Gemeen

Disambig.svg Dit Woort hett noch annere Bedüden: kiek dorför ünner Gemeen (Mehrdüdig Begreep).

Gemeen (ok politisch Gemeen) is en Rebeetsverband, de för dat Verwalten von Länner de lüttste Eenheit is. För de Europääsche Union is dat de LAU-2-Laag (Local administrative unit).

Politisch Gemeen

In Öösterriek un in Düütschland warrt meistins dat eenfach Woort Gemeen brukt, ok wenn dat annere Formen sünd. In de Swiez is dat Woort Politisch Gemeen veel amtlicher un warrt fokener brukt. All de Inwohners vun en politisch Gemeen warrt ok as Gemeen neumt.

Historie

An’n End vun’n 11. Johrhunnert geef dat in’n Röömsch Riek en Bewegen, dat man as coniuratio oder communio neumt hett. In de Stadt Cambrai hebbt de Börgers to ene „Kommune“ sworen. Se hebbt utnützt, dat de bischööpsche Stadtherschop nich dor weer. En beten vörher (1070) geev dat ok al in de Stadt Le Mans en „Verswören, dat se Kommune neumt“ hebbt.

De Börgers vun Cambrai hebbt sworen, dat se den Bischop nich in de Stadt laat, wenn he disse niege Eedmaatschop nich goodkennt. Disse eerste Kommune is den obers doch no en Nedderlaag uplööst wuurn. De Striet üm dat Sülvstverwalten güng bit in der 20er Johr vun’t 13. Johrhunnert.

Ok in de Städer vun Düütschland geevt dat solke Bewegen, üm 1073 in Worms un 1074 in Köln. De Börgers wulln free ween vun de feudale Stadtherrschop, wat meistins vun de Kark weer. De Stadtherrschop hett Inkomen hatt, wiel se de Macht harrn över Markt, Toll un Grund. Vele Inwohners weern persönlich afhängig vun de Stadtherrn.

Sünnerlich de Kooplüüd, de beten to Geld komen sünd, hebbt sik an der Stadtherrschop stört. Dor no hebbt sik meisttieds ok Handwarker, Buern un Deenstlüüd den Striet üm ene „Kommune“ ansloten.

Gemenen in enkelte Länner

De Regeln un Besünnerheiten vun de Gemenen in de enkelten Länner köönt in disse Artikels nakeken warrn:

  • Gemeen (Afghanistan)
  • Gemeen (Ägypten)
  • Gemeen (Albanien)
  • Gemeen (Algerien)
  • Gemeen (Andorra)
  • Gemeen (Angola)
  • Gemeen (Anguilla)
  • Gemeen (Antigua un Barbuda)
  • Gemeen (Äquatoriaal-Guinea)
  • Gemeen (Argentinien)
  • Gemeen (Armenien)
  • Gemeen (Aserbaidschan)
  • Gemeen (Äthiopien)
  • Gemeen (Australien)
  • Gemeen (Bahamas)
  • Gemeen (Bahrain)
  • Gemeen (Bangladesch)
  • Gemeen (Barbados)
  • Gemeen (Belgien)
  • Gemeen (Belize)
  • Gemeen (Benin)
  • Gemeen (Bermudas)
  • Gemeen (Bhutan)
  • Gemeen (Bolivien)
  • Gemeen (Bosnien-Herzegowina)
  • Gemeen (Botswana)
  • Gemeen (Brasilien)
  • Gemeen (Brunei)
  • Gemeen (Bulgarien)
  • Gemeen (Burkina Faso)
  • Gemeen (Burundi)
  • Gemeen (Chile)
  • Gemeen (China)
  • Gemeen (Costa Rica)
  • Gemeen (Däänmark)
  • Gemeen (Dominica)
  • Gemeen (Dominikaansche Republiek)
  • Gemeen (Dschibuti)
  • Gemeen (Düütschland)
  • Gemeen (Ecuador)
  • Gemeen (El Salvador)
  • Gemeen (Elfenbeenküst)
  • Gemeen (Eritrea)
  • Gemeen (Estland)
  • Gemeen (Färöer)
  • Gemeen (Fidschi)
  • Gemeen (Finnland)
  • Gemeen (Frankriek)
  • Gemeen (Gabun)
  • Gemeen (Gambia)
  • Gemeen (Georgien)
  • Gemeen (Ghana)
  • Gemeen (Grenada)
  • Gemeen (Grekenland)
  • Gemeen (Gröönland)
  • Gemeen (Grootbritannien un Noordirland)
  • Gemeen (Guatemala)
  • Gemeen (Guinea)
  • Gemeen (Guinea-Bissau)
  • Gemeen (Guyana)
  • Gemeen (Haiti)
  • Gemeen (Honduras)
  • Gemeen (Hongkong)
  • Gemeen (Iesland)
  • Gemeen (Indien)
  • Gemeen (Indonesien)
  • Gemeen (Irak)
  • Gemeen (Iran)
  • Gemeen (Irland)
  • Gemeen (Israel)
  • Gemeen (Italien)
  • Gemeen (Jamaika)
  • Gemeen (Japan)
  • Gemeen (Jemen)
  • Gemeen (Jordanien)
  • Gemeen (Kambodscha)
  • Gemeen (Kamerun)
  • Gemeen (Kanada)
  • Gemeen (Kap Verde)
  • Gemeen (Kasachstan)
  • Gemeen (Katar)
  • Gemeen (Kenia)
  • Gemeen (Kirgisien)
  • Gemeen (Kiribati)
  • Gemeen (Kolumbien)
  • Gemeen (Komoren)
  • Gemeen (Demokraatsche Republiek Kongo)
  • Gemeen (Republiek Kongo)
  • Gemeen (Noordkorea)
  • Gemeen (Süüdkorea)
  • Gemeen (Kroatien)
  • Gemeen (Kuba)
  • Gemeen (Kuwait)
  • Gemeen (Laos)
  • Gemeen (Lesotho)
  • Gemeen (Lettland)
  • Gemeen (Libanon)
  • Gemeen (Liberia)
  • Gemeen (Libyen)
  • Gemeen (Liechtensteen)
  • Gemeen (Litauen)
  • Gemeen (Luxemborg)
  • Gemeen (Madagaskar)
  • Gemeen (Makedonien)
  • Gemeen (Malawi)
  • Gemeen (Malaysia)
  • Gemeen (Malediven)
  • Gemeen (Mali)
  • Gemeen (Malta)
  • Gemeen (Marokko)
  • Gemeen (Mauretanien)
  • Gemeen (Mauritius)
  • Gemeen (Mexiko)
  • Gemeen (Mikronesien)
  • Gemeen (Moldawien)
  • Gemeen (Monaco)
  • Gemeen (Mongolei)
  • Gemeen (Montenegro)
  • Gemeen (Mosambik)
  • Gemeen (Myanmar)
  • Gemeen (Namibia)
  • Gemeen (Nauru)
  • Gemeen (Nedderlannen)
  • Gemeen (Neeseeland)
  • Gemeen (Nepal)
  • Gemeen (Nicaragua)
  • Gemeen (Niger)
  • Gemeen (Nigeria)
  • Gemeen (Norwegen)
  • Gemeen (Oman)
  • Gemeen (Oosttimor)
  • Gemeen (Öösterriek)
  • Gemeen (Pakistan)
  • Gemeen (Palästinensische sülvstregeerte Rebeden)
  • Gemeen (Palau)
  • Gemeen (Panama)
  • Gemeen (Papua-Neeguinea)
  • Gemeen (Paraguay)
  • Gemeen (Peru)
  • Gemeen (Philippinen)
  • Gemeen (Polen)
  • Gemeen (Portugal)
  • Gemeen (Ruanda)
  • Gemeen (Rumänien)
  • Gemeen (Russland)
  • Gemeen (Salomonen)
  • Gemeen (Sambia)
  • Gemeen (Samoa)
  • Gemeen (San Marino)
  • Gemeen (São Tomé un Príncipe)
  • Gemeen (Saudi-Arabien)
  • Gemeen (Senegal)
  • Gemeen (Serbien)
  • Gemeen (Seychellen)
  • Gemeen (Sierra Leone)
  • Gemeen (Simbabwe)
  • Gemeen (Singapur)
  • Gemeen (Slowakei)
  • Gemeen (Slowenien)
  • Gemeen (Somalia)
  • Gemeen (Spanien)
  • Gemeen (Sri Lanka)
  • Gemeen (St. Kitts un Nevis)
  • Gemeen (St. Lucia)
  • Gemeen (St. Vincent un de Grenadinen)
  • Gemeen (Süüdafrika)
  • Gemeen (Sudan)
  • Gemeen (Surinam)
  • Gemeen (Swasiland)
  • Gemeen (Sweden)
  • Gemeen (Swiez)
  • Gemeen (Syrien)
  • Gemeen (Tadschikistan)
  • Gemeen (Taiwan)
  • Gemeen (Tansania)
  • Gemeen (Thailand)
  • Gemeen (Togo)
  • Gemeen (Tokelau)
  • Gemeen (Tonga)
  • Gemeen (Törkie)
  • Gemeen (Trinidad un Tobago)
  • Gemeen (Tschad)
  • Gemeen (Tschechien)
  • Gemeen (Tunesien)
  • Gemeen (Turkmenistan)
  • Gemeen (Tuvalu)
  • Gemeen (Uganda)
  • Gemeen (Ukraine)
  • Gemeen (Ungarn)
  • Gemeen (Uruguay)
  • Gemeen (USA)
  • Gemeen (Usbekistan)
  • Gemeen (Vanuatu)
  • Gemeen (Vatikan)
  • Gemeen (Venezuela)
  • Gemeen (Vereenigte Araabsche Emiraten)
  • Gemeen (Vietnam)
  • Gemeen (Wallis un Futuna)
  • Gemeen (Wittrussland)
  • Gemeen (Zentraalafrikaansche Republiek)
  • Gemeen (Zypern)

