Península Eibérica

La Península Eibérica queda ne l Sudoeste de la Ouropa. Politicamente, quatro países quédan nesta península: Pertual, Spanha i Andorra, para alhá dun anclabe território británico ultramarino, Gibraltar.

Formando quaije un trapézio, la Península liga-se al cuntinente ouropeu pul istmo custituído pula cordilheira de ls Pirenéus, sendo rodeada la Norte, Oeste i parte de l Sul pul ouceano Atlántico, i la restante cuosta sul i leste pul mar Mediterráneo. L sou punto mais oucidental ye l Cabo de la Ruoca i l mais ouriental l Cabo de Creus.

Cun ua altitude média bastante eilebada, apersenta predomínio de prainos rodeados por cadenas de muntanhas, i que son atrabessados puls percipales rius. Ls mais amportantes son l riu Teijo, l riu Douro, l riu Guadiana i l riu Guadalquebir, que zaguan ne l'ouceano Atlántico, i l riu Ebro, que, por sue beç, zagua ne l mar Mediterráneo.

Las eilebaçones mais amportantes son la Cordilheira Cantábrica, ne l Norte; l Sistema Penibético (serra Nebada) i l Sistema Bético (serra Morena), ne l Sul; i inda la Cordilheira Central (serra de Guadarrama), de que la serra de la Streilha ye l porlongamiento oucidental. Densamente poboada ne l litoral, la Península Eibérica ten fraca densidade populacional nas regiones anteriores. Eicepçon a esta regra ye la region de Madrid, mui poboada.

Iberian map europe
Lhocalizaçon de la Península Eibérica (an berde) na Ouropa, amostra ls dous percipales países de la region, Spanha i Pertual.
Iberian peninsula
Eimaige de satélite de la Península Eibérica.

Stória

Iberian Peninsula antique map
Mapa de l seclo XVIII grabado an cobre i pintado a a mano, repersentando bárias caratelísticas topográficas de la Península Eibérica.

La Península Eibérica, al lhargo de ls tiempos, yá fui chamada de bários nomes anquanto era gobernada por pobos çtintos. Antre eilhes, çtácan-se ls nomes Iberia i Spania. Iberia fui l nome griego dado a la península Eibérica, por mais qu'eilhes conhecian solamente la parte al alredror de l riu Íber. Yá Spania era l nome romano de la península. La region, depuis de l período stórico chamado Recunquista, fui-se trasformando i ls muçulmanos fúrun spulsos. Pertual cumo stado surge an 1143 i cunfirmado, mais tarde, pul Papa Alxandre III pula eimisson de la Bula Manifestis Porbatum. Cul casamiento an 1492 antre Fernando II de Aragon i Sabel I de Castielha, nace la Spanha.

Lénguas

Na Península Eibérica son faladas siete lhénguas oufeciales: l castelhano, l pertués l catalan i l anglés son oufeciales, respetibamente, an Spanha, an Pertual, an Andorra i an Gibraltar; cumo co-oufeciales ancóntran-se mais quatro: l catalan, l galego i l basco - nas respetibas quemunidades outónomas de Spanha, l aranés ne l Bal de Aran, i l mirandés (ne l cunceilho de Miranda de l Douro) an Pertual; a estas hai que somar mais alguas lhénguas nó-oufeciales (astur-lhionés, aragonés i l romani), alguas deilhas cun dialetos amportantes (balenciano, andaluç, etc.).

Pólos ourbanos

Ls percipales centros ourbanos son: Madrid, Lisboua, Barcelona, Porto, Baléncia, Sebilha i Málaga. Outros amportantes son: Alicante, Gibraltar, Pamplona, Bigo, Braga, Coimbra, Setúbal, Corunha, Faro, Abeiro, Badajoç, Bilbau, Saragoça, Andorra-la-Bielha, San Sebastian, Murcia, Balhadolid, Granada, Córdoba, Cádis, Lheon, Obiedo, Almerie i Tarragona. Reus, Sabadell, Terrassa, Mataró, El Prat de Llobregat, Badajoç, Cartagena, Eilche, Alcoi, Burgos, Salamanca, Figueira de la Foç, Gijón, Caldas de la Reina, Santander, Pamplona, Logronho, Bigo, Girona, Guimaráes, Biseu, Guarda, Elbas, Ébora, Leiria, Guarda, Almada, Bergancia, Bila Rial, Guimaraes, Seia Chabes, Mirandela, Miranda de l Douro i Portimon son polos regionales.

