Riu Minho

L Minho (an spanhol i an galego Miño) ye un riu anternacional que nace a ua altitude de 750 m na serra de Meira, na Quemunidade Outónoma de la Galiza i percorre cerca de 300 quilómetros até zaugar ne l ouceano Atlántico a sul de la lhocalidade de la Guarda i a norte de Camina. Ne ls redadeiros 75 quilómetros de l sou percurso, antre Melgaço i la foç, l Minho sirbe de frunteira antre Spanha i Pertual.

Antre la nacente i la foç, l riu Minho passa por Lhugo, Ourense, Melgaço, Monçon, Tui, Balença, Bila Nuoba de Cerbeira i Camina.

L riu Minho era chamado de Minius ó Baenis puls antigos storiadores.

Minho
{{{legenda}}}

Lhocalizaçon de l Riu Minho
Cumprimiento 300 km
Nacente Serra de Meira, Spanha
Altitude de la nacente 750 m
Foç Atlántico
Paíç/Países Flag of Spain.svg Spanha, Flag of Portugal.svg Pertual

Afluentes

Borda dreita

Na Probincia de Pontebedra: riu Tamuxe (tamien chamado riu Carballas ó Carballo), riu Pego, riu Cereixo de la Briña, riu Furnia (tamien chamado Forcadela), riu Lhouro, riu Tea, riu Caselas, riu Deba (hai outro riu Deba na borda squierda), riu Ribadil, riu Cea.

Na porbíncia de Ourense: riu Abia, riu Barbantiño. riu Bubal ne l lhemite de Ourense cula Lhugo. Na porbíncia de Lhugo: riu Asma, riu Narón, riu Ferreira, riu Mera, riu Narla, riu Lhadra, riu Támoga, riu Anllo i riu Trancoso que faç la frunteira cun Spanha an Fianes, Cristobal i S. Griegório - Melgaço.

Borda squierda

Riu Mouro, riu Gadanha i riu Coura na borda pertuesa, Riu Deba (hai outro riu Deba pula borda dreita), riu Arnoia, riu Barbaña (ne l cunceilho de Ourense), riu Lhonia (ne l cunceilho de Ourense), riu Sil, riu Sardiñeiras, riu Lhoio, riu Neira, riu Chamoso, riu Robra (tamien chamado riu Santa Marta), riu Lhea, Riu Azúmara.

Ilhas

  • Ilha de ls Amores
  • Ilha de la Boega
  • Ínsua

Améijoa asiática

Ls redadeiros 40 quilómetros de l riu Minho stan quelonizados pula Améijoa asiática (Corbicula fluminea). L'améijoa adatou-se a las cundiçones i acupou l spácio, quaije eileminando outras speces.

L'améijoa asiática fui detetada pula purmeira beç ne l riu Minho an 1989. Antes desso, yá tenie chegado al Teijo, talbeç a la boleia an nabios de trasporte.

Ber tamien

  • Aquamuseu de l Riu Minho
  • Barcas de l Minho na rede [1]

Lhigaçones sternas

Modelo:Rius de Pertual

Braga

Braga ye ua cidade pertuesa, fundada puls romanos cumo Bracara Augusta, cun mais de 2 000 anhos de Stória an custante zambolbimiento, crecimiento i spanson. Situada ne l Norte de Pertual, mais propiamente ne l Bal de l Cábado, cunsidrada la terceira cidade Pertuesa, ten 181 894 habitantes ne l sou cunceilho (2011), sendo l centro de la region minhota, cun mais dun milhon d'habitantes.

Scolhida pul Fórun Ouropeu de la Mocidade para Capital Ouropeia de la Mocidade an 2012, ye ua cidade chena de cultura i tradiçones, adonde la Stória i la religion biben lhado a lhado cula andústria tecnológica i cul ansino ounibersitairo.

Caminha

Camina (an pertués: Caminha) ye ua bila pertuesa ne l Çtrito de Biana de l Castielho, region Norte i sub-region de l Minho-Lhima, cun cerca de 2 500 habitantes.

Ye sede dun munecípio cun 129,66 Km² de ária i 16 684 habitantes (2011), subdebidido an 20 freguesies. L munecípio ye lhemitado a nordeste pul munecípio de Bila Nuoba de Cerbeira, a sudeste por Puonte de Lhima, a sul por Biana de l Castielho, a norte pula Spanha i a oeste pul Ouceano Atlántico.

La foç de l riu Minho queda an Camina, fazendo este riu parte antegrante de la paisaige de la bila. Para atrabessá-lo rumo a la bezina Galiza, eisiste un treminal flubial de barcos, que trasportan nun solo passageiros, mas tamien outomobles.

Cundado Portucalense

L bínclo antre l Norte de la Galiza i las Astúrias custata-se yá ne l Paroquial Suébico, decumiento de l seclo VI adonde se fala de la sede eipiscopal de Britonia, que se stendia puls territórios de la porbíncia de Lhugo i Astúrias.