Kiek ook

Albrecht Friedrich Ludolph Lasius

Albrecht Friedrich Ludolph Lasius (* 27. Juli 1752 in Ütze; † 11. Dezember 1819) weer en düütschen lutherschen Theoloog, Garnison- un Hoffpreddiger un Präsident von dat Kunsistorjen in Ossenbrügge.

Lasius is 1752 as Söhn von Otto Benjamin Lasius in Ütze boren. He hett Theologie studeert un is 1777 tweten Pastoor in Borgdörp un 1785 Garnisonpreddiger in Ossenbrügge worrn. Von 1789 af an weer he ok Hoffprediger un von 1812 af an Pastoor in Biälme. Biälme harr in dat Johr dat eerste Maal wedder en luthersche Gemeen kregen, nadem de Oort 1650 de Katholiken todeelt worrn is. In Lasius sien Amtstied is dor 1815 bet 1819 de Christuskiärke boot worrn. Lasius weer Maat un Präsident von dat Landskunsistorjen in Ossenbrügge.

Amt Rodenborg

Dat Amt Rodenborg weer en Verwaltungsrebeed in Bremen-Veern un in dat Königriek Hannover mit Seet in Rodenborg binnen de Landdrostie Stood.

Dat Leid över dat Amt harr bet 1867 en Amtmann, de twete Beamte weer bet 1816 de Amtsschriever. In de Prüßentied na 1867 hett de eerste Beamte Amtshauptmann heten.

Berlin

Berlin is de Hööftstadt vun de Bundsrepubliek Düütschland un en Bundsland, wat vun dat Land Brannenborg umgeven is. Berlin hett 3.292.400 Inwahners (2011) un hett en Flach vun 89.169 ha. Berlin liggt bi 70 km af vun de Grenz to Polen.