Capitales

Las capitales geograficamente na Península Eibérica son por orde alfabética: Andorra-la-bielha (Andorra), Gibraltar (Gibraltar), Lisboua (Pertual) i Madrid (Spanha).

Percipales aeroportos

Alicante/Alacante (ALC); Barcelona - Aeroporto Anternacional de El Prat de Lobregat/Barcelona (BCN); Bilbau/Bilbo (BIO); Faro - Aeroporto de Faro Faro/Algarbe (FAO); Aeroporto Anternacional de Gibraltar (GIB); Lisboua - Aeroporto de la Portela/Lisboua (LIS); Madrid - Aeroporto Anternacional de Madrid-Barajas(MAD); Porto - Aeroporto Anternacional Francisco Sá Carneiro/Pedras Rubras[Moreira,Maia] (OPO); Baléncia (BLC); Málaga (Pablo Picasso) (AGP).

Percipales rius

Map of Europe according to Strabo
Mapa de la Ouropa segundo l geógrafo i filósofo griego Strabon.

Riu Teijo, Riu Douro, Riu Guadiana, Riu Ebro, Riu Guadalquebir, Riu Mundego, Riu Minho, Riu Cábado, Riu Lima, Riu Sigura, Riu Zézere, Riu Sado, Riu Júcar, Riu Jalón, Riu Pisuerga, Riu Zújar, Riu Tener, Riu Ave, Riu Esla.

Percipales serras

Antre las percipales cordilheiras de la Península Eibérica stan la Cordilheira Bética (subdebide-se na Cordilheira Penibética i Cordilheira Subbética), ls Pirenéus, la Cordilheira Cantábrica, l Sistema Central, l Sistema Eibérico i la Cordilheira Pré-litoral.

Alguas de las serras mais repersentatibas destas cordilheiras ó eisoladas son: Serra Nebada, Serra de Guadarrama, Serra Morena, Picos de Ouropa, Serra de Gredos, La Serrota, Serra de Guadarrama, Serra de la Streilha, Serra de l Larouco, Serra de la Peneda, Serra de l Gerés, Serra de l Soajo, Serra de l Maron, Serra de Montesinho, Serra de Bornes, Serra de la Nueira, Serra de Leomil, Serra de l Caramulo, Serra de la Marofa, Serra de Gata, Serra de la Gardunha, Serra de la Lousana, Serra de Albelos ó Serra de San Mamede.

Nomes altarnatibos

Anque Península Eibérica ser hoije an die l nome mais quemun para chamar la península, la mesma ten outros nomes, dados puls dibersos pobos que l'habitórun i que fúrun mantenidos mais tarde. Ls bários nomes altarnatibos son:

  • Ibéria, (Griego: Iberia) nome griego de la Península;
  • Hispânia, (Lhatin: Hispania) nome romano de la Península;
  • Al-Andalus, (Árabe: الأندلس) nome árabe de ls territórios muçulmanos de la Península Eibérica;
  • Sefarad, (Heibraico: ספרד) nome heibraico

Stória

Ber tamien

  • Eiquenomie de la Península Eibérica

Eimaiges

Lhigaçones sternas

Alanos

]]

Ls alanos custituían un pobo cun ourige ne l nordeste de l Cáucaso, antre l riu Don i l Mar Cáspio. Pontuórun antre ls pobos que penetrórun l Ampério Romano tardio ne l período de las migraçones de ls pobos bárbaros, migrando an direçon al oucidente ne ls seclos IV i V.

An 360, ls hunos çtruíran l sou ampério, oubrigando muitos a atrabessar la Ouropa até la Península Eibérica (an 409). Nesta migraçon, acabórun por se juntar als suebos i als bándalos qu'acupórun a la par cun estes la Spánia.

Ls alanos que permanecírun la nordeste de l Cáucaso passórun a chamar-se por Tártaros. Aqueilhes que se stablecírun na península Eibérica fundórun un reino na Lusitánia, sediado an Pax Julia, l'atual cidade de Beija, an Pertual, xefiado por Adax (ó Adaces), tamien grafado Atax ó Ataces, que fui çtroçado an 418, oubrigando-los a seguir pa l norte de África adonde sob ls reis Gunderico i Genserico, fundan l Reino de ls Bándalos i de ls Alanos, que serie zaparecido ne l seclo VI, cula dominaçon bizantina.

