Libro

Libro ye un belume transportable, cumpuosto por páiginas, sin cuntar las cápias[1], ancadernadas, cuntendo testo manuscrito ó ampresso i/ó eimaiges i que forma ua publicaçon unitária (ó fui cuncebido cumo tal) ó la parte percipal dun trabalho literário, científico ó outro.

An ciéncia de la anformaçon l libro ye chamado monografie, para çtingui-lo de outros tipos de publicaçon cumo rebistas, periódicos, teses, tesauros, etc.

L libro ye un produto anteletual i, cumo tal, ancerra coincimiento i spressones andibiduales ó coletibas. Mas tamien ye ne ls dies de hoije un produto de cunsumo, un bien i sendo assi la parte final de sue produçon ye rializada por meios andustriales (ampresson i çtribuiçon). La tarefa de criar un cunteúdo passible de ser transformado an libro ye tarefa de l outor. Yá la produçon de l libros, ne l que cuncerne a transformar ls ouriginales nun produto comercializable, ye tarefa de l eiditor, an giral cuntratado por ua eiditora. Ua terceira funçon associada al libro ye la coleta i ourganizaçon i andexaçon de coleçones de libros, típica de l bibliotecário.

Stória

La stória de l libro ye ua stória de inobaçones técnicas que permitiran la melhora de la cunserbaçon de l belumes i de l acesso a la anformaçon, de la facilidade an manuseá-lo i produzi-lo. Esta stória ye antimamente ligada a las cuntingéncias políticas i eiconómicas i a la stória de eideias i religiones.

Antiguidade

Na Antiguidade surge la scrita, antes al testo i al libro. La scrita cunsiste de código capaç de transmitir i cunserbar noçones abstratas ó balores cuncretos, an resumo: palabras. Ye amportante çtacar eiqui que l meio cundiciona l signo, ó seia, la scrita fui an cierto sentido ourientada por esse tipo de suporte; nun se sculpe an papel ó se scribe ne l mármore.

Ls purmeiros suportes outilizados para la scrita fúrun tabuletas de argila ó de piedra. A seguir bino l khartés (belumen para ls romanos, forma pula qual quedou más coincido), que cunsistia nun cilindro de papiro, facilmente transportado. L "belumen" era zamrolado cunforme iba sendo lido, i l testo era scrito an colunas na maiorie de las bezes (i nun ne l sentido de l eixe cilíndrico, cumo se acradita). Alguas bezes un mesmo cilindro cuntenie bárias obras, sendo chamado anton de tomo. L cumprimiento total dun "belumen" era de c. 6 ó 7 metros, i quando anrolado sou diámetro chegaba a 6 centímetros.

L papiro cunsiste nua parte de la planta, que era liberada, librada (latin libere, libre) de l restante de la planta - dende surge la palabra liber libri, an latin, i más tarde libro an pertués. Ls cachos de papiros más "recentes" son datados de l seclo II a.C..

Als poucos l papiro ye sustituído pul pergaminho, scerto de couro bobino ó de outros animales. La bantaige de l pergaminho ye que el se cunserba más al longo de l tiempo. L nome pergaminho deriba de Pérgamo, cidade de la Ásia menor adonde tenerie sido ambentado i adonde era mui usado. L "belumen" tamien fui sustituído pul códex, que era ua cumpilaçon de páiginas, nun más un rolo. L códex surgiu antre ls griegos cumo forma de codificar las leis, mas fui aperfeiçoado puls romanos ne ls purmeiros anhos de la Era Cristiana. L uso de l formato códice (ó códice) i de l pergaminho era cumplementar, pus era mui más fácele costurar códices de pergaminho de l que de papiro.

Ua cunsequéncia fundamental de l códice ye que el faç cun que se comece a pensar ne l libro cumo oubjeto, eidantificando definitibamente la obra cul libro.

La cunsulidaçon de l códex acunte an Roma, cumo yá citado. An Roma la leitura ocorria tanto an público (para la plebe), eibento chamado recitatio, cumo an particular, para ls ricos. Para alhá desso, ye mui probable que an Roma tenga surgido pula purmeira beç la leitura por lazer (bolutas), zbinculada de l senso prático que la caraterizara até anton. Ls libros éran adquiridos an libraries. Assi aparece tamien la figura de l eiditor, cun Atticus, home de grande senso mercantil. Alguas obras éran ancomendadas puls gobernantes, cumo la Eneida, ancomendada la Virgílio por Augusto.

Acradita-se que l sucesso de la religion cristiana se debe an grande parte al aparecimiento de l códice, pus a partir de anton tornou-se más fácele çtribuir anformaçones an forma scrita.

Eidade Média

Fexeiro:Gutenberg bible Old Testament Eipistle of St Jerome.jpg
Ua páigina de la Bíblia de Gutenberg (Bielho testamiento).

