Terceiro milénio antes de Cristo

L "Terceiro milénio antes de Cristo" ocorre de l'antiga pa la medie Eidade de l Bronze.

Repersenta un período de tiempo an que l amperialismo, ó l zeio de cunquistar, creciu nas cidades-stados de l Ouriente Médio i tamien an to la Eurásia, cula spanson indo-ouropeia na Anatólia, Ouropa i Ásia Central. Stima-se que la populaçon mundial chegou al númaro de 30 milhones nesse milénio.

Bison Giral

La Eidade de l Bronze ampeçou, stimatibamente, antre 3000 a.C. i 2500 a.C.

L milénio anterior biu l surgimiento de técnicas abançadas, ceblizaçones ourbanizadas, la nuoba metalurgie de l bronze, stenson de la pordutebidade de l trabalho agrícola, i alto zambolbimiento de ls meios de quemunicaçon por meio de la scrita. Ne l terceiro milénio a.C. l crecimiento dessas riquezas, tanto fesicamente cumo anteletualmente, se tornou fuonte de çcórida ne l palco político, i gobernantes percurában cada beç mais l'acumulaçon de riqueza i poder. Nesse milénio tamien, aparecírun la mega arquitetura, l amperialismo, l'absolutismo ourganizado i las reboltas anternas.

Las ceblizaçones de la Suméria i Acádie se tornórun nua coleçon de cidades-stados boláteis, adonde la guerra era algo quemun. Cunflitos ininterrutos drenában to tipo de matéria, einergie i populaçon.

Ne l Antigo Eigito, las pirámides fúrun custruídas i serien las maiores i mais altas custruçones houmanas durante miles d'anhos. Inda ne l Antigo Eigito, faraós ampeçórun l'eidantificáren la si mesmo cumo diuses bibos, feitos dua eissencia defrente de ls outros houmanos. Mesmo na Ouropa adonde la cultura inda era neolítica, ls custrutores de megalitos stában yá custruindo gigantes monumientos própios.

Ne l'ancerramiento de l milénio, l Eigito passou pula purmeira rebolta popular registrada na stória. Depuis de longas guerras, ls sumérios reconhecírun ls benefícios de a unificaçon nua forma stable de gobierno nacional, i tornou-se un Stado relatibamente pacifico i bien ourganizado, chamado de 3ª dinastie de Ur. Esta dinastie bieno la se tornar, mais tarde, ambolbida cun ua óndia d'ambasores nómades coincidos cumo amoritas, que zampenharian un papel amportante na region durante ls seclos seguintes.

Eibentos

Seclo XXVIII a.C.

  • Ampeço de la formaçon de las cidades sumerianas, cumo Kish, Lagash, Shurupak, Ua, Ur, Uruk i Eridu, para alhá de la ceblizaçon Harapa, na Índia.

Seclo XXBII a.C.

  • Ampeça la custruçon de las pirámides de Gizé, ne l Eigito.

Seclo XXII a.C.

  • Chineses ne l bal de l Riu Amarielho

3000 a.C.

  • Ls Semitas habitan la region de la Mesopotámia.
  • Zambolbimiento de la cerámica nas Américas.
  • Data probable de ls megalitos de l Stonehenge, na Anglaterra.
  • Época an que la ceblizaçon "Norte Chico" se stableciu al norte d'adonde hoije ye Lima, capital de l Peru, adonde tenerie eisistido por quaije 1.200 anhos até sue queda

2686 a.C.

  • Fundaçon de la terceira dinastie eigípcia pul faraó Djoser, cula trasferéncia de la capital para Ménfis, ampeçando-se assi l Ampério Menfita.

2600 a.C.

  • Anho stimado de la custruçon de la cidade de la zaparecida Ceblizaçon harappeana cujas ruínas son chamadas de Mohenjo-daro.

2500 a.C.

  • Urnanshe chega al poder an Lagash, ua de las cidades semitas.
  • Ls Eigípicios çcubren l papiro i a tinta pa la scrita i custroen las purmeiras bibliotecas.
  • Oubjetos de fierro son cunfecionados ne l'antigo Ouriente Próssimo.

2400 a.C.

  • Ls Eigípicios amportan ouro d'outras partes de la África.

2331 a.C.

  • Fundaçon de l purmeiro Ampério mesopotámico, por Sargon I.

2300 a.C.

  • Cabalhos son domesticados ne l Eigito.
  • Galhinhas son domesticadas na Babilónia.
  • Arcos i flechas son ousados an guerras.

2190 a.C.

  • Ambason i çtruiçon de las cidades mesopotámicas puls gútios, pobos pastores nómades.

= 2116 a.C.

  • Nace Abraon un de ls patriarcas Bíblicos.

2100 a.C.

  • Ls mesopotámios fabrican bidro i custroen zigurates (cumo la torre de Babel).

2091 a.C.

  • Abraon entra an Canaana.

2066 a.C.

  • Nace Isaque patriarca Bíblico.

2050 a.C.

  • Fundaçon de la terceira dinastie de Ur pul rei Ur-Nammu.

2049 a.C.

  • Sobe al trono de l Babilónia l rei Sumuabi.

2006 a.C.

  • Nacen Jacó i Saú.

Pessonas

  • Ur-Nammu
  • Sargon (2.334 a.C. - 2.279 a.C. aprossimadamente)
  • Enheduana (2300 a.C.)
  • Antef III (m. 2049 a.C.)
  • Abraon
  • Isaque
  • Jacó
  • Saú

Noutras lhénguas

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.