Ls alanos ó alani éran un grupo nómade iraniano antre ls pobos sármatas, pastores nómades prontos pa la guerra de dibersas ouriges, que falában ua léngua iraniana i cumpartilhában, nun sentido amplo, dua cultura quemun.

Ambasones bárbaras de la península Eibérica

Dá-se l nome de ambasones bárbaras a la série de migraçones de bários pobos germánicos para península Eibérica, que benerien a altarar radicalmente l'ourganizaçon de la region até anton denomidada Spánia sob l ampério romano. Antegradas ne l período de las migraçones qu'acunteciu antre ls anhos 300 la 800 an to la Ouropa, estas migraçones marcórun la trasiçon de la Antiguidade pa la eidade média i tiran sido zamcadeadas pulas ancursones de ls Hunos i pressones populacionales a partir de la Ouropa central.

Besigodos

Modelo:Stória PT-ES

Ls besigodos fúrun un de dous galhos an que se debedírun ls godos, un pobo germánico ouriginairo de l leste ouropeu, sendo l'outro ls ostrogodos. Ambos pontuórun antre ls bárbaros que penetrórun l Ampério Romano tardio ne l período de las migraçones. Passado la queda de l Ampério Romano de l Oucidente, ls besigodos tubírun un papel amportante na Ouropa ne ls 250 anhos que se seguiran, particularmente na península Eibérica, adonde sustituíran l domínio romano de la Spánia, reinando de 418 até 711, data de la ambason muçulmana, que sustituirie l reino besigodo por Al-Andaluç

Alguns outores defenden l'ourige de l nome "bisigodo" na palabra Besi ó Wesa ("buono") i de l nome Ostro, de astra (resplandescente). Mas l'oupenion mais cunsagrada cunsidra l'ourige de la palabra na chamaçon de "godos de l oeste", de l'alman "Westgoten", "Wesigoten" ó "Terwingen", por cumparaçon culs ostrogodos ó "godos de l leste" — an alman "Greutungen", "Ostrogoten" ó "Ostgoten"Ls bruxedos besigóticos an Pertual i Spanha ancluen bárias eigreijas i çcubiertas arqueológicas crecentes, mas çtaca-se tamien la notable cantidade de nomes própios i apelidos que deixórun nestas i noutras lénguas románicas. Ls besigodos fúrun l único pobo a fundar cidades na Ouropa oucidental passado la queda de l Ampério Romano i antes de l pontuar de ls carolíngios. Assi i todo l maior legado de ls besigodos fui l Dreito besigótico, cul Liber iudiciorun, código legal que formou la base de la legislaçon ousada na generalidade de la Ibéria crestiana durante seclos passado l sou reinado, até al seclo XV, yá na fin de la Eidade Média.

Bándalos

Ls Bándalos éran ua tribo germánica ouriental que penetrou ne l Ampério Romano durante l seclo V i criou un stado ne l norte de la África, centralizado na cidade de Cartago. Ls bándalos ambadiran Roma ne l'anho de 455, saqueando-l'i çtruindo muitas obras primas d'arte que se perdírun para siempre.

Catalunha

La Catalunha (an catalan: Catalunya, an aranés: Catalonha, an spanhol: Cataluña) ye ua naçon recoincida i stablecida cumo quemunidade outónoma de forma jurídica i admenistratiba, de acuordo cula custituiçon spanhola de 1978, cula catadorie de nacionalidade stórica, detreminada ne l sou statuto de outonomie, andrento de l Reino de Spanha i la Quemunidade Ouropeia. L sou território queda ne l stremo nordeste de la Península Eibérica. Ten cumo lhéngua própia l catalan, sendo oufecial al lhado de l spanhol, que ye oufecial an toda Spanha. La sue capital ye Barcelona, andrento de la porbíncia de Barcelona. De acuordo cul censo de l Institut d'Estadística de Catalunya de 2018, la Catalunha ten 7,600,065 habitantes. L hino de la Catalunha ye Els segadors.