Na eidade Média l libro sofre un pouco, na Ouropa, las cunsequéncias de l scessibo ferbor relegioso, i passa a ser cunsiderado an si cumo un oubjeto de salbaçon. La caratelística más marcante de la Eidade Média ye l aparecimiento de l monges copistas, homes dedicados an período antegral a reproduzir las obras, heirdeiros de l scribas eigípcios ó de l libraii romanos. Ne ls mosteiros era cunserbada la cultura de la Antiguidade. Aparecírun nessa época ls testos didáticos, çtinados a la formaçon de l relegiosos.

L libro cuntina sue eiboluçon cul aparecimiento de bordas i páiginas an branco. Tamien surge la pontuaçon ne l testo, bien cumo l uso de letras maiúsculas. Tamien aparecen índices, sumários i resumos, i na catadorie de géneros, para alhá de l didático, aparecen ls florilégios (coletáneas de bários outores), ls testos auxiliares i ls testos eróticos. Progressibamente aparecen libros an léngua bernacular, rompendo cul monopólio de l latin na literatura. L papel passa a sustituir l pergaminho.

Mas la ambençon más amportante, yá ne l lemite de la Eidade Média, fui la ampresson, ne l seclo XIV. Cunsistia ouriginalmente de la grabaçon an blocos de madeira de l cunteúdo de cada páigina de l libro; ls blocos éran mergulhados an tinta, i l cunteúdo transferido para l papel, produzindo bárias cópias. Fui an 1405 surgie na China, por meio de Pi Sheng, la máquina ampressora de tipos móbeis, mas la tecnologie que porbocarie ua reboluçon cultural moderna fui zambolbida por Johannes Gutenberg.

Eidade Moderna

Ne l Oucidente, an 1455, Johannes Gutenberg ambenta la amprensa cun tipos móbeis reutilizables, l purmeiro libro ampresso nessa técnica fui la Bíblia an latin. Houbiste cierta resisténcia por parte de l copistas, pus la ampressora punie an causa la sue acupaçon. Mas cula ampressora de tipos móbeis, l libro popularizou-se definitibamente, tornando-se más acessible pula reduçon einorme de l custos de la produçon an série.

Cul aparecimiento de la amprensa zambolbiu-se la técnica de la tipografie, de la qual dependia la cunfiabilidade de l testo i la capacidade de l mesmo para atingir un grande público. Las necidades de l tipo móbel eisigiran un nuobo zeinho de letras; caligrafies antigas, cumo la Carolíngea, stában çtinadas al ostracismo, pus sou scesso de detalhes i filos delgados era ampraticable, tecnicamente.

Ua de las figuras más amportantes de l ampeço de la tipografie ye l eitaliano Aldus Manutius. El fui amportante ne l porcesso de maturidade de l porjeto tipográfico, l que hoije chamaríamos de zeign gráfico ó eiditorial. La maturidade desta nuoba técnica lebou, antretanto, cerca dun seclo.

Pertual

Fexeiro:Piture bok 1866.jpg
Retrato dun libro publicado an 1866.

An Pertual, la amprensa fui antroduzida ne l tiempo de l rei D. Juan II. L purmeiro libro ampresso an território nacional fui l Pentateuco, ampresso an Faro an carateres heibraicos ne l anho de 1487. An 1488 fui ampresso an Chabes l Sacramental de Clemente Sáncheç de Vercial, cunsiderado l purmeiro libro ampresso an léngua pertuesa, i an 1489 i na mesma cidade, l Tratado de Cunfisson. La ampresson entraba an Pertual pul nordeste stransmuntano. Solo na década de nobenta de l seclo XV ye que serien ampressos libros an Lisboua, ne l Porto i an Braga.

Na eidade Moderna aparecen libros cada beç más portáteles, anclusibe ls libros de bolso. Estes libros passan a trazer nuobos géneros: l remanse, la nobela, ls almanaques.

Eidade Cuntemporánea

Cada beç más aparece la anformaçon nó-linear, seia por meio de l jornales, seia de la anciclopédia. Nuobas médias acaban anfluenciando i relacionando-se cula andústria eiditoral: ls registros sonoros, la retrato i l cinema.

L acabamiento de l libros sofre grandes abanços, surgindo aqueilho que conhecemos cumo eidiçones de luxo.

Libro eiletrónico

De acordo cula definiçon dada ne l ampeço deste artigo, l libro debe ser cumpuosto dun grupo de páiginas ancadernadas i ser portable. Antretanto, mesmo nun oubedecendo a essas caratelísticas, surgiu an fines de l seclo XX l libro eiletrónico, ó seia, l libro nun suporte eiletrónico, l cumputador. Inda ye cedo para dezir se l libro eiletrónico ye un cuntinador de l libro típico ó ua bariante, mas cumo média el ben ganhando spácio, l que de cierto modo amedronta ls amantes de l libro típico - ls bibliófilos.