Vör de Weddervereenigung vun de beiden düütschen Staaten Bundsrepubliek Düütschland (BRD, West) un Düütsche Demokraatsche Republiek (DDR, Oost) in't Johr 1990 weer Bonn (an’n Rhien) de provisoorsche Hööftstadt vun de Bundsrepubliek Düütschland (West) un Oost-Berlin Hööftstadt vun de DDR (Oost). Dat gesamtdüütsche Parlament hett na de Weddervereenigung besloten, dat Berlin de niege Hööftstadt vun dat vereente Düütschland is.

Bremerhoben

Bremerhoben is en düütsche Stadt an de Wersermünn in de Noordsee. Grünnt 1827 vun den Börgermeester Johann Smidt ut Bremen. Ungefähr 116.640 Inwahners leevt in düsse düütsche Grootstadt. Bremerhoben is as een vun twee Städer een Deel vun dat Land Bremen. Düsse Stadt geiht dat nich just goot. Meist 25% vun de Inwohners sünd ohn Arbeit un verdeent keen Geld. Wichtig sund de Habens. Besunners de Containerterminals weert jümmers noch utboot. Bremerhoben hett allerhand to kriegen mit dat Inföhren vun Autos ut Länners vun den wieten Oosten. Mit de Fischeree löppt dat nich mehr so goot, as fröher. Vör den Tweten Weltkrieg bestünn Bremerhaben eegentlich ut dree Städer: De Stadt Bremerhaben, de to Bremen tohören dö, un de Städer Geestemünn un Leh (1924 tohoop Wersermünn), de to Preußen tohören dö. Vundaag is dat allens tosomen de Stadt Bremerhoben (1939-1947 Wersermünn).

Börgermeester

En Börgermeester (ok Börgmester, Burmeester oder Burgemäster) is de Baas von en Gemeen oder Stadt. He warrt je no Land direkt vun de Börger oder vun den Stadtraat/Gemeenderaat wählt.

In grötere Städer gifft dat en Reeg Börgermeester, de denn en’n Oberbörgermeester hebbt un mehrst för besünnere Opgoven indeelt sünd. De Oort vun de Wahl is je no Bundsland verscheeden un in de egene Gemeendeordnung regelt.

Cuxhoben

Cuxhoben (hoochdüütsch Cuxhaven) is ene Stadt in’n Landkreis Cuxhoben in Neddersassen. De Stadt hett 48.470 Inwahners (Stand 31. Dezember 2017). Se liggt ganz an de Spitz vun dat Elv-Werser-Dreeeck, wo, de Elv rin’e Noordsee geiht. Dat Wohrteken is de Kugelbaak.

De Stadt gellt na dat neddersassische Kommunalverfatensgesett as Grote sülvstännige Stadt.

Gemeen (Düütschland)

In Düütschland is de politische Gemeen (ok Gemeende oder Kommune) en staatlich Eenheit, de sik süms verwalten deit. Dorbi nümmt se vun al Verwaltenseenheiten in den Staat den ünnersten Rang in.

Gemeen Rodenborg

Rodenborg (Wümm) is en Eenheitsgemeen un de Kreistadt vun’n Landkreis Rodenborg (Wümm) in Neddersassen, de bit to’n 15. Mai 1969 noch Rodenborg in Hannober (Afkörten: Rodenborg (Hann.)) heten hett. De Eenheitsgemeen hett 21.694 Inwahners (Stand 31. Dezember 2017).

Gemeen Veern

Veern (hoochdüütsch Verden) is en Stadt in’n düütschen Bundsland Neddersassen. Veern liggt an’n Stroom Aller, dor wo de Aller in’e Werser geiht. Veern is ene Stadt mit 27.747 Inwahners (Stand 31. Dezember 2017).