Galízia

La Galízia (an galhego: Galicia ó Galiza) ye ua naçon recoincida anternacionalmente an 1933, i stablecida cumo quemunidade outónoma de forma jurídica i admenistratiba, de acuordo cula custituiçon spanhola de 1978, cula catadorie de nacionalidade stórica, detreminada ne l sou statuto de outonomie, andrento de l Reino de Spanha i la Quemunidade Ouropeia. L sou território queda ne l stremo noroeste de la Península Eibérica, a leste culas quemunidades outónomas de las Stúrias, i Castielha i Lheon, a oeste cul ouceano Atlántico, a norte cul mar Cantábrico, i inda al sul cun Pertual.

Ten cumo lhéngua própia l galhego, de ourige quemun cul pertués (dambas nacírun de la lhéngua mediabal coincida cumo galhego-pertués), sendo oufecial al lhado de l spanhol, que ye oufecial an toda Spanha.

La sue capital ye Santiago de Compostela que ten un statuto special, andrento de la porbíncia de la Coruña. De acuordo cul censo de 2016, la Galízia ten 2 718 525 habitantes, cun ua densidade demográfica eilebada nas faxas antre Ferrol i Vigo. Na Galízia, hai siete núcleos ourbanos classeficados cumo cidades, que de acuordo culs critérios populacionales son ls seguintes: Vigo, Coruña, Ourense, Lugo, Santiago de Compostela, Pontevedra i Ferrol. Ten ua superfície de 29 574,4 km².D'acuordo cul censo de 2016, l cunceilho más poblado ye Vigo cun 292 817 habitantes, i l menos poblado ye Negueira de Muñiz cun 215 habitantes. L cunceilho mais ancho ye Fonsagrada cun ua superfície de 438,4 km², i l mais pequeinho ye Mondariz-Balneario cun 2,3 km². La Coruña ye l cunceilho cula meior densidade populacional cun 6449,32 hab./km², i Vilariño de Conso ye l cunceilho que ten la menor densidade populacional cun 2,92 hab./km².

L hino de la Galízia, Os Pinos, eilaborado por Eduardo Pondal, refre-se a la Galízia cumo la nacion de Breogán, un harói celta.

Guerras Napoleónicas

Guerras Napoleónicas ye la zeignaçon de l cunflito armado que se stendiu de 1799 la 1815, oupondo la quaije totalidade de las naciones de la Ouropa a Napoleon Bonaparte, hardeiro de la Reboluçon Francesa i ditador melitar.

Napoleon chegou al poder cumo 1 °Cónsul (1799) benido a ser coronado amperador de la Fráncia, an 1804, sob l títalo de Napoleon I. A partir de 1807 cunduziu l goberno sin atender als Cuorpos Lhegislatibos i cun caratelísticas outoritárias, amperiales i spansionistas.

Las guerras, la percípio lhocalizadas cumo cunflitos antre soberanos, tornórun-se guerras nacionales a partir de la resisténcia popular de Spanha i Pertual (Guerra Peninsular) als ambasores napoleónicos. Cul apoio de la Grana-Bretanha, las naciones ouropeias, derrotadas an sucessibas coligaçones, acabórun por se ampor la Napoleon na Batailha de Waterloo (1815).

Lhéngua mirandesa

La lhéngua/léngua mirandesa ye ua lhéngua románica falada an Pertual, ne ls cunceilhos de Miranda de l Douro (trinta pobaçones) i de Bumioso (3 pobaçones), ne l çtrito de Bergáncia, nun spácio que ten pouco mais de 500 km² i alredror de 7 000 falantes, tamien ye la lhéngua falada en Lhion y Stúrias. Miranda ye ua region ancostada a la Spanha, subretodo an las porbíncias de Çamora i Salamanca.

La lhéngua mirandesa ten ua fonologie, morfologie i sintaxe çtinta de l pertués, zde la formaçon de Pertual (seclo XII). Ten las sues raízes ne l lhatin falado ne l norte de la Península Eibérica (l pertués zambolbiu-se ne l noroeste). L mirandés ye un decendiente de l antigo lhionés falado ne l norte de la Eibéria, ne l reino de Lhion, i ye la mesma lhéngua que l lhionés. L mirandés cumparte ua grande bariadade de palabras cun regionalismos de l pertués.

Lhéngua spanhola

L spanhol ó castelhano (an spanhol: español ó castellano) ye ua lhéngua románica de l grupo Ibero-Románico que se ouriginou ne l norte de la Spanha i als poucos spalhou pul Reino de Castielha, eiboluindo pa la lhéngua percipal de gobierno i de comércio na Península Eibérica. L lhéngua fui lhiebado specialmente pa las Américas, África i Ásia-Pacífico cula spanson de l Ampério Spanhol antre ls seclos XV i XIX.