Eisisten libros eiletrónicos çponibles tanto para cumputadores de mesa quanto para cumputadores de mano, ls palmtops. Ua dificuldade que l libro eiletrónico ancontra ye que la leitura nun suporte de papel ye cerca de 1,2 beç más rápida de l que nun suporte eiletrónico, mas pesquisas bénen sendo feitas ne l sentido de melhorar la bisualizaçon de l libros eiletrónicos.

La produçon de l libro

Fexeiro:Chambery anterieur mediatheque 600px.jpg
Viblioteca moderna an Chambery, Fráncia

La criaçon de l cunteúdo dun libro puode ser rializada tanto por un outor solico quanto por ua eiquipe de colaboradores, pesquisadores, co-outores i eilustradores. Tenendo l manuscrito terminado, ampeça la busca dua eiditora que se antresse pula publicaçon de la obra (causo nun tenga sido ancomendada). L outor oufrece al eiditor ls dreitos de reproduçon andustrial de l manuscrito, cabendo a el la publicaçon de l manuscrito an libro. Las sues funçones de l eiditor son anteletuales i eiconómicas: debe selecionar un cunteúdo de balor i que seia bendable an quantidade passible de gerar lucros ó más-balias para la ampresa. Modernamente l zeinterisse de eiditores comerciales por obras de balor mas sin garanties de lucros ten sido cumpensado pula atuaçon de eiditoras ounibersitárias (pul menos ne l que tange a trabalhos científicos i artísticos).

Cabe al eiditor sugerir alteraçones al outor, cun bista a ajustar l libro al mercado. Essas alteraçones puoden passar pula eiditoriaçon de l testo, ó pul acréscimo de eilemientos que puodan beneficiar la outilizaçon/comercializaçon de l mesmo pul leitor. Ua eiditora ye cumpuosta pul Departamiento eiditorial, de produçon, comercial, de Marketing, assi cumo bários outros serbícios neçairos al funcionamiento dua ampresa, podendo bariar cunsuante las funçones i serbícios eisercidos pula ampresa. Na mesma trabalhan ls eiditores, rebisores, gráficos i zeigners, capistas, etc. Ua eiditora nun ye necessariamente l produtor de l libro, sendo que quaije siempre essa funçon de reproduçon mecánica dun ouriginal eiditado ye feita por ouficinas gráficas an regime de prestaçon de serbício. Dessa forma, l trabalho andustrial percipal dua eiditora ye cunfecionar l modelo de libro-oubjeto, trabalho que se dá atrabeç de l porcessos de eidiçon i cumposiçon gráfica/digital.

La fase de produçon de l libro ye cumpuosta pula ampresson (posterior a la amposiçon i montaige an cadernos - hoije an die digital), l alceamiento i l ancapamiento. Podendo inda eisistir bárias outras funçones adicionales de acréscimo de balor al produto, nomeadamente a la cápia, cula plastificaçon, relebos, pigmentaçon, i outros acabamientos.

Terminada la eidiçon de l libro, el ye ambalado i çtribuído, sendo ancaminhado para ls defrentes canhales de benda, cumo ls libreiros, para dende chegar al público final.

Pul sposto arriba, talbeç debéssemos cunsiderar que la catadorie libro seia la cuncepçon dua coleçon de registros an algun suporte capaç de transmitir i cunserbar noçones abstratas ó balores cuncretos. Ne l ampeço de 2007, fui noticiada la ambençon i fabricaçon, na Almanha, dun papel eiletrónico, ne l qual son scritos libros.

Classeficaçon de l libros

Ls libros atualmente puoden ser classeficados de acordo cun sou cunteúdo an dues grandes catadories: libros de leitura sequencial i obras de refréncia.

Obras de refréncia

  • anuário
  • bibliografie
  • dicionário
  • manual
  • anciclopédia
  • guia turístico
  • libro didático
  • relatório
  • bade mecun
  • poesies

Cánones de la literatura oucidental

Nun ye ralo que se percure ua andicaçon de clássicos de la literatura. An 1994, l crítico amaricano Harold Blon publicou la obra L Cánone Oucidental, an que çcutie la anfluéncia de l grandes libros na formaçon de l gusto i de la mentalidade de l oucidente. Blon cunsidra la tendéncia de se abandonar l sfuorço an se criar cánones culturales nas ounibersidades, para eibitar porblemas eideológicos, porblemática para l feturo de la eiducaçon.

Curjidades

  • La Bíblia ye l libro más bendido de l mundo.
  • L Guiness World Bok of Records ye l segundo libro más bendido ne l mundo.
  1. Dados de la Unesco (an anglés)
Adolf Hitler

Adolf Hitler (Braunau an Ann, 20 d'abril de 1889 — Berlin, 30 d'abril de 1945) fui l líder de l Partido Nacional Socialista de ls Trabalhadores Almanes (an alman Nationalsozialistische Deutsche Arbeiterpartei, NSDAP), tamien coincido por Partido Nazi, ua abrebiatura de l nome an alman (Nationalsozialistische).

