Ков

Ков — шканть ловомась, эрьвась кемкавтово пельксстэ, конантнень лангс явови астрономической иесь.

Истяжо, ков — те шканть кувалмась, малавикс шкань кирьксентень Ковонть чарявтомантень Моданть перька.

Содамоёвкст

  • Орта велькска сивой айгор ваны.
«Ков ало» (моро)

«Ков ало́» — те Бакич Видяень морось. Сон совась васенце лисезь морыцянть «Тон туить» альбомоньте (2001 ие).Валтнэ:Чокшнэсь сась, ды тонеть сон кортась,

Кода манчи эйсэть тон цёрась.

Се тейтересь пек мазый,

Весе веле содасы,

Ансяк турвас кияк ней а паласы.

Мороютко:

Ков ало, Ков ало, теке тундонь нумоло,

Мон яла якинь-учинь, эзинь сода тон манчить.

Ков ало, Ков ало, теке тундонь нумоло,

Мон яла якинь-учинь, кода истя тон манчить.Весь ютась, кизэсь сась ды ёмась,

Ков ало тундонь нармунь морась.

Чевте седей, виде он, ней тонеть а манчи сон,

Кувакасто серьгедят: «А вечктян мон!».Мороютко.

«Ков молят» (моро)

«Ков молят» — те Бакич Видяень морось. Сон совась васенце лисезь морыцянть «Тон туить» альбомоньте (2001 ие).

Ацамков

А́цамков — кемгавтовоце ковось Григориянонь иень ковкерьксенть, кона ашти сундерьковонь ды якшамковонть ютксо. Ацамковсонть 31 чить-веть. Цезарень Юлиенть ковкерьксенть полавтоманть видс ацамковось ульнесь иень кеменьце ков.

Те ковонть прядовома лангсо маряви весь доброк изнясы чинть, читне пек нурькинеть, 21-це чисте ушоды чинь Раштамось, эрзятне ушодыть ютавтомо эрьва кодат койть конат лездыть раштыця чинть азорксчинзе виевгавтоманзо, ютавтневить озкст, панить пачалксеть, кирякснить.

Бакич Видяй

Бакич Видяй (руз. Виктор Чичайкин) — эрзянь моронь ладсий, содавикс поп ды эстрадань морыця, седидей ды ди-джей. Мордовиянь шкинемань заслуженной важодиця (2016).

Киртянь валт

Киртянь валт, конёв лангсо сёрмадозь, вирьтне прядовить, сельмесь сизи. Секскак койкона стилсэ нолдыть тевс зярыя тештинестэ теезь киртянь хвормат.

Ков (Моданть ки лангонь ялга)

Ков (лат. Luna) — вейкеце эсь койсэ Моданть ки лангонь ялга. Те омбоце валдочиванть объектесь (чарытеште) менельсэнть Чинть мельга.

Ков (смусттне)

Ков:

ков — шкань вал

Ков — кода вал Астрономиясто

Кривошеев, Илья Петрович

Илья Петрович Кривошеев (эрз. Илька Морыця) (1898 иестэ медьковонь 19 чи Саратов ёнкссо Маяк хуторсо - 1967 иестэ таштамковонь 11 чи Ицяло) — эрзянь содавикс сёрмадей, валморонь ладсий.

Мордовиянь заслуженной тонавтыцясь И.П.Кривошеев сехте пек содавикс кода Илька Морыця сонзэ пек вадря, гайгиця, морыця стихензэ-валморонзо кувалма.