Hoije, 329 milhones de pessonas falan spanhol cumo lhéngua natibo. Ye la segunda lhéngua mais falada ne l mundo an cantidade de falantes natibos, depuis de l mandarin chinés. L México ten la maior populaçon de falantes de spanhol. L'espanhol ye ua de las seis lhénguas oufeciales de las Naciones Ounidas.

Lhéngua sturiana

L asturiano ye ua lhéngua románica pertencente al subgrupo lhenguístico asturo-lheonés falada ne l nordeste de la Península Eibérica. Tamien ye chamada bable. Ten cerca de cien mil falantes natibos, mais cerca de 450 mil que l'úsan cumo segunda lhéngua, sendo capazes de falá-la i antendé-la.

Ye circunscrita al prencipado de Astúrias, fuora la parte mais oucidental adonde se fala galego, i la parte oucidental de Cantábria. L ramo mais meridional de l'asturiano-lheonés ye l stremenho (castúo).

Lisboua

Lisboua ó Lhisboua ye la capital de Pertual i la cidade mais populosa de l paíç. Ten ua populaçon de 506 892 habitantes, drento de ls sous lemites admenistratibos. Na Ária Metropolitana de Lisboua, residen 2 821 697 pessonas (2011), sendo por esso la maior i mais populosa ária metropolitana de l paíç. Lisboua ye l centro político de Pertual, sede de l Gobierno i de la residéncia de l xefe de Stado. Ye l "farol de la lusofonia" (Daus): la Quemunidade de ls Países de Léngua Pertuesa (CPLP) ten la sue sede na cidade. Ye inda la capital mais l'oucidente de l cuntinente ouropeu na cuosta atlántica.

Pertual Cuntinental

Pertual Cuntinental ó Cuntinente ye la zeignaçon atribuída al território cuntinental pertués, situado na Península Eibérica.

La zeignaçon ye ousada para defrenciar l território cuntinental de ls arquipélagos atlánticos de ls Açores i de la Madeira (tamien coincidas cumo las regiones outónomas ó las ilhas). Quando Pertual detenie un basto ampério colonial, la zeignaçon mais quemun para chamar la parte de l território nacional na Península Eibérica era Metrópole.

Pertual Cuntinental refire-se, tamien, a ua de las trés NUTS 1 de Pertual.

Pertual Cuntinental cumprende 89 015 Km² de ls 92 145 Km² de l território nacional (96,6%), i 10 144 940 de ls 10 637 713 habitantes que nel habitan (95,4%).

Recunquista

La Recunquista (tamien referenciada cumo Cunquista crestiana) ye la zeignaçon storiográfica pa l mobimiento crestiano cun ampeço ne l seclo VIII que bisaba a la recuperaçon de ls Besigodos crestianos de las tierras perdidas pa ls árabes durante la ambason de la Península Eibérica.

Ls muçulmanos nun cunseguiran acupar la region muntanhosa de las Astúrias, adonde rejistiran muitos refugiados; ende surgirie Pelágio (ó Pelaio) que se puso delantre de ls refugiados, ampeçando eimediatamente un mobimiento para recunquistar l território perdido.

La guerra tenie un oubjetibo: reapoderáren-se de las tierras i de todo l que neilhas eisistie. L'acupaçon de las tierras cunquistadas fazie-se cun un cerimonial: cun cornu eit albende de rege, esto ye, cul toque de las trombetas i la bandeira çfraldada.

L'eideia de «cruzada» solo bieno a aparecer na época de las Cruzadas (1096). La recunquista de to l território peninsular bai durar cerca d'uito seclos, solo quedando cuncluída an 1492 cula recunquista de l reino muçulmano de Granada puls Reis Católicos. An Pertual, la recunquista treminou cula cunquista defenitiba de Silbes pulas fuorças de D. Fonso III, an 1253. Mais tarde, la spanson marítima pertuesa, precedida pula cunquista de las praças africanas fui cunsidrada, an parte, cumo ua cuntinaçon de la Recunquista.

Reino Besigodo de Toulouse

L Reino Besigodo de Toulouse apareciu ne l'ampeço de la Eidade Média na parte mais oucidental de l Ampério Romano de l Oucidente, quando este ampeçou a definhar delantre de las ambasones bárbaras.