Hitler tornou-se chanceler i, mais tarde, ditador alman. Era filho dun funcionairo d'alfándiga dua pequeinha cidade frunteiriça de la Áustria cula Almanha.

Las sues teses racistas i anti-semitas, assi cumo ls sous oubjetibos pa la Almanha quedórun patentes ne l sou libro de 1924, Mein Kampf (Mie luita). Decumientos apersentados durante l Julgamiento de Nuremberga andican que, ne l período an que Adolf Hitler stubo ne l poder, grupos minoritairos cunsidrados andeseijados - tales cumo Testemunhas de Jeobá, slabos, polacos, ciganos, homossexuales, deficientes físicos i mentales, i judius - fúrun perseguidos ne l que se tornou coincido cumo Holocausto. La maiorie de ls storiadores admite que la maior parte de ls perseguidos fui submetida la Soluçon Final, anquanto ciertos seres houmanos fúrun ousados an spurmientos médicos ó melitares.

Ne l período de 1939 a 1945, Hitler liderou la Almanha anquanto ambolbida ne l maior cunflito de l seclo XX, la Segunda Guerra Mundial. La Almanha, juntamente cula Eitália i cul Japon, formában l Eixe. L Eixe serie derrotado solo pula anterbençon sterna de l grupo de países que se chamában ls "Aliados". Tal grupo fizo-se notable por tener sido custituído puls percipales repersentantes de ls sistemas capitalista i socialista, antre ls quales la URSS i ls EUA, ounion esta que se cumbertiu an ouposiçon ne l período pós-guerra, coincido cumo la Guerra Frie. La Segunda Guerra Mundial acarretou la muorte dun total stimado an 50 a 60 milhones de pessonas.

Hitler subrebibeu sin ferimientos grabes a 42 atentados contra sue bida. Debido a esso, al que todo andica, Hitler tenerie chegado a acraditar que la "Probidéncia" staba anterbindo la sou fabor. La radadeira tentatiba d'assassiná-lo fui an 20 de júlio de 1944, adonde ua bomba anglesa splodiu a solo dous metros de l Fuhrer. L'atentado fui liderado i eisecutado por bon Stauffenberg, coronel alman cundenado a la muorte por fuzilamiento. Tal atentado nun l'ampediu de, menos dua hora depuis, se ancontrar an purfeitas cundiçones físicas cul ditador fascista eitaliano Benito Mussolini.

Adolf Hitler cometiu suicídio ne l sou quartel-general (l Fuhrerbunker), an Berlin, a 30 d'abril de 1945, anquanto l'eisército sobiético cumbatie yá las dues tropas que defendian l Fuhrerbunker (la francesa Charlemagne i la norueguesa Nordland). Segundo testemunhas, Adolf Hitler yá tenerie admitido qu'habie perdido la guerra zde l die 22 d'abril, i zde yá passában por sue cabeça ls pensamientos suicidas.

Algarismos ando-arábicos

Ls algarismos ando-arábicos ó simplesmente arábicos, fúrun criados i zambolbidos pula Ceblizaçon de l Bal de l Ando (region adonde atualmente se localiza l Paquiston) i trazidos pa l Mundo oucidental.

L sistema de numeraçon arábico ye cunsidrado un de ls abanços mais seneficatibos de las matemáticas.

La maiorie de ls storiadores coincide an afirmar que tubo la sue ourige na Índia (de fato, ne l árabe, este sistema de numeraçon ye chamado de "Númaros Andianos", أرقام هندية, arqan hindiyyah), i spandiu-se pul mundo eislámico i dende, bie al-Andalus, pul resto de la Ouropa.

Andonésia

La Andonésia, ouficialmente República de la Andonésia (Modelo:Lang-id), ye un paíç localizado antre l Sudiste Asiático i la Oustrália, sendo cumpuosto pul maior arquipélago de l mundo, las Ilhas de Sonda, i inda la metade oucidental de la Nuoba Guiné, cumprendendo cerca de Modelo:Formatnun:17508 ilhas. Por ser un arquipélago, ten frunteiras terrestres cula Malásia, an Bornéu, cun Timor-Leste, i cula Papua-Nuoba Guiné; i marítimas culas Filipinas, Malásia, Singapura, Palau, Oustrália i cul stado andiano de Andaman i Nicobar. La localizaçon antre dous cuntinentes, la Ásia i la Oceania, faç de la Andonésia ua nacion trascontinental. La Andonésia ye ua república, cun poder legislatibo i persidente eileitos por sufrágio ounibersal, sendo sue capital la cidade de Jacarta. Ye un de ls nembros fundadores de la ASEAN i nembro de l G-20. L'eiquenomie andonésia ye la décima oitaba maior eiquenomie de l mundo i 15.º maior an paridade de poder aquesitibo .