Чачсь 1898 иень медьковонь 19-це чистэ Саратов ёнкссонь Лопатинской буень Маяк хуторсо. Тетязо, Пётр Васильевич, кузнецель, авазо, Ефимия Петровна, - ульнесь эрзянь содавикс ёвксонь морыцякс-лацицякс (сказительницакс). Сонзэ пельде самай кармаськак содамо сы шкань поэтэсь-валморонь сёрмадыцясь раськень поэзиянть. Эрзянь келенть сон кармась вечкемензэ эйкакшпингестэ. Руз Камешкирэнь училищанть прядомадо мейле тонавтсь школасо эйкакшт, мейле сонсь тонавтнесь. Прядызе Саратовонь университетэнть - сась эрямо Саранскоев, важодсь педтехникумсо. Меельце иетнень перть Илья Петрович анокстась тонавтыцят Ицялонь педучилищасо. 1934 иестэ саезь сон - СССР-нь Сёрмадеень Вейсэндявксонь улиця.

Илька морыцянть лиссть кеменде ламо кирьяпусмонзо, сёрмадсь пьесаткак. Эйкакштнень туртов пьесанзо сёрмадозь эрзянь ёвксонь коряс. Васеньце валморонзо тиринь кельсэ «Пакшатненень» («Детям»), «Большевикень вал» («Большевистское слово»), «Лавсень моро» («Колыбельная песня») улнесть публиковазь 1923 иесте «Якстере сокиця» кулялопасонть («Красный пахарь»). 20-це иетнесте сонзэ валморонзо лиснить «Якстере теште» кулялопасонть («Красная звезда»), кона лисниль Московсо, ды Одсибирень кулялопасо «Од эрямо» («Новая жизнь»). 1929 иесте Московсо Центриздатсо лись эрзянь валморозейтнень вейсэнь пурнавкс «Васень сяткт» («Первые искры»), ков совасть зняро-бути валморот Илька Морыцяньгак, конат алтазевсть велень эрямонте, пертпельксэнте, пакшатнене.

Васеньце кирьяпусмонзо Илька Морыцянь «Коммунань толт» («Огни коммуны») лись 1933 иесте «Молодая гвардия» издательствасо. Теке иесте Саранскойсэ лиси омбоце сонзе валморонь пурнавкссозо «Валскень зорява» («На утренней заре»). Юртонь темас сёрмадовкснесэ - од эрямонь самось ды сонзэ кепедстямость. Пек ламо сонзе 30-це иетнень валморонь теемасонзо аштить пертпельксэнь ды пакшань тематне. 1943 иесте лись «Народонь вайгель» («Голос народа») пурнавксозо, конаньсэ валморозеесь кепедсти оймень покшолманзо советеэнь ломатнень.

Ине Туриманть прядоманзо мейле листь: «Монь ким» («Мой путь», 1946), «Тундонь сад» («Весенний сад»,1952), «Монь Родинам» («Моя Родина», 1954), «Избранное» (рузонь кельсэ, 1955), «Стихть ды поэмат» (1958), «Славан эрямонть» («Славлю жизнь», 1963), «Кеман эрямос» («Верю в жизнь», 1967), «Морамонь ким» («Мой песенный путь», 1968)

Кулось таштамковонь 11 чи 1967 иесте, калмазь Ицялосо, тосо путозь кеврунго валморозееньте.

Лишме

Лишме лиякс алаша (лат. Equus ferus caballus) — те кудоракша.

Икелень пингева ломанесь весе сталмотнень усксесь лишмесэ. Сонськак, ков эрявсь, яксесь те ракшасонть.

Атякадо мерить айгор, авакадо мерить эльде ды левкстэ мерить вашо эли парнэ.

Ожоков

О́жоков — кеменце ковось ковкерьксэнть иесэ, эйсэнзэ 31 чить-веть. Ожоковонтень славянонь кельтнесэ мерить «октябрь», истямо лемензэ саизь латинень «octo» — кавксо, кезерьриммень ковкерьксэнть сон ульнесь кавксоце ков.

Ожоковсто пертьпельксэсь пурны кельме шкантень, чувттнэ васня ожолгавтсызь оршамост, седе мейле правтсызь лопатнень, эрьва вирень ракшась капшазь лембелгавты эрямонзо, сёксень перть пурны ярсамо мацтонзо. Весе учить ловонь прамонть.