De 407 a 409 ls bándalos, cun sous aliados alanos i tribos germánicas cumo ls suebos, ambadírun la península Eibérica. An repuosta a esta ambason de la Spánia, l'amperador Honório, de l Ampério Romano de l Oucidente, tubo l'ajuda de ls besigodos para retomar l cuntrolo de l território. An 418, Honório recumpensou sous foederati besigodos dando-les tierras na Gália Aquitánia nas quales eilhes se stablecírun. Esto fui feito sob hospitalitas, las regras para pagar suldados de l eisército. Este assentamiento formou l núcleo de l feturo reino besigótico qu'eirie depuis spandir-se atrabeç de ls Pirineus i até la península Eibérica.

Riu Guadiana

L riu Guadiana ye un riu anternacional de la [Península Eibérica] que nace a ua altitude de cerca de 1700m, nas lagonas de Ruidera, na porbíncia spanhola de Ciudad Rial, renace ne ls Ojos del Guadiana i zagua ne l Ouceano Atlántico (mais percisamente ne l Golfo de Cádis), antre la cidade pertuesa de Bila Rial de Santo António i la spanhola de Ayamonte. Cun un curso total de 829 Km, ye l quarto mais longo de la Península Eibérica. La bacie heidrográfica ten ua ária de 66800 Km², situada, an grande parte, an Spanha (cerca de 55000 Km²).

Percorre la Meseta Sul na direçon leste-oeste i, acerca de la cidade spanhola de Badajoç, toma l rumo sul até a la foç. L Guadiana faç frunteira antre Pertual i Espanha, zde l riu Chança até a la foç. Ne l troço antre l riu Caia i la rieira de Cuncos la frunteira nun stá demarcada debido al litígio frunteiriço de Oulibença, antre la rieira de Oulibença i la rieira de Táliga.

L Guadiana ye nabegable até Mértola nua çtáncia de 68 Km. Ne l sou curso pertués fui custruída la Barraige de Alqueba, na region de l Alanteijo$2, que criou l maior lago artificial de la Ouropa.

Ls sous percipales afluentes son, pula borda dreita: Záncara, Riu Ciguea.Ciguela, Bullaque, Degebe i la Rieira de l Bascon. Pula borda squierda son afluentes percipales l Guadiana Alto, Azuer, Jabalón, Zújar, Matachel, Ardila i l Chança.

Riu Teijo

L Teijo ye l riu mais lhargo de la Península Eibérica. La sue bacie heidrográfica ye la terceira mais lharga de la península, atrás de l riu Douro i de l riu Ebro. Nace an Spanha - adonde ye coincido cumo Tajo - a 1593 m d'altitude na Serra de Albarracín, i zagua ne l Ouceano Atlántico, banhando Lhisboua, passado un percurso de cerca de 1007 Km. La sue bacie heidrográfica ye de 80.600 Km² (55.750 Km² an Spanha i 24.850 Km² an Pertual), sendo la segunda mais amportante de la Península Eibérica depuis de la de l riu Ebro.

Nas sues bordas quedan lhocalidades spanholas cumo Toledo, Aranjueç i Talabera de la Reina, i pertuesas cumo Abrantes, Santarén, Salbaterra de Magos, Bila Franca de Xira, Alberca de l Ribateijo, Fuorte de la Casa, Póboa de Santa Eirie, Sacabén, Alcochete, Montijo, Barreiro, Seixal, Almada i Lhisboua.

An Lhisboua l riu Teijo ye atrabessado por dues puontes. La mais antiga ye la Puonte 25 de Abril (einougurada an 1966, anton Puonte Salazar), ua de las puontes suspensas mais grandes de la Ouropa i de l mundo, i que lhiga la capital de Pertual a Almada. L'outra ye la Puonte Vasco da Gama, de cerca de 17 Km de cumprimiento. Fui einougurada an 1998 i lhiga Lhisboua (Sacabén) la Alcochete i Montijo. L lhocal mais ancho deste riu chama-se Mar de la Palha i queda antre la Lhisboua, Bila Franca de Xira i Benabente.

Cerca de Bila Franca de Xira eisiste inda la Puonte Marechal Carmona que lhiga las dues bordas. Era mui outelizada, mas cula custruçon de la Puonte Vasco da Gama perdiu tráfego.