L'arquipélago andonésio ten sido ua region de grande amportança pa l comércio zde ls seclos VI i BII, quando Srebijaya ampeçou a comerciar cula China i cula Índia. Depuis de comerciantes assumiren l Eislon, i durante la Era de ls Çcubrimientos, las poténcias ouropeias ampeçórun la çputar l monopólio de l comércio de las speciaries nas ilhas Molucas. Anque sue grande populaçon i regiones densamente poboadas, la Andonésia ten bastas árias zabitadas que a tornan un de ls países de l mundo cun mais biodibersidade.Zde ls purmeiros seclos de l'era crestiana, gobernantes locales gradatibamente absorbian, modelos culturales, políticos i relegiosos strangeiros, i reinos hindus i budistas florescírun. La Stória de la Andonésia ten sido anfluenciada por poderes strangeiros atraídos por sous recursos naturales. Comerciantes muçulmanos trouxírun l Eislon. Las poténcias ouropeias trouxírun l cristandade, i, para alhá desso, lutórun antre si para monopolizar l comércio de speciaries nas ilhas Maluku durante la Era de ls Çcubrimientos. Depuis de trés seclos i meio de colonialismo houlandés, la Andonésia garantiu sue andependéncia passado la Segunda Guerra Mundial. I la Stória de la Andonésia zde anton ten sido un período turbulento, culs zafios colocados pulas catástrofes naturales, la corrupçon, l separatismo, un porcesso de democratizaçon, i ls períodos de rápida mudança eiquenómica. La nacion atual de la Andonésia ye ua república persidencial unitarista cumpuosta por trinta i trés porbíncias.Cun mais de 230 milhones d'habitantes, ye l quarto paíç mais populoso de l mundo i l purmeiro antre ls países eislámicos. Atrabeç de sues numerosas ilhas, l pobo andonésio stá çtribuído por çtintos grupos étnicos, lenguísticos i relegiosos. L lema nacional Vhinneka Tunggal Ika ("Ounidade na dibersidade") articula la dibersidade qu'hai na nacion. La Andonésia ye un paíç rico an queston de recursos naturales, cuntrastando cun sue populaçon, que ye, an maiorie, de baixa renda.

Biologie

La biologie ye l ramo de la Ciéncia que studa ls seres bibos (de l griego βιος - bios = bida i λογος - logos = studo, ó seia l studo de la bida). Trata de las caratelísticas i l cumportamiento de l ourganismos, la ourige de speces i andebíduos, i la forma cumo estes anteraige uns culs outros i cul sou ambiente. La biologie ye un spetro amplo de árias académicas frequentemente cunsidradas deciplinas andependientes, mas que, ne l sou cunjunto, studan la bida nas más bariadas scalas.

La bida ye studada a la scala atómica i molecular pula biologie molecular, pula bioquímica i pula genética molecular, al nible de la célula pula biologie celular i a la scala multicelular pula fisiologie, pula anatomie i pula stologie. La biologie de l zambolbimiento studa la bida al nible de l zambolbimiento ó ountogenia de l Ourganismo andibidual.

Chubindo na scala para grupos de más que un Ourganismo, la genética studa cumo funciona la heireditariedade antre porgenitores i la sue çcendéncia. La eitologie studa l cumportamiento de l andebíduos. La genética populacional trabalha al nible de la populaçon, anquanto que la sistemática trabalha cun linhaiges de muitas speces. Las lhigaçones de andebíduos, populaçones i speces antre si i culs sous habitats son studadas pula eicologie i pula biologie eibolutiba. Ua nuoba ária, altamente speculatiba, la astrobiologie (ó xenobiologie) studa la possiblidade de bida para alhá de l nuosso planeta. La biologie clínica custitui la ária specializada de la biologie porfissional, para Diagnose an salude i calidade de bida, de ls porcessos ourgánicos eiticamente cunsagrados.

Cristandade

L crestianismo ye ua religion monoteísta baseada na bida i ne ls ansinamientos de Jasus de Nazaré, tal qual cumo estes se ancontran recolhidos ne ls Eibangelhos, parte antegrante de l Nuobo Testamiento. Ls crestianos acraditan que Jasus ye l Messias i cumo tal refíren-se a el cumo Jasus Cristo. Cun cerca de 2,13 bilhones de crentes, l crestianismo ye hoije a maior religion mundial, adotada por cerca de 33% de la populaçon de l mundo. Ye la religion predominante na Ouropa, América, Ouceaniae i an grande parte de África i partes de la Ásia.