Панжиков

Па́нжиков — ветеце ковось ковкерьксенть иесэ, эйсензe 31 чить-веть. Панжиков — меельце тундонь ков.

Эрзятне ютавтыть Покшчить Инечинть. Атянь-Авань пуре озкстнень, ливтема-совавтома озкснень, видемадо икеле озкстнень, кавто таргонь перть молить покшчитне. Ильтясызь ды евтыть сюкпрят Инечинтень. Ушодыть сокамо-видеме, ковонть прядовомс малав веси видематне прядовить ды ютавтови видемадо-мейле озкс, теить од тол.

Пелевеёнкс Эйень Иневедь

Пелевеёнкс Эйень Иневедь (англ. Arctic Ocean, руз. Се́верный Ледови́тый океа́н ) — сехте вишкине покшолманть коряс иневедь Моданть, кона ашти пелевеёнкс пельшарсонть Евразиянь ды Пелевеёнксонь Американть юткова.

Покшолмазо 14,75 млн вп², ведень пурнавксось — 18,07 млн. вп³. Куншка домкачись — 1225 м, сэрей таркась — 5527 м Гренландонь иневедьсэ.

Пелевеёнкс Эйень Иневедентень поладоволить мастортнэ: Даниянь (Гренландия Масторонь), Исландиянь, Канадань, Норвегиянь, Россиянь ды Американь Вейтьсэндявкс Штаттнэнь.

Тельня певтеме эрьва ёнов таргави эень чаво таркасо. Эень пек покш паксятне вельтизь океанонть, сынь молить вейкест-вейкест эйс эцезь. Цятордозь синтревить эйтне ды теить эень пек покш куцят. Аштить пек якшамот, молить кежей лов даволт, кандыловт. Уш ковдо ламо весе вельтязь полярной вень чоподасонть. Эрямось энгамсь. Весе ракшатне кекшнесть, лиясто ансяк ашо овто юты эень чаво таркаванть.

Шкань-шкань менелесь ванськады, сестэ пертьпельксэсь валдомтови тештнень цивтолдомасост ды ков валдосонть. Лиясто менельсэнть кивчкади полярной цильдерьдема.

Кизна тесэ, зярыя ковонь перть чись а валгони. Иневеденть лангсо эесь карми соламо, эень паксятне синтревить, порксневить ды кизэнь перть уйнить.

Салмукс

Са́лмукс - сустамо кедьёнкс, човине кшнинь пшти уське пилине марто, ков тонгови суресь.

Таштамков

Та́штамков — вейксеце ковось ковкерьксенть иесэ, эйсензe 30 чить-веть. Кезерь Римсэ, ды Кезерь Руссьсе васенцеде 7-це ков; Россиянь Государствасонть XV — XVIII пингнессе васенце ков.

Эрзятьнень сексень васенце ковонть прядовомас ярсамопелень таштамось малав прядовиль, таргавилть якстерькайтне, модамарьтне, пурькатне, урядави канстесь. Аштемковонь 14-це чисте ютавтови Нороваване Озкс.

Шка

Шка — те пертпельксканть эрьва кодат молемат, конат лиякстовтомить.

Валонть лисьмпарязо — суоминь-угрань кельюрось.

Малавиксэнзэ: суом. hetki руз. «мгновение; сейчас; момент»; эст. hetk руз. «миг; момент»; коми чöж (послеслог) руз. «в течение, в подолжение»; мар. шыштэ руз. «время»; хан. sḹṡ ~sis руз. «время, срок, терпение». Вейсэнь кельденть икеле čečke.

Эрзят

Эрзя (руз. эрзя, эрзяне) — те Эриця, Эрий, Эри «эрямс» ды «эрямо» валтнэстэ; суоми-угрань раське, Уралонь покш семияньте совиця. Эрзятне эрить Мокша ды Сура лейтнень чирева, истяжо Рав ды Ашонь леень ютксо.