Ne l decorrer de la cunquista muçulmana de la Spánia, ls muçulmanos cunquistórun Tui, i ende stablecírun un senhorio cun base ne l baixo bal de l Riu Minho. La rebelion berbere de ls anhos 740 i 741 trarie, cumo cunsequéncia, l abandono por parte de las guarniçones berberes de todas las sues posiçones al norte de la Serra de Gredos. Deste modo, l Sul de la Galiza tornaba-se lhibre de l domínio muçulmano, ambora sofrendo un porcesso de çpoboamiento semelhante al de l Bal de l Douro que lhebou al abandono de to l tipo de bida ourbana.

Por outro lhado, l Norte de la Galiza fui ancorporado al florescente reino asturiano pul rei Afonso I, que anstalou l bispo Odoário na cidade de Lugo. La débil posiçon asturiana fui antretanto cunsulidada pul sou sucessor, Fruela I, que dominou ua ansurreiçon de ls galegos i derrotou an Pontubia ua spediçon de castigo ambiada pul emir de Córdoba Abderramon I. Décadas depuis, outra ansurreiçon de ls galegos fui derrotada pul rei Silo na batailha de Montecubeiro, próssimo la Castroberde.

De qualquier forma, la çcubierta de l sepulcro de l apóstolo Santiago, durante l reinado de Afonso II, i l susequente aparecimiento de l Caminos que heirdórun l sou nome, assegurórun la antegraçon spritual de la Galiza ne l Reino de las Astúrias i mais tarde ne ls de Lion i Castielha.

La spanson an direçon al Sul fui ampeçada por Ourdonho I, que repobou Rui. An décadas posteriores, Bímara Peres, bassalo de Afonso III, chegou até Porto (tomado an 868), assentando las bases de l Cundado Portucalense, que mais tarde darie lhugar al Reino de Pertual.

Melgaço

Melgaço ye ua bila pertuesa ne l Çtrito de Biana de l Castielho, region Norte i sub-region de l Minho-Lhima, cun cerca de 1 500 habitantes.

Ye sede dun munecípio cun 239,04 Km² de ária i 9 213 habitantes (2011), subdebidido an 18 freguesies. L munecípio ye lhemitado a norte i lheste pula Spanha, a sudoeste pul munecípio de Arcos de Baldebeç, i a oeste por Monçon. Ye l munecípio mais setentrional de l paíç.

L punto mais eilebado de l cunceilho queda ne l Giestoso, cun 1 335 metros d'altitude, na freguesie de Castro Lhaboreiro.

L persidente de la Cámara ye, zde 1982, António Rui Stebes Solheiro.

An Melgaço eisiste to ua tradiçon de cuntos i fábulas cun criaturas fantásticas cumo arganones i outros seres cun poderes mágicos. Esta cultura popular fui sendo trasmitida ouralmente al lhongo de geraçones, stando atualmente an declínio.

Nun será por acauso, qu'hai cerca de 10 anhos, fúrun çcubiertas ne l Monte de Prado, porjetadas de la costielha ribeirinha (i quaije çpercebidas na begetaçon desordenada), ua série inda nun quantificada de sculturas de monstros, cujas caratelísticas son an todo semelhantes a las proas de ls barcos biquingues. Ye sabido, de las ancursones custantes deste pobo ne l lhocal, bien cumo na restante cuosta marítima i ribeirinha de l norte de Pertual i de la Galiza.

Este fato stá ultimamente a antressar storiadores i jornalistas noruegueses.Urge que l mesmo antresse seia suscitado na Outarquia lhocal.

La zona de la muntanha,nomeadamente Castro Lhaboreiro, ten tamien caráter único houmano i cultural,ne l causo d'ourige celta.

Hábitos i questumes própios,que bal la pena bibenciar; çtacan-se la cultura lhocal de trasumáncia, única ne l paíç (brandas i amberneiras), l lhenguajar i ls hábitos de bestir lhocales. Eesiste nesta zona ua raça outótone de perro, "cruzado" cun lhobo, ótimo guarda i guia de ganado bobino.

San tamien notables las einúmaras puontes romanas, la celta (ne l lhugar de Portos), i l belíssemo Castielho de Castro Lhaboreiro.

Península Eibérica

La Península Eibérica queda ne l Sudoeste de la Ouropa. Politicamente, quatro países quédan nesta península: Pertual, Spanha i Andorra, para alhá dun anclabe território británico ultramarino, Gibraltar.

Formando quaije un trapézio, la Península liga-se al cuntinente ouropeu pul istmo custituído pula cordilheira de ls Pirenéus, sendo rodeada la Norte, Oeste i parte de l Sul pul ouceano Atlántico, i la restante cuosta sul i leste pul mar Mediterráneo. L sou punto mais oucidental ye l Cabo de la Ruoca i l mais ouriental l Cabo de Creus.

Cun ua altitude média bastante eilebada, apersenta predomínio de prainos rodeados por cadenas de muntanhas, i que son atrabessados puls percipales rius. Ls mais amportantes son l riu Teijo, l riu Douro, l riu Guadiana i l riu Guadalquebir, que zaguan ne l'ouceano Atlántico, i l riu Ebro, que, por sue beç, zagua ne l mar Mediterráneo.

