hannelt sik dat üm en rein statistischen Begreep, de nich mit den rechtlichen Begreep Börger gliektosetten is, vun wegen dat de ok noch sünnere Plichten und Rechten hett.

Ut den Begreep vun’n Inwahner resulteert de Inwahnertall vun en Stadt oder en Gemeen as de Summ ut de Inwahners mit Eerstwahnsitt un Tweetwahnsitt.

Juristeree

De Juristeree, dat is de Wetenschop vun dat Recht. Kanns ook Afkaatenkrom dorto seggen, vun wegen dat de Afkaten dormit ehr Geld verdeent.

De Juristeree is vun de Gesette un anner Vörschriften. Un woans se bruukt warn, dat Recht to spreken.

Königriek Westfalen

Dat Königriek Westfalen (franzöösch Royaume de Westphalie, hoochdüütsch Königreich Westphalen) weer en Staat von’n Rhienbund, de von 1807 bet 1813 bestahn hett. Höövdstadt weer Kassel.

Dat weer en napoleonschen Satellitenstaat, de ünner de Kuntrull von Frankriek stünn.

Landkreis

Een Landkreis (afkört: Lk oder Lkr) - in Noordrhien-Westfalen un Sleswig-Holsteen en Kreis (afkött' Kr) - is en Gemeenverband un Rebeetsverband.

Latiensche Spraak

Latiensch of ouk Latien is de Spraak vun de olen Römers. Ok later wöör un ward latiensch snackt un vör allens schreven: In de Kark, in de Medizin, vun de Afkaatens, de Biologens un ok süns in de Wetenschapen.

Neddersassen

Neddersassen is en düütsch Bundsland in’n Noorden. De Hööftstadt is Hannober. Neddersassen liggt an de Waterkant vun de Noordsee.

OpenStreetMap

OpenStreetMap (OSM) is en free Projekt, üm Geodaten to sammeln, de free to bruken sünd. De Inholt steiht ünner de Open Database License.

De Daten warrt von Freewillige indragen, de sik dorto bi dat Projekt anmellen köönt. De Daten stammt ut Sammlungen, de apentlich togänglich un nich kommerziell sünd oder de von de Freewilligen sülvs tohoopdragen worrn sünd (to’n Bispeel mit en GPS-Apaaraat).

Drüdde dröfft de Daten för egen Projekte bruken. Blangen dat Herstellen von Koorten is dormit to’n Bispeel ok dat Herstellen von Rutenplaners mööglich.

Samtgemeen

Een Samtgemeen (von gesamt, tosammen) is in Neddersassen en Kommunalverband, de för siene Liddmatengemenen Verwaltensgeschäfte föhrt. Anners as jümher Liddmatengemenen is de Samtgemeen keen Rebeetsverband (§ 71 Abs. 3 NGO). En Samtgemeen schall mindst 7.000 Inwahners hebben (§ 71 Abs. 1 NGO). To de Opgaven tellt dat Opstellen von Flachennüttplanen, Afwaterbesietigen, Kassengeschäften oder dat Karkhoffs- und Füerwehrwesen. Se öbernimmt ook de Dregerschaft von Grundschooln, den Bo und den Ünnerholt von Gemeenverbinnsstrooten, Inrichtung und Ünnerholt von Böökereen, Sportplätz und annere apentliche Inrichten. Se kann noch annere Opgaven von de Mitgliedsgemenen överdregen bekommen, to’n Bispeel dat Rebeet Tourismus. En Grootdeel von de neddersässischen Städer und Gemenen hebbt sik to Samtgemenen tosamenslaten.

Sozialdemokratsche Partei Düütschland

De Sozialdemokratsche Partei vun Düütschland (hoochdüütsch: Sozialdemokratische Partei Deutschlands, kort: SPD) is en grote Partei in Düütschland ut dat linke Spektrum .

Telefonvörwahl

En Telefonvörwahl (in Düütschland heet datt Oortsnettkenntall, ONKz) is en Reeg von eenstellige Tallen, de man bi dat Wählen von en Telefonnummer ingeben mutt, um den logischen Oort to wesseln.

Dee logische Oort is mehrsttieds de geographische Oort, ober blots bi Anroopen to Anslüsse in’t Fastnett. Dat kann sick obers ook üm en eegen Telefonnett (to’n Bispeel Mobilfunk) oder enen annern Deenst (to’n Bispeel Servicenummern) hanneln.

US-Dollar

Mit den US-Dollar warrt in de USA betahlt. He is ünnerdeelt in 100 Cent. In vele Länner op de Eer warrt mit Dollar betahlt, de US-Dollar weer meist dat Vörbild för disse annern Dollars. De US-Dollar sülvs hett sien Naam vun den Daler af.

Blangen de USA hebbt welk Staten ok den US-Dollar inföhrt. Dat sünd de Britischen Jumferninseln, Ecuador, Mikronesien, Palau un Oosttimor.

Wiki

En Wiki (vun hawaiiaansch wiki gau) is ene Software för dat gemeensame Tohoopstellen vun Texten dör ene Grupp vun Lüüd in en Reekner-Nettwark. Bi en Wiki hett nich blots en lütte Grupp Lüüd dat Recht, de Texten to ännern. Bi en Wiki rekruteert sik de Schrievers ut de Lesers, ahn dat twischen Leser un Schriever en groot Hinnernis liggt. Dat Wiki hett dorbi mehrsttiets ene egene Textutteknungssyntax, mit de de Texten formateert warrn köönt.

Annere Spraken

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.