Юртов Авксентий

Юртов Авксентий (руз. Авксентий (Арсентий) Филиппович Юртов, 1855 даволковонь 20 чи Уфань губерниянь Калейкина велесэ – 1916 панжиковонь 1 чи) — эрзянь кельсэ васенце букварень нолдыцязо (1884 иестэ). Бачка. Эрзя.

Чачсь 1854-це иень даволковонь 20 чистэ (8-це чистэ ташто стильсэ) Уфань губерниянь Мезелинань уездэнь Акташонь волостень Калейкина велесэ (ней Татаронь Республикань Альметьевскоень буе). Тенязо-авазо прявтмасторонь сокицяльть-видицяльть, бояронь локшо эзть сода, семияст покшоль. Авксентий цёракаесь превеель, чарькодицяль, пек бажась содамочинь валдоньтень. Покш назойчинзэ кувалма кучозель тонавтнеме Казанев церьковасо лемдязь печкасонь школав.

Тесэ сонзэ редизе сонсь Н.И. Ильминский, кона панжовтызеяк те школанть. Мейле сынст — тонавтыцянть ды тонавтницянть — ламо иес сюлминзе кеме ояксчи. Тенень кемевтить вейкест-вейкест туртов сёрматне, конат ванстовсть Казанень архивсэ.

Зярдо казаньсэ панжовсь лияраськень (инородецэнь) тонавтыцянь семинариясь, А. Юртов — эрзятнестэ васенцекс кармась тонавтнеме тосо. Семинариясо содамочинь таштамода Юртов ютавтнесь тиринь кельс церьковань кирьяпусмот, пурнась эрзянь оршамопельть, фольклоронь сюпавчить. 1876-це иестэ сон прядызеть тонавтниманть ды ульнесь кадозель тоско тонавтыцякс. Ламо якась эрзянь велетнева, вешнесь Казанев тонавтнеме превей ды ёроков эйкакшт. Весемикс важодсь семинариясонть сисем иеть. 1883-це иестэ сонзэ полавтызеть Макар Евсевьевич Евсевьев тонавтницязо. Сонсь Авксентий Филиппович тусь важодеме Самаронь губерниянь Сыре Бесовка велень школав. Тесэ сон тунь од ладсо ладизеть тонавтома тевенть: сёрмадомадо ды цётома башка кармась ветямо морамонь, артомань, аволь классо ловномат. Эрявикс кирьяпусмосо лездась тензэ Н.И. Ильминский. Цёрковань пире удалов пакшатньнень марто озавтсь вирьпуло. Вастневсь-кортнесь эрицятнень марто, ловнось тенст кирьяпусмот, сёрмалесь пельдест морот, ёвкст, ёвтамот, содамоёвкст, валмеревкст, валъёвтавкст ды раськень кельвалонь лия сюпавчить.

1889-це чистэ А.Ф. Юртов урьвакстсь. Никс саизе Самарань епархиянь училищань трянь-кастонь тейтеренть Березовская Аннань. Секе иестэнть сынь тусть эрямо мокшонь Сыре Бинарадка велев, ков Авксентий Юртов кучозель учителекс. Мокшонь келенть сон содылизеть а пек, секс тонавтомс тензэ стакаль. А шождаль эрямозояк: властень кирдейтне а пек мелявтсть «лияраськень» школань тонавтыцятнеде. Теде башка веленть ланга ютась ёндол ды пурьгине марто човор виев давол, сон тюшумбар нолдызе школантькак, Юртовнень эрямо кудосткак. Палсть Авксентий Филипповичень веси кирьяпусмотне, конёвонзо, ды 1891-це иень кизна сон полавтсы тонавтыцянь тевенть церковасо служамонть лангс: яволявтсь эседензэ Пазнэнь кемемань ёжось, кона совась эйзэнзэ Казанень семинариясо тонавтнемстэ.

Лия кельсэ

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.