Las eilebaçones mais amportantes son la Cordilheira Cantábrica, ne l Norte; l Sistema Penibético (serra Nebada) i l Sistema Bético (serra Morena), ne l Sul; i inda la Cordilheira Central (serra de Guadarrama), de que la serra de la Streilha ye l porlongamiento oucidental. Densamente poboada ne l litoral, la Península Eibérica ten fraca densidade populacional nas regiones anteriores. Eicepçon a esta regra ye la region de Madrid, mui poboada.

Recunquista

La Recunquista (tamien referenciada cumo Cunquista crestiana) ye la zeignaçon storiográfica pa l mobimiento crestiano cun ampeço ne l seclo VIII que bisaba a la recuperaçon de ls Besigodos crestianos de las tierras perdidas pa ls árabes durante la ambason de la Península Eibérica.

Ls muçulmanos nun cunseguiran acupar la region muntanhosa de las Astúrias, adonde rejistiran muitos refugiados; ende surgirie Pelágio (ó Pelaio) que se puso delantre de ls refugiados, ampeçando eimediatamente un mobimiento para recunquistar l território perdido.

La guerra tenie un oubjetibo: reapoderáren-se de las tierras i de todo l que neilhas eisistie. L'acupaçon de las tierras cunquistadas fazie-se cun un cerimonial: cun cornu eit albende de rege, esto ye, cul toque de las trombetas i la bandeira çfraldada.

L'eideia de «cruzada» solo bieno a aparecer na época de las Cruzadas (1096). La recunquista de to l território peninsular bai durar cerca d'uito seclos, solo quedando cuncluída an 1492 cula recunquista de l reino muçulmano de Granada puls Reis Católicos. An Pertual, la recunquista treminou cula cunquista defenitiba de Silbes pulas fuorças de D. Fonso III, an 1253. Mais tarde, la spanson marítima pertuesa, precedida pula cunquista de las praças africanas fui cunsidrada, an parte, cumo ua cuntinaçon de la Recunquista.

Reino de la Galízia

L Reino de la Galiza (seclo V - 1833) fui ua antidade política ne l noroeste de la Península Eibérica. La sue stenson territorial, einicialmente de proporçones mui maiores a la atual Galiza, fui eiboluindo al lhongo de ls seclos.

Reino de las Stúrias

L Reino de las Astúrias fui la purmeira region de la Península Eibérica que se lhibertou de l domínio de l Mouros aquando de la ambason por estes de la Península Eibérica. Protegidos por ua amponente cadeia montanhosa, ls crestianos que scapórun a la cumberson islámica amposta pula ambason de l Mouros refugiórun-se naquel pequeinho território de l norte de la península, a partir de l qual darien ampeço al porcesso de Recunquista Crestiana' ', einicialmente mediante pequeinhas scaramuças, até als cunfrontos diretos cun ls standartes de l bários reinos crestianos que se fúrun formando.

Fui, antoce, la purmeira antidade política crestiana stablecida na península depuis de la capitulaçon de l Reino Bisigodo de Toledo, na sequéncia de la muorte de Rodrigo, redadeiro rei bisigodo, na batailha de Guadalete. La zeignaçon de Reino de las Astúrias fui einicialmente ostentada por Pelágio de las Astúrias. A partir deste pequeinho território, surgiran ls reinos de Castielha, Lion (de adonde deribou mais tarde l Cundado Portucalense i, susequentemente, Pertual), Nabarra, i Aragon. L reino durou de 718 la 925, altura an que Fruela II ascendiu al trono de l Reino de Lhion.

Suebos

Ls suebos fúrun un de ls pobos qu'acupórun la Spánia durante las Ambasones bárbaras, fundando un reino na antiga porbíncia romana de la Galécia (atual norte de Pertual i Galiza) que durarie antre ls anhos 409 la 585 d.C., data an que fui aneixado puls Besigodos. Ls suebos éran un pobo germano ouriundo de la region antre ls rius Eilba i Oder, na Almanha. L storiador romano Tácito chegou a referir-se a todos ls germanos de para alhá-Elba cumo "suebos". Apuis, i cun outras tribos de defrentes etnies, partecipórun na fundaçon de la Suábia ne l sul de la Almanha.

Vila Nova de Cerveira

Bila Nuoba de Cerbeira (an pertués: Vila Nova de Cerveira) (coincida frequentemente solo por Cerbeira) ye ua bila pertuesa ne l Çtrito de Biana de l Castielho, region Norte i sub-region de l Minho-Lhima, cun cerca de 1 400 habitantes.

Ye sede dun munecípio cun 108,46 Km² de ária i 9 253 habitantes (2011), subdebidido an 15 freguesies. L munecípio ye lhemitado a nordeste pul munecípio de Balença, a lheste por Paredes de Coura, a suiste por Puonte de Lhima, a sudoeste por Camina i a noroiste pula Galiza.

L punto mais alto de l cunceilho queda ne l'alto de San Paio, cun 638 metros d'altitude, na freguesie de Lhoibo.

La sue percipal freguesie ye Campos, pus alhá se situan ls dous polos andustriales, que zambolben i dinamizan to l cunceilho i cunceilhos lhimítrofes.

Noutras lhénguas

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.