Eesiste a l'antrada de la barra deste riu ua fortaleza (l fuorte de São Julião da Barra).

De la foç de l Teijo partiran las naus i las carabelas de ls çcubrimientos pertueses. La óndia qu'assolou Pertual ne l die de l terramoto de 1755 subiu l riu i inundou Lhisboua i outras lhocalidades na borda.

Todos ls anhos ne l porto de Lhisboua, atracan cientos de nabios de lhuxo, percipalmente na doca de Alcántara.

Ne l sou stuairo eisiste ua reserba ecológica (Reserba Natural de l Stuário de l Teijo, cun sede an Alcochete) adonde nidifican bárias speces de abes. Debido a la grande poluiçon de l riu deixórun d'eisistir golfinos, aparecendo raramente un eisemplar, que por anganho entra ne l stuairo, buoltando al mar siempre que possible.

Spanha

Spanha (an castelhano: España; [esˈpaɲa] (scuitar )), coincido cumo Reino de Spanha (Reino de España) ye un paíç percipalmente localizado na Península Eibérica na Ouropa. Sou território tamien anclui dous arquipélagos: las ilhas Canárias, na cuosta de la África, i las ilhas Baleares, ne l mar Mediterráneo. Ls anclabes africanos de Ceuta i Melilla fázen de la Spanha l único paíç ouropeu a tener ua frunteira física cun un paíç africano (Marrocos). Bárias pequeinhas ilhas ne l mar de Alboron tamien fázen parte de l território spanhol. La Spanha cuntinental ye lemitada la sul i la leste pul Mediterráneo, sceto por ua pequeinha frunteira terrestre cun Gibraltar; la norte i la nordeste pula Fráncia, por Andorra i pul Golfo de la Biscaia; i l'oeste i noroiste por Pertual i pul Ouceano Atlántico. Cun ua ária de 505.990 quilómetros quadrados, la Spanha ye l maior paíç de la Ouropa Meridional, l segundo maior paíç de la Ouropa Oucidental i de la Ounion Ouropeia (OO) i l quarto maior paíç de to l cuntinente ouropeu. Tamien ye l sesto paíç mais populoso de la Ouropa i l quinto de la UE. La capital i maior cidade ye Madrid; outras grandes árias ourbanas ancluen Barcelona, Baléncia, Sebilha, Málaga i Bilbao.

Ls houmanos modernos chegórun pula purmeira beç na Península Eibérica hai cerca de 35 000 anhos. Las culturas eibéricas, juntamente cun antigos poboamientos fenícios, griegos, celtas i cartagineses, zambolbírun-se na península até l'ampeço de l domínio romano por buolta de 200 a.C., quando la region era chamada Spánia, baseada ne l'antigo nome fenício Spania. Cul colapso de l Ampério Romano de l Oucidente, cunfederaçones tribales germánicas migrórun de la Ouropa Central, ambadiran la Península Eibérica i stablecírun reinos relatibamente andependientes an sues porbíncias oucidentales, ancluindo ls suebos, alanos i bándalos. Eibentualmente, ls besigodos antegrarian a la fuorça todos ls territórios andependientes remanescentes na península al Reino de Toledo, ancluindo las porbíncias bizantinas, l que de cierta maneira unifica politicamente, eclesiasticamente i juridicamente todas las antigas porbíncias romanas ó reinos sucessores de l'antiga Spánia.

Ne l'ampeço de l seclo VIII, l Reino Besigótico caiu delantre de ls mouros, que chegórun a gobernar la maior parte de la península ne l'anho de 726 (cun duraçon d'até siete seclos ne l Reino de Granada), deixando solo un punhado de pequeinhos reinos crestianos ne l norte. Esto lebou la muitas guerras durante un longo período, l que culminou na criaçon de ls reinos de Lhion, Castielha, Aragon i Nabarra, que se tornórun las percipales fuorças crestianas contra ls árabes. Passado la cunquista mourisca, ls ouropeus ampeçórun un porcesso gradual de retomada de la region coincido cumo "Reconquista", que ne l final de l seclo XV fizo cun que la Spanha surgisse cumo un paíç unificado sob l domínio de ls Reis Católicos. Ne l'ampeço de la Era Moderna, la nacion tornou-se l purmeiro ampério mundial de la stória i l paíç mais poderoso de l mundo, deixando un grande legado cultural i lenguístico qu'anclui mais de 570 milhones de spanófonos al redror de l mundo, l que tornou l spanhol la segunda léngua mais falada ne l mundo, depuis de la léngua chinesa. Durante l Seclo de Ouro Spanhol tamien houbo muitos abanços nas artes, cun pintores mundialmente famosos, cumo Diego Belázqueç. La mais famosa obra literária spanhola, Don Quixote, tamien fui publicada durante este período. L paíç abriga l terceiro maior númaro de sítios classeficados cumo Património Mundial pula UNESCO.