De Stadt gellt na dat neddersassische Kommunalverfatensgesett as Sülvstännige Gemeen.

Gemeenslötel

En Gemeenslötel is en fasten Kood, de bi dat Kennen vun Gemenen helpen schall. De Naams vun Gemenen sünd faken nich eendüdig. Ok sünd dor faken spezielle Schriftteken in un de Naams sünd verscheden lang. Dat allens maakt dat swoor för Rekenmaschinen, vun disse Naams to kennen, wat för’n Gemeen meent is. Dat dat Datenverarbeiden lichter fallt, hebbt vele Statistische Ämter Gemeenslötels fastleggt. De hebbt en faste Längd un dor sünd blot eenfache Teken in, so as de Tallen vun 0 bet 9 un de Bookstaven vun A bet Z, de vun jede Rekenmaschien licht verarbeidt warrn köönt. De düütsche Postleddtall un in welk annere Länner is ok en Oort Gemeenslötel.

Hamborg

Hamborg (hoochdüütsch Hamburg) is de tweetgröttste Stadt in Düütschland. Hamborg liggt an de Elv, an de Alster un an de Bill. In Hamborg wahnt 1,8 Millionen Lüüd. De Haven is de gröttste Haven vun Düütschland. In’n Noorden vun Hamborg is Sleswig-Holsteen, in’n Süden is Neddersassen.

Hannober

Hannober (hoochdüütsch: Hannover) is de Landshööfdstadt vun Neddersassen, an de Leine un an’n Maschsee, mit bi 532.000 Inwahners. Hannober is Seet vun’n Landkreis Region Hannober.

Hannober is mehrfach Hoochschooloort: Hier sünd blangen de Universität Hannober de Medizinsche Hoochschool Hannober, de Musikhoochschool Hannober, de Veehdokter-Hoochschool Hannober un de Hoochschool Hannober.

In Hannober warrt elk Johr dat gröttste Schüttenfest op de Eer fiert.

Hannober is de Seet vun de Evangeelsche Kark in Düütschland. Dat is nich all, wiels hier ok Nichchristen stark vörhannen sünd: Vör den Krieg weer Hannober ene vun de twee groten düütschen Städer mit över twee Perzent freereljöse Lüüd in Düütschland, de anner weer Meideborg. Vundaag sünd vele Lutheraner in disse Stadt mit Russ’sch as Moderspraak.

Vundaag hett Hannober Leipzig as Partnerstadt. Hannober hett een vun de gröttsten Messen op de Eer. Dat Messegelände is dat gröttste op de Eer. Hannober is de Stadt, wo de vörmalsche Bundskanzler Gerhard Schröder leevt. Hannober, siet mehr as 100 Johr ene bannig starke SPD-Stadt, hett in sien Historie keen CDU-Böverbörgermeester hatt.

Beröhmte Lüüd ut de Stadt weern to’n Bispeel de Philosoph Gottfried Wilhelm Leibniz, de Schauspeler August Wilhelm Iffland un de Schriever Frank Wedekind, de Astronomen Wilhelm un Caroline Herschel, de dadaistisch Maler Kurt Schwitters, Benno Ohnesorg un de SPD-Politiker Egon Franke.

De Vorwärts, dat Zentralorgan vun de SPD, wörr hier na den Tweten Weltkrieg grünnt.

Hannober is ok en Deel vun Neddersassen, de Deel, wat inst dat Königriek Hannober weer. Dat Königshuus Hannober weer denn ok in England an de Macht.

Inwahner

Inwahner nöömt man Lüüd, de in en defineert Rebeet wahnt. De künnt dor hintreckt sien, awer ok jümmers all dor wahnt hebben. Dat Rebeet kunn unnerschedlich groot sien, dat doht nich af dat en Dörpen is, en Landschapp, en Stadt oder en Kontinent.

