Frijarielle

'E frijarielle songo nu tipo è cime 'e rapa nu poco amarostico.

Se cocene cu uoglio, aglio e cerasiello, dint' 'â na tiella larga o dint' 'a 'a pentola aveta (cu 'a pentola aveta nun s'accummogliano durante 'a cuttura e riesceno cu meno sugo per ffa 'a scarpetta), e se accumpagnano spisso cu sasicce, cervellatine. Spicialmente 'a dummeneca, 'e frijarielle s'accumpagnano cu 'e purpette 'a rraù o cu 'e tracchiulelle 'a rraù. Spicialmente 'a 'e guagliuncielle, 'e frijarielle piaceno dint' 'o cuzzetiello d' 'o palatone 'e pane.

Rapini

'E Frijarielli in Campania

Int' all'ati dialette derivante da 'o Napulitano, spicialmente dint' 'e province d' Avellino, Beneviento e Salierno, 'o frijariello è nu puparulillo verde, nun troppo 'ruosso e ddoce. Pe' 'o cocere s' hanna leva' 'e semi da dinto, 'o picciolo da coppa e s' ha da frijere.

Cervellatine

'E Cervellatine songo nu tipo 'e sasicce tipiche napulitane e d' 'a Campania.

Songo cchiù strette 'e ll'ati sasicce, e songo tagliate a ponta 'e curtiello.

S'accumpagnano spisso cu 'e frijarielle ('nu tipo 'e cimme 'e rapa ca se cucinano sfritte cu aglio, uoglio e cerasiello) o cu 'e patanelle tagliate a quadrette e frijute.

Cucina napulitana

'A cucina napulitana tene auriggine storiche assaje antiche che s'allicordano 'o tiempo d' 'e griece e d' 'e rumane antiche, e s'è arriccuta c' 'e siecule cu l'influenza d' 'e culture differente ca songo venute una appriessa a 'n ata cu 'e varie dominazzione d' 'a città. Assaje 'mpurtante è sempe stato chello ch'hanno purtato 'a fantasia e 'a criatività d' 'e napulitane.

Siccome ca era capitale d' 'o regno, 'a cucina 'e Napule ha pigliato da 'e vvarie cucine tradizziunale 'e tutt' 'a Campania, arrivanno a mettere 'nzieme piatte 'e terra (pasta, verdure, latticine) e piatte 'e mare (pisce, frutte 'e mare).

Tanta ricette hanno pigliato d' 'a cucina d' 'e nobbile, come 'e timballe e 'o sartù 'e riso, ca vonno na priparazione elaborata, mentre 'e cchù pupulare tenono ingrediente povere ma nutriente, come pasta e fasule o ati piatte cu' pasta e legume.

Terra 'e fuoche

'A Terra 'e fuoche (chiammata pure 'a Terra d''e Velene) è 'o termene p'anummenà 'a parta d''a Campania addò se so' appicciate 'e fuoche p''o traffeco illegale 'e munnezza pericolosa. Songo pure annummenate accussì 'e territorie addò se so' jettate illegalmente 'e rifiute senza cuntrollo, p'esempio: addò se so' atterrate 'e rifiute e pure addò se jettano ô mare.'O termene s'ausaje 'a primma vota dint' 'o Rapporto Ecomafie 2003 'a Legambiente. Po' l'ausaje Roberto Saviano dint' 'o libbro Gomorra pe' dà titolo a ll'XI capitolo.

Ll'affiette negative ncopp''a salute d''a ggente ca campa int'a sta zona se ponno vedè ncopp''e studie. Sti studie avverteno ch''o tasso 'e cancro è certamente cchiù auto int'a sta reggione (+ 40 % p' 'e femmene, + 47 % pe' ll'uommene). 'A popolazione int'a sta zona ha fatt'aziune 'e prutesta pe' bbìa 'e l'inesistente persecuzione a 'e mafie ncopp'a stu fatto, 'a necessità 'e bonifica d' 'a terra e l'ommertà 'e cierti cullettive (specialmente chille interessate, mmescate int'a catena 'e traffeco 'e munnezza: na fraveca, nu proprietario 'e terra, mafiuse e nteressate).

Ate léngue

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.