L crestianismo ampeçou ne l seclo I cumo ua seita de l judaísmo, cumpartindo por esso testos sagrados cun esta religion, an cuncreto l Tanakh, que ls crestianos chaman de Antigo Testamiento. De eigual modo al judaísmo i de l Eislan, l crestianismo ye cunsidrado cumo ua religion abraámica.

Segundo l Nuobo Testamiento, ls seguidores de Jasus fúrun chamados pula purmeira beç "crestianos" an Antioquia (Atos 11:26).

Derbyshire

Derbyshire ye un cundado na region de Midlands Ouriental, na Anglaterra.

Ye famoso por tener alguas de las paisaiges mais marabilhosas de la Anglaterra rural. Abrange la maior parte de l'amportante Parque Nacional de Peak District, i faç frunteira cun amportantes cidades, tales cumo Manchester i Sheffield.

Ten 2625 km² de stenson i 976212 habitantes (est. 2003).

Fui citado ne l filme i ne l libro: Proua i Preconceito de Jane Austen.

Dius

Al longo de la stória de l'houmanidade la eideia ó cumprenson de Dius assumiu bárias cuncepçones an todas sociadades i grupos yá eisistentes, zde las primitibas formas pré-clássicas de las fés probenientes de las tribos de la Antiguidade até ls dogmas de las modernas religiones de la ceblizaçon atual.

Dius muitas bezes ye spressado cumo l criador i Senhor de l'ouniberso. Teólogos ten relacionado ua bariadade d'atributos para cuncepçones de Dius mui defrentes. Ls mais quemuns antre essas ancluen onisciéncia, onipoténcia, onipresença, beneboléncia (bondade purfeita), simplicidade debina, zelo, subrenatural, eiternidade i d'eisisténcia neçaira.

Dius tamien ten sido cumprendido cumo sendo ancorpóreo, un ser cun personalidade debina, la fuonte de to la oubrigaçon moral, i l "maior eisistente".Estes atributos fúrun todos suportados an defrentes graus antes puls filósofos teológicos judius, crestianos i muçulmanos, ancluindo Ramban, Agostico de Heipona i Al-Ghazali, respetibamente. Muitos filósofos mediebales notables zambolbírun argumientos pa la eisisténcia de Dius, tencionando cumbater las aparentes cuntradiçones amplicadas por muitos destes atributos.

Familha (biologie)

Na Biologie, família ye ua clado antegrada ne l sistema taxonómico criado por Lineu ne l seclo XVIII. La família agrupa un cunjunto de géneros, ó de sub-famílias, i stá ancluída an ordes.

Geografie

Modelo:Portal-geografie

Geografie ye l studo de la superfíce terrestre i la çtribuiçon spacial de fenómenos geográficos, fruitos de la relaçon antre home i meio ambiente.

L porfissional que studa la geografie ye l geógrafo.

Libro de Mórmon

L Libro de Mórmon, Outro Testamento de Jesus Cristo, ye ua de las quatro obras-padron de la Eigreija de Jesus Cristo de ls Santos de ls Redadeiros Dies. Las demais obras son la Bíblia, la Doutrina i Cumbénios i la Pierola de Grande Balor.

La eisemplo de la Bíblia, l Libro de Mórmon ye ua coleçon de pequeinhos libros, ó ua biblioteca. Note-se que dentre estes pequeinhos libros hai un homónimo Libro de Mórmon scrito pul mesmo Mórmon la quien se credita la cumpilaçon de la biblioteca que leba sou nome.

Ls santos de ls Redadeiros Dies son quemumente chamados mórmones debido l'este libro.

Lisboua

Lisboua ó Lhisboua ye la capital de Pertual i la cidade mais populosa de l paíç. Ten ua populaçon de 506 892 habitantes, drento de ls sous lemites admenistratibos. Na Ária Metropolitana de Lisboua, residen 2 821 697 pessonas (2011), sendo por esso la maior i mais populosa ária metropolitana de l paíç. Lisboua ye l centro político de Pertual, sede de l Gobierno i de la residéncia de l xefe de Stado. Ye l "farol de la lusofonia" (Daus): la Quemunidade de ls Países de Léngua Pertuesa (CPLP) ten la sue sede na cidade. Ye inda la capital mais l'oucidente de l cuntinente ouropeu na cuosta atlántica.

Natureza

La spresson Natureza (de l latin: natura, naturam, naturea ou naturae) aplica-se a todo aqueilho que ten cumo caratelística fundamental l fato de ser natural: ó seia, ambuolbe to l ambiente eisistente que nun tubo anterbençon antrópica.

Dessa noçon de la palabra, aparece l sou seneficado mais ancho: la Natureza correspunde al mundo material i, an stenson, al Ouniberso físico: to la sue matéria i einergie, puostas nun porcesso dinámico que les ye própio i an que l sou funcionamiento sigue regras própias (studadas pulas ciéncias naturales).

