Galízia

La Galízia[1] (an galhego: Galicia ó Galiza) ye ua naçon recoincida anternacionalmente an 1933,[2][3] i stablecida cumo quemunidade outónoma de forma jurídica i admenistratiba, de acuordo cula custituiçon spanhola de 1978, cula catadorie de nacionalidade stórica, detreminada ne l sou statuto de outonomie, andrento de l Reino de Spanha i la Quemunidade Ouropeia.[4] L sou território queda ne l stremo noroeste de la Península Eibérica, a leste culas quemunidades outónomas de las Stúrias, i Castielha i Lheon, a oeste cul ouceano Atlántico, a norte cul mar Cantábrico, i inda al sul cun Pertual.

Ten cumo lhéngua própia l galhego, de ourige quemun cul pertués (dambas nacírun de la lhéngua mediabal coincida cumo galhego-pertués), sendo oufecial al lhado de l spanhol, que ye oufecial an toda Spanha.

La sue capital ye Santiago de Compostela que ten un statuto special,[5][6] andrento de la porbíncia de la Coruña. De acuordo cul censo de 2016, la Galízia ten 2 718 525 habitantes, cun ua densidade demográfica eilebada nas faxas antre Ferrol i Vigo. Na Galízia, hai siete núcleos ourbanos classeficados cumo cidades, que de acuordo culs critérios populacionales son ls seguintes: Vigo, Coruña, Ourense, Lugo, Santiago de Compostela, Pontevedra i Ferrol. Ten ua superfície de 29 574,4 km².[7]

D'acuordo cul censo de 2016, l cunceilho más poblado ye Vigo cun 292 817 habitantes, i l menos poblado ye Negueira de Muñiz cun 215 habitantes. L cunceilho mais ancho ye Fonsagrada cun ua superfície de 438,4 km², i l mais pequeinho ye Mondariz-Balneario cun 2,3 km². La Coruña ye l cunceilho cula meior densidade populacional cun 6449,32 hab./km², i Vilariño de Conso ye l cunceilho que ten la menor densidade populacional cun 2,92 hab./km².

L hino de la Galízia, Os Pinos, eilaborado por Eduardo Pondal, refre-se a la Galízia cumo la nacion de Breogán, un harói celta.[8]

Localización de Galicia
Mapa de Spanha a amostrar la Galízia na quelor burmeilha.

Galarie

Flag of Galicia

Bandeira.

Escudo de Galicia

Brason.

Himno de Galicia.ogg

Hino.

Refréncias

  1. Amadeu Ferreira i José Pedro Cardona Ferreira. «Galízia». Dicionário de Mirandês-Português (an pertués). Cunsultado an 8 de dezembre de 2017
  2. Xulio Ríos (2010). Galicia e a sociedade das nacións (an galhego). Vigo: Editorial Galaxia. ISBN 978-84-7154-839-9
  3. Plácido Ramón Castro del Río (5 de outubre de 1933). «As deliberacións do IX Congreso de Nacionalidades Europeas». El Pueblo Gallego (an galhego). Fundación Plácido Castro
  4. «Título Preliminar» (an galhego). Junta de la Galízia. Cunsultado an 8 de dezembre de 2017
  5. Gerardo Fernández Albor (24 de júnio de 1982). «Lei 1/1982, do 24 de xuño, de fixación da sé das institucións autonómicas de Galicia» (PDF) (an galhego). Parlamiento de la Galízia
  6. «LEI 4/2002, do 25 de xuño, do estatuto da capitalidade da cidade de Santiago de Compostela.» (an galhego). Junta de la Galízia. 24 de júlio de 2002
  7. «Datos básicos de Galicia» (an galhego). Instituto Galego de Estatística. Cunsultado an 8 de dezembre de 2017
  8. «O himno» (an galhego). Junta de la Galízia. Cunsultado an 8 de dezembre de 2017
  • Este cuntenido ye ua traduçon de las rebisones «4527975» i «50702985» de ls artigos «Galicia» i «Galiza» na Biquipédia an galhego i pertués.

Lhigaçones sternas

Cabra galhega

La cabra galhega (an galhego: cabra galega) ye ua raça de cabras de ourige galhega. Ne l anho de 2012, l númaro total de eisemplares era de 622 (514 fembras i 108 machos) çtribuídos an 64 sploraçones de criadores. Son animales muito aquestumados al meio ambiente, i de acuordo cula Investigación en Sanidade Animal de Galicia (Invesaga) aperséntan mais rejistença a las maleitas que las outras raças de cabras, cumo tal la fasciola hepatica.