La Spanha ye ua democracie parlamentar secular i ua monarquia custitucional, sendo que l rei Filipe VI sirbe cumo xefe de Stado. Ye un de ls percipales países zambolbidos i un paíç d'alta renda, cula 14.ª maior eiquenomie de l mundo por PAB nominal i a 16.ª maior por paridade de l poder de cumpra. Ye nembro de las Naciones Ounidas (ONU), Ounion Ouropeia (OO), Zona Ouro, Cunseilho de la Ouropa (CoE), Organizaçon de ls Stados Ibero-amaricanos (OEI), Ounion pa l Mediterráneo, Ourganizaçon de l Tratado de l Atlántico Norte (OTAN), Organizaçon pa la Coperaçon i Zambolbimiento Eiquenómico (OCDE), Ourganizaçon para la Sigurança i Coperaçon na Ouropa (OSCE), l Spácio Schengen, la Ourganizaçon Mundial de l Quemércio (OMC) i muitas outros ourganismos anternacionales. Ambora nun seia un nembro oufecial, la Spanha tamien ye un "cumbidado permanente" de las cúpulas de l G20, participando de todos ls ancuontros de l grupo.

Suebos

Ls suebos fúrun un de ls pobos qu'acupórun la Spánia durante las Ambasones bárbaras, fundando un reino na antiga porbíncia romana de la Galécia (atual norte de Pertual i Galiza) que durarie antre ls anhos 409 la 585 d.C., data an que fui aneixado puls Besigodos. Ls suebos éran un pobo germano ouriundo de la region antre ls rius Eilba i Oder, na Almanha. L storiador romano Tácito chegou a referir-se a todos ls germanos de para alhá-Elba cumo "suebos". Apuis, i cun outras tribos de defrentes etnies, partecipórun na fundaçon de la Suábia ne l sul de la Almanha.

Visigotia

Visigotia, tamien coincido cumo Reino Besigótico de Toledo ó Spania Besigótica, era l nome de l reino de ls besigodos na Península Eibérica, ne l ampeço de la Eidade Média.

Ls besigodos, depuis de saquear Roma an 410, tóman posse dua basta region de la Gália, cumbertendo an capital la cidade de Toulouse i fundando eilhi un reino que cobrie l sul de la Fráncia i parte de Spanha (culs Perineus ne l meio; este reino ye coincido pul nome de Reino Besigodo de Toulouse). Depuis dua grande derrota pa ls francos, na Batailha de Bouillé, an 507, ls godos abandónan l'antiga capital, Toulouse, i trasfíren-se pa siempre pa Toledo, mantenendo na Gália solo ua pequeinha faixa territorial al sul de l Perineus, coincida cumo Setimania ó porbíncia Narbonense (Gália Narbonense).

An 585, ls besigodos cunquístan l reino de ls Suebos, que se stendie pulas atuales regiones de la Galiza i de l Norte de Pertual; dende puode-se dezir que, a partir d'anton, la Península Eibérica passou a custituir un território politicamente ouneficado sob l'outoridade de ls reis besigodos.

An 589, ne l III Cuncílio de Toledo, l rei Recaredo anuncia oufecialmente la cumberson de ls besigodos de l arianismo (corriente crestiana cunsidrada heirética zde l Purmeiro Cuncílio de Niceia, de 325) pa l catolicismo. Este eibento marca l'ampeço dua streita aliança antre la monarquie besigoda i ls bispos católicos de la Península Eibérica, aliança que ganhou spresson seneficatiba na obra d'outores de la época, cumo Isidoro de Sebilha i Juliano de Toledo.

L reino besigodo durou até 711, anho an que la Península Eibérica fui cunquistada por muçulmanos (árabes i berberes), qu'atrabessórun l streito de Gibraltar, quemandados por Tarik.

Noutras lhénguas

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.