In Verwaltenssaken sünd dormit de Minschen meent, de mellt un in de Inwahnermeldedatei mit jemehr Daten indragen sünd. Dorbi hannelt sik dat üm en rein statistischen Begreep, de nich mit den rechtlichen Begreep Börger gliektosetten is, vun wegen dat de ok noch sünnere Plichten und Rechten hett.

Ut den Begreep vun’n Inwahner resulteert de Inwahnertall vun en Stadt oder en Gemeen as de Summ ut de Inwahners mit Eerstwahnsitt un Tweetwahnsitt.

Landkreis Horborg

De Landkreis Horborg is en Landkreis in Neddersassen. He hett 250.326 Inwahners (Stand 31. Dezember 2016).

Oortschop

De Oortschop (hoochdüütsch Ortschaft) is en Verwaltungseenheit ünnerhalv von de Gemeen. Wat en Oortschop utmaakt, is binnen Düütschland un Öösterriek na Bundsland verscheden.

In de Swiez is de Oortschop en allgemenen Utdruck för Oort, ahn besünnere Definitschoon.

Oosterholt-Scharmbeek

Oosterholt-Scharmbeek (hoochdüütsch Osterholz-Scharmbeck) is de Kreisstadt von’n Landkreis Oosterholt in Neddersassen. De Stadt liggt dicht bi Bremen un hett 30.329 Inwahners (Stand 31. Dezember 2017).

De Stadt gellt na dat neddersassische Kommunalverfatensgesett as Sülvstännige Gemeen.

Paris

Paris (op Franzöösch Paris [pa.ˈʁi]) is de Hööftstadt vun Frankriek. De Stroom Seine deelt de Stadt up in en nöördlichen ("rive droite") un en süüdlichen ("rive gauche") Deel. tadt is indeelt in 20 nummereerte Rebeeden, de "Arondissemangs" nöömt warrt, un hett bi de 2,2 Millionen Inwohners (Stand: 2013). Man dat gellt bloß för de Stadtgrenz vun 1859. Hüdigendags is Paris dor duchtig över rutwussen, un wat as Paris ut den Weltall to sehn is, hett üm de 12 Millionen Inwohners.

Stood

Stood is en Stadt in de Gemeen Stood in’n Landkreis Stood in Neddersassen. Se liggt twüschen Cuxhoben un Hamborg.

Ümlooptiet

De Ümlooptiet betekent in de Astronomie de Duer, de en Himmelskörper bruukt, üm op sien Ümloopbahn eenmal kumplett üm en Betogspunkt rümtolopen – oder anners utdrückt: Eenmal üm 360° üm dissen Betogspunkt to küseln.

De nipp un naue Tiet hangt dorbi af vun de Wahl vun’n Betogspunkt, as dat dor ünnerscheedliche Mööglichkeiten gifft. Bi de Ümlooptiet vun’n Maand t. B. kann een blots de Bewegen vun em sülvst angeven oder gliekstietig ok noch de Bewegen von de Eer üm de Sünn mitbirekent warrn. De leggt jo in de glieken Tiet ok noch en lütten Weg torüch.

In de Regel warrt för de Ümlooptiet en mööglichst fastet (staatsch) Betogssystem utwählt. Dat is denn tomeist de Steernhimmel, as de Steerns jo fast sünd över lütte Tietduern. Man snackt denn von de sidersche Period (betogen op de Steerns). Oder man gifft de Ümlooptiet in de Ümloopbahn sülvst an, as se sik ut dat Drüdde Keplergesett afleidt. Denn warrt dat anomalistisch Period oder ok Bahnperiod nöömt. So warrt t. B. ok bi de Planeten angeven.

Betogspunkt kann aver ok de schienbare Oort vun de Sünn (synoodsch Period), de Knütten von enkelte Planetenbahnen (drakonitisch Period), de gemeen Sworpunkt vun’t kumplette Sünnsystem oder von twee Körpers dorbinnen (baryzentrisch Period) oder jichtenseen annern Punkt in dat Weltall wesen.

Annere Spraken

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.