Caça de balenas na Galízia

La caça de baleias na Galízia probabelmente ampeçou, cumo nas outras cuostas atlánticas ouropeias i de l Pacífico, an tiempos eimemoriales, na mais remota antiguidade. Ls purmeiros registos desta atebidade remontan al anho 3000 a.C. Durante mui tiempo yá se pensara qu'esta caça era d'ourige pré-stórica, inda que sin nanhue proba rial até que recentemente bárias pinturas rupestres na Fráncia i Spanha fúrun reconhecidas cumo repersentando cenas deste tipo de caça.Las purmeiras pegadas stóricas son decumientos que proban que ls bascos yá praticában esta caça ne l seclo XI i un poema japonés, anterior al seclo X. Ne ls dous causos trata-se dua caça d'animales que chegan ó biajan a ua zona de reproduçon durante sues migraçones anuales. Las speces caçadas pertencian al grupo de las baleias francas Eubalaena glacialis (baleia franca de l Cantábrico, ó de Viscaia, ó baleia basca ó "de ls bascos") i Eubalaena japonica (baleia de l Pacífico Norte).

Na Galízia nun se cunta cun decumientos stóricos relacionados cula caça de cetáceos até al seclo XIII, mas ye razoable pensar que yá se praticaba bários seclos antes. Las baleias, specialmente la baleia franca, fui ua espece pescada puls marinheiros galegos. Durante siete seclos, la Galízia fui un paíç de baleiros. La caça i comercializaçon de cetáceos pa l sou uso na fabricaçon de perdutos amportantes, zde l ólio qu'alimentaba l'eiluminaçon antes de la chegada de l'eiletricidade, até las barbas de baleia requeridas para peças de bestuairo de luxo an Catalunha i la comercializaçon de la chicha i de perdutos ousados an framácia i cosmética, tubo grande ancidéncia ne l zambolbimiento ourbano de to la Galízia. Nun solo le dou projeçon sterior i renome mundial, mas tamien cuntribuiu pa l crecimiento eiquenómico i populacional de to la sue cuosta atlántica, habendo mesmo portos galegos que nacírun de l'atebidade baleira, cumo l de Vurela (Lugo) ó l de Suebos (Punta Langosteira).Einicialmente lemitaba la catura d'animales na cuosta, mas cul passar de ls seclos, la técnica de caça ampeçou a melhorar, usando-se pequeinhas ambarcaçones an mar abierto para assustáren als cetáceos cun rugido, liebando-los até a la cuosta. Esta forma de caça usaba-se para caturar speces de cetáceos relatibamente pequeinhas, cumo la baleia-piloto-de-aleta-longa, baleias brancas, narbales i toninhas.

Chamadeiros célticos na Galízia

La toponímia céltica de la Galízia son ls chamadeiros de sítios bielhos i atuales, ne ls rius ó muntanhas criadas atrabeç de las lhénguas celtas i que ténen eitimologie céltica, i que stan ó stában situados drento de ls lhemites de la Galízia atual.

Dhogs

Dhogs ye un filme andependiente galego en léngua galhega dirigido pul meirense Andrés Boteira que fui streado ne l'anho de 2017. Trata-se de l purmeiro filme de l diretor, i ye protagonizado por Carlos Blanco Bila, Antonio Durán "Morris", Miguel de Lira, Melania Cruç, Ibán Marcos i María Cuostas. Streou ne l Festibal Anternacional de Cine Andependiente de Buenos Aires (BAFICI) an 19 d'abril de 2017, cumpetindo drento de la seçon de Banguarda i Género deste eibento. Trata-se de l purmeiro filme rodado an galhego streado ne l Festibal de Cinema de Sitges, an 9 d'outubre de 2017. Na Galízia, la streia se passou ne l Festibal de Cine Anternacional de Ourense an 21 d'outubre de 2017.

Eduardo Rodríguez-Losada Rebellón

Eduardo Rodríguez-Losada Rebellón (Coruña, 2 de márcio de 1886 — Coruña, 2 de nobembre de 1973) fui un arquiteto i cumpositor galhego. Losada custitui l causo de l cumpositor antusiasta, cuja relaçon cula cançon ye de bocaçon, yá que l sou oufício fui a de arquiteto.