Ounion Ouropeia

La Ounion Ouropeia, antigamente chamada de Quemunidade Eiquenómica Ouropeia (CEI; ye ua ourganizaçon anternacional custituída atualmente por 28 stados nembros. Fui stabelecida cun este nome pul Tratado de la Ounion Ouropeia (normalmente coincido cumo Tratado de Maastricht) an 1992, mas muitos aspetos desta ounion yá eisistian zde la década de 50. La Ounion ten sedes an Bruxelas, Luxemburgo i Strasburgo.

La Ounion Ouropeia ten muitos ramos, sendo las mais amportantes l mercado único ouropeu (ua ounion aduaneira), ua moneda única (l ouro, adotado por 18 de ls 28 stados nembros) i políticas agrícola, de pescas, comercial i de transportes quemuns. La Ounion Ouropeia zambolbe tamien bárias ampeçatibas para la cordenaçon de las atibidades judiciales i de defesa de ls Stados Nembros.

L Tratado de Paris, assinado an 1951, stabelecendo la Quemunidade Ouropeia de l Carbon i de l Aço, i ls Tratados de Roma, assinados an 1957, anstituindo la Quemunidade Eiconómica Ouropeia i la Quemunidade Ouropeia de la Einergie Atómica ó Ouraton, fúrun assinados por seis nembros fundadores: Almanha, Bélgica, Fráncia, Eitália, Lhuxemburgo i Países Baixos. Depuis desto, la UI lebou la cabo seis alhargamientos sucessibos: an 1973, Dinamarca, Eirlanda i Reino Ounido; an 1981, Grécia; an 1986, Pertual i Spanha; an 1995, Áustria, Finlándia i Suécia; la 1 de Maio de 2004, República Xeca, Chipre, Slobáquia, Slobénia, Stónia, Hungrie, Letónia, Lituánia, Malta i Polónia; la 1 de Janeiro de 2007, Bulgária i Roménia; la 1 de Julio de 2013, Croácia.

An 1972 i 1994, la Nuruega assinou tamien tratados d'adeson la la Ounion Ouropeia. Mas, nas dues oucasiones, atrabeç de refrendos, la populaçon nurueguesa nun aceitou l'adeson de l sou paíç. A la populaçon helbética fui tamien perposta l'adeson de l paíç la la Ounion, mas nun fui aceite atrabeç de refrendo popular an 2001.

La Croácia, Turquia i Macedónia son candidatos la l'adeson la la UI. Las negociaçones cun estes países ampeçórun-se oufecialmente an Outubre de 2005 mas inda nun hai ua data d'adeson definida - l porcesso puode stender-se por bários anhos, subretido ne l que toca a la Turquia, contra la qual hai fuorte ouposiçon de la Fráncia i de la Áustria.

Ourganizaçon de las Naciones Ounidas

La Ourganizaçon de las Naciones Ounidas (ONU) fui oufecialmente a 24 de Outubre de 1945 an San Fracisco, Califórnia, por 51 países, lhougo apuis la fin de la Segunda Guerra Mundial. La purmeira Assemblé Giral ajuntou-se a 10 de Janeiro de 1946 (an Westminstener Central Hall, na cidade de Londres). La sue sede atual ye na cidade de Nuoba Yorque.

Antrepassado de las Naciones Ounidas fui la Sociadade de las Naciones (tamien coincida cumo "Lhiga de las Naciones"), ourganizaçon cuncebida an circustáncias aparecidas na Purmeira Guerra Mundial i stablecida an 1919, cunsante l Tratado de Bersalhes, "para pormober la coperaçon anternacional i cunseguir la paç i la sigurança". An 2006 la ONU ten la repersentaçon de 192 Stados-Nembros - cada un de l países soberanos anternacionalmente recoincidos, fuora la Santa Sé, que ten la culidade de ouserbador, i países sin recoincimiento pleno (cumo Taiwan, que ye un território reclamado pula China, mas de recoincimiento soberano por outros países).

Un de ls feitos mais amportantes de la ONU fui la aprobaçon de la Declaraçon Ounibersal de ls Dreitos Houmanos, an 1948.

Pertual

Pertual, oufecialmente República Pertuesa (República Portuguesa an pertués), ye un paíç localizado ne l sudoeste de la Ouropa, an que l sou território queda na zona oucidental de la Península Eibérica i an arquipélagos ne l Atlántico Norte. Ten ua ária total de 92.391 km², i ye la nacion más oucidental de l cuntinente ouropeu. L território pertués ye delimitado la Norte i la Leste por Spanha i la Sul i Oeste pul Ouceano Atlántico, i cumprende la parte cuntinental i las regiones outónomas: ls arquipélagos de l Açores i de la Madeira.

Durante ls seclos XV i XVI, Pertual fui ua poténcia mundial eiquenómica, social i cultural, custituindo-se l purmeiro i l más duradouro ampério quelonial de amplitude global.Ye hoije un paíç zambolbido, eiconomicamente próspero, social i politicamente stable i cun Índice de Zambolbimiento Houmano eilebado. Ancontra-se antre ls 20 paízes de l mundo cun melhor culidade de bida, anque l sou PIB per capita ser l menor antre ls paízes de la Ouropa Oucidental.

Ye nembro de las Naciones Ounidas i de la Ounion Ouropeia (na altura de la sue adeson an 1986, CEE), i nembro-fundador de la NATO, de la OCDE, i de la CPLP. Partecipa an dibersas missones de manutençon de paç de las Naciones Ounidas. Pertual ye tamien un Stado-Nembro de l Spácio Schengen.

Política

La palabra política ben de l griego antigo πολιτεία (politeia), que quier dezir todos las práticas que ténen a ber cula pólis, ó cidade-stado. Alargou-se l sentido de modo a querer dezir tanto cidade-stado cumo sociadade, quemunidade, coletebidade i outras defeniçones que ténen a ber cula bida ourbana.

L libro de Platon traduzido cumo "La República" ye, ne l oureginal, chamado "Πολιτεία" (Politeia) .

Quemunismo

L Quemunismo ye un sistema eiquenómico, bien cumo ua doutrina política i social, an que l oubjetibo ye la criaçon dua sociadade sin classes, baseada na proiadade quemun de l meios de porduçon, cula cunsequente aboliçon de la proiadade pribada. Segundo esta teorie, ne l quemunismo l Stado passarie a ser çnecessário i serie zaparecido, sendo sustituído por libre associaçones de pordutores.

L Quemunismo tenta oufrecer ua alternatiba als porblemas que son antendidos cumo de la eiquenomie capitalista i al legado de l amperialismo i de l nacionalismo. D'acordo cula eideologie quemunista, la forma para superar esses porblemas serie la derrocada de la rica burguesie, tenida cumo classe dominante, an fabor de la classe trabalhadeira - ó proletariado – para stabelecer ua sociadade pacífica, libre, sin classes, ó goberno.

L pensamiento quemunista ye normalmente cunsidrado parte dun mais ancho mobimento socialista, oureginário ne ls trabalhos de teóricos de la Reboluçon Andustrial i Reboluçon Francesa, que remóntan a las obras de Karl Marx. Las formas dominantes de l quemunismo, cumo l Leninismo, l Trotskismo i l Luxemburguismo, son baseadas ne l Marxismo; mas bersones nó-Marxistas de l quemunismo (cumo l Quemunismo Crestiano, i l Anarcocomunismo) tamien eisisten i stan crecendo an amportança, zde la Chimpa de la Ounion Sobiética.

Relegion

La Religion (de l latin: "religio" ousado na Bulgata, que quier dezir "prestar culto a ua debindade", “ligar nuobamente", ó solo "religar") puode ser defenida cumo un cunjunto de crenças relacionadas cun aqueilho que l'houmanidade cunsidra cumo subrenatural, debino, sagrado i trancendental, bien cumo l cunjunto de rituales i códigos morales que deriban dessas crenças.

Stória

Stória (de l griego antigo historia, que quier dezir testemunho, ne l sentido daquel que bei) ye la única ciéncia que studa l Home ne l tiempo i ne l spácio, por bias de la análeze de porcessos i eibentos acuntecidos ne l passado. Por metonímia, l cunjunto destes porcessos i eibentos. La palabra stória ten sue ourige nas «ambestigaçones» de Heródoto, i la palabra an griego antigo ye Ἱστορίαι (Historíai). Inda assi, será Tucídides l purmeiro a aplicar métodos críticos, cumo l cruzamiento de dados i fuontes defrentes.

L studo stórico ampeça quando ls homes ancontran ls eilemientos de la sue eisisténcia nas rializaçones de ls sous antepassados. Esse studo, de l punto de bista ouropeu, debide-se an dous grandes períodos: Pré-Stória i Stória.

Ls storiadores ousan bárias fuontes de anformaçon para custruir la sucesson de porcessos stóricos, cumo, por eisemplo, screbidos, grabaçones, antrebistas (Stória oural) i achados arqueológicos. Alguas abordaiges son más frequentes an ciertos períodos que an outros i l studo de la Stória tamien acaba por apersentar questumes (l storiador percura, ne l persente, respuostas subre l passado, ó seia, ye anfluenciado pul persente). (bei storiografie i Stória de la Stória).

Ls eibentos anteriores als registros screbidos pertencen a la Pré-Stória i las sociadades que co-eisisten cun sociadades que yá conhecen la scrita (ye l causo, por eisemplo, de l pobos celtas de la cultura de La Tène) pertencen a la Proto-Stória.

Modelo:Portal-stória

Noutras lhénguas

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.