Enrique Labarta Pose

Enrique Labarta Pose (Baio, Zas, 22 de júlio de 1863 — Barcelona, 13 de maio de 1925), fui un scritor i jornalista galhego an lhéngua spanhola i lhéngua galhega. Fundou i dirigiu jornais i rebistas. La sue obra, an fundamental poesie i contos, ye caratelizada por ua sátira houmorada mui marcada. L porsor Ricardo Carballo Calero enquadrou-lo antre Os epígonos, a la par cun Manuel Lugrís Freire, Salvador Cabeza de León i Juan Armada Losada, antre outros. Fui coincido pul sobrenome de Quevedo galego.

Festa da Palabra Silenciada

Festa da Palabra Silenciada ye ua rebista anual de carátele político cultural perduzida zde maio de 1983 an Vigo pula Feministas Independentes Galegas (FIGA) i deregida por María Xosé Queizán.Anque ls sous cuntenidos se téngan alhargando zde l ampeço de la rebista, ls mais segneficatibos son l refleco de l pansamiento femenista an mui dibersos aspetos de la rialidade i la crítica, centrada na outorie femenina, de testos lhiterairos galhegos.

Fuonte de ls Cabalhos

La Fuonte de las Pratarías, más coincida cumo Fuonte de ls Cabalhos, i tamien Fuonte de ls Quatro Cabalhos ó Fuonte de ls Hipocampos (an galhego: Fonte das Pratarías, Fonte dos Cabalos, Fonte dos Catro Cabalos i Fonte dos Hipocampos) ye ua fuonte menumental de stilo barroco compostelano, i obra de J. Pernas de l anho de 1825, que queda ne l centro de la praça de las Pratarías, na cidade bielha de Santiago de Compostela, na Galízia.Ye formada por quatro cabalhos que bótan auga pula boca, porriba de ls quales se oupi un pedestal cula Arca Marmórica, i cua figura femenina cul braço alçado mantenendo la streilha de Compostela. L sou segneficado ten amostrado defrentes anterpretaçones al lhargo de ls anhos, mas finta-se que se trata dua repersentaçon de la cidade de Compostela.

Liga Galega de Fútbol Gaélico

La Liga Galega de Fútbol Gaélico ye ua cumpetiçon de bola gaélica ourganizada pula Asociación Galega de Fútbol Gaélico, i ten cumo oujetibo ourganizar l futebol gaélico na Galízia. Fui criada an 2012.

Lista de abes de la Galízia

Esta ye ua lista de abes silbestres ancontradas na Galízia. Son ancluídas las speces habituales i oucajionales, ancluindo alguas que nón son ouserbadas na quemunidade hai anhos, a menos que tenga sido por mui tiempo. Nó fúrun ancluídas las abes domésticas (cumo por eisemplo la galhina, peru salbaige, ganso ó l abestruç), nin las abes ornamentales criadas an catibeiros, ambora aqueilhas que procedentes desta radadeira situaçon, téngan scapado ó téngan sido lhibartadas i yá téngan se adaptado a la bida an lhibardade ó que stéian an porcesso de fazé-la. Ye andicada la sue persença (natiba, ambernante, acidental...). Tamien ye dezido se ye quemun ó pouco quemun, yá que ua spece natiba ó mui difundida pul território puode nun ser mui abundante. Tamien ye andicado l sou stado na Galízia (que puode nun corresponder al sou stado anternacional), pa l qual fúrun outelizadas las eiquibaléncias cul sistema de la Ounion Anternacional pa la Cunserbaçon de la Natureza. Ua abe pouco quemun puode tener un stado pouco preocupante se las sues populaçones fúren stabais, i tamien puode star an spanson. Ye mostrada solo ua eimaige de cada abe, ambora an muitas deilhas l macho, la fémea i ls eimaturos téngan plumaiges defrentes ó apersentan plumaiges d'ambierno i berano ó de la staçon reprodutiba.

== Refréncias ==

Lista de menumientos megalíticos de la Galízia

Esta ye ua lista de ls menumientos megalíticos de la Galízia, ourdenados por porbíncias.

Panteon de Galhegos Eilustres

L Panteon de Galegos Eilustres ancontra-se na eigreija de l cumbento de San Demingos de Bonabal, an Santiago de Cumpostela. To l'eigreija ye un panteon, inda que sob eilha seia ousada la Capielha de la Bejitaçon (ó de San Demingos an Suriano) i la Capielha de l Santo Cristo. Nel repousan ls restos de galegos eilustres cumo la poeta Rosalía de Castro, l político regionalista Alfredo Brañlas, l scultor Francisco Asorey, l poeta Ramón Cabanillas, l geógrafo Demingo Fontán i l'artista i político nacionalista Alfonso Daniel Rodrígueç Castielho.

Parador de Santo Estevo

L Parador de Santo Estevo ye un parador admenistrado pula rede de l stado de Paradores, que acupa un bielho mosteiro beneditino an Nogueira de Ramuín, Ourense, na Ribeira Sacra.

L Mosteiro de Santo Stebo de Ribas de Sil, de trés claustros, ye junto culs de Celanova i Oseira, un de ls más amportantes de Ourense i anté de la Galízia.

Eideficado nua tierra de armitanos, la Ribeira Sacra, la sue ourige remonta al seclo VI i stá relacionado cun Martino de Dume, l "Apóstelo de ls suebos".Fui çclarado Menumiento Stórico Artístico Nacional an 1923.

Pelerinaxes I

Pelerinaxes I ye un libro de biaiges scrito por Ramón Otero Pedrayo, cun prólogo i zeinhos de Bicente Risco, eiditado pula purmeira beç an setembre de 1929 pula Eiditora Nós.

Pilar Vázquez Cuesta

Pilar Vázquez Cuesta (Chantada, 25 de abril de 1926) ye ua scritora i filóloga galhega.

Ramón Menéndez Pidal

Ramón Menéndez Pidal (A Coruña, 13 de márcio de 1869 — Madrid, 14 de nobembre de 1968) fui un filólogo, storiador, fulclorista i mediabalista spanhol. Criador de la scuola filológica spanhola, fui un nembro sabido de la Giraçon de 98 i abó de las calças de l filólogo Diego Catalán.

Reino de la Galízia

L Reino de la Galiza (seclo V - 1833) fui ua antidade política ne l noroeste de la Península Eibérica. La sue stenson territorial, einicialmente de proporçones mui maiores a la atual Galiza, fui eiboluindo al lhongo de ls seclos.

Santa María de Casaio

Santa María de Casaio ye ua paróquia localizada la leste de l munecípio de Carballeda de Baldeorras. D'acuordo cul registro municipal, ten 421 habitantes (221 homes i 200 mulhieres), que ye ua diminuiçon an 17 habitantes an relaçon al anho anterior.

Anque aparecer cumo ua antidade única, la Casaio ye cumpuosta por quatro bairros: Casaio Suso, Romiñla, Somoza i Cadanaia. La freguesie stá localizada la quaije 1200 metros d'altura, nas muntanhas de Lardeira, an que sue serra sirbe de frunteira cula region de León Cabreira. Sou clima ye de tipo oceánico de muntanha.

Stúrias

L Percipado de las Stúrias (an sturiano: Principáu d'Asturies, an galhego-sturiano: Principao d'Asturias, i an spanhol: Principado de Asturias) ye ua quemunidade outónoma i porbíncia de Spanha, que queda ne l noroeste de la Península Eibérica, a norte cul mar Cantábrico, a oeste cula Galízia, a leste cula Cantábria, i al sul cun Castielha i Lheon.

Recibe l nome de percipado por rezones stóricas, yá que l hardeiro de la corona de Spanha ten l títalo de nobreza de «Príncepe de las Stúrias».

Stúrias ten ua populacion de 1 081 487 habitantes, i acupa ua ária total de 10.603,57 km², debedida de forma admenistratiba an 78 cunceilhos. La sue capital ye la cidade de Uviéu, mentes que Xixón ye l cunceilho más poblado. Ls outros cunceilhos cun grandes pobaçones son Avilés, Siero, Mieres i Llangréu.

D'acuordo cul sou Statuto de Outonomie, Stúrias ye cunsidrada ua quemunidade stórica ne l sou artigo 1. Ten un uorgano d'outogobierno d'ourige mediabal chamado de Junta General, que fui fundado ne l anho de 1388, cumo cunsequéncia de la sue trasformaçon an percipado por orde de Juan I de Castielha. Tamien ten dues lhénguas própias, l sturiano i l galhego-sturiano, que nó son cunsidradas oufeciales, mas ténen l statuto jurídico de porteçon. L spanhol ye la sue única léngua oufecial. La parte mais oucidental de la quemunidade, coincida cumo Tierra de l Navia-Eo, tamien fala galhego.

Noutras